影片
其实香港人真系成日都食烧味，出街会食、屋企又会食，而今日懒得煮饭结果亦简简单单买个饭盒食，真系方便又快捷。烧鸭肥叉饭叉烧够肥已经淋身好味道，而烧鸭就差咗少少，因为肉质比较干咗少少，但烧得都唔错，而且都好多饭，食咗大半已经超饱。例汤卖相唔讨好，但味道都算唔错，而且味精唔系好多，都算可以。
继续阅读
兜左两个圈身水身汗唔知食咩好，本来想试新舖头，但谂谂吓都系是鬼弹食完闪返公司罢啦。烧肉我比多次机会你，试多你一次！食过两次，一次好差一次好好。切鸡髀烧肉饭，附附碌碌今次高质好好味噃，终于都等到喇！猪皮卜卜脆而肉质软棉，散发淡淡咸香，食得过！先黎脆皮下面藏著一层爽弹脂肪，脂肪下系甘香油脂，再向下系充满肉汁软软半肥瘦，淋上淡豉油瞓系白饭之上，再添葱油作点缀就即刻碌入口！百感交集，咸甜香弹滑脆棉腍软硬，实在太感动喇！满分超好味！切鸡髀好食都不得了！香甜味美，见到身材大好，皮光肉滑闪闪发光，薄薄鸡皮盖著微量滑滑鸡油一跣入口，香甜到不得了，肉汁跟鸡油混和润泽每一颗味蕾。葱油当绿色床单，白饭当棉皮，卷住嫩滑鸡髀肉，用舌尖细味，顶级味道享受，无得弹！烧鹅髀烧肉饭，简直双龙出海，天下无敌，正到啪啪声呀！今日仲居然有烧鹅髀呢，可遇不可求，大吉！超重量级份量，食晒啲饭都剩返半碟𩠌啊！旧旧烧肉都系极上半肥瘦，皮脆肉嫩，咸香四射，滑滑棉棉又湿润，肉汁像海㴋般泛滥，大大旧肉、大大啖饭，thank god！烧鹅髀香气扑面而来，肥美得黎肉质纤幼，滑溜溜又充满弹性，秘传香料已渗入每吋肌肤，齿夹留香，拖一拖酸梅酱更醒胃醒神！皮香肉嫩，停唔到口！油鸡髀烧鹅饭，油鸡髀嫩滑结实，鸡皮非常弹牙而微爽。淡淡鸡肉味混上鸡油香，豉油又清甜，香而不浊，好味道。烧鹅香料入味，肉汁亦带著浓郁香料味道。鹅肉味浓、鹅鸭香口不太油，又唔会过咸过肥，满意。本想要求食鹅胸，但都系费事诸多要求喇，哈哈。葱油我钟意切到劲细粒架，依家个 size 太大粒啦，葱汁味道唔够出。捞上鸡肉鹅肉葱油，再加甜豉油同酸梅酱，味道多采多姿，正到痺！烧肉烧鸭髀饭，烧肉睇落劲肥，成堆肥猪肉咁，卖相麻麻地。谁知一咬之下，好爽口好好味，肉味香甜有咸香外，仲没点都不油腻，配上葱油白饭，根本无可抗拒！只系皮唔脆的，而且有点韧，不过味道出众，都满意既。烧鸭髀好肥㖞，劲多皮下肥膏，要咬走掉左去，但劲香鸭油味啰。鸭肉好幼滑好香甜啊！香料早已占据每条纤维。薄薄烧鸭皮香口味浓，连肉带皮捞饭食真系好鬼好味，加少少酸梅酱锦上添花，真系一粒饭都无剩！仲唔够饭食添呀，又剩返几旧肉要净食呢。不单止芥兰爽嫩鲜甜，连椰菜都劲好味！多汁水嫩，点会咁架？到底条芥兰系咩血统架？边度黎架？就算冻既都咁好食既？芥兰劲爽甜，完全无渣又无半点涩味，叶同茎都非常鲜嫩，我直头想叫一碟芥兰食呀！金源到底系如何烚菜架呢？芥兰真系好高质，完全无涩味、无草青味，质地幼嫩不粗糙，超甜超爽呢，好好味呀！大部份烧腊舖既伴菜都好差，我唔会食架啰。黄瓜烧猪骨汤，今日个汤怪怪的，太甜喇，系咪落得太多蜜枣呀？好少可饮唔晒个例汤，饮左几口放弃。木瓜瘦肉汤，一向对甜汤无咩好感，用熟木瓜实在太甜接受唔到，青木瓜就无问题，所以今次饮两啖就要讲 bye bye。合掌瓜汤好好味，肉味特浓，烧味店不愁没肉没骨头肴汤啦，只需用头头尾尾已达至特浓肉汤喇，香浓甜美，合掌瓜清新，好味啊！
继续阅读
十月十一•转凉晨早去鞠躬，来吃个早餐先，求其找一间，纯因为近便之余，还是朋友已早来了。不太饿，但想吃煎蛋，见早餐的选择没有这个选择，问可否净要煎蛋及多士？阿姐在思考，反而厨房一口答应，还道：「我地好易话为者。」就要了个红肠煎蛋多士。原来可以净要煎蛋多士的意思，佢系收回面餐的价钱的，即净红肠多士就18蚊，要多碗面就只多一蚊，那不要就白不要，就又要埋个叉烧汤面。红肠是炸的，蛋是煎定的，还要了双面煎，幸好蛋黄还是溏心。多士烘得不错，热又脆口，牛油下得很慷慨，不理健康一环，是美味的；叉烧面用上了一丁，原来这里全店也用「丁」的，渌得弹牙又有咬口，可惜没有下足汤粉，更没有了麻油，齐备就更好。叉烧很腍身，意外地不错；一份红肠蛋及多士加一碗面，还有一杯咖啡，不是早餐的份量，以我来说，当是晚餐也可以了，20蚊绝对抵食。见阿姐在不停的拖地，又不停的拖中我的脚，但也感觉这里的卫生情况很一般，没有法子，一处地方卫生与否，是感觉来的。
继续阅读