金玉滿堂

营业中

休息中

伏伏伏伏伏伏在大圍食飽飯，搵間糖水坐下，晚上9:00多，一個客人都冇，應該唔好入，心想試吓啦，見圖片影得咁靗，又大大塊金薄，我朋友點咗過什麼燉雪梨，又係面頭有小小金薄裝飾，味道得個甜字，我就點咗個杏仁糊，原來真係糊，重糊過BB粥仔，全是用粉開，全無杏仁味，結果食咗兩啖便放棄，埋單時只收現金，以為佢見到碗野無乜食過，會問點解，結果忍唔住同佢講碗野好難食又杰撻撻，点知佢立刻回應話：呢啲係我哋生磨的，係你個人口味食唔慣，態度十分之惡劣！我甚少留言的，都忍唔住，睇吓佢幾時執吧

大圍既內巷有唔少甜品鋪 雖然最近都執左唔少🥹 呢間係其中一間價錢中等 而賣相比一般甜品鋪精緻🍧 金箔龍眼冰 $55冰非常綿密 入口即溶既感覺😋 而且有好濃郁既龍眼味 唔係水溝龍眼汁 而係龍眼榨汁變成冰既感覺🤣 非常真材實料！不過容易膩左～🍓士多啤梨雪花金磚 $58幾特別！佢係一個個士多啤梨汁整既心形冰磚放埋一齊〰️ 然後鋪上既竟然係奶蓋🤣 偏甜 士多啤梨味比較似糖味(๑•᎑•๑) 覺得唔差但係又未話好想再食多次 比較想要清爽啲既甜品呢間鋪另外仲有個招牌係原個芒果冰 🥭 真係成個芒果咁既芒果冰！而且係芒果肉打成 有興趣可以去試下✔️

一定唔會再食嘅糖水舖....🙈🙈🙈🙈叫咗芋頭金磚，金磚喺其他糖水舖係麵包加雪糕砌成嘅甜品，但佢一個賣相極差又唔知佢乜嘢嘅冰...再加咗求其嗰啲椰果呀珍珠呀...個楊枝甘露有冇西柚肉，啲芒果係無咁好食個種泰國芒果...仲要極少，而且塊金箔唔知做乜，成張錫紙咁...過龍眼冰，相對好少少，但都係甜到爆既冰，粒龍眼係全場最好食嘅物體，但一粒龍眼都唔值$60啦😂😂最衰係，全部都係用外賣兜，賣相極差無下次，完

年初三大圍甜品店大多無開，金玉滿堂當日做獨家生意，但感覺準備不足。可能真係太多客人，所以出餐較慢，但勝在店員都好有禮貌，願意即時跟進我地張枱嘅甜品。食物方面叫左個木瓜雪燕燉奶。器皿好用心，但個燉奶非坊間嘅凝固狀，而係木瓜碎溝牛奶。雖然有香濃牛奶味，無添加糖全靠木瓜天然甜味，雪燕就自己另加，份量都算多，但始終覺得吾係個回事😧另外有個楊枝甘露，勁甜🥺甜到會喉嚨痕同佢係乳酸底非花奶底。味度吾算差係太甜姐，都有新鮮西柚果肉同幾多西米露，但就無乜芒果肉🥭最後就有抺茶果凍配意大利條凍，呢個整體味道偏淡，抺茶凍好濃抺茶味，吾太甜。意大利條凍其實係咖啡味，加埋朱古力雪糕就變左似朱古力奶配啲果凍咁。

《金玉滿堂》又到飯後甜品時間又係🐥🐥推薦既時候今次係大圍既糖水舖 小店黎大家不坊支持下小店🐥金玉滿堂🐥<金箔龍眼冰>面頭有幾粒去核新鮮龍眼不過唔多汁🙈個冰似煉奶味😂係細滑果啲冰黎雖然未到好綿密 入口即溶果隻但細細間店 呢個價錢 呢種冰 我已經好滿足好中意佢面頭加左啲粒粒 加左啲爆珠同爽口既層次🥰幾好食💰$55<黑糖琥珀珍珠芋圓窩夫>呢個有啲失望珍珠同芋圓都偏淋 overcook左少少窩夫同雪糕都正常但可能隻碟好大睇落個甜品好少😂唔抵食💰$ 48_________________________總結：龍眼冰推薦💕支持小店回頭率 :🐥🐥🐥🐣/5

