金燒居酒屋 (已結業)

因為趕住返學, 所以係附近搵食. 見到餐牌, 價錢唔算貴, 就即本一試, 門口整潔, 地方唔算大, 但感覺舒服, 坐位亦算寬敞, 仲有部質素ok既電視機. 我地叫左一個雜菜火鍋, 一客薄燒牛肉定食, 一客燒豬頸肉, 份量適中, 雜菜火鍋賣相要好, 火力十足, 湯底濃而不濁, 薄牛肉亦ok, 配菜, 湯都好味, 豬頸肉較平時食既薄身d, 但肉質及味道亦非常不錯. 除食物外, 服務亦一流, 反應快, 又有禮貌, 洗手間亦非常乾淨, 一定會再黎食多餐, 下次要試魚生!!!

呢度d野食真係掂.可能位置唔算就腳, 所以都唔太多人.total去過2次.1次lunch, 1次dinner.2次都係叫set.平均都100-150蚊一個人.觀塘區黎講唔算平. 但係值得的.魚生新鮮. 最緊要唔似d什麼完戲/鹿咁...放左十年仲敢俾人食..所有食物應凍則凍, 應熱則熱.特別係今晚個魚湯, 幻白色既湯有濃郁既魚味, 好甜又唔腥. 細細碗岩岩好.唔好諗住份量好少.. 其實真係飽到傻.2人餐夠3個人食(當然係女人既胃口啦)佢地d service都ok的. 同對面間明門比較, 食物好少少啦.. 同埋呢度好坐D.