金港海鮮酒家

是日打風天, 風球一下後, 朋友立馬約我去這家打邊爐。本來不想去的, 但因為朋友說已經約了她男朋友, 要在這家吃, 那我就不好意思推了。剛去到餐廳那兒, 就發覺, 很多人耶。「不是才剛剛下風球, 幹嘛這麼多人。」 我心想。我不得不說,  以人均2百港元來說 , 這家店子是很抵食的。因為點火鍋的話, 他們會送一盤安格斯牛肉, 一盤海鮮拼盤, 再送一盤魚生。而食物質素是合理的, 蔬菜的選擇也是多的。總結而言, 這是一家合適大夥大聲談天和聯宜的好地方。…查看更多

今晚同屋企食飯，哥介紹黎呢間金港食，話好正好多野食，就試下佢啦。8點到，唔駛等位，但人未齊，溝下醬汁同拎野飲先有三個飲品櫃，大路飲品冇咩，但竟然有忌廉溝鮮奶，二話不說開兩罐黎飲先，其他有楊協成、韓國樂天，其中一個櫃應該係涼茶但已經冇晒🤷🏻‍♀️任飲任食仲送刺身拼盤，有三文魚、甜蝦、希靈魚、北寄貝同鮑片（類似嘅物體），志在過下口癮，不過不失啦一份海鮮拼盤，有鮑魚（今次係真架喇）、蠔、扇貝、蟶子、蝦，大堆頭好養眼，但食落就出事，蝦係梅嘅，一搣已經爛溶溶，蠔煮完冇縮水，但食落口係一陣味，lur都lur唔切，扇貝同蟶子我已經唔想食，反而鮑魚煮完都好冧，最好食係呢個肥牛（好似話係安格斯）都係送嘅，大大碟，好食，肥瘦均勻叫左蕃茄豬骨湯底，都幾足料，但原來蕃茄係冇得加架，後悔唔搶晒後食，粟米好多又夠甜，令到個湯底好香火鍋配料紙上好似好少野，其實係因為菜、菇、麵類都係自助任拎，所以睇落好少，但肉、餃、丸每樣都有不少選擇，仲有好多內臟類，加加埋埋絕對唔野少但選擇多又點，啲配料唔新鮮，最差最差係啲餃，一陣死肉嘅味道，我食個烏冬、少少菜就收皮，啲野真係多，但唔好食......另外服務麻麻，啲侍應同人講野唔望人，然後佢講野又係同自己講冇人聽到，隔離枱話熱要開大啲冷氣，大佬佢個個著住褸梗係熱，但就係開我地頭上果部，結果我地吹到頭都痛埋叫佢閂返細，佢仲俾說話我地聽：一個話熱 個話凍想點？…查看更多

係喎，無啦啦點解會去左元朗？事關小程子兩個星期前吹晒雞去佢公司樓下打邊爐，我又點敢唔去呢？我仲要係最準時到嗰個！酒樓好大，坐得好闊落。湯底我地揀左日式三文魚頭湯，屋企我平時都有煲開三文魚頭湯，但無咁鮮甜，湯底白色，飲落幾重三文魚香味，湯底最特別係有好多大蔥！入座除左有免費湯底，仲有刺身，刺身先黎左個兩人份（因為其他人未到），款式都有幾款，我自己覺得帆立貝最鮮甜，配合埋啲冰，凍冰冰咁最好味，唔會因為凍而無晒味，仲係好鮮甜！三文魚同希靈魚都好好味，想唔到一般酒樓都有呢個水準！根據小程子既打邊爐攻略，千萬唔好嗌d飽肚既野先，我地第一時間享用左送左牛肉先。宜家時下興食牛肉架啦，肥牛已經唔入流，酒樓主打A4安格斯牛，先睇色澤已經覺得好靚，血紅色的肉同埋白雪雪的脂肪紋，食落都是特別唔同，絕對唔會覺得un，仲反而係一種入口即融既感覺，零雪味。海鮮盤既海鮮種類繁多，蟶子長而有肉，放入煲大約5分鐘就食得，蟶子肉鮮甜爽脆。鮑魚都唔錯呀，熟左之後仲係咁大隻，無縮水！我特別推介草鯇魚腩，好厚身，目測我諗有3-4cm，普通的鯇魚片較多骨林身，草鯇食起上黎好爽脆，咬既時候會feel到有d硬，之後就覺得好爽！響鈴同炸魚皮都OK，炸魚皮帶點椒鹽味TIM!!雖然元朗就遠左D，但係間唔中都OK啦!捨命陪小程子嘛!…查看更多

