影片
今晚买了半只烧鸭前所未有的难食只鸭完全无味肉质又霉，鸭皮韧到咬唔开，70元事小有被骗的感觉，即使在屋邨街市的烧腊档都不会有这样的质素，打死我都唔会再帮衬呢间食店
继续阅读
今天第一次光顾该酒楼，带位员安排坐位后，等了一阵仍没人执桌，之后有趣事件不断发生…隔离枱的茶客用个身撞到我的朋友后仲要闹我们。被人闹完还要等很久先有服务员来执枱，但服务员话张枱布有部份反在桌面上而唔执枱，之后走左去。她5执枱，我们唯有起身5坐那枱服务员服务的区域，同经理反映完，经理只问边个服务员，我们指出那服务员，她出来话番我们...之后我们自己坐在新席后，等了后久仍没有人比咭和开茶，叫了部长，部长可能玩开太极...慢慢来，同一个人重覆来回问了3次要咩茶先开到茶。这个茶楼真是一绝，大家一定要帮衬及看住d服务员态度好看过千奇百趣，茶钱都值回票价啦。
继续阅读
上次食完觉得唔多好，不过可以系厨房问题，所以谂著再去多次试下，不过老实讲最真嘅嘅原因系唔洗等。不过间间都咁多人等，得佢唔洗，其实大家都心里有数！精点三色饺，其中一只系虾饺，肥肉唔算多，个皮厚薄适中，都算几好。另一只系鲜虾菜苗饺，虾肉完全唔同，个质感好烂，豆苗又唔够滑，味道好淡。仲有一只系潮州粉果，不过竟然连花生都无粒，既无香味又无口感，失败失败。花胶灌汤饺，都算渡错嘅，起码比其他野好，唔会太油。不过料就唔多架喇，但总算有件花胶食下，好过无啦。甜品...系最差嘅一样...清香红枣糕，之前喺其他酒楼食过,觉得好好食,不过地方唔同果然同一样野都可以完全唔同...成件糕软棉棉咁...系软到挟唔起呀...毫无质感，又无红枣香味，实在难食，睇怕都又有一段时间唔会再去喇!
继续阅读
假期公司请饮茶，我地唔敢拣太远去左葵芳金汉宫饮茶，环境ok，干净企理，侍应态度都唔错，会自动自觉清枱，加滚水服务几好!呢到点心款式都算多选择，乜都有d! 我地因为人多，都可以叫多d款式，每样都有得食下! 好钟意食呢到既马拉糕，每次我去到酒楼我未叫既点心，马拉糕好香好松软，调教既味道同颜色好有以前旧式酒楼既味道! 蒸虾米肠粉，好滑葱花虾米又唔会太多太少，份量岩岩好，豉油味道都教得好好夹埋一齐食就更加好味! 牛肉球唔会净系得粉，好大粒弹牙，落埋喼汁一齐食系最正既! 咸水角，炸得好金黄香口，馅料份量岩岩好，又够热，食起上黎特别好味! 家乡炒米粉，炒得又够好香又够晒干身，条条分明，捞埋甜酱一齐食，我最like! 粉果皮薄，馅料又多都唔错! 其他点心基本都几好食唔错，最紧要公司请，不过食物质素系唔错，下次有机会，自己都会再黎饮!
继续阅读
今日公司有一位同事生日，咁我哋就几个一齐去咗饮茶，因为都冇咩人等位咁所以我哋都唔驶等就入咗去，一面嘅位置都算几大🙄呢度菜式都同平时茶楼差唔多，咁我哋都叫咗叉烧餐包、虾饺、烧卖、奶黄 包等等咁我就食咗叉烧包，个包都算几柔软，但系里面嘅叉烧就好多肥肉，食落去就口感好肥女仔就未必钟意食另外有叫多咸水角同埋春卷，但系感觉就麻麻哋，因为佢哋系放左好耐之后再重新炸，所以外面个皮就好油，都唔新鲜😔另外我哋有叫到鸡扎，里面都算几足料嘅，味道都唔会太咸还可以接受呢度嘅点心就不过不失，系虾饺个皮会比较厚，口感不太好个马拉糕就系我哋嘅生日𠮶个同事嘅自爱，但系佢都几失望，因为个马拉糕一啲都唔弹，可能里面嘅粉用得唔系咁好我谂下次佢哋应该会试公司附近另外一间
继续阅读