金水壽司 (已結業)

每逢星期二都會o係九龍城工作平時得一個鐘, 唔去得好遠食今日假期, 冇乜客人可以去遠少少食過hea lunch就黎左九龍城廣場見倒有金水好多年前已經聽過貧友話抵食但一直冇食過今日見倒就黎試下13:00倒黎到, 食店都唔係好多人, 大把位選了一個梳化位, 都坐得舒服set lunch有十幾廿款選擇, 都算多我就叫左哩個切粒什錦魚生飯所有餐都包一杯汽水, 如果要叫檸茶o個d就要加錢魚生飯雖然唔係大大件的魚生不過都好多款, 同好有光澤好新鮮咁有蟹子, 三文魚, 吞拿魚, 魷魚, 蛋, 立魚飯都係用上珍珠米食倒有少少醋味, 好開胃野食味道其實唔錯不過唔知係咪食店o係冇乜人行o既九龍城廣場仲要o係basement本身人客唔多, 侍應都好似冇乜活力咁有時想點菜, 佢地唔行過黎要自己出去叫佢

今日同班friend行經九龍城，行行下好肚餓，見到間日本餐廳就想入嚟試吓，點知我地齊齊出事 我地成班人馬十幾友坐喺圍枱，叫咗幾個學生餐（小弟年紀仲細）。結果，呢段時間就係喺度白。等。等。我地仲試過吹佢，但係啲staff得嗰零丁個，係咁叫極都唔嚟。好喇，佢終於嚟喇（~20min），第一堆壽司、手卷、魚生飯 味道還可以接受嘅......只不過呢個三文魚魷魚八爪魚壽司舊飯仲大過舊沙絲咪，雙色手卷呢（三文魚、蟹子）就唔多新鮮，好似係預製然後雪住咁。再等多約15分鐘，啲麵、烏冬先嚟（前後再等十分鐘）。啲拉麵都仲過到骨，但烏冬就用咗最cheap嗰隻（星星牌7蚊5包？！）。而家日本舖都唔用嗰隻㗎啦，估唔到佢居然用嚟整，味道仲好淋pat pat。最精彩嘅係，有friend叫咗杯凍呵力走冰，原來是咸的。ヽ(`Д´)ﾉ 叫佢俾糖漿，又係一等再等，佢俾到嚟嗰陣，見到啲糖和熱水根本未溶。落咗糖漿同唔落冇分別 -_-#呢個故事教訓我，呢啲咁嘅日本鋪真係好唔掂。下次千其唔好再嚟！

住九龍城的朋友或者系九龍城讀書在lunchbreak OR dinnertime 一定要食依間！！！有sofa凳坐之餘, de壽司套餐好食兼抵食,有一定水準,學生重有優惠!!!!推介: ~三文魚粒飯~, $35喳, 三文魚蟹子夠份, 大碗飯~日本小食拼盤~, $40, 份量比較小, 不過賣相好看魚肉有色澤, 都算新鮮, 肉質倒是頗嫩人流不多 價錢好平未食既朋友就快的試吓!!!!!!

天氣熱就會想食日本野 可以食D凍凍地嘅野. 壽司好多人都食三文魚 我就鍾意食腐皮壽司 哩件仲加左粟米 甜甜地 無禁齋. 入面D珍珠米都握得幾好 唔會一夾就散開, 仲叫左個拉麵 我覺得哩隻嘅地獄拉麵係最好味嘅 佢唔係好辣果D拉麵 不過個湯底好惹味 應該加左好多調味料 唔係普通豬骨湯底禁簡單 D拉麵都算彈牙 不過浸得耐就係林左… 仲有叫左個芝士年糕同一口芝士, 一口芝士真係成舊都係芝士 係一樣好漏嘅炸野, 芝士年糕就有D咬口 唔係淨係芝士 我就鍾意一口芝士 因為好鍾意果陣好濃嘅芝士香味 ^^

