金滿屋甜品車仔麵專門店 (已結業)

一碗只有少量西米，得三四粒芒果，又冇柚子，好重棷漿味，得个甜字，好似飮紧糖 水一样，算有史以來最唔得既楊枝金露。唔知係咪除夕夜無唒料呢？定老板年纪細唔知點整糖水？唉，除左食裝修外，諗唔到有乜好？附近咁多間好食既一定唔會再來。寧願響第二間等耐d位好過。

果晚同姐姐+佢個朋友附近食完飯之後見到這間...我地三個見未太飽所以入去了...我地睇過menu之後先叫了個焦糖燉蛋,心太軟同梳乎里.....呢個係焦糖燉蛋.....個面好脆好甜....蛋都算係滑同都重蛋味...之後呢個係心太軟....雪糕球係焦糖味的...個蛋糕好香濃....旁邊有些士多啤梨醬再加上一些彩色朱古力脆粒.....個雪糕亦有香既焦糖味!最後到這個梳乎里了....佢好漲卜卜....我地一切下去同吃一啖後......覺得都係比較一般...係有蛋白既香同埋有糖既甜係度....不過味道較遜一些

今日岩岩同女朋友係圓方睇完戲諗住行返出佐敦道搭車返去啦...點知係到落天橋女朋友已經話累咁岩見到間甜品店寫住用法國朱古力製心太軟喎...咪諗住入去坐下休息下食個甜品再行過~~咁我e d心太軟怪當然諗都唔諗咁叫左個心太軟啦還有得選擇要咩雪糕...我就要左個蕉糖碎餅女仔就比較貪心...叫左個叫三心兩意既野~~係有三樣小型版既甜品(香橙慕絲/法式蕉糖燉蛋/朱古力慕絲)三心兩意因為唔洗焗所以好快就黎...個店員還好好咁同我地講先由香橙>燉蛋>朱古力慕絲咁食落去...可以就返個甜度~~首先食個香橙慕絲...清清地酸酸地配係黎真係一絕...食完搞到我都好想叫個黎食之後就個燉蛋...其實就普通一個蕉糖燉蛋...冇咩特別~~再黎就係試個朱古力慕絲...好香既朱古力同酒味...迷你版個份量就岩岩好...因為都真係好"流"下等左十幾分鐘我個心太軟終於到了...賣相一流...味道勁香朱古力味但又唔會太甜喎~~好似魔鬼蛋糕咁香...估唔到咁好食個雪糕就應該係想做到h記果隻咁...但始終都同h記差d...但這一餐真係勁滿足...食完女朋友既倦意全消...再行過 唔講咁多...去相

因買了團購coupon, 一句講哂, 68蚊有心太軟, 又有梳乎厘, 仲有火焰雪山食, 仲想點?!當然仲有其他甜品, 不過賣相比其他甜品店及店內相片差太多, 所以都無謂影了~一入店內, 侍應禮貌都好好, 沒其他評語講到咁差啊!!!而且雖然COUPON話一次只可嗌一樣, 但佢都冇咁做,反而見我地嗌心太軟, 知道焗時間比較長, 建議我o地叫2個添!等候期間, 亦主動問我地食唔食cheese cake, 不過味道似屋企樓下面包鋪果o的 = 冇芝士味!另外, 叫了焦糖pudding, 由於店舖雪櫃放於坐位旁, 可親眼見到侍應在雪櫃拿了cheese cake跟心太軟及焦糖pudding出來! 終於黎o左心太軟~相片可見, 來到的心太軟, 朱古力溶液已溶哂出o黎, 不知道蛋糕本身是焗唔夠時間定還是面粉不夠, 很軟身, 整個心太軟已破壞了賣相, 相反友人那個就焗得成功, 賣相也很漂亮~享受心太軟期間, 也見師傅在另一旁也一起食心太軟, 可見心太軟是最成功的甜品吧!食完心太軟就叫o左呢個蘋果脆脆, 純粹因為價錢係最貴, 值$48!!!但係, 食落就覺得唔值$48, 材料費應該佔了一大半吧!若果整個脆脆

早排收到呢間野團購既email, 見佢$68任食好似幾吸引~又近公司~可以收工過去盡情咁食個痛快~不過我呢d精明既消費者 , 緊係即刻上黎"開飯"度睇下佢d評價啦~嘩! 唔睇由自可, 一睇竟然個個都踩到佢咁差, 咁緊係即刻Delete左個email啦~果陣心諗, 唔係卦, 俾人彈到咁都重夠膽做團購promo?? 想死得快d咩!?本來都冇左件事架喇 , 不過早幾日, 我班"lunch leg"話發現左間新開既車仔麵lunch幾抵食~咁岩果日冇帶飯, 咪跟埋佢地去囉~行到門口見到個名已經覺得熟口熟面, 硬係好似唔知系邊度見過咁既~一坐低就醒起"今次中計喇", 食評話呢間野"遺禍百姓"架喎~但係又好奇怪佢lunch會爆場喎~Lunch Set 4餸1麵 $30 我點左 扎肉\牛腩\羅白同埋生菜 & 公仔麵,+$4蚊要左杯凍奶茶~扎肉同生菜 就冇乜特別啦~反而個牛腩同羅白就好吸引我喇~ 佢d牛腩好似出面食清湯腩果d牛腩咁~唔識點形容~總之就好味啦~重有D羅白都好甜呀 食得出係新鮮野~食完之後有一種好想同佢平反既感覺~所以就打左咁大篇野出黎~~今次真係"因為沒有其望, 反而得到更大收穫"重有

Lunch經過見到這間新束束車仔麵店三十四蚊有四餸加野飲好似幾抵，於是乎就一支弓入佐去。十二多時有一兩枱客，我叫了蘿蔔、紅腸、牛丸和魚蛋配油麵。一會過後，店員竟然同我講冇蘿蔔！車仔麵店冇蘿蔔？非而所思情度等同上海鋪冇豆漿！but anyway, 我都冇choice。have to live with it!車仔麵的質素很一般，冇乜動力駒使我嚟多次。

其實我係知喱間野開鋪...所以黎試下...唔記得幾多號黎食了....肯定係開鋪個一日我見travelfish有團購任食喱間既甜品真係難食我試左綿花冰未黎到已經溶曬大家食過出面既綿花冰應該知碟係凍的先可以唔溶但喱間真係唔店...另一味 金枝玉業西柚好苦，芒果好酸真係唔知佢開黎做乜為禍百姓再有groupon唔好比佢呃啦><

呢間座落係油麻地的金滿屋！可能係全油麻地最差的甜品車仔麵專門店。環境幾好，但坐得不舒服，扎肉豬肉丸米線，湯底無味，材料又唔新鮮，碗麵一放上來，我仲以為有人食過，個外賣好唔得，望落個樣好似食剩後不要，食唔哂給我吃咁，沒水準可言。金枝玉業，即係龍眼肉加楊枝金露。西柚很苦，芒果很酸，芒果粒也寥寥可數，西米極多，咁不如我叫芒西好過喇！龍眼肉是罐頭貨，店員傾多過做，店內得兩台客，都可以忘記落單，食物唔得，效率又唔得，服務都唔得，不如唔好開店喇！