尋晚同朋友無意中去呢到食糖水。餐牌有咸有甜，價錢算中上，最後大家揀咗甜品，甜品份量唔算好大份，賣相都算正常。但估唔到凍食嘅朋友們都異口同聲話好甜。熱食嘅芋圓合桃露更加甜，芋圓勁稔冇口感，一d 都唔似台灣芋圓嘅味道，仲要得4-6粒。如食物整得好食，價錢貴d 都冇問題。但真心第一次食到乸喉，要即時飲水舒緩。** 鋪頭註明人均消費最少$28開鋪請俾d 誠意，唔係款款有金箔就可以賣貴d如果唔好食嘅，客人食一次就唔會返轉頭

中秋節晚上 想揾個地方坐低食甜品吹下水 路過嘅意外收穫😝契媽熱情款待❤️‍🔥逐一介紹甜品再加私伙茶☕️環境舒適😙貌相內涵兼備嘅甜品😋4個人叫左7個甜品🤣完滿嘅中秋夜🎑

開心又愉快既經歷👍🏻👍🏻👍🏻😃糖水店既老闆娘感覺好似自己媽咪一樣，服務態度對待全部都超好超有心，同埋見到佢既熱誠同敬業樂業真係好開心。開頭會準備陳年普洱茶比我地先品嘗，隨後甜品跟上。叫左兩個甜品，一個清新解暑西瓜兩食，賣相好影相打卡一流之餘，西瓜相當新鮮整個甜品生津解渴又好味😋另一個椰汁紫米西米芋圓配綠茶雪糕，整個配搭好好食而且芋圓夠煙靭。食到好食既糖水，千金難買的更是一份人情味❤️

😑勁失望！😑之前黎既時候，甜品大大碗，老闆娘仲勁好招呼，會逐個甜品介紹同埋同客人吹下水。佢仲俾埋茶我地去清清味蕾，先再食下一個甜品。今日個店員呀姐又hea又唔熟悉Menu。我地到左門口一陣，佢都遲遲唔安排座位俾我地，明明入面有兩張吉枱。黎到既甜品先係問題所在！😞龍眼冰比之前細份，以前堆到成座山咁高，今次細左成個碼。另一個完全貨不對版=.=😤🍧嗰碗芋圓冇左紫米，芋圓同紫薯圓。同店員講俾錯左，佢好似都唔知有咩問題，懷疑佢其實唔識分啲乜圓物圓，佢仲話「你地要一號嘛」。根據番個餐牌，一號係有：紫米，椰果，芋圓，地瓜圓，紫薯圓，雪糕。佢換完另一碗俾我地，有番紫米同紫薯圓，但地瓜圓同芋圓又冇左…🤬雖然知經濟唔好，細碗左都算。店員冇老闆娘咁好態度都明既，但碗野同menu完全唔對既就真係忍無可忍🔥，好在個龍眼冰🍨都仲係好食…

真心垃圾中嘅垃圾！ 我好少食宵夜，但今日想買兩個糖水食。我就買左楊枝甘露。頂！個芒果一食就知唔知放左幾耐！ d 芒果汁好明顯溝左粉。食落去個質地唔知食緊咩。呢間野真心廢。

真係未試過有一間餐廳難食到我要開一個ac上黎留言，嬲到震，講真，無心做就唔好開，完全係呃錢垃圾糖水店！未見過有糖水店咁垃圾！第一碗 紅豆沙 ，泥咁既樣 苦既唔甜既，衰過自己整，真係世界級！ 第二碗 ， 金箔楊枝甘露，首先已經見唔到金箔 ，都算！芒果得三粒，仲要係骰仔咁大粒，西柚得少少(不過都唔係重點反正都係苦嘅)，之後成碗就唔知係一碗咩嘅汁加 一舊舊半生既西米！兩碗買咗9x！ 嬲x1111111111000000000000000000000

