金田日式放題 (已結業)

生日週,朋友請食飯。問完我一句想吃什麼,叫我找餐廳,再book埋位....(下次我會選全港最貴的吃= =)一行十人, 早一天打電話去留了間房(最底消費$1500=9個人)一起手大吃生冷野其中北寄背刺生蠻不錯,很爽口,沒有"un"的感覺沙律類我沒有接觸q.q朋友心急,遞多了order紙,結果先後來了三十隻吉烈豪。炸蝦ok,但他們總是忘了跟醬油壽司只叫了縵魚和加州卷,縵魚有點乾拉麵和烏冬朋友點了一客,但看起來是一碗"淨麵" 不吃沒損失似當天甜品是牛奶布丁,很重練奶的味道(但我很愛奶味,所以感覺喜歡)款色不太多,但起碼熱的該熱,生的夠新鮮房間隔音不好,太大膽的話題還是細聲點好q.q侍應也不時入來收碟因為生日,價錢沒太留意lol

星期六午市放題.....牛柳粒,燒牛舌,燒羊架真係唔錯,叫左幾round,好味!但三文魚太廋又無魚味, 不是不新鮮但食落總是覺得古古怪怪, 聽聞友人說可能是最新移殖國內之產品云云......但總體上算OK, 可能有下次......

6/12我跟外子想食日本野,在openrice看到這間的食評不錯,所以選了這間,我會以為跟其他的放題是差不多,沒要求可言,但出孚意料,魚生很新鮮,羊架不錯,芝士糯米包好正,其他都不錯,但天婦羅就厚粉了點,以$178這個價錢來說是很不錯了,good service,環境好闊落,會再幫親.

12月3號有朋友生日, 一行5個人book左位, 之前都食過日本放題, 雖然食物款式唔算多, 但勝在上菜快, 味道有番咁上下水準, 刺身亦算新鮮, 價錢方面都合理.由於食物款式亦唔算太特別, 所以都冇乜特別菜式推介, 最抵食真係刺身. 值得一讚係staff既service, 因為友人既男朋友拎左個蛋糕黎, reception果位小姐幫我地keep起, 亦同我講係唔收切餅費, 到我地食飽想要蛋糕既時候, waiter好快咁幫我地清左張table, 我地吹完蠟燭佢幫我地拎番入去切, 仲不停咁講"唔好意思呀技術有限真係切得唔好, 唔好意思呀", 其實切得好靚, waiter非常有禮貌.

D食物都大致OK，係落單後有些很久不來，侍應叫我們再點，點知後來全都一齊來了，給食物方面有些問題。其中芝士年糕超好味，淡淡的芝士味，配上煙銀的年糕，好好味。

上兩個星期去左金田日式放題到食野好多野選d魚生好新鮮重有個牛柳粒我好鍾意而且冇限時間可以慢慢食但係最好book左位先因為好full架天婦羅好熱辣辣個汁好好味地方好闊坐得好舒服服務都好nice架個到每位會有一客甜品個日就係蛋白布甸好好味

一行八人黎聚舊, 環境坐得幾舒服, 傾到計, 今日食野以刺食主打, 食左八大盤, 我覺得質素中上, 以大約170蚊食到咁o既質素算係咁, 唯一差少少係吞拿魚, 其他三文魚, 甜蝦, 八爪魚都好好, 同新鮮...熟食方面就不過不失, 一般有的佢都有, 味道不錯服務上真係無得彈, 由七點食到十點, 中間不停自動加茶, 野食出得快, 量又跟足, 漏單好快就跟進....唯一美中不足係無乜甜品款, 如果多返三幾款更好.

星期六晚我地一行9人6點9就梨呢度食. 呢度環境唔錯,幾舒服..而且任食唔限時, 我地點左好多野, 樣樣都好好食, 但刺身款式比較少, 三文魚, 赤貝, 北寄貝, 甘蝦, 八找魚, 魚, 吞拿魚, 另外叫了蟹子沙律, 三文魚沙律, 燒羊鞍,燒牛柳粒, 蒸水旦, 章魚小丸子好好食, 炸蝦天婦羅, 炸生蠔,燒秋刀魚, 餃子, 燒茄子, 燒雞軟骨, 炒雜菜都好好味, 叫了4枝大清酒, 35蚊一枝左右, 甜品是限量每人一份綠茶蛋糕也不錯, 我們由6點9坐到10點, 請了生日哪位每人都是$220很抵….

本人看完此店的食評之後,滿心期待,在十月二十七日光顧此店,但食完以後,真的非常之失望,還有點被騙的感覺, 在光顧此次之後,沒有下次…….沒有下次.本人與友人食過之食物如下:1)牛舌–非常之普通.2)魚生–非常之細件及非常之薄,還不太新鮮.3)炸物類(蝦和冬菇) -非常之油及炸醬很厚.4)炸雞軟骨- 非常之油(本身雞軟骨已很油,還在外層加了炸醬,可是的敗北是一點咸味也沒有,真是難食)5)燒物類(魷魚) - 非常之油及沒有口感.(見到如油的東西,真的一點也不想食)6)燒羊架–有點老過頭,是不是太多人叫,故此有點失水準.7)甜品–可算是最好的東西,(因沒有特別差,還可以食.但每人只有一杯,叫多一杯也不可.)此店之食物選擇非常之少(只有六張紙選擇食物,而每一張也不是包括很多的選擇),服務態度有待改善,(很少自動幫客人加茶,只有叫她們加茶,才加茶,本人情願服務員給一個茶壺給自己加.) 真的感覺不好的店.每人之價錢($188.10)與食物質素($3X.....)不成正比.

