影片
营业时间
今日营业
11:30 - 15:00
17:00 - 23:00
星期一至日
11:30 - 15:00
17:00 - 23:00
以上资料只供参考，请与餐厅确认详情
碟碟都超大份，街坊都成日推介😎主打好多款正宗泰国菜，咖喱、BBQ烧烤、海鲜、小食、沙律、粉面饭、甜品样样齐，最紧要系价钱够平，CP值高到离谱🤣冬荫公海鲜面锅，2-3人份量只系$168！仲要好多料！带子系鲜甜㗎🤤酸辣度调得啱啱好，香茅同柠檬叶嘅香气好突出，虾、蚬、鱿鱼够晒新鲜🤩汤底浓稠挂住面，每啖都食到海鲜嘅鲜同香料嘅醒胃😍火山排骨大大份$148 排骨够淋，肉一啜就脱骨，酸辣汁渗透晒入肉，但又唔会盖过肉香👍🏻串烧$15@沙嗲鸡肉串 鸡腿肉切得够大件沙嗲猪肉串 梅花肉肥瘦均匀，烤完脂香爆棚🤤沙嗲猪颈肉串 爽脆口感超正，烤到微微起焦，咬落卜卜脆😎灵魂沙嗲酱甜度刚好，花生味浓郁，咬落肉香同酱香mix埋，一串根本唔够喉🤩咖哩大虾 虾只大只肉厚，开背去线好入味，黄咖哩汁椰香够重，辣度温和👍🏻虾肉蘸满咖哩，鲜甜夹住浓香，连汁都想食晒🤤🤤生菜包鸭肉鸭肉炒得焦香惹味，带少少姜葱香，清爽嘅菜香中和咗肉嘅油腻，越食越开胃😆泰式炒金边 金边粉炒得干身，镬气十足，酱汁均匀挂住每条粉，带少少鱼露嘅咸香！配料够多，口感丰富，超饱肚😋马拉盏炒通菜 马拉盏酱嘅香辣劲突出，带少少虾酱嘅咸鲜，通菜吸晒酱汁，每啖都够惹味🤩最后饮埋椰青同埋木瓜奶昔，超满足
继续阅读
呢间餐厅系街坊力推👍🏼主打多款正宗口味泰国菜，包括咖哩、BBQ烧烤、海鲜、小食、沙律、粉面饭、甜品等，重点系价钱非常亲民，Cp值极高🇹🇭💗炸虾饼皮蛋（$95）用虾胶包住皮蛋炸到金黄香脆，外层虾胶爽弹🍤入面皮蛋甘香🥚蘸上泰式甜酸酱一齐食，一啖有双重口感💗酸辣凤爪($65)酸辣凤爪无骨啖啖肉，肥厚爽脆🐓拌入生洋葱、萝卜丝同葱整成沙律，味道酸辣清爽🥗💗青咖哩鸡肉+ 薄饼($110)青咖喱香浓带甜，椰奶味突出，富各种香料味，入面有大量嫩滑鸡肉、茄子啦同青豆🫛将柔韧酥香嘅薄饼沾埋咖哩一齐食，简直系绝配🫓💗泰式和牛船面（$98）船面汤底用上牛骨同多款香料熬煮，汤头味道丰富且浓郁🥘配上顺滑嘅金边粉🍜和牛片软腍牛味浓，加上弹牙肉丸、芽菜同炸猪皮🐮💗菠萝海鲜饭（$108）将原个菠萝起肉🍍系炒饭加入新鲜菠萝、鱿鱼、大虾、墨鱼仔、三色豆、提子干、蛋花等，非常丰富，炒饭炒得干身且粒粒分明，酸甜开胃，最后放上肉松点缀🍛💗马拉盏炒杂菜（$66）炒杂菜有齐芥兰、椰菜、萝卜、西兰花同椰菜花，用上马拉盏酱炒，有镬气又惹味🥬
继续阅读
太子隐世泰式住家风味！ 冇花巧装修但有惊喜！碟碟份量爆棚，咸香浓郁嘅泰式风味！►辣椒膏炒蚬- 蚬肉肥嘟嘟冇沙，辣中带鲜甜，酱汁超正，真系会食到舐舐脷停唔到口►椰青海鲜焗饭- 椰汁亲自渗透饭粒，入边仲有嫩滑椰肉，海鲜堆到满一满，椰香双重夹击►椰汁鸡汤 -椰香浓郁，酸酸辣辣超开胃，鸡肉份量都够晒多►咖喱软壳蟹 -炸到香脆嘅软壳蟹配上甜辣味嘅黄咖喱，𩠌饭首选！啲汁都唔好嘥一定要嗌埋薄饼！🌈甜品视觉系暴动❗️必点‼️► 「七色彩虹糯米饭」► 「七色彩虹千层糕」每只色嘅糯米饭，真系又唔同香料味㗎！好正🔥 舖仔细细但干净企理，每一个菜式都地道住家𩠌温暖感！
继续阅读
#冬阴功海鲜面锅试咗冬阴功海鲜面锅，里面有好多海鲜，蚬、虾、章鱼仔、鱿鱼，仲有两粒带子，虽然未去到好新鲜，但呢个价钱都可以接受！汤底味道酸酸辣辣，虽然未去到好浓味，但个人觉得啱啱好，都几开胃！仲要份量真系好多，两个人share都食唔晒。#皮蛋炸虾饼另外嗌咗个皮蛋炸虾饼，皮蛋仲系流心质地，虾肉好弹牙，包住啲皮蛋，食落去好有层次感！#总结整体嚟讲，金泰子嘅食物质素唔差，价钱都唔太贵，份量又多，真系高CP值！
继续阅读
行完花墟太热了，想食泰国嘢就入咗呢间。Menu第一页大大个冬阴功海鲜面锅，十分吸引，就即刻拣咗！冬阴功海鲜锅🥘$168海鲜份量好多，有两三个大扇贝，同图片一致，上菜速度好快。面条比较幼身，不过如果系韩式方便面果种口感应该更好。我地两个人食都绰绰有余，食得超级饱。除此之外，还叫了一个肉碎生菜包$88蔬菜新鲜，睇上去细细一兜，但都好味。芒果沙冰，芒果好甜，十分真实。最后，仲食咗七色糯米饭。每种颜色都系唔同嘅味道，黄色嘅系菠萝，我就麻麻地黄色。但其他颜色嘅味道不会太突出，所以配上椰汁，真系啱啱好！
继续阅读
您可能会有兴趣的...