金泰子泰國餐廳

营业中

休息中

今日去太子探朋友，但依家疫情咁嚴重，仲邊敢出街食，但香港不嬲係"無飯煮婦",點都要食，就係咁，我上網揾下有咩好野食係太子附近，俾我揾到間叫"金泰子"既泰國菜館，去到門口見入面冇咩人，心諗係米中伏，因為我見網上評語唔差，但其實依家依個時勢，幾好食既餐廳都一定係咁既情況。咁橫掂都黎到，照入去試下，不過我都係揀外賣，但唔好以為外賣好求其，原來質素都好好，我感覺同堂食冇分別。咖喱軟殼蟹都只係$128,真係堅抵佢地個餐牌都有好多選擇，仲有一讚係，佢地餐牌有既野都可以點，唔會有d餐廳咁，點乜都冇，焗你食某幾樣。先黎個黃咖喱牛筋腩，黃咖喱係最唔辣，好多牛腩牛筋，好足料，好入味，d汁可以餸幾碗飯。迷你拼盤(春卷/蝦餅/魚餅),拎到朋友度食都仲好脆，個份量剛好2個人食。海鮮冬蔭公湯:海鮮料超多，個湯唔人死咸同死酸同死辣，配合得好好，一飲就停唔到。鹽燒側魚:依d真係心機菜，等得耐都值，d魚肉好滑，食到好鮮味。期間見到好多外賣，所以堂食需然冇咩人(冇辦法，疫情關係)，但好多外賣，一路見住佢出外賣，下次我都唔駛自己黎拎咁辛苦。

離開左太子既中心地區，去左間後面街搵野食。唔好以為後面街無乜好野，原來都幾多食肆小店🤩食左好多次沙律，今次嗌番個前菜小食生菜包，少少辣既肉碎配上爽口清新既生菜，無論味覺同聽覺都享受呀🤩辣椒膏炒蜆，加埋金不換一齊炒，少少辣再帶啲甘既味道。啲蜆都唔算細隻。如果再有多啲就好啦🤤嗌多個馬拉盞炒通菜，懶係健康少少，其實咪又係辣😂食完辣野，點都要飲啲野潤下喉嚨同個胃，一杯龍眼冰同熱薑蜜少不了😊飲完成個人都舒服晒😊

男朋友話好耐無食泰國菜，其實泰國菜同中菜都係我哋兩個既favourite，即刻去食😁我地叫左個蟹肉炒飯，黃咖哩雞， 蒜蓉炒椰菜苗同埋一份細嘅蒜蓉包～炒飯色彩繽紛賣相好吸引👏 有唔少蟹肉，調味適中👍黃咖哩雞材料好豐富，有雞，洋蔥，青紅椒同薯仔，唔會好辣，啲雞好滑，送飯同蒜蓉包都一流😋 而呢度既蒜蓉包同出面既泰國餐廳有啲唔同，呢款相對鬆軟啲 (其實佢都有厚切版，即係市面果種)蒜蓉炒椰菜苗好翠綠，炒得好靚👍👍 新鮮脆口～可惜最近個胃唔係幾好，如果唔係真係好想叫埋芒果糯米飯😣😣

抗炎期間好耐有出街食飯 難得朋友唔怕於是就選擇去金泰子食泰菜 我同朋友二人叫左 二人A餐 自選小食選左豬脾 黃咖啡豬頸肉 馬拉盞通菜同蒜蓉包。  飲品叫了椰青同珍多冰豬脾份量比想像中大碟 每件豬脾都整得好林,肉質入哂味又唔痴牙 加上豬脾底下放了生菜, 生菜吸哂肉汁的味道 真係值得一試!黃咖哩豬頸肉咖哩味道唔太濃配上蒜蓉包都幾夾味但豬頸肉如果可以再入味點就更加好啦! 馬拉盞通菜每次去泰國餐廳都必點今次也不例外味道冇想像中咸反而覺得好惹味 通菜配上蝦米仔味道好特別令人一口接一口 如果配上啤酒感覺一流!

