金田日本料理 (已結業)

特然興起, 虎虎就同小熊去左呢間野到食個 Lunch 放題 .....坐左係 bar 台, 比起其他位應該差緊 D ....但服務幾好, 經常加水, 而落既單一張都無出少到 .....叫左 D 三文魚等既刺身 .... 唔算好好味, 但都不錯 .....其他既 Sushi 都幾好, 但唔算頂級 ....又叫左其他小食 ....其中一個覺得最好味既就係咩丠海道帶子薯蓉之類既野食 ....好好味 ..... 食左四五個 ...正呀 .....佢既服務真係不錯 .... 抵讚 ...但午市既款真係少左 D .......

可能我唔好彩,每次都book唔到... 試過早參唔多一星期都full... 但今次日honey紀念日, 我下決心非去不可不過試過後我終於明白點解full成咁餐廳地方細咗啲, 2人枱全程放滿食物XD食物質素方面, 以這個價錢食到咁嘅quality,唔俾個good佢都唔得啦!不過除新鮮刺身外,其他食物郝ok!而且沒有漏單, 服務方面有禮,價錢又便宜, 不過如果甜品多啲選擇會仲GOOD!大家可以try try!!

8月2日 一行9人 來到呢間金田日本料理, 之前一直有朋友推介呢度既魚生好新鮮,所以決定來呢度一試。日式放題現在係香港好多地方都有~ 但冇一間既食物質素係好。拿起點食物紙, 其實真係有好多唔同種類既野食, 但可惜刺身可供選擇既並不多。三文魚 好新鮮 正 一d 都唔薄厚切 食多幾件回哂本吞拿魚背 又係好好味好新鮮 鱆紅魚 ok 唔錯 立魚 唔係好得北寄貝, 甜蝦,赤貝 好鮮甜正 壽司 又真係好唔錯料新鮮,飯好細舊 唔會整到d人飽 沙律 就很一般燒物 一定要食 鯖魚 啖啖肉好味 . 仲有個 海鮮薯蓉北海燒,成隻元貝咁上 正牛舌 ok~羊鞍 ok 脆香雞翼 真係好好好入味好脆香仲有好多野都好好食~ 下次有機會一定會再來。

見食評… 口碑 唔錯.上星期三 , 六人來到 日式放題晚餐食品種類分 : 刺身, 燒物, 炸物, 沙律等等. 魚生刺身 .. 三文魚, 赤貝, 甜蝦 等 - yummy yummy壽司.. 天婦羅炸蝦 - yummy炸南瓜芋炸蠔 炸雞軟骨 - 不錯燒牛肉芝士年糕 - 好味芝士餃子 蟹子沙律 等等..最後, 送上甜品 一份. 眼闊肚窄.. 飽飽 & 滿足. 如果喜歡食日本菜, 這裡是唔錯撰擇. ( 如果 甜品 是可以 再 encore, 就更加 perfect )

遲來了的食評第二次光顧這店,每半年一次,選擇多都算抵食,5月一個晚上,同媽咪,男朋友來擦餐飽最愛是芝士年糕,不過食一件已經好飽,當晚拚死狂吞三件燒牛肉也好吃,薄薄的,好有牛味炸生蠔也是不錯之作主角當然是刺身當晚叫了不知多少回合...主攻三文魚,一向覺得這裡的三文魚好厚身,所以我稱它作"麻雀魚生",十足麻雀一樣,kekeke 新鮮,有點肥,我鐘意坐得舒服,侍應殷勤,當然會食完再食

為左今日這個特別的日子~~早了一星期便book 位~~~之前友人大讚這間食店,於是把這個重要的日子都比左佢XDD~~~本人認為食日本料理,最緊要的是"誠意"~而金田...我們都感受到濃濃的"誠意"!!!!~~~先講食:食物分了6大類,雖然選擇不多,但用料都很新鮮.刺身及壽司: 三文魚(叫了2 round,雖然多人的時候開始切得比較厚,但仍然好fresh~~);玉子(即是一片旦,口感幾特別~); 魷魚(夠薄,鮮味!);甜蝦(普通,但我喜!XD),三文魚蟹子壽司(珍寶寶至愛);芝士鰻魚卷,鰻魚壽司(唔夠汁)沙律:蟹子沙律(好味!不過有點salty...D蟹子pokpok 聲...之前係元朗酒泉都食過甘好食的!~~)其他: 原本有人因為無"前菜"食唔開心,見到張紙寫左"日本珍味A" & "日本珍味B"...八掛一問下..原來就是中華沙律 & 蜆肉(有點不對口味) XDD~~~有人立即喜氣洋洋海鮮薯容(D海鮮好fresh,但薯容很飽!)炸物,燒物: 炸蝦天婦羅(ok),吉烈蠔(好味!),芝士年糕 (珍寶寶話好食過外野手),蒜青口(好難咬得開),廣島燒餅(第一次食...好滯-_-),燒墨魚丸(同

