金滿象正宗泰國菜

营业中

休息中

旺角廣華街一向不乏餐廳，今次就搵到一間泰國菜，同平時泰國餐廳有所不同。餐廳有椰子油整嘅菜式，比起一般菜式健康。老闆同員工都十分友善👍🏼👍🏼🐟 泰式檸汁蒸烏頭王 $198檸檬汁蒸烏頭又幾過癮🤭檸檬汁香甜可口，烏頭都幾大條！魚肉鮮嫩，烏頭又吾會話太多骨，而且吾系間間餐廳都有嘅菜式，通常有都會叫。🍍 椰子油海鮮菠蘿炒飯 $139餐廳有椰子油整嘅菜式，相當健康😊有多種功效，如提升免疫力 減肥 紓緩便秘等，最表面有肉鬆同腰果，裡面有魷魚🦑青口 蝦肉等海鮮🦐種類繁多。炒飯亦粒粒分明。💜 凍洛神特飲 $36洛神特飲賣相好美✨飲落有清新解膩作用。❤️ 甜點餐（一人）$75甜點餐有芒果糯米飯🥭班蘭椰汁糕💚龍眼糕 椰青糕 椰汁西米糕，班蘭椰汁糕班蘭味好濃，龍眼糕系第一次食幾過癮😆椰青糕食到粒粒椰肉好爽口🥥

泰國菜一直深得我喜愛，今天相約朋友到訪位於旺角廣華街的泰國菜館「金滿象正宗泰國菜」享用午餐，由泰國人主理，食物款式種類豐富，定價合理-泰式木瓜沙律 $85青木瓜份量十足，口感爽脆，加入花生、車厘茄及豆角等配料，味道集甜酸辣於一身，開胃健康-豬肉碎生菜包 $96生菜片片新鮮爽脆；豬肉碎脂肪比例不高帶鮮豬香，加入九層塔、香蔥、紫洋蔥、青檸及魚露等調味，鹹酸平衡好滋味-泰式生蝦刺身 $119生蝦肉厚大隻，鮮爽嫩甜，配合蒜片、辣椒及泰式醬汁是不錯的組合-皇牌咖喱大虎蝦 $1996 大隻虎蝦同樣肉厚且鮮甜肉嫩，經煎封後令蝦殼香脆可口；咖喱加入蛋花，質感偏稠，味道醇香濃郁帶微辣，配搭洋蔥、青椒及金不換等蔬菜，令人滿足-泰式烤酥餅 $32酥餅做到酥脆輕軟的效果，膩感不重，蘸上咖喱好匹配-椰青 $46

位於旺角的泰國菜餐廳，泰式風情佈置，由泰籍大廚主理，菜式種類選擇甚多，而且有不少餐廳獨有的特色泰菜。沙律：泰式木瓜沙律青木瓜沙律酸辣爽口，青木瓜、蘿蔔絲、豆角、花生粒，混合辣椒、青檸等酸辣汁調味，越吃越辣越過癮。風味燒烤：泰式串燒沙嗲半打份量，雞肉結實，燒得焦香惹味。蘸點沙嗲醬，味道更提升。粉麵：青咖喱蟹肉炒米佈滿蟹肉，米粉、雞蛋及雜菜一起炒，份量多，炒得乾身。每條麵條都沾滿青咖喱調味，濃香帶青咖喱的辣，很惹味。粉麵：泰式蛋包金邊粉要製作一個成功的蛋包金邊粉，蠻考功夫的，尤其用那薄如紙的雞蛋網，包裹著麵條。金邊粉煙韌，配上爽彈的大蝦、豆乾、蔥花，味道酸中帶甜，特別開胃。特色飲品：椰青新鮮的椰子水，天然的果糖，鮮甜又解渴。特色飲品：芒椰冰芒果椰汁沙冰，上面有粒粒芒果果肉，微微帶點酸，還有一層甜甜的椰奶，中和了整體味道。