今日收早，其實收早係開心嘅，不過就影響咗啲生意囉……換個心情，如果肥仔打籃球，打完肥仔又肚餓，所以喺我屋企附近搵間泰菜食，依間金泰子開咗好多年，之前都有食過，睇吓今次可唔可以保持水準先🤪🤪🤪疫情持續，入到去當然唔會係高朋滿座啦，但係都唔算人少，我同肥仔坐咗角落頭就開始點餐🤗我就鍾意食海南雞，所以就要咗個二人B餐，椰汁雞湯都係我鍾意嘅，唔需要理肥仔感受，但係唔理話唔理，都點咗個生菜包俾佢食🥰🥰椰汁雞湯好重椰汁味，仲有雞食😋入面有干辣椒、香茅，食泰國菜除咗飲冬陰功仲多咗個選擇👍🏻👍🏻海南雞非常之滑，仲要唔肥冇乜肥膏，正！😍生菜包係肥仔指定話想食，但係我都鍾意食嘅，肉碎炒到熱辣辣再用生菜包住，唔需要加醬汁都非常好味😋套餐有一個菜可以選擇通菜、芥蘭……我就揀咗鹹魚炒通菜，非常之嘢味🥳🥳最後食埋甜品椰汁西米糕，非常之滿足🥰🥰擺滿成張枱，大大的滿足感🤣🤣有肥仔食飯完全唔需要擔心食唔晒！🤪

同朋友去左食泰國菜平時午市黎平均都係$50感覺唔錯所以呢日試下晚市小菜⭐️青咖喱軟殼蟹$128軟殼蟹幾脆 有小小蟹汁勁大碗咖哩汁 入面有小小豆 同茄子⭐️鹹肉椰菜苗$78椰菜苗 幾爽口 鹹肉小小似臘肉感覺叫番馬拉盞會野味d⭐️椰青$35 甜⭐️芒果沙冰$30 呢個都甜 甜得好自然係鮮果既甜 唔似平時其他用芒果糖漿⭐️芒果黑糯米飯$48唔錯既甜品 糯米飯軟硬岩岩好今日既芒果都好甜.金泰子泰國餐廳 (太子)地址：太子柏樹街21號地舖

今日黎到太子食泰國野呢區野食 真係幾易搵到大份抵食點左午市特價套餐⭐️豬頸肉冬陰功湯河粉$43配酸辣鳳爪$25加龍眼冰$5一上台望落幾大碗 表面滿滿既豬頸肉望落粉唔多....點知反開一睇 底下粉量迫爆冬陰功湯 唔係味精湯 飲得出幾酸酸辣辣嘅香料味 唔錯但由於粉太多建議盡快食用唔好掛住影相 如果唔係會比粉吸乾啲湯.仲點左個⭐️咖喱炒蜆$98都係好正 用左黃咖喱 似加左啲蛋汁 令咁汁更痴身緊緊黐住啲蜆 真係幾野味大蜆冇沙 連個殼都啜埋好評. 金泰子泰國餐廳 (太子)地址：太子柏樹街21號地舖

我哋係俾二人餐吸引咗嚟食🤤🤤🤤🤤依間餐廳有兩款二人餐 視乎自己想食咩 有多個選擇唔錯唔錯👍🏻👍🏻我哋就揀咗二人B餐 貪佢有海南雞食😍😍澱粉類就揀咗蒜蓉包 佢哋既蒜蓉包有蒜茸之外 仲有啲葱 個面包同平時其他餐廳既法包唔同 佢哋依款係好鬆軟 好好食 不知不覺就會食左好幾嚿蒜蓉包😋😋😋👍🏻👍🏻椰青🥳🥳海南雞就無得彈 雞就滑嫩 個醬就酸酸地 好開胃馬拉盞通菜有啲辣 但係好惹味😋😋😋湯就揀咗椰汁雞湯 而湯入面有好多雞柳同秀珍菇 好足料🤓🤓甜品係椰汁糕 而個椰汁糕糕底有啲粟米有啲馬蹄既嚼口嘢 我好鐘意佢哋依個椰汁糕 因為唔會太甜🤩🤩我聽到員工講泰文 咁大家就唔駛驚唔正宗😺😺😽😽😺😽

