金滿堂甜品

营业中

休息中

女人對於甜品........確實難似抗拒，即使晚飯後呻有多飽，但只要有人出聲問:「食唔食甜品呀?」都可以即時施展魔法騰出第二個胃去征服眾多甜品店林立於九龍城此地，到底去邊間好呢?好吧……就試下金滿堂~~~~新產品:有我最鍾意o既紅豆+小丸子，當然要order啦~~~~整個椰皇內裡載滿著椰汁、又甜又大粒o既紅豆、煙煙韌韌o既小丸子，還有椰皇水燉成o既蛋白。蛋白口感比豆腐花還要幼滑、入口更帶有陣陣清甜椰皇水香味，非常好味!!!!烏冬稍為遜色，雖然爽口但味道有點淡而無味，湯底可選擇椰汁或芒果汁，再配上鮮果粒及芒果雪糕，整體不過不失。其實最令我鍾意係女闆娘 very nice態度及對客人親切笑容 

一條街竟然可以有三個鋪位，仲要有人等位，真係非同少可！不過我哋嚟嘅時間已經係十一點幾，好彩唔駛等位就已經可以入去，其實我成日都會落嚟食甜品，所以唔使點睇都知道想食啲乜嘢！呢度嘅選擇真係好多基本上中、西式都有！今次我哋一行四人，竟然全部都係同榴槤有關嘅甜品！有榴槤女王、榴槤飄香、榴槤公主，仲有榴星雨！榴槤女王係我嘅至愛，基本上十次有八次都會叫呢個！有一大舊嘅榴槤肉、椰汁，再加埋椰皇燉蛋白！有榴槤嘅香味、又有椰汁嘅清甜，最重要係燉蛋白每一次都咁嫩滑！榴星雨係新產品，除咗有榴槤肉之外，仲有榴槤製成嘅雪糕！個雪糕一啲都唔兒戲，真系有好重嘅榴槤味！最底層就有耶果、西米、爽口嘅水晶珠！榴槤公主就有榴槤、黑囉咪同雲呢拿沙冰！榴槤飄香有榴槤肉、水晶珠、耶果、黑珍珠！全部人都係叫榴槤嘅甜品都係第一次，超滿足！仲有清甜嘅椰皇水，不過甜唔甜好時都要睇彩數同季節，今次嘅就一般啦！

我最愛甜品，但每次想食都必定諗佢，可以住得近方便😜😜今晚食飽晚飯去食，大約9點幾，佢三間分店坐滿，但有十幾人係門口到等位⋯同街既甜品店都無咁多人！我一入去，唔洗諗，一定食榴蓮飄香，因榴蓮肉甜，入面既配料好夾，日曰食都想呀😋😋😋😋😋😋😋

呢間，是我經常去的甜品店！在九龍城甜品店林立，何解會常去這個，因為當中以新鮮生果做之餘，更著重少糖⋯⋯甜品也要健康呀！今次有新產品紅豆女皇＄42這是朋友點的，但偷嚐了一口⋯⋯整個椰皇盛著，當中有紅豆，小丸子，椰皇燉蛋白，以椰汁為底⋯⋯個人絕對要讚椰皇燉蛋白，椰味很濃而又不失蛋白的滑！而我自己點的是鮮雜果烏冬（＄40)⋯⋯烏冬其實是椰汁啫喱，椰汁味雖不是太濃，但勝在口感幾等別，加上有很多新鮮雜果，感覺是很Fresh的一個甜品！

係九龍城食完晚飯黎到這間有名氣的甜品鋪一試，我點了咖啡果凍伴炭燒雪葩，一試難忘，咖啡啫喱香濃，入口好像飲緊expresso，又有咬口，雪葩應是自家制的，裡面有d果仁，雪葩的甜味剛好中和了咖啡啫喱既苦，這個甜品是咖啡迷必選！

喺朋友屋企開完PARTY，跟住就落九龍城去搵契仔媽，要拎個健康波比佢呀，比佢減肥呀！咁就順便去食個糖水啦咖啡果凍伴雪芭~~~雪芭入面有粒粒果仁的，好香又好好味，果凍有咖啡的微苦，口感是QQ的NICE蕃薯糖水WITH湯圓~~~個糖水底唔錯，夠薑！蕃薯好味喎，夠甜又夠JUICY！湯圓唔太大粒，又唔會煮得"林"哂GOOD雖然舖仔細細，但座位都舒服的

平時要等好耐食甜品，今天晚上下大雨後，明顯少了很多人，我地食完飯後，一入去即刻有位。我唔多食榴槤，所以選了椰皇蛋白燉湯圓，椰皇入面加上蛋白同湯圓，食完又滋潤，滑滑的蛋白像豆腐花般，甜味剛剛好，湯圓係黑芝麻湯圓，薄薄的糯米包住很香的黑芝麻麻容。另外，我們都嘗試出名的麥提沙糯米磁，朱古力糯米包住一粒麥提沙，外面不是很甜，而入面是冰凍的，很清新的味道！

食完晚飯，感覺好似欠缺D野咁，當然係欠咗甜品啦！已有一段時間沒有來過，所以決定來這裡！我們一行三人竟然全陪都叫熱椰皇蛋白燉湯圓！甜品用椰皇裝住入面有椰汁芝麻湯圓、清心丸及燉蛋白。椰汁清甜、清心丸彈牙、芝麻湯圓的煙韌香口，還有燉蛋白很香滑！跟之前食的一樣沒有退步，很怕有些甜品店開始很好味，之係越來越差。之後還買了個凍榴槤女皇回家。外賣的話會分開椰皇及椰汁西米。回到家自己把椰皇及椰汁西米合併。還有一大舊的榴槤肉。

