金百皇餐廳

係北角英皇道有好多食肆，只計茶餐廳已經唔少，近港鐵站既都比較貴，所以行遠少少去左一間墮角既茶餐廳，照計就會平啲(其實附近都有間，不過貴啲)。外表一間正正常常嘅茶餐廳，入到去環境一般，尚算乾淨。由於早上時分比較多人，而餐廳多數係四人枱，所以就撘下枱啦早餐由26元至46元，我就叫咗個最常叫嘅32元既港式早餐。麵既湯底味似忌廉雞湯或濃湯寶啲friend，不過呢個已經係大部份茶餐廳會做嘢。至於有别附近茶餐廳嘅早餐，就係個包唔係普通方包，用咗酥皮包，奶茶亦中規中矩。整體來講，係一般茶餐廳應有水準。不過價錢方面，就平過附近5元左右，聽落唔係好多，但換算百分比就平10幾個％。加上而家外賣有折，性價比就一再提高。…查看更多

每次打風落雨叫外賣 個啲一定炒晒車，叫返茶餐廳記實無死，公司係鰂魚涌，但位於北角嘅金百皇都會送過黎，唔洗用apps,就咁打電話去叫就得（雖然佢一個餐都送，但最好叫多幾個啦🙈）.常餐+凍檸茶$49常餐好豐富，有丹麥多士+雞翼（一時2隻一時3隻）+炒蛋+麵 （最推沙嗲牛肉，今日試嘅雪菜都好好味）多士會淋左少少，但外賣好難避免，雞翼好香，做到外脆內軟，啲肉唔會乾爭爭，炒蛋份量好足，不過一定熟晒唔係滑蛋.難得佢有分埋湯，啲麵黎到都唔會淋晒🥰…查看更多

星期六同屋企人去開北角 見呢間幾抵食 諗都冇諗就入左去環境一般 有d舊 當日坐卡位 都幾闊落。當日叫左個焗白汁海鮮飯 本身都好期待 因為之前屋企人尼食過話唔錯 點知最後真係好失望😫 未試過食咁淡嘅白汁焗飯，炒飯都比較乾身，海鮮份量唔多主要得啲焗魚枊。好在杯熱茶走都唔錯 幾香滑 總算有一樣野冇令我咁失望😭 另外外賣叫左個乾炒牛河 味道一般 包野飲 不過不失同埋唯一好既係上菜好快 店員服務態度都要改善下應該唔會再encore呢間餐廳了…查看更多

星期六去做完野又唔想返屋企住(重點是避雨)奶油包就去左屋企附近既金百皇坐低一見到有蛋牛治奶油包立即雙眼放光無他既...因為奶油包實在太鍾意食蛋牛治而且呢個下午茶餐仲可以配紅豆冰唔叫佢實在對自己唔住蛋牛治一上到枱奶油包就想話真係好真材實料大大份既蛋牛治麵包厚，蛋又厚，咸牛肉又夠多味道方面...因為係Fix左既野所以同出面係一樣既純粹份量真係好大份唔似有D出名既大型連鎖茶餐廳咁細細份而紅豆冰既紅豆都大大粒份量又唔會太少紅豆冰係偏甜左少少既不過食得紅豆冰就預左佢會甜…查看更多

今早遲了起床，又不想煮就落樓下叫賣，之前從未吃過，今次第一次食，就叫了幾道菜。推介菜：鼓蒜生炒涼瓜：豆鼓＋蒜蓉都是第一次吃，味道不錯，涼瓜新鮮爽口，不會過淋。瑤柱欖菜肉碎炒飯：雖然簡單，但炒出來味道不錯，夠干身，之後去了超市買了樽欖菜，有時間會自己試試。價錢：午餐外賣85折，抵食！…查看更多

是日來到北角覓食，茶記選擇未算太多但在其中選了這家乾淨企理的餐廳進入門內感覺光猛，整齊清潔進內後單坐一邊卡位，舒服得很😌之後坐下來不經不覺就一小時有多，實在有少少誇張，今日餐廳內感覺不是太多人，但顧客總算是源源不絕般進進出出，生意算是不錯呢！這裡午市套餐最緊要有選擇，價錢合理，仲有湯或者飲品揀，叫做不同類型都有啲，人生最緊要有得揀！最後揀左豉汁蒸鯇魚飯，夠味道，魚質也很鮮滑！讚！湯幾乎沒有味精，是日雞腳仲好好味添！鮮甜湯頭使人暖在心頭......總結會再幫襯的！🎈🤤…查看更多