近排火鍋癮起，所以去左朋友屋企附近的酒樓止下上癮。呢間金港，$198全包，仲要送埋日本刺身拼盤、安格斯A4牛肉、海鮮拼盤價錢合理。基本的醬料都有；無洒精飲品唔算多，不過有氣無氣、酒樓自家竹蔗矛根及酸梅湯都齊晒，一定有一款啱大家口味。頭先題及過的免費刺身及海鮮拼盤，每枱餐廳會跟據人數只會送一份。刺身好鮮好厚肉，一D都唔Hea！海鮮拼盤肉都好厚，煮完都無咩縮水。另外特別一提的是送個碟安格斯A4牛肉，呢款牛真係好難係酒樓式任食火鍋揾到。肥的部分唔會只得條邊，而且牛味特別濃！大家仲可以加每人$28轉做任食呢款牛，真心值！食完牛，當然要食豬啦！餐廳有提供任食的黑豚肉片。其實都幾新鮮，啱晒食肉獸的我！打邊爐點會少左腸仔同餐肉？呢到有"腸仔之王"廚師腸供應，仲有超厚切餐肉！餐廳仲有手打墨魚滑，食落超彈牙，係必食之選！另外值得一讚的係響鈴，一睇就知係手工野，夠晒層次感！…查看更多

其實好少可會夏天打邊爐，因為會熱到唔開胃，但餐廳冷氣溫度岩岩好，所以成餐都食得好開胃呀。今餐我覺得最值得讚嘅係啲海鮮，超級新鮮。煮完啲海鮮之後個鍋變得超鮮甜，完全唔會腥。另外係呢間餐廳食物嘅種類其實都幾多下，唔會冇野揀，平時打邊爐食開無食開嘅都有，總之都幾岩我口味，特別係個墨魚丸同牛肉，個丸好似係手打咁，同平昤食開嘅都幾唔同，墨太味好出； 個牛肉好厚下，對比平時食開都薄到成張紙咁，呢個真係好抵食。推介!除左食物外，啲姐姐服務態度真係好好，成日時不時過黍幫你換碟，所以真係食得好鬼盡慶呀!百零蚊黍講，真係幾物超所值架!…查看更多

收工近近地同朋友去左公司附近嘅金港打邊爐，打邊爐係任飲任食，198 一位。坐底無耐就送左個刺身拼盤俾我地，刺身都有甜蝦、八爪魚、凡立貝、當然唔少得三文魚，刺身都幾新鮮，三文魚好厚身下。之後仲送左個海鮮拼盤同安格斯肥牛，都幾抵食，海鮮拼盤仲有鮑魚添!湯底都幾多選擇，我地揀左蘿白栗米清湯，幾清甜，十完海鮮仲甜 lol 至於其他配料都唔錯，個手打墨魚丸好好食! 飲品選擇又唔只汽水，有韓國樂天d飲品，仲有酸梅湯個d，最後仲有雪糕食，整體黎講，覺得唔錯。…查看更多