終於考唒試，今晚食完飯就梗係同三五知己食返個糖水賀下啦。好耐未食過榴槤女皇啦，一坐低就即刻叫左個熱榴槤女皇。雖然差唔多成50蚊，但係呢個糖水真係用料十足。啖啖都係榴槤蓉，仲有蛋白同椰奶。味道甘甜，岩先鍾意食榴槤既我鍾意食濃味小小既人建議你地要叫熱既，因為熱食更加品嚐到榴槤同椰子既甘香。哈哈，不過下次都係少人D先食，費時大家唔敢同我講野

同朋友o係九龍城食完飯, 好似個胃就有o的位喎...又好似仲有o的是非未講完喎! 咁做咩最好呢? 梗係食糖水啦! 最愛榴槤嘅我點左個依度獨有嘅甜品: 榴槤女皇! 其實冇圖的話都唔知係咩黎, 原來就係原個椰皇裝住椰汁燉奶西米露加勁大球金枕頭榴槤肉! 入口啖啖椰汁香味,配上大大啖榴槤肉...非常濃郁! 原來依兩隻熱帶水果係可以咁夾嫁! 超正!

習慣在九龍城用膳後都會吃個甜品才覺滿足。又回到大學時代最喜歡光顧的金滿堂，發覺它的裝修多了一些字眼，標榜著"少甜低糖"的宣傳，對於本身不算太好甜耶耶的我，確是好事!今次試了全城都熱捧的綠茶系列，又看看金滿堂的<綠茶三重奏>又是怎樣還是早前試過的日本甜品餐廳做得較好，綠茶味夠甜又夠苦。而友人點了一個芒果椰皇燉奶，兩者好像不太match。友人大讚椰皇燉奶好滑好香，但的確加上芒果一同食用效果一般，最後還是分開食用。

上OR聽講有綠茶三重奏，超級粉絲嘅我梗係要試。叫左芒果大皇，綠茶三重奏，朱古力心太軟，黑樹皮，龍吐珠，同埋外賣麥提莎糯米糍。首先芒果大皇，有燉蛋白係底，椰子水加水晶珠，芒果粒。透心凉。綠茶三重奏: 姐係紅豆小丸子，綠茶心太軟，同埋綠茶雪糕。我先食心太軟，有好濃嘅綠茶味，流心又香滑。之後再食小丸子同雪糕都覺得好淡無咩味。小丸子好煙un,軟硬適中。雪糕加心太軟有種冰火交加嘅感覺。朱古力心太軟: 好大舊，揀左綠茶同曲奇味雪糕。流心好香滑進步左，朱古力味又濃。個糖漿裝飾好靓，係minion。黑樹皮: 朱古力綿花冰好濃朱古力味，係我食過最綿嘅綿花冰。龍吐珠退步左。裡面有珍珠，龍眼肉，水晶珠，椰果，椰水。以前個底係椰水冰，而家變左唔知咩，感覺似泡，唔好食。麥提莎襦米糍個皮好軟熟，比例岩岩好。拎返屋企隔左夜又另一番風味。期待下次再泥！

久不久總想到金滿堂食甜品,難得晚飯後路經九龍城,當然要去啦可能平日關係,人不是太多,可以舒舒服服地享受甜品,本想點一份小的榴槤甜品給老公淺嘗的,但都是很大份的,價錢起碼$40以上才有交易,榴槤PANCAKE,糯米池之類都沒有,因為只有他一人食榴槤,因此怕浪費沒有點火焰山$42份量合理,其實是士多啤梨棉棉冰加上果醬和士多啤梨等配料,十分清新味道不太甜,口感像雪糕,夏天食一流呢椰青水$8每次必點,很便宜也貸真價實,每次必點,很下火呢

食了一唔太滿意的牛腩粉後就去買D野去契仔媽的新居了好耐冇見過契仔，兩個契仔都大個左好多等兩個契仔瞓左覺，我同契仔媽就去食糖水AND吹水喇金玉滿堂~~~芒汁勁濃，芒果好甜，配料又夠多，重點係夠凍芒果椰皇燉奶~~~好滑滑喎！質感好好！

N年前食過這裡的麥提沙糯米滋，當時見識少，覺得幾得意幾新鮮事隔幾年再食金滿堂，事緣朋友公司就在九龍城附近，時不時會叫金滿堂外賣加餸。聽聞榴連女皇叫座力最強，以前比較抗拒「椰」的我就姑且看看這個女皇究竟有什麼吸引力吧！椰殼中裝著的是燉蛋白，椰奶和榴連另上，這店標榜低糖，故蛋白和椰奶如單獨吃真的沒什麼甜味。我習慣會將奶倒進椰殼中，吃一口加一口榴連，慢慢品嚐，榴連很香很甜，Woo，三者混合後簡直是天衣無縫，甜味剛剛好！愛榴連既你地一定要試！！$4x絕對是物超所值至於再吃麥提莎糯米滋，新鮮感過後覺得有點冇果樣整果樣，奇怪之餘更加唔覺好食其他甜品沒試過，但看見其他人吃總是覺得顏色怪怪的，雪糕既顏色好色素既感覺，怕怕