與朋友在大圍食完晚飯後尋找甜品吃～～大家都不是區內人，先經過這家甜品店，見到餐牌好像不錯，選擇夠多，就決定試試這家金玉滿堂！座位較為狹迫。入座後，店家先送上一壺千年陳皮茶，免費的。見到店家有另售陳皮，但沒有刻意推銷，這點不錯！而且服務不錯，會主動添水，即使我們食完甜品後聊天一會也可，沒有趕著關店的舉動。在紫薯與芋圓之間掙扎一下，最後我選了黑糖琥珀珍珠芋圓窩夫。朋友們點了哈蜜瓜雪花金磚﹑芝麻糊配芝麻湯圓及十勝紅豆沙。黑糖琥珀珍珠芋圓窩夫，一上桌見到實物，就覺得好細份。縱然如此，味道方面又確實好味，芋圓及珍珠夠煙韌，芋圓又香～～～黑糖味不會過甜，窩夫脆身富蛋香！朱古力雪糕夠冰凍又香濃～～好食！！哈蜜瓜雪花金磚的賣相最為精緻吸引，用料不少，有水晶珠﹑椰果﹑大珠珠及哈蜜瓜，味道方面亦獲得不錯的評價。另外兩款中式甜品的評價則屬正常，只是朋友說他吃不出十勝紅豆與普通紅豆的分別。而芝麻糊上桌當下，其實都幾香芝麻味，朋友說湯圓都OK～～既然店名稱為金玉滿堂，金箔甜品自然垂手可得！即使我們點的甜品沒有金箔二字，當中兩款也以金箔作點綴，奢華感提升！

想食芋圓，響大圍行過買碗掌上明珠試下.....點知出事....D料少到一個點.......每樣幾粒，連紅豆都得一湯匙份量左右，椰汁就最多，成碗湯咁; 唔知以為自己叫咗碗椰汁湯加雪糕球!芋圓重要係硬嘅頂.......未食過咁難食嘅芋圓，唔識整芋圓，就唔好乜糖水都有芋圓啦!收人四十幾蚊整到咁，我響台灣茶飲店用同樣價錢買，碗嘢夠兩人食有餘吖!😏咁樣做生意，咁慳家就咪鬼做，你小店嚟講都算衰，早知幫襯其他啦!伏到爆。。。。

金玉滿堂，呢間大圍嘅甜品舖 ，雖然細細間，但佢嘅甜品呢花款好多，一排冇去，佢又多咗好多新款嘅甜品啦。今次我哋就食咗老闆娘推介嘅原個芒果雪葩， 單睇呢個芒果雪葩嘅外型就非常吸引，佢放喺一個塊黑色嘅石面上面，切開整個嘅芒果，中間就會有用芒果整成嘅雪葩， 外層的芒果軟綿 ，香滑， 裏面有冰凍嘅芒果味雪葩 ，口感層次豐富 ，非常值得一試。綠茶黑糖剉冰， 滿滿嘅沙冰上邊鋪滿黑珍珠紅爆珠，同埋椰果， 上邊喺個圓圓嘅綠茶雪糕球，黑糖充滿了整碗的沙冰，感覺又甜又凍，非常滋味。老闆娘好貼心，送上陳皮普洱茶畀我們飲， 怪唔得佢生意咁好啦。

由細到大都係住係大圍,有唔小嘅小學雞同中同都仲係住緊係大圍,咁就會假唔時會入去聚下舊,飲下嘢同食下飯,咁疫情後就冇得再去酒吧坐到咁夜,咁嗰晚就帶埋個囡入去搵小學雞打邊爐,食飽又好似想食下甜品行咗2,3間我朋友都話好似唔係咁啱心水,咁就再行下啦,點知就見到佢嘅出現,好好彩一去到就有位,我地入到去就即刻有人係門口排隊啦我地諗咗好耐都唔知食乜好,因為張張相影出嚟都好靚,咁就叫咗楊枝甘露,芒草拿破崙,仲有個100%原個芒果雪芭甜品等得耐嘅,嚟到係靚嘅,但係全部都好一般,只係有顏值比你呃like同埋重點係貴嘅楊枝甘露,杰撻撻同太甜拿破崙叫最好食,但太細件呢舊嘢仲大鑊,一個冰咁,又要等佢溶到咁上下先切到,但又唔見得佢有幾濃芒果味同假甜,重點話要放成10分鐘先開始食得