放工同阿爸黎打邊邊，黎左金港度任食，聽朋友講話正咪黎試下囉，$198一位都幾抵喎，餐紙上都幾多野揀，仲有汽水同雪糕任飲任食。埋位，兩個人都有張四人枱坐，大把位擺食物了😊調味格，不用額外收醬料費的。湯底揀了鴛鴦鍋，一半清湯一半沙嗲湯。清湯有紅蘿蔔，粟米等，幾清甜。沙嗲湯有豬紅，豬皮，大豆芽等，很惹味。先來第一round食物，初黎報到，點少少試下先。白鱔片很鮮味無泥味，正喎，蓮藕片爽口，鮮腐竹嫩滑，仲有個很彈牙的墨魚滑，但個魚片頭麻麻，有少少酸味。再黎有三寶丸，手打的幾正，最左手粒唔知係咪牛筋丸呢？豬肉片很肥，食落甘香。炸魚皮很脆口，無過氣。入座會送刺身一盤，呢個唔係任食的，有三文魚，甜蝦，希靈魚，仿鮑片，同北極貝，都幾鮮甜，但打邊爐食刺身好似怪怪地？冰火二重奏😂仲有送海鮮盤一個，有聖子，貝，蜆，蠔同班片，好新鮮呀😍極鮮味，用清湯淖一淖，連豉油都唔使點，個班片由其正，啲肉彈牙又鮮嫩👍安格斯肥牛，很嫩滑，現在promo期間都係任食的，可惜追單三次都無黎，有一次去有隔離枱😂哈哈，算了，其他食物都好正啦。蔬菜是自助的，食幾多夾幾多，有各類菇菌，生菜，南瓜片，芋頭片等，refill得很快。大蜆😍極鮮甜！飲品有汽水，啤酒，韓國罐裝，竹蔗茅根等，唔想飲甜野可以開壺茶😆食到咁飽都唔少得食甜品，有雪糕杯自取，朱古力味，芒果味，紅豆味同芝麻味，簡簡單單幾好吖。食物有水準，上菜亦快（可惜有漏單），坐位濶落冷氣又足，整體感覺良好，有下次👍…查看更多

面書谷日日都有人推呢間野，有現金券又有折，仲要安格斯牛任食，講到咁正就梗係要食啦。湯底揀左鴛鴦鍋，係沙嗲併清湯，無得揀其他，ok啦，貪心想食多個湯底啫。入座即送海鮮盤同刺身，海鮮極新鮮，聖子，蚌，蠔，蜆，班，樣樣都正，可惜唔係無限fill，如果唔係淨係食海鮮都夠啦，呵呵呵。刺身可有可無，唔係特別出色，不過湯底未滾都有啲野食下咁都幾好。火鍋料就都係個啲野，勝在落單即黎，同樣樣份量少少，唔怕一下就飽左。個豬紅，豬腩肉都好正，仲有鮮腐皮，手打牛丸又正，其他丸丸餃餃都唔錯。啤酒汽水都飲左半打，仲食埋雪糕，飽到爆啦！！…查看更多

早市點心好抵食，食物都唔錯，奈何成個廳得兩三個人做野，仲要係度傾偈自己搵到位坐低等十幾分鐘都開唔到茶，行過去好聲好氣同佢講仲要俾佢喝返轉頭枱布唔會換，碇你杯碇你碟就一定架喇唔係要好好服務，態度都唔使差到咁既，食食下中途想要加茶，辣醬個d諗都唔使諗唔想求人開茶，唔想俾人喝，所以唔會幫襯…查看更多

4個人，一個唔食得辣，一個唔想食生冷，一個想要d新意，一個要坐得耐d，唔鍾意限時限刻，在此情况……元朗雖然多野食，但係都好難決擇！行下行下見到有蒸氣石鍋套餐，大鄉里未食過，於是就登記等位，足足等左一粒鐘，幾乎想走……入座簡左一個4人蒸煱餐，好夠食，食埋流沙包和粥底，真係好飽！好好味，真心讚所有海鮮和用料都好新鮮！全程自已動手蒸，冇人理，不過咁我仲自由自在，可以慢慢食！…查看更多