隨心隨意走到北角，舖面有各色各樣早午晚餐餐牌。午餐時間1100到1430 還有六款可以選擇。如果呢6款唔啱你口味，可以考慮另外一本menu我相信有一款一定啱你而我揀咗焗葡汁雞皇飯等既時間唔耐，另外唔會好似一般既萄汁咁濟食2啖就飽。難得可以就嚟食哂，但唯獨個份量太多了。如果女仔們可以考慮叫小飯，因為食得唔好嘥呀嘛😀。呢個飯係窮丁恩物首選，好味而份量足！環境就好似一般茶餐廳一樣，平民化嘅裝修。每一次去到呢啲茶餐廳我先覺得呢個係香港地方，就算去到外國都冇啲咁嘅感覺！…查看更多

今天跟平常一樣点了個慢烘咸牛肉芝士多士的下午茶餐。。。準備開吃的時候發現咸牛肉量超少而且沒放芝士！！！跟店員反映後只拋回一片芝士給我這個量。。。還不如跟我說賣光了呢實在忍不住要拋個照片上來。。。永遠不見了(揮手…查看更多

第二次嚟呢間餐館第一次都ok, 但係今日去到, 一坐低就聞到一大陣臭味..要求調位, 調咗位之後對住個open kitchen. 我哋四個人order咗四份餐..下午茶.. 兩份餐嚟咗之後一張紙巾同埋茄汁都冇,要求侍應攞茄汁同紙巾 .女侍應攞咗好多包茄汁 ,但係有個男侍應攞咗一張紙巾咁大把 ..所以我索性自己走去佢哋個counter嗰度攞就畀個男侍應鬧 ..我又唔忿氣又會同佢嘈. 好心佢哋啦一兩張紙巾都要同啲客計較,我見到其他客人都冇紙巾都係要用手抹嘴.我哋張枱對住個open kitchen我又見到個廚房佬喺度一路整餐一路食煙, 嗰隻手攞住支煙抹下個嘴,跟住又用個手整曬啲炸雞.. 真係嘔心,又有好多蚊仔飛來飛去,仲飛咗落我隻碟嗰度. 呢間嘢啲嘢又唔好食環境惡劣同埋非常之冇禮貌,下次唔會再嚟.…查看更多

放假約了肥髀同學玩，出發前去咗食早餐，呢間因爲近轉車站，呢間門面靚啲，入內地方幾大，唔爆場任選位，揀咗一個靠牆位置，早餐都係茶餐廳早餐，本來揀熱狗餐，點知又包粉麵，太大份改其他餐！揀好落單好快到！餐肉蛋出前一丁（$31）賣相不錯，圓形午餐肉切半，煎過幾香，但一食落好粉，而且好快在湯內淋晒，粉多肉絲又唔多，唔好味，蛋煎得幾滑，蛋黃半熟幾好，出前一丁煮得有咬口，湯底鹹香！幾好！熱檸茶：茶底濃面唔澀！茶餐廳水準！肥髀食：奄列早餐（$28）芝士火腿牛角酥：西班牙奄列：熱檸茶：食物大份抵食，店員姨姨本來服務正常，我叫熱狗餐，佢都提醒我好大份，但肥髀叫凍檸茶，店員落錯了熱檸茶，我無出聲叫佢換！可能聽錯喇！冷熱咪照飲！幾大份嘅茶記早餐！…查看更多

今日和太太去完教會，平時大家一夥兒都會去七姐妹道尋覓餐館。 今日因要趕著下一場，所以就在教會鄰近的餐館一試。 人有時很奇怪，近的不去，偏要行多兩步，好像要辛勞一些回報更好。入館第一件奇怪事是大部份人都在吃炒河，一看餐單，原來瑞士汁炒河是六款午餐其中一款。 我們沒有跟隨，反而叫了海南雞飯和豉汁鯇魚套飯，並奉送飲品，價錢各為$44 及 $48。 兩套餐頗有份量，豉汁鯇魚蒸得剛好兼很入味。  小餐館沒有花巧，但煮的菜有板有眼，價錢實惠，我們倆都食得很滿意，值得大家來試試，反正兩人都不過一百元。…查看更多

難得有半天假期，專程去北角探朋友，然後去 shopping, 行到好攰，想找個地方休息，周圍都唔見有連所式快餐店，因為唔肚餓，只想坐下，見到價錢唔貴，即入去坐底，叫了個26元吞那魚三文治+奶茶三文治跟平常一般做法， 罐頭吞那魚混和了沙律醬，但多了些蛋白碎和煉奶，可以中和了沙律醬的酸味，麵包軟綿，口感非常好。在北角區貴價地方，小小餐廳仍有生存空間，皆因做功唔馬虎！…查看更多