宵夜時段,大部分野食都有6折,都算幾抵食,唔知係咪附近太多餐廳,所以呢間野都唔係好多人食叫左個蟹子沙律, 三文魚刺身, 軟殼蟹手卷, 帶子軟殼蟹卷物,同埋一個壽司拼盤(無特價但都好抵食,好多野),鰻魚壽司同埋鵝肝壽司, 仲有魚餅,.蟹子沙律好大盤,蛋黃醬好好味,唔會好孤寒落得少少, 三文魚刺身,正常新鮮,軟殼蟹手卷就麻麻地, 唔係好鍾意炸到甘多粉,帶子軟殼蟹卷物好味,帶子新鮮,壽司拼盤好多野,有三文魚壽司,加州卷(好味,份量好多,記得好似有8件定10件),蝦壽司,魷魚壽司,仲有唔係好記得,其實食完呢到都夠哂, 魚餅到左,食落有d雪味,應該係即時解凍落去煮2個人眼寬肚窄,飽到埋完單先醒起鰻魚壽司同鵝肝超司無黎,好彩仲未離開間鋪時發現者,如果唔係就蝕俾佢

話說上星期一同老公去食哩間野的下午茶65拆優惠好快來到的有三文魚子壽司: 魚子的顏色比平常的深色和鮮色, 整年軍艦都有許多魚子, 原本是應該不錯, 但食入口卻比平時我食到的魚子鯹 腐皮蟹子沙津壽司: OK劍魚腩壽司: 刺生很細, 無乜色澤, 肥油亦無乜香味, 而且還有些鯹加州壽司: 味道ok, 可是size細粒到呀.....赤貝: OK跟住等左好耐都未有三文魚壽司, 覺得好怪,突然來左8客前菜, 原來佢落錯單, 八件三文魚壽司變左8客前菜不過好在來到的時候, 都算正常, 魚肉有色澤, 都算新鮮後來再叫多個冷麵,點知等左超過半個鐘都未來...........真係豈有此理!! 我覺得入面個師傅係唔想整俾我地食lor....

一間食肆給人的印象，很會影響人客會不會吃它的出品，若然印象好，食客多，價錢自然又可賣貴一點，這該是經濟學上所謂的「goodwill」吧。話說早前光顧了一間餐廳，若是我自己挑選的話我九成九都不會挑的，印象感覺非常一般，不過我的朋友們建議去吃，我又沒有甚麼胃口，那就抱着一試無妨的心態去吃一下，反而不錯喎。「珍寶帆立貝壽司」$38非常厚肉巨大，新鮮的，配上少許青檸汁，更能吊出它的鮮味，平心而論我個人覺得蠻不錯啊。「和牛肉烏冬」$45我沒有去深究它是不是真正的和牛，肉質倒是頗嫩，而且以這樣的價錢有一大碗不難吃的烏冬，實在沒有投訴的地方。「蒜香一口牛柳粒」$55來個香口的，獻汁太糊口了，不夠乾身，肉質也有筋，這項算是不及格吧？！「朝鮮黑豚餃子鍋」$68沒期望下味道不錯，泡菜鍋味道酸酸辣辣甚醒胃，熱辣辣上桌，是冬天不錯的選擇。其實包裝真的很重要，此食店的出品不算差，但就總是欠缺了令人有「好想食啊！」的衝動，marketing可以再做好一點吧？！