✳️今日同仔仔去咗旺角廣華街「金滿象正宗泰國菜」試水溫，鋪頭唔算大但坐得舒服，老闆仲超好人，成程笑住招呼，仲送咗甜品拼盤！即刻同大家分享食評～ ✨ **泰式蝦柚子沙律 ($115)** 一上枱就聞到陣陣香茅味！大蝦爽口彈牙，柚子肉爆多又清甜，仲有炸椰絲同花生碎增加口感，酸辣汁撈勻好開胃，仔仔搶住食😂 🔥 **原個椰青冬蔭功炒飯 ($149)** 賣相💯！炒飯用原個椰青上，椰香滲透每粒飯，仲有陣陣冬蔭功微辣香氣，配料有蝦仁、魷魚同肉鬆，仔仔話：「媽咪，好似食緊泰國夜市咁！」 🐟 **鹽燒焗烏頭王 ($198)** 必點！魚皮焗到脆卜卜，魚肉超嫩滑，蘸埋泰式青檸辣醬，鮮味即刻提升～老闆話每日限量，我哋好彩撞正最後一條！ 🥥 **椰青水 ($46/個)** 清甜解膩，仔仔飲到「咕噜咕噜」聲，仲刮埋椰肉食，話要打包多個返屋企（笑） 💝 **老闆贈送：泰式甜品拼盤** 斑蘭椰汁糕軟糯唔黏牙、龍眼糕香甜、椰汁西米糕滑溜溜，最驚喜係椰子肉糕，咬落有真·椰肉絲！老闆話見仔仔食得開心特別送嘅，真係甜到入心～ **總結**：味道正宗又有人情味，仔仔話要列入「每月必食清單」！建議預早

旺角實在太多美食選擇! 但呢間泰國菜真係食極都唔嫌，過一排又會想再黎幫襯🙊 鋪頭既員工都係泰國人，超nice同識講廣東話🤣⭐豬手飯超多豬手，豬手燜得又腍又惹味👍🏻 個汁又唔會話太濃，味道剛剛好⭐黃咖哩牛肉飯有得揀青咖哩同紅咖哩配搭，但友人唔係太食得辣，就揀黃咖哩😃 咖哩偏甜， 奶味濃得黎又唔會覺得太咸🤩 牛肉都好多同埋有少少蔬菜底⭐香葉豬肉碎炒河炒河炒得夠乾身又夠鑊氣🤩有少少微辣，連食唔到辣的友人都話呢個辣度是可以接受的🤣 ⭐視帝奶茶(泰式凍奶茶)話明視帝奶茶，梗係要有返咁上下分量先可以配得上呢個名🤣🤣🤣 呢杯奶茶味道，真係好似係泰國飲緊個D奶茶，又香又滑，好鬼正宗 (每次都必飲)

好耐未去過旺角行街，朋友介紹嚟呢間泰國餐廳食嘢餐廳裏面大部份都係泰國姐姐，個個都好Nice飲過咁多間冬蔭功湯，呢間口味最啱我同我個女，濃味得黎又唔會太辣，炸蝦餅都好好味，彈牙得黎，入邊仲見到一粒粒嘅蝦肉，好足料串燒雞都好Juice 兩個人食到飽飽嘅一餐

星期六晚同男朋友7.30鐘左右walk-in, 唔使等位, 但眼見都幾full。我哋兩個人點咗五道菜，上得都算快，點知原來勁失望…其中一味生蝦還可以之外，他們的串燒牛從來未食過咁難食，啲肉硬過擦子膠、泰式豬頸肉，似泰式叉燒乾多d…(肉已經唔多仲要又薄又乾)。冬陰功海鮮湯冇乜酸辣及香味（成碗湯得一隻霉蝦分咗三件，蝦頭同兩嚿同半邊嘅蝦身）仲要湯擺咗陣已經凍晒，最後係個馬拉盞通菜都有60分嘅味道偏淡火候麻麻，可以講完全唔值咁嘅性價比，埋單五百幾!

