金水壽司 (已結業)

下午茶三時開始,壽司,手卷及拉麵半價(加一照正價計),超抵!!!壽司:三文魚:比較乾身希靈魚:好大塊,好有魚味,正!醋鯖魚:較細件活鯛魚:無味,不好食劍魚腩:超正,好肥味,好滑好爽珍寶帆立貝:珍寶?只是普通size,不夠鮮甜還叫了一件軟殼蟹手卷,朋友話正,蟹夠熱夠大件,面頭還有蟹子,紫菜夠脆,必食之選

今晚同男朋友來左呢度食dinner, 第一次來, 個度好大, 我地2個人都有卡位坐..幾舒服, D服務都幾好, 個個都好有禮貌, 仲會定時定侯幫你加茶!!!壽司好好味, 唔會一夾就散, 料好新鮮!!!我同男朋友都一致好評, 我地叫左3個壽司+一個特上壽司拚盤+牛油帶子!埋單唔駛300蚊, 唔算好貴, 不過都覺得好值!!佢話下午茶半價, 下次要試下先~

己經食左2次啦，一次正價一次下午茶。第一次正價食，d野真係好新鮮，好美味。唯獨係軟殼蟹手卷等到訓著左，佢要等其他叫先一次過炸蟹，叫左大半個鐘先有得食呀。味道雖然好，但係同鋒相比就略為貴dd，正價的話下次都係出旺角食鋒好過。下午茶就緊係抵食啦，不過呢次就好明顯唔夠服務生，睇見d人走左企左15分鐘有多先至入得去，望入去又未係滿坐咁，只係無人執枱。超鐘意食火灸蟹棒，真係好鬼香嫁。三文魚當然係主菜啦，軟殼蟹手卷都係一流。唯獨最唔滿意蝦卷D蝦太細仔啦，食左都唔知呀。個個芒果+海膽都唔錯，媽咪話好鮮味。北寄貝、赤貝都唔錯。下次去食都係會選下午茶時間，抵食嘛。

11/10"放學之後,同女朋友相約左買小小精品"!!見度金水壽司,,決定一試!!我叫咖哩牛肉飯,女朋友叫秋刀魚定食!!咖哩牛肉飯!!=___= 咖哩水+ 肥牛飯!!差反而女朋友食既秋刀魚定食!!雖然秋刀魚好難送飯!!=_="不過真係幾好食, 唔錯""!!不過禽日留意度3 "00 - 5"30有個下午茶!!sushi , 鍋物, 燒物都係半價其實睇洛幾抵, 不過味道唔知道~服務態度,,好好"做野又快"值得一讚!!嘿嘿我會再返轉頭幫襯!!埋單" 70蚊!!

知道LEI道開左間~就同老公黎食啦未到3點已經有好多人拎哂飛@@門口排緊隊鋪內裝修都幾令~幾有情調~不過如果坐門口果張我就唔制啦=.=..真係坐o係門口ga wor..不過有d花花草草傘下咁叫左好多~講d記得ga la芒果軟殼蟹卷--一般啦~~老公話好食3文魚籽海膽壽司--麻麻....佢d 3文魚籽唔令軟殼蟹手卷..幾好食wor~~好脆好大隻@@其他既都係一貫咁好食=3=不過lei間就貴過尖沙咀果間d 炸雞軟骨lei道要25,尖沙咀15咋but lei道係多款式d既

上星期五行九龍城廣場, 地庫金水壽司有下午茶, 3:30 - 5:30 所有壽司, 手捲和拉麵半價, 入去試試, 兩個人共叫了十碟壽司, 有三文魚, 帶子, 池魚, 針魚等等, 手握壽司還暖的, 魚生也新鮮, 埋單總共$72, 每碟兩件計, 每件不用$3, 和超市那些"冰凍壽司" 價錢差不多, 十分抵食, 下次去一定試試明太子炒意粉, 下午茶時間大約$20.

鱈魚好嫩滑, 飯香軟中有嚼口, 價錢合理esp set lunch, 個人喜愛醋青魚Sushi選擇多, 味道中上, 用料算新鮮服務良好(但有少數"做細的"工作冇heart/未瞓醒, "做大的"不斷同客say sorry同執手尾, 真的幾嘔血, 對著惡客仍保持禮貌, 忍氣吞聲, 真的難為了"做大的"有意見表給食客填--> 有誠意改善服務Quite satisfied and I tipped $19

一個人0黎呢頭食lunch, 忽然想食迴轉壽司, 諗起0係尖沙咀見過0既呢間迴轉壽司店開了新鋪0係九龍城廣場, 走0左0黎試.拎住份menu 左睇右睇, 結果劃了7 碟:- 手握壽司飯: 夠實淨唔會一夾就散, 形狀同size 亦出奇地公整... 但實在太大舊了, 入面又無wasabi, 食落感覺麻麻.- 厚玉子(圖左上): 賣相同味道都唔錯, 夠甜, 如果輕輕燒過0下佢應該會仲好食.- 極上壽司(圖左下): 一層甜蝦, 一層海膽, 一層吞拿魚腩蓉... 3 樣一齊食落口感覺麻麻, 不過分開食就唔錯的, d 料都算幾靚. 3 樣之中海膽最麻麻, 唔多夠鮮甜.- 三色壽司(圖右下): 純粹gimmick 0野, 有d 後悔叫0左呢個-_-" 除0左墨魚+ 飛魚子叫做好少少之外, 其他兩樣幾九唔搭八... 三文魚配牛油果都算, 但吞拿魚+ 芒果呢個combination 真係幾怪裡怪氣!- 蟹柳(右上小圖): 呢個ok, 口感味道都唔錯, 沙律醬份量亦適中, 拍得住峰壽司0個d!- 金水蝦(右上小圖): 一般, 夠爽, 但幾乾.- 天使蝦(右下小圖): 呢個唔錯, 爽口鮮甜, 比金水蝦好

吃那兒的學生餐…7個人等了半個鐘…已經很無奈,但點菜和上菜速度都幾快,但…果然一分錢一分貨…學生餐的材料果然較「遜色」,但味道…可接受啦…沒甚麼好評價,因為這個學生餐太for一個普通學生嚕…