之前睇d評價對此放題讚口不絕,所以14號同班朋友一齊去食下.入到去,環境同氣氛都好好,格調甚高,D位唔迫,好鬆動下食物方面,剌身係我食過最好的任食放題,北奇與甜蝦IS MY 飛佛,不過選擇就少左D蒸蛋同豆腐我無食到,不過D FREIND食過話幾好食雞軟骨同牛舌都不俗羊鞍同D燒物都幾好食,不過羊鞍同D魚落漏左單,要好遲先有得食,這點要扣分...最差係D沙律,有怪味的,不過D FRIEND無乜反應,MAY BE只有我個有問題吧!同埋野飲另+$,任飲的只可飲茶,不過我都無乜所謂服務方面:經理與服務員的態度十分好,常常掛著笑臉同幫你添茶(只有一個除外)BTW,我都會再黎過食,200蚊唔駛任食放題我十分滿意

因有人推薦，所以上星期日同班朋友去咗試食。一入到去瓖境唔錯，坐位亦算寬敞。食物方面，刺身水準不錯，三文魚、北寄貝、赤貝尤其出色，只有吞拿魚刺身比較失色。其他如小丸子(好大粒)、芝士年榚、炸蠔、蝦天婦羅(略嫌小了一點)、燒魷魚、雞軟骨等味道方面都有一定水準。服務方面也不錯，經理和各侍應的態度都很好，稍為美中不足的是偶有漏單的情況出現，最記得牛舌點第三次才有，不過情況不算嚴重。總括來說，無論質數同服務方面都屬一間有水準的放題。

為慶祝老婆坐完月,見d食評都好似唔錯,於是到呢間日式放題試下.一入到去第一個感覺環境唔錯,我地4個大人一個BB,D位一D都唔迫,擺到架BB車之餘重有空位行.服務都幾好,好有禮貌,解釋亦好詳細,只係D野食拎到黎就冇咩點講係咩黎,要自己估估下,可能黎錯都唔知,但以我既記憶就應該冇畀錯OR漏單.食物方面,刺身都幾新鮮,有甜蝦,章紅魚,北寄貝,赤貝,三文魚,吞拿魚......全新都唔錯,而其他熟食都幾好,牛舌,羊鞍,炸蠔都OK.由於我主攻刺身所以冇咩點食到其他熟食.如果喜歡食刺身既朋友可以一試.星期六,日計埋加一每人$188,以尖沙咀呢講有咁既環境,質素同服務算係唔錯.

9月22日，跟同事一行九人去了尖沙咀的金田吃東西。事前我們沒有一個人曾經光顧此店，只是看到食評不錯。我們預訂了21:00，但卻早了40分鐘到達。沒有位是意料中的，我們等了十多分鐘便可以入座了。一開始我們像餓瘋了的豺狼般亂點東西，到上菜時大家也忘了自己點了什麼，而且食物也放到冇位再放。我們以10為單位點了的刺身只有很細碟，其他食物的味道也很不錯。不過不幸的是，我們點了的蟹籽沙律是有苦味的，我們點了5碟，有4碟也有這個情況。另外，點了的炸雞翼，其脆皮跟肉中間是有流質物體的。不知道是塊雞皮太油還是炸漿問題。還有吞拿魚刺身像一片喱，而且有雪水味。羊鞍味道很濃，而且很咸......炸餃子不外如是，不吃也沒有損失。炸蝦天婦羅很爽，不過沒有半點蝦味。可是，仍有很多東西卻是超出色的。上菜極快，又可能是太快....吃不完又來了不可錯過的一定是三文魚刺身，點上100片絕不過份。另外，芝士年糕也不錯，不過用炸的有點熱。炸雞軟骨好吃，一啖一塊。同事們說蒸蛋好吃。泡菜鍋串燒牛舌很好吃，沒有原因，同事們也有同感。北寄貝超爽甜，不過也有一點雪味。那天甜點是芝麻慕斯，非常好吃。

因為生日的原故..所以上網找找日式放題餐廳..在數間中揀選了這間...這間實在令我很驚喜..由我前一晚book 位既時候就已經好好禮貌..去到之後發覺地方寬敞舒適..差不多每檯客人都有獨立的空間...不會像一般放題餐廳的檯放得密密麻麻..員工服務一流..不時加茶及換碟..而且奉上親切的笑容..食物方面..刺身壽司都很新鮮..天婦羅,燒牛肉也不錯..燒羊鞍是不可錯過的..另外此店極少漏單...比起其他放題餐廳好很多...我們一行4人..埋單都係六百幾蚊...我覺得幾抵..中當的價錢有中上的服務..超值!!值得一試..我一定會再去過!!!XDD

昨天一去到金田，覺得同一般的日本放題有D唔同，一般日式放題的D枱都係逼到密密麻麻，相反，金田坐得好舒服，裝修唔錯，環境都OK靜。今次目標：((刺身))刺身種類唔係太多，三文、吞拿、北寄、甜蝦、八爪、立魚、油甘、玉子......接著就是我當晚的最愛*赤貝*。佢既赤貝得係好好味，又鮮甜又爽口，只能用一個字去形容，正同超正。其他熟食我都有試過，不過大都好咸，由其燒牛舌燒魷魚，好好味，但太咸了。最後不能不讚佢的甜品－藍苺芝士餅，真係好好味，好出色，只可惜每人只得一客。溫馨提示：佢地張點菜紙有二項係好唔清晰，就係日本珍味A同日本珍味B，其係日式八爪魚同海折，可能因為會時常轉的關係佢地唔寫......下次試下啦，佢地的海折好清爽同爽口。得閒我會再試。