廣華街的一角竟然俾我搵到重開嘅金滿象正宗泰國菜抱住對重開期待一於試下先1️⃣椰子油豬頸肉炒芥蘭：上菜好快，第一步就係呢道菜，椰子油有一陣特別嘅香味，豬頸肉唔算有鑊氣，不過啲肉揀得好好，唔會太肥亦唔會太瘦，肥瘦相間，咬落口Juice得來唔肥膩同芥蘭一齊炒，爽口又有層次感。2️⃣泰式蛋包金邊粉：雖然話蛋包飯，但係其實嗰一場蛋網，只不過係裝飾😂金邊粉熟軟彈牙，再加上泰式醬汁，酸酸甜甜好開胃，Fatty中意粉硬，不過味道都好味3️⃣泰式檸汁蒸烏頭王：蒸烏頭王肉質細嫩，滋味鮮美，不過尼重魚比較多骨泰式檸汁嘅柑橘香氣，一d都唔會腥，好fresh每一口都係鮮味滿溢，係清新嘅感覺！4️⃣泰王咖喱軟殼蟹：軟殼蟹嘅份量好多，記得一定要即刻食，唔係好快就淋咗泰王咖喱香料味濃郁，唔係好辣，建議可以再剪多個薄餅點埋一齊❇️總結❇️座位舒適老闆娘真係泰國人嘢食嘅原料係靚嘅👍🏻味道偏淡價錢ok唔伏

🇭🇰｜金滿象正宗泰國菜📍 旺角廣華街2-20號翠園大樓2期地下4號舖———————————————啱啱去完泰國反黎對泰國菜仍然念念不忘就決定再戰泰國菜泰國菜真係食極都唔嫌———————————————🔖泰式椰汁雞湯 （細） HKD105🌕🌕🌕🌕🌗超多料😳 感覺啲料同湯比例係2:1飲到尾啲餸仲有勁多😂啲雞好嫩 完全無煲到鞋曬！入面仲有好多洋蔥 同菇類～～真係放心 唔洗怕得湯 但無湯料🔖泰式飛天炒雜菜 HKD79🌕🌕🌕🌕🌗飛天炒好少會有失誤所以成碟菜都好好食佢雜菜包括左椰菜 西蘭花 紅蘿蔔 菇 等等好豐富嘅一碟菜！🔖泰式沙爹串燒（半打）HKD98🌕🌕🌕🌕🌖嗌半打就有齊牛/豬/雞雖然三種肉都燒得好香而且肉質唔會鞋左 但我個人最鍾意係牛串 沙爹汁好香 一啲都唔辣啱晒我呢啲唔太食得辣嘅人🤣🔖泰式蛋包金邊粉 HKD125 🌕🌕🌕🌕🌗平時食金邊粉 都算多但呢間餐廳 好特別 咁用左蛋包 增加左成碟金邊粉嘅味！而且擺設都好吸引人🤣金邊粉入面嘅料唔算好多但有四隻大蝦做配菜！—————————————-📝CP值算高的泰國菜！

見好耐冇食泰國菜，今日同屋企人去開旺角，就倀呢間好耐冇食既泰國菜，唔知水準有冇保持住。呢種又濕又熱既天氣，行到坐底真係要即刻叫番杯凍飲涼一涼先，我地叫左個芒椰冰，第一淡飲落去好香椰子味，到攪拌好後覺得佢既芒果味唔太香，都被椰香蓋過了。之後叫左total 7個菜，第1個上菜既係泰式申燒，雞肉同牛肉串燒都唔會燒得太乾，保留到肉質既鮮嫩，另外仲附上串燒醬俾我地自己點 第2道係南瓜海鮮焗飯，平時泰國菜食菠蘿炒飯食得多，今次食呢個有驚喜，炒飯加南瓜食落好鮮甜，唯一美中不足係海鮮好明顯食得出冰鮮而又冇調味，淡淡的><第3道係飛天蝦球炒西蘭花，一上碟見到個擺盆係失望既，又細碟又冇擺盆，一食蝦球就知同南瓜海鮮焗飯既海鮮一樣，冰鮮而又冇調味 -_-，西蘭花正常水準。第4道係海南雞，不過不失第5道係泰式生菜包，個豬肉碎炒得算香，但覺得佢落泰式香料都唔太多，而且用既豬肉8-9成都係肥豬肉，所以我都係包一塊試試味，留番 quota 食其他，嘻嘻第6道係明爐烏頭，烏頭唔太新鮮，食落肉質有小小粉感，而且佢既湯底都唔太濃味，岩晒減緊肥既我食最後1道係芒果糯米飯，真係好好食，未夾埋芒果一齊食，第一啖糯

