13
13
10
电话号码
2506 1028
开饭介绍
金牛苑越南菜館已開設了25年。現在他們有3間店鋪，分別位於尖沙咀，銅鑼灣和太子道西。餐廳為顧客提供良好環境和服務，主打越南和法國食品。
继续阅读
营业时间
星期一至日
12:00 - 15:00
18:00 - 23:00
以上资料只供参考，请与餐厅确认详情
招牌菜
與朋友正惆悵不知到哪一間餐廳吃飯時，間外的侍應很殷勤地介紹，並說這餐廳已有三十年的歷史。在這努力的推動下，便決定一試了。一進便知真不是一間普通的越南餐廳，內部裝修很有特色，還有不少藝術品掛在牆上，增添不少優雅的氣氛。再看看餐牌更知道是不同一般的越南餐廳。首先是生牛河，所用的並不是普通的生牛肉，而是和牛，自然升價十倍啦。而侍應更是要將牛肉、河粉和湯分開放在不同的器皿上，待去到客人的檯上時才將不同的食材放在一起，以免牛肉過熟，真有心思。另外也叫了一碟牛肉串燒。賣相當然不錯，沙嗲醬更是有匙子相伴的，免得每次只是串燒的前頭部份才可以有醬汁的。然而可能這裡所用的牛肉較瘦身，所以有一點韌。最後的雞絲撈檬可說是與平時食開的最相像的了。滑滑的雞絲，配相涼涼的檬粉，不錯。
继续阅读
是日銅鑼灣食飯，想食的幾間，都好多人，行到好鬼倦又肚餓，都唔再堅持，邊間有位就入去坐底開餐。酸菜，一黎就放底，好似要$20蚊，都係前菜價，其實我唔食的，換碟花生得唔得。鍋巴多士，多士固然鬆脆，餡料係雞肉，鹹左D。墨魚丸&蝦丸，好彈牙，兩款以墨魚丸較為出色。芝士焗菌，叫做有D菜，芝士濃郁，都幾滯下。醬燒骨，好似無咩調味過，無咩味。札肉炒檬，幾油下。芒果滑冰，堅係全芒果，幾爽，不過好似要$48蚊有D貴。菊花柚子茶，正常野，無咩好講。價格係偏貴，不過食物水準都叫做不過不失。
继续阅读
一家四口係Times Square想食越南菜， 所以揀咗去呢間食晚餐裝修唔靚，有D舊, 又似快餐店 feel 男侍應 態度很差!!! 點菜時不斷咁話我地點埋D小菜 （已經點咗8 碟, 包括兩個檬粉, 我同個女都食唔多），話我地唔點主菜佢主菜嘅意思係大蝦嗰類 $200-300 一碟, 結果冇理佢, 淨係點多一碟串燒佢黑面咁走開咗，全晚都冇再理我地 叫咗 9 碟- 鱔- 牛肉撈檬 x2- 海鮮飯- 春卷 - 粉卷- 菜- 南乳燒雞- 串燒鱔好有水準, $120 一碟有四大舊，全晚最好味! 南乳燒雞好味, 好滑, 但係十分細碟其他一般埋單大概$900幾, 埋單先知每杯水要$20 我個人覺得四個人九碟餸唔少唔明點解佢咁不滿
继续阅读
一行三人，同朋友J補祝生日，想靜靜地，舒舒服，好好地吃一餐。最後，選擇到此間 【貴】餐廳。是晚乃星期二，既非週末，又非紅日，大安旨意唔訂位，最後亦能walk in即坐低。$93食一碟越式春卷既餐廳，服務一定唔會差得去邊。一坐低，侍應一位接一位既招呼，先問要否點飲品、另一位又不斷介紹餐廳招牌菜、緊接住又一位解釋叫飲品可免茶芥…我地都應接不下… 南瓜海皇羹：雖然湯羹中南瓜味唔太突出，未能滿足南瓜怪；但海鮮如蝦及帶子粒非常爽口同足料！ 春卷：此春卷係我食咁多越式春卷中，較差既一碟。此春卷敗北之處並非其外表，乃其內涵。春卷外面香脆，食入口仍熱辣辣，但其內涵則屬一般，唔夠香口…可惜…加上配春卷既魚露太甜，更令整體失色… 脆煎糯米餅：將肉碎加入糯米，外面粘蛋漿，再煎香加上蟹籽，上碟… 既無特別香口之感，而糯米亦非煙韌爽口，完全找不到其特別之處，仲要淡而無味… 蔗蝦：蔗蝦蔗蝦，蔗無蝦味，蝦無蔗味，惟蝦夠爽口… 又一可惜之作… 乳鴿：此乃侍應介紹，未能知道其本名。乳鴿配以特製帶甜之醬汁，燒製而成… 但我未懂得去欣賞… :因其醬汁又係太甜… mad: 瑤柱豆苗：又滑、又幼嫩既豆苗，終於有樣唔係太甜！ 牛肉撈檬：牛肉質素一般，非上等牛種，而撈檬既靈魂 ---- 魚露，又再一次太甜…可惜可惜 拉耶糕：比 jelly 、椰汁糕既質地再硬身既越南帶甜糕點… 白綠相隔… 有點恐怖… 香芋蓮子：終於在最後既時刻，有驚人既發現！對名字充滿疑惑，但上枱後就… 哦… 芋頭蓮子西米露。但芋頭既濃度高達80%！令人著迷！總括而言：餐廳既出品同此篇食評一樣 — 得個貴字！惟仲有少量令人難忘既出品，屬可以一試水準！
继续阅读
真係唔掂!首先係服務態度!一晚比3個唔同staff問左3次「要唔要叫D野飲?」友人叫左杯三色冰,我冇叫,後尾叫佢比兩杯水,埋單先發覺,每杯水要$10但從冇任何staff提及過個醃菜......(即係必收$$個個前菜)唔知點解,食食下途中先黎.......唔係前菜黎嫁咩?即係去酒樓食飯,食到中盤,佢先送碟花生黎點菜時,問佢有咩推介/出名?佢話燒鷄同乳鴿越南餐館,最出名係燒鷄同乳鴿????真係唔會再去!
继续阅读