我地成日在九龍城出沒, 可是卻從來沒有試過這間在九龍城廣場中的日本菜, 原因有好幾個, 一是因為九龍城有更多更有特色的食物在向我們招手, 二是因為飯伴一向都不好日本刺身/壽司, 三是因為飯伴很久之前吃過說水準很一般.....今次選擇佢係因為我地2個都食左個late lunch, 所以好遲先肚餓去搵一D宵夜當晚餐食, 咁岩經過既時間佢開始左宵夜時段, 大部份食物都是六折, 餐廳入面又好似好人山人海咁, 我地見唔駛等位, 於是就決定入去一試啦! 簡單D黎講佢D野食6折之後跟原價加一, 即係原價既7折, 而且佢本身D食物都係中價而唔係偏貴果隻, 所以呢個7折都真係幾抵食架!!講下好幾樣特別有印象既野食啦!1. 三文魚壽司::唔係特別肥美, 不過都食到魚香, 所以我覺得不過不失。2. 劍魚壽司:: 平時出去食壽司都唔捨得食, 今次有平叫2件黎食下^^ 味道都唔錯! 好有劍魚果D魚油既香! (後來encore再食添)3. 燒翠肉瓜:: 一出黎都幾熱辣辣, 都應該係即叫即燒, 唔會話因為係宵夜時段而水準下降, 翠肉瓜都幾Juicy唔會話燒到變瓜乾。4. 燒玉子::唔算非常好食, 蛋味不是太突出。

早一晚幫襯完九龍城金水, 食完有搵笨既感覺...本身很少上來寫食評, 但睇埋其他食評, 真係忍唔住要上黎和應一下...1. 普遍壽司飯都很細又鬆散,一夾就爛, 人地花之戀大大舊, 佢就細細舊...2. 食物新鮮程度, 個人認為只係中下水準3. 當晚我看到一位師傅是無戴手套去整魚生拼盤, 感覺衛生很差4. 員工服務態度算不錯, 算有禮貌, 但很業餘水準, 很多情況都要顧客不斷追問才去跟進.5. 埋單需時很很很久....不只是我那枱, 進餐時已不斷聽到其他食客話: "喂, VISA簽咁耐既, 我俾CASH啦, 唔該快D"。但奇怪既地方係, 埋單耐既原因唔係因為所有員工都很忙, 無時間跟進, 而係佢地多次忘記咗人地俾咗張卡佢埋單, 張CARD就咁擺咗係CASHIER到無人理....一次半次都算, 但當晚我係見到多次...究竟點解會咁呢??? 仲要俾錯單我...亂到7彩早1,2年的金水水準很好的, 現在為什麼會變成這樣?

今晚在九龍城金水消費8人超過千捌圓而覺得很吾值及激氣。1. 散叫應該是大件過放題，但九龍城的三文魚壽司比超市的還要細飯又鬆散一夾就爛。2. 叫了一版海膽又湦紫菜又霖3. 清酒煮蜆很多沙4. 燒青魚D皮很燶5. 最差是烏冬地獄烏冬吾辣又無味，炒烏冬又濕又甜又多水跟本就無炒過只是將D烏冬撈甜豉油。6. D 服務員態度認真但吾合群又欠缺合作性，好像幾次D服務員將食物拿來時一手拿來兩份食物，另一隻手跟本無可能放底食物，動作非常危險及很容易將食物倒反，其如的服務員只顧和他人溝通都沒有幫手拿食物給客人，反要我地幫手自己將食物放底。但之前我也幫襯過譽港灣的串那裡的服務員態度很差，但D食物水準好過九龍城的金水很多。同一集團D食物水準為什麼相差咁遠！還要比放題差！希望你們能一一解釋！                                    受氣的顧客                                    12/07/2013

和朋友去到九龍城但不想吃thai菜 入了去金水壽司食刺身飯我看到menu上的說明 都充滿期待!!!三文魚, 海膽, 吞拿魚, 帶子 !!!!! 正呀!!!!等了五分鐘度, 刺生飯來了 omg!!! 點解咁薄薄架!!! 帶子是一開三的厚度!!!雖然蒲滿飯面 但都令我懷疑究竟會不會夠送飯吃!!!!其實味道是不錯的 但真係好可憐!!!價錢都不是好平 78蚊加一令我很失望呢!!!!!!其實人流不多 價錢不是好平 應該在用料上重手點啦!!!!