食完冇口渴，味道啱啱好，唔會太咸同太甜😋😋👍🏻👍🏻我覺得好食過九龍城泰國餐廳。可惜食唔到燒原隻鮑魚，老闆娘話一定要預早訂先有得食，因為佢要去街市買新鮮先可以早。

旺角食午餐想食泰國嘢。入左去依間泰國餐館第一次試。我叫左個濕炒豬肉河。依個濕炒豬肉河份量都好大。用碗上。一個人食一定夠飽。個豬肉河好濕，有啲似湯麵既感覺，不過唔係好似湯麵咁咁水。味道唔錯。

小巷泰國小店，勝在座位不多距離寬敞，環境尚算清潔。員工姐姐熱心服務，態度溫柔和善，令人感覺良好。食物方面 - 海鮮清湯粉絲︰粉絲份量多亦算爽口彈牙，可惜清湯底重味精，粉絲屬於快速吸水類別，所以一邊吃一邊會喉嚨乾渴。海鮮方面只有魷魚幾片、鮮蝦3至4隻、青口1粒，雖然肉質爽口不韌，卻沒有半點鮮味。冬蔭公生牛肉海鮮金邊粉︰很多紅油浮面卻沒有香味，生牛肉沉在熱湯內，未吃就已經變成全熟肉片。加購生蝦︰蝦肉冰凍，中間還有碎冰質地，而且完全沒有任何鮮味。半打串燒 - 雞 / 牛︰主角沙嗲醬沒有半點花生香，不咸帶點微甜但也是偏向味精。全餐唯一算好吃就是串燒雞肉，因為用上嫩滑雞腿肉，感覺比較有誠意。相反、串燒牛肉質地結實，肉味不香。調味粉醃過，經燒烤後變得十分咸。總結︰以食物作重點計算，性價比極低。個人而言一定不會翻桌，大家不彷去試一次。

呢間泰國餐廳有啲菜式係其他泰國餐廳比較少見，我今次點嘅青咖哩雞肉炒米粉（$58）就係其中一個例子。青咖哩同炒米粉相信大家都曾經分開食過，但兩樣材料夾埋一齊煮，真係第一次食，而效果係出乎意料地好食。米粉係一種吸汁嘅麵，吸收咗咖哩汁就更入味，而且配料好多好足料，呢個炒米粉會係我想再食嘅菜式。美中不足係飲品要加錢，但係杯熱奶茶只係得三分之二杯，盛惠$8，略嫌有啲唔抵。而且餐廳唔大，所以平日中午十二點半已經要搭枱。枱同枱之間都有啲迫，想坐得舒服啲同唔好太嘈嘅朋友要注意啦。

個日一拎起個外賣嚇親 咁重手既番去打開 超足料！！！海南雞飯 d雞好滑好嫩 但我個人成日覺得油飯同個醬先係重點油飯幾香 個醬就好開胃 點完又點海鮮炒河 河粉用左勁粗河粉去炒 又夠乾身好多海鮮配料 青口 蝦 墨魚 蜆 全部都好彈牙非常滿意個馬拉盞炒菜 空口食 略嫌咸左d 送飯食剛剛好最後加多個芒果糯米飯 個芒果又幾甜 食完超飽