影片
以上资料只供参考，请与餐厅确认详情
本來諗住去富臨飲茶，可惜下午茶時段真係太過多人。今日無乜耐性，所以轉地方去左金殿飲茶。金殿唔洗等位係有原因。餐牌點心種類唔多，而且價錢偏貴。食物方面，其實都唔錯。蝦餃有四粒，蝦肉幾爽口，皮唔厚，幾好。馬拉粒好細，不過味道都唔錯，唔太甜。仲有叫左雞扎，綿花雞，一般般啦不過性價比真係偏低，如果唔趕時間都會去返隔離。
继续阅读
大家約好在美孚地鐵站附近的酒樓午餐, 選了 "金殿宴會廳" .裝修一如其名, 金碧輝煌, 入門的水晶灯式很燦爛, 牆身裝飾也很講究, 有吊燈, 大电視營幕, 座位配了白色枱布及椅套, 很有純潔感. 是婚宴理想酒家.服務生招呼有禮. 餐具齊全, 水滾茶熱, 我們看看点心紙, 很快便点了很多点心:蝦餃: 上枱夠熱, 蝦肉大粒又爽口, 夠新鮮, 皮薄, 厨師手藝及調味不錯.蟹子燒賣: 肉質新鮮賣相好, 調味適中, 豬肉鮮味, 帶少許肥肉, 入口更爽.鮮魷: 有咬口, 略带韧性, 調味一般.牛肉腸: 面皮柔軟, 餡料豐滿, 豉油好味.牛肉球: 肉質好, 一碟有三件, 入口軟綿綿富彈力, 加些喼汁, 更惹味.蘿蔔糕: 煎得香, 一碟三件, 煎得香而不焦, 有少許腊肠和腊肉粒, 味道頗好, 沒有太重的蘿蔔味.蒸排骨: 肉質畧肥, 少骨. 淹得入味. 有紅, 綠椒及鼓汁配合, 頗好.蟹柳鱼肚菇, 很滑, 味道不錯.珍珠雞: 一籠三件, 份量算多也大件, 內饀一般.叉燒包: 包身鬆軟, 醬汁味適當. 叉燒餡多, 口感好.鮮果炸雲吞: 配搭很有特式, 什果粒配料甜美, 炸雲吞夠脆口.鹹水角: 料多皮薄, 夠大隻, 香口脆身, 新鮮炸起但不太油. 流沙飽. 好食, 夠熱, 不太甜.桂花糕, 糕身軟滑, 味道適中.糖水: 蕃薯, 芝麻糊 及紅豆沙, 品質一般.我們品嚐点心之餘, 抬头望向天花, 有小鳥在飛翔, 加添点娛樂性, 哈哈, 我們會再來.
继续阅读
服務員叫極都唔理，掛住講嘢，要叫好多次先理，明明見到系叫緊佢都可以當無事咁行過，掛住理啲熟客，真系無嘢好講有啲嘢食又凍又唔太好食比想像中差好多，下次都唔會再幫襯呢間。
继续阅读
由於表姐夫喺加拿大返港，所以我們一家去咗姨媽屋企附近嘅「金殿宴會廳」食晚飯！我們叫咗濃湯菜膽鷄煲翅、菠蘿咕嚕肉、蒜蓉粉絲蒸大元貝、珍菌六味齋煲、金牌燒肉、龍躉兩味：翡翠炒龍躉球同清蒸龍躉頭腩、上湯波士頓龍蝦伊麵、芝士波士頓龍蝦伊麵、金殿脆皮鷄、清蒸沙巴大龍躉同秘製鎮江骨！濃湯菜膽鷄煲翅嘅湯底好濃郁，材料相當豐富！菠蘿咕嚕肉嘅肉質好鬆軟，炸粉亦唔會好厚！蒜蓉粉絲蒸大元貝嘅肉質好嫩滑彈牙，味道好鮮甜！珍菌六味齋煲嘅珍菌味道好鮮甜，南瓜好香甜軟滑！金牌燒肉嘅皮燒得相當香脆，肉質好鬆軟，同唔會好油膩！龍躉兩味：翡翠炒龍躉球嘅肉質好爽甜彈牙！清蒸龍躉頭腩嘅肉質好嫩滑彈牙！上湯波士頓龍蝦伊麵同芝士波士頓龍蝦伊麵都係殼比肉多，但肉質都幾爽口彈牙！金殿脆皮鷄嘅皮燒得好金黃香脆，肉質好嫩滑，唔會有「嚡」嘅感覺！清蒸沙巴大龍躉蒸嘅時間火候控制得恰到好處，肉質非常新鮮嫩滑，味道相當鮮甜！秘製鎮江骨嘅肉質好香滑鬆軟，醬汁嘅味道亦好惹味！
继续阅读
今早兩老往美孚金殿宴會廳飲早茶，這兒環境不錯，早上還有孖寶優惠，盅頭飯又有特價，特別適合區內老人，以往是早上7:30開始營業，後來延遲至8:00，來的次數少了。這是工資上漲的必然結果，加上來港一年可領綜援，大大減少服務員的生力軍，各處茶樓多欠服務人手。欖豉排骨飯 $5.8飯底靚、欖角好味、排骨略嫌骨多肉少，且整體份量稍少，不過$5.8的收費，算是接受。香芹雞絲腸、香滑奶皇飽(孖寶) $23.8金殿盛載腸粉的碟子頗具特色，腸粉滑、雞絲瘦而不老，配合香芹，十分好味，附帶一條菜芯，賣相吸引。奶皇飽夠香滑，剛蒸好，熱騰騰，好食。雙菇浸魚肚、鬆軟蜂巢糕(孖寶) $18.8魚肚以上湯浸透，份量算是可以，配合兩種菇類，有益健康。蜂巢糕少甜鬆軟，正是我的所好，兩款點心收$18.8，抵食。
继续阅读