今天約了好友在此食店吃午飯相聚，貪環境OK方便傾談。 本來心情好好，但當我進入這食店後的30分鐘後便令原本很好的心情逐漸起了變化。我和好友於上午11:35入座， 當時只有一張枱有食客，我和友人是第二張枱。 我們均點了剌身定食；因我和朋友很久沒見，所以一直傾談至正午12:10，但因友人需於下午13:00回家，所以友人便找侍應說可否跟進一下食物進度，而我們得到的答覆是「因為現時只得一個師傅，所以較慢，就來了！」。 我們本着體量人家而一直等待至12:25，其間還追過兩次，得到同一答覆是「就來了！」。 於是我們再次追問為什麼「你說就來了！ 為什麼還沒來？」 那侍應說 「就來了！ 只差甜蝦便成了。」 誰知，我和友人等到12:35，食物還是不來，所以我便自行到Bar枱看進度，發現有3個師傅在，但沒有一個是在處理甜蝦的，於是我找侍應問那個師傅正在造我們的order。 侍應的回覆竟然是 「現在才開始，因剌身師傅12:30才上班，所以現在在造了，就來了！」 我朋友便找來部長問個明白，但他們均沒給我們任何答覆，便很快給我們麵豉湯和白飯。 要知道沒有主飯菜甚麼進食，而且白飯很快便放涼了。 其怪的是，有個肥侍

據報這個商場，一至五人流稀少，加上今天三號風等待轉為八號，街上的人火速到街市搶貨再撲回家，商場內更靜。壽司：鰻魚壽司一般，食到骨，有啲腥；蒜片牛柳：牛柳好大粒，啲汁幾好，唔韌；雜錦天婦羅：個皮脆，三隻蝦好細隻，第一次食雜錦有假蟹柳同竹輪，不如俾多幾舊菜類好過；炸蠔卷：面有紫菜粉，紫菜味勁得滯，蠔就當然唔係幾食到味啦；七味雞翼：麻麻，有隻燒焦左，有隻仲有雞毛，味道就一般，自己整仲好食；蘋果雪葩、橙雪葩：始終都係呢間蘋果味重啲，橙都正！兩人共$430，這個商場正值裝修，這家店位置在B1，剛好這層的正中位置封住了，如果落錯了左邊，便要上回一層再落右邊，加上圍板全封了店面，不是專程去找，一定不會路過，好處是不用排隊啦。

見下午茶有六折 就去試下 早三個字去到拿籌 第一輪就入得一坐底 就立刻叫野食叫左劍魚腩, 三文魚, 玉子燒三文魚 & 珍寶帆立貝頭三樣味道正常 冇咩特別 三文魚切得都幾薄下燒三文魚就幾香 充滿油分珍寶帆立貝真係好大隻 幾鮮味 如果再凍d就 perfect第二輪叫左海膽, 三文魚子, 蟹柳, 帶子, 鱆紅, 油甘魚全部味道都okay既 都夠新鮮 海膽唔會有好腥既情況尾輪就叫左牛脷串燒, 特長海鰻, 活赤貝, 北寄貝, 墨魚, 天使蝦牛脷串燒值得一讚, 燒得香, 牛肉味夠, 而且唔會燒到乾哂 keep到d肉汁特長海鰻味道一般, 而且有一條一夾就散開活赤貝, 北寄貝, 墨魚, 天使蝦味道都可以既 問題都係一個.... 如果凍d會好食dp.s. 以折左之後既價錢黎睇 係值得去食既.. 原價既話就唔係幾抵了

根本店內的侍應是從不理會客人的要求, 每當想order食物時, 從未見過有侍應主動處理, 反而每次都是由做壽司這班師傅見到客人有需要大聲叫這這班侍應才會出現, 而且這班侍應每個樣都是一樣.....木口木面, 地方有點陰陰沈沈, 還以為是萬聖節的Zombie, 提早出現於九龍城的金水