金牛苑越南菜館 (已搬遷) 新店位置

今日係04年的最後一日, 打算找一間好的餐廳同男友度過。見平時這裡有好多人排隊，所以同男友試試。一入去menu得一張紙，入面得一個set dinner同幾樣食物選, 我們以為今日係特別日子，所以，menu得這麼少。點完菜後，個待應問我地要唔要飲品，但我們找唔到有任何飲品在那一張menu, 我問佢：「你地有d乜o野飲?」佢回答：「都係一般果D!」真係笑死我!最後佢o左第二本menu, 一本入面有飲品list的menu.我發覺這本menu應該係佢地平時用的menu, 所以我就問佢這本menu入面的主菜現在有沒有得order? 因為我地入來是佢只俾得一張紙的menu我地。佢答可以。我當刻真係唔係好明，點解當初我地入來是唔俾這一本menu我地?男友叫了一杯石榴蘆薈奇異果冰，但佢唔鍾意石榴，所以就同待應講，「石榴蘆薈奇異果冰」但唔要加石榴汁，不久，個待應返轉頭話唔可以唔加石榴汁! 我地真係覺得好奇怪, 點解我地唔可以要求我地自己鍾意的飲法? 就算難飲都係我地自己order的, 唔會叫佢退錢!!!真how come.可能個師傳就係「美味情緣」的吳啟華化身:-) 。我地兩個人叫o左5樣o野, 2杯

點了菜後，發覺不夠，叫了侍應生拿menu，突然有一個女侍應生搶回menu，還以為這間餐館得一本menu，原來不是，我們條氣唔順，叫了一個著西裝的人(經理)過來，投訴那個女侍應生，她居然說以為我們沒用，勁寸，和上了一個咖哩牛腩煲，叫個男侍應生拿碗，我們15個人，他居然拿5隻碗，服務態度差，食物普通，價錢昂貴，奉勸各位，如上受氣請往上店。

今晚係呢度食晚飯, 5個人叫左：X蝦酸湯(例, 約6碗仔份量), 南乳吊燒雞(半隻), 蜜汁燒鱔, 春卷, 炸軟殼蟹, 上湯莧菜及越式炒飯, 甜品係飯前預留了兩份(6件)拉椰糕。湯既味道酸酸地, 其中既蝦幾鮮甜, 飲完呢個湯後, 胃口大開！南乳雞好惹味, 燒鱔煙un得黎蜜味濃郁, 春卷同個炸軟殼蟹就一般, 上湯莧菜清清地, 反而當初最冇期望既炒飯竟然食到冇得剩(當其他既野食到七七八八時上檯, 賣相又唔係十分吸引), 但一經入口, 就欲罷不能, 聞說越是簡單既菜式越見廚師既功力, 真章。如果係咁. 咦. 呢位仁兄絕非等閒之輩喎！況且, 其後既拉椰糕甜度適中, 絕對係錦上添花, 為今餐(約750個大洋)劃上一個完美既句號。

今天星期五, 下午打電話訂位, 己要到9點幾先有位. 他們的南乳雞, 拼盤, 香茅豬肉蒙及蒜溶包都算可口. 最值得推薦的是拉椰榚, 如不預在下單時先讓待應留一份, 到食完後才叫, 通常會賣完的.

一行五個人食晚飯, 叫了一個四人套餐己經好夠食, 頭盤無咩特別, 都係一般的越南小食, 但係個南瓜蟹肉翅就好好食, 有好濃的蟹味, 值得一試, 其餘食物都有水準。唯獨有一名白痴的服務員令朋友生日掃興, 今次的飯局是為一位朋友興祝生日, 我一早買了蛋糕在飯局尾聲時俾個驚喜她, 一直都相安無事, 但直到要上甜品時我已經駛開了壽星女, 即時叫服務員上蛋糕, 但係一直等到朋友回來都冇上, 一個服務員在分甜品時突然大聲話現在上個蛋糕給你們, 即刻無晒驚喜, 邊有d咁蠢的人........

我地一共十五人去,之前已經訂好位.訂左7:45,7:25已去到,立即有位. 但見8:15時開始有人等位.o野食好好味,特別d 咖喱汁,用o黍送麵包(法國麵包)同白飯都好ok,上菜都好快!!!d菜都好大碟,如果以晚餐o既價錢算ok,平均每人$150,合理!!9:30後都有人剛剛到,可能係星期五啦!!

仲以為同金河苑同一集團!晚飯要等位, 入到點完菜好快上台,菜式幾好, 感覺到是有心機去煮的! 南乳雞, 雞皮炸得很脆很香.不過價錢算貴。

細細個就由爸爸媽媽帶黎呢度食,個時最鍾意係等食時出去個魚池度伸隻手指係池面fing fing下,引d鯉魚埋黎咬我,好好玩架!記得個時既野樣樣都好好食,d蒜蓉包又厚又香,我最鍾意食佢既蔗蝦,唔似而家d越南餐廳咁乾過柴皮!可惜呢一d情景都已成過去喇!早排食番呢間餐廳,食物水準大降,未至於偷工減料但係整既野食好"拿西",唔似係一間有名氣既老店,雖然而家佢個價錢好似平左唔少,但係我都寧願佢好似以前咁,收貴少少但肯比d誠意出黎整d好野食!

I had dinner with my bf and sister's family last year.The dishes were not bad! The service was also good and waiters were helpful! We enjoyed a great meal that night!

唔好以為佢好貴，其實價錢都ok！每樣食品有一定水準。