餐廳：金泰子泰國餐廳 (太子)地址：太子柏樹街21號地舖今次去到太子柏樹街21號嘅金泰子泰國餐廳食泰國菜🇹🇭，講到泰國菜我最鍾意嘅就係菠蘿炒飯同金邊粉，一於睇下今次我食咗啲咩啦火車炒飯(豬) $58打開餐牌一見到火車炒飯呢個名就比佢吸引左🚂，問過職員原來火車炒飯即係雜菜、番茄同蛋炒飯🍅🥚，再加埋豬肉片就形成呢碟簡單但係非常惹味嘅炒飯。火車炒飯呢個名嘅由來係因為泰國果邊好多老人同青年係街叫賣蕉葉盛載、而且用簡單材料整嘅炒飯，一黎平價二黎方便人帶走黎食蛋包泰式炒金邊粉 $78難得來到泰國餐廳點可以唔食我嘅至愛金邊粉呢😍，金邊粉嘅配料有蝦、蛋、扎肉芽菜等，外層比一個蛋網包住，相當吸引泰式鐵板豬頸肉椰菜苗 $98最後叫左個菜黎食🥬，用鐵板炒嘅豬頸肉同椰菜苗特別惹味香濃♨️，鐵板有另一個作用就係可以將食物保持一個較高嘅溫度🔥，唔會咁快凍哂，可以慢慢打個靚卡先至再食

上星期與好友聚會，去她光顧了多次的金泰子泰國餐廳，這裡的泰國料理既正宗又惹味，價格實惠，吃完回味再回味，真是不錯的選擇！餐廳裝修帶有泰式風情，簡約時尚，雖然地方不是很大，但座位之間沒有壓迫感，感覺潔淨舒適。我們來到這裏的時候是中午，所以餐牌上有多款午餐，另有二人及四人套餐，還有頭盤小食、燒烤類、海鮮、特色小菜、炒粉麵飯、沙律、湯類、甜點及飲料品，選擇種類很多。我們點了二人B餐  $238，包括有泰式海南雞半隻、冬蔭功湯/椰汁雞湯、通菜、白飯2碗/蒜蓉包5件 (加$8可轉油飯一碗)、甜品2份。油份甘香，爽口的泰式海南雞，肉質鮮美，完全不乾身，咬起來啖啖肉，雞肉非常嫩滑，沾了泰式辣醬，只是帶少許辣味，自己平時不吃得辣也可吃到，這碟海南雞大部份差不多給我吃光了，滋味無比呢！湯底香辣的冬蔭公，濃濃的香茅味，飲起來酸酸辣辣，很開胃  ;  冬蔭公湯裡面有很多材料，大蝦、蕃茄、秀珍菇、洋蔥等，口感豐富，色香美味。馬拉盞炒通菜，醬料香濃，不會過鹹，味道適中，通菜翠綠爽口，炒得鑊氣十足，很惹味。烘烤脆脆的蒜蓉包，麵包口感鬆軟，外面酥脆，內裡是濃濃的蒜蓉餡料，比起一般的蒜蓉多士這個不會又乾又硬，我較喜歡

今晚同男朋友來食泰國菜，這間有好多分店，是泰國人開，所以抵食又正宗播放著泰國音樂，簡約整齊的設計配合泰式擺設，好有泰式風格，座位舒適，明亮的燈光！泰國料理選擇幾多款式，有沙律、小食、咖哩、串燒、海鮮、粉麵飯等等，更有套餐，又配有泰式甜品及多款飲品1. 拼盤小食（小）3款小食，熱辣辣即叫即做，春卷外脆內餡有菜有肉，口感正；蝦餅圓轆轆又脆卜卜，蝦肉彈牙；魚餅配了香草又軟滑又美味2. 特製泰式豬脾肉這個必點！特製的醬汁加上了香軟腍身的豬脾肉，無了骨啖啖肉，配有骨膠及豬脾肉好易咬又入味，配菜有咸菜及滷蛋，配飯一流3. 菠蘿海鮮飯半個原隻菠蘿，賣相吸引！有酸酸甜甜的菠蘿、有口感的提子乾、健康雜豆：紅蘿蔔粒、粟米及青豆、海鮮（青口、大蝦、魷魚、帶子等），炒飯炒剛好靚又香，金黃色好均勻，更有肉鬆另上，讓客人自行加配4. 咸檸梳打夠凍又解渴、梳打有氣配合咸檸對喉嚨好有幫忙