某天和朋友仔約了往荃灣逛街時, 已想到要往這裏吃自助餐, 預早打電話做booking, 當日便準時有得食~~食物質素仍保持得很好, 首輪刺身新鮮甜美, 朋友仔已搶叫encore 然後我點了必吃項目-熱辣脆口的蝦天婦羅, 再加上其他項目的炸物(如 : 炸生蠔, 著餅等)因怕太飽只點一件分量, 而朋友仔則再要了薄燒牛肉和壽司, 當然少不了芝士年糕(少吃多滋味, 點一件好了), 受不了朋友仔的引誘再來雞肉串燒, 沙律..等等~~最後, 待應姐姐送上了甜品(還有帳單), 心裏即時在想"要儲$$...再食過!!"

25/6 8pm walk in 諗住博下有冇位，　等左10mins金田打黎話有位，　真lucky ~~想黎好耐啦，　第一時間點左刺身：－　好鮮呀，　不過就有ｄ唔夠甜，　我食左十幾片～～－　三文魚，　好正－　其他（甜蝦，立魚，　吞拿魚），　一般啦，　可以唔食 壽司無咩choice，不過ｄ飯都幾好食，　叫左:蟹子　－　ｏｋ辣味吞拿魚　－原來都係罐頭既吞拿魚醬，　後悔縵魚　－上碟時ｄ縵魚冇掃縵魚汁，　有ｄ失望，　不過食落都好夠味 熟食方面choice 都幾多，　鐡板燒，　炸野，　天婦羅，煮物，　串燒都有．其中有幾款我覺得幾好食：蒜川西冷　－　肉質鬆軟胡麻燒牛舌　－外脆內軟，　好正薄燒牛肉　－　薄牛肉入面包左ｄ蔥等等既料，好味芝士年糕　－外脆內軟，　又唔灟，　正 另外，　燒青魚／三文魚頭　－　好淡，　麻麻地 overall, under $200 １個人絕對抵食，　唯一可惜係壽司＆刺身款式唔多

一行八人和朋友慶祝生日, 預早了一星期book枱, 因剛巧那天是公眾假期, 打電話booking時服務員態度不錯, 到食飯當天再致電confirm, 食物質素很好, 魚生夠新鮮, 甜品很好吃, 其中蝦天婦羅, 是推薦之選, 蝦剛剛熟透, 熱辣辣, 勁好食, 另外薄燒牛肉亦十分美味!我和朋友已約定月尾再食過!推薦推薦!

去這間店任食晚飯實在不可以即慶的，因永遠都是 full，三、四日前訂都唔得，真係要一個禮拜前訂先穩陣 d。同一大班朋友去食，差不多所以款式都試勻，值得推介是剌身，夠新鮮！燒物都 ok，唯一炸物都差小小，但也可接受！不過多人去坐一張長枱，傾偈比較難，但座位尚算坐得舒服。午市去食過一次，四十幾蚊，只可好間唔中先去得，但以這個價錢，吃到高質素既食物，都算值得，叫咗個鰻魚飯.....yummy，唔腥，又夠多.......正！

我係荃灣友, 貪佢就腳, 所以都幫襯過五六次服務似乎一次比一次好(以前係好一般..無表情)三文魚好正 係芝士fans gei朋友仔, 記住試 "炸芝士餅 / 年糕"!好勁好香gei cheese~不過後上好d, 因為食左會好飽記住book位一個星期前保障d如果夠多人, 多過十個(好似滿$2000先俾)book房坐好好feel

刺身: 由於我只喜歡吃三文魚, 無所謂選擇多與少三文魚質素很高, 吃3-4 round 已經響番度喇另一至愛係薄燒牛肉, 入口即融服務幾好, 唔覺得受委屈.... 環境又好...每人才不過$200, 我覺得抵

我上個月13月日同朋友去食,是因為聽同事介紹,話赤具好新鮮同爽口,而我朋友又好鍾意食赤貝,所以便去試下...我覺得魚生d質素OK啦,不過厚薄唔均勻,時大時細,好易叫多左食唔晒。食多幾個round都已經翻本。另外燒牛利唔錯,我食完又食,雞軟骨就差d,唔係串燒,炸到一粒粒,成舊粉；最後要讚就係甜點的果凍,好好味,可惜限每人一客...總之都算幾好啦,我諗下次都會再去過!!

今日一家人去, 暫時老公唔得閒, 所以得4大1長者及1個小朋友. 埋單佢居然計多1個大人, 但之前去到已經知會部長, 佢地居然質疑我, 話明明多一個男人, 最後佢地先知計錯價錢, 面黑黑對着我.短期內都唔會幫襯佢.

味道可以接受,食物亦算新鮮,以這個價錢來計,算抵吃, 回本及好味首選: 薄燒牛肉。記得一定要訂位。