提起泰國菜，好多時都會諗起九龍城，早排朋友就帶我去太子食泰國菜。呢間泰國菜係泰國人主理，比較正宗，價錢親民，菜式嘅選擇多之餘，仲好夠鑊氣添！因為兩個人食嘅關係，我哋揀咗二人套餐。呢個黃咖喱牛筋腩真係冇得頂！咖喱味濃郁，又夠香滑，牛筋腩炆得夠軟腍，撈飯一流。蒜蓉包，蒜味十足，外脆內軟，而且帶着好香嘅牛油味。炸魚餅，有六個那麼多，爽口彈牙，沾雞醬吃酸甜滋味，一口接一口吃過不停。馬拉盞炒芥蘭，好有鑊氣，小小辣，特別開胃，芥蘭炒得很爽脆。二人套餐雖然已包兩個班蘭西米糕，甘甜滋潤。但我們亦額外食了一個芒果糯米飯，我同朋友都喜歡食黑糯米，剛巧餐廳也是用黑糯米的，黑糯米比白糯米有嚼口，配上香甜嘅芒果，每一口都非常滿足啊！

太子一向都有很多美食，地點就腳但相對旺角人流較小。跟女友到泰國餐廳吃這個二人套餐B。 包括泰式海南雞半隻、椰汁雞湯 、鹹魚炒芥蘭 、蒜蓉包五件及甜品兩份。老實說，這是三人份量。海南雞皮薄肉嫩，而且足半隻。雖然雞味不算太重但調味後則剛剛好，有雞脾又有雞翼。正!原本純粹貪玩吃海南雞配蒜蓉包而不選擇油飯，怎料出奇的夾。蒜蓉包很香，內外亦很香脆。椰汁雞湯有小小辣，但有蕃茄中和後則剛剛好。有大量雜菇及蔬菜，很健康的一道菜色。鹹魚炒芥蘭很爽口。泰式鹹魚跟中式的不同就是比較硬身而且沒有這麼鹹。晚餐附送的甜品是椰汁西米糕，不算太甜而且西米都彈牙。聞說女人有多一個胃原來是真的，再點一碗香芋黑糯米。芋頭很香、黑糯米很煙韌。小店地方不算多，可以的話假日可以選大約六時就吃了，入夜後很多人光顧。]]

今晚太子落車，又想食泰國菜，叫埋我個朋友去食。去左金泰子，兩個人叫左3個送，費事叫白飯，叫左泰式海鮮炒飯，加埋泰國特色咖哩炒海鮮，燒豬頸肉，同薑蜜。薑蜜幾好飲，飲落好暖。呢度上菜都幾快，咋咋臨就上菜。夜晚黎食都幾多人，仲有好多係叫外賣的。泰式海鮮炒飯係我見過最足料的，粒粒海鮮都好大粒，個飯有點鹹，不過唔太油膩，唔算大份，兩個人食岩岩好。豬頸肉燒到脆扑扑，無肥膏。咖哩炒海鮮其實同個炒飯都差唔多，除左海鮮無其他啦。聽到人叫海南雞，下次都想試下。

朋友為了躲避她媽媽的碎碎唸，故不回家吃晚飯，她問我可否陪她吃飯，那當然可以呢。她說她在太子，但想吃泰國菜，問我有何建議，個人覺得金泰子泰國餐廳不錯，可以一吃。朋友說只要有酸辣鳳爪她吃，她便心滿意足。酸辣鳳爪份量驚人，鳳爪爽口具彈性，甚有咬口，酸美開胃，酸辣鳳爪搭配蕃茄，洋蔥，清新感源源不絕，作為餐前小食一流。青咖哩軟殼蟹好不彭湃，一大碟呈現我們眼前，軟殼蟹裹上薄薄的炸粉，炸得金黃香酥，非常可口。至於青咖哩主要配料茄子，豆角帶出些許蔬菜甜美，故咖哩辣度不高，卻有咖哩香，軟殼蟹吸附青咖哩汁，滋味過癮。泰式炒金邊粉我們選了豬頸肉，金邊粉鑊氣十足，甜甜的蠻彈牙，軟硬適中，裡頭還加入炒蛋，豆乾，青蔥熱炒，再把花生碎拌入金邊粉，嚼感味道瞬即不單調，且豬頸肉大塊爽彈，我們一口接一口吃過不停。原本想喝木瓜奶昔的，可是太好賣，一早售罄，我唯有轉喝芒果沙冰。黃澄澄的芒果沙冰相當幼滑，芒果果味濃郁香甜，極之討喜，尤其水果控會大愛這芒果沙冰。朋友則選喝椰青，椰青超合她的胃，椰青水甘甜滋潤，完全無負擔，吃畢青咖哩後再喝上它，心曠神怡，又解飽膩，真是爽透極了。