金樺餅店

营业中

休息中

去太安樓掃街，咁啱經過就見到啲麵包蛋糕都好傳統，自問唔係街坊，入到去被紙包蛋糕吸引！即使係dinner time都買個黎試下，雖然有7成麵包蛋糕都賣曬，心諗應該唔會差啦。1. 紙包蛋糕賣相蛋黃色，質感鬆軟，蛋味有點淡，但整體都唔錯，唔膩；$6 一個，$11 兩個，個人覺得超值！2. 白麵包切得較薄，質感一般，同傳統白麵包一樣號味道，不過不失，不過$6 有4塊真係好平！呢個價錢真係無得要求太高。$6/4塊白麵包絕對超值，價錢對得住個質素！用黎做早餐或飛碟都好正！

西灣河太安樓人氣蛋撻 難得黎一次西灣河 搵左幾間小食試試 呢間餅店牛油皮蛋撻幾出名 見到新聞話佢地係港島5大好食蛋撻 呢次去試試.⭐️牛油皮蛋撻$5呢間keep住都幾多人買 係太安樓行左15分鐘見到佢已經新鮮出爐左2盤蛋撻 岩岩出爐脹卜卜 （見到有一個脹到爆左🤣未開始已經結束🎤）佢地牛油皮的確做得唔錯 有番少少曲奇硬度蛋漿都滑溜飽滿 唔會過甜 有蛋香.整體好食 但未到超特別 唔洗特登黎最主要令佢好食既地方 其實係賣得快 新鮮出爐#金樺餅店 (西灣河)地址：西灣河筲箕灣道57-87號太安樓16號A地下.⭐️評分：味道：4/5環境：-/5服務：-/5抵食：3.5/5

早前見網上瘋狂推薦去太安樓掃街，而其中一樣必試嘅係呢間傳統包餅店，金樺餅店！一向好鍾意麵包蛋糕嘅我就更加要買嚟實測吓😍～ 本身仲諗住買多d唔同嘅款式但返嚟先發現原來自己叫咗嘅好多都係豆沙餡做嘅小食😅🥮 豆沙月餅 $7出邊月餅閑閑哋都幾十蚊，估唔到呢度$7就有一個😙 仲要份量都唔細😛 月餅皮又薄又乾身，豆沙餡亦都好足夠。下年端午節一定會買呢個嚟食😂 超級推介！🥠 豆沙酥 $7比起月餅的話豆沙酥就還好啦😬 口感層次冇想像之中咁豐富，不過都算外脆內軟，而且都幾容易切開唔會話好散咁～🧁 香蕉藍莓蛋糕杯 $8 其實冇諗住買cupcake但係見到佢呢個都幾大嚿所以不妨試埋😂 食落去明顯落咗好多香精，一定唔係用香蕉水果整出嚟嘅🤣 而且藍莓真係偏少🫐(如圖)，如果有啲肚餓想食杯子蛋糕都可以接受但你話係咪真係好食呢就唔會推介啦！🥜 花生糯米糍 $4 普普通通嘅花生糯米糍估唔到咁有經驚喜！內餡料有炒香咗嘅花生粉、花生碎、砂糖、同埋少少芝麻，食落去唔會過甜，而且花生味好突出！糯米糍嘅皮厚度適中，算係有啲彈性，整體來講真係唔錯😍 絕對會encore！🥧 豆沙糯米糍 $4比起花生糯米糍的話呢個比較普通，可能因為

太安樓娥姐粉果旁邊嘅一間麵包餅店！係我等緊粉果既時候比個蛋撻吸引左過去🙉牛油皮！！唔係唔試下嘛😛其他舊式西餅都好吸引！但今日嘅quote淨係食得落蛋撻….！牛油皮蛋撻$5超級正呀！外層嘅皮又薄又鬆！中間嘅蛋，蛋味出、味道都唔錯！色澤良好。咁好食都只係5蚊雞！抵呀！香港呢啲舊式餅店買少見少，以後過開呢頭都要黎幫襯下！

牛油脆皮蛋撻（$5/個）賣相：🐧🐧🐧味道：🐧🐧🐧🐧一次過買蛋撻六個，會奉送紙盒包裝。蛋撻蛋心鮮黃吸引，蛋面有少許瑕疵尚可接受。蛋撻外層脆皮偏薄，略嫌軟身，拿上手容易變型裂開。味道方面，蛋心蛋味足，甜度適中，口感滑溜細嫩，十分不錯。蛋撻外層脆皮鬆脆可口，牛油味一般，不會過甜過膩。外賣等候時間：🐧🐧🐧🐧🐧在平日上午購買，不需輪候，即點即包裝。服務：🐧🐧🐧🐧🐧店員爽手友善，包裝蛋撻快手迅速。🐧❤️結語：十分不錯的蛋撻選擇。

今日去呢到拎free goods,行入去黑蚊蚊個商場😵‍💫我以為係死場…但我老公話呢到大部分店都係網上勁岀名行到呢間見到勁懷舊嘅港式餅（出賣年齡系列）細個勁鍾意三角朱古力蛋糕！但呀媽唔俾買我哋買咗三角朱古力蛋糕同杏仁蛋糕超飽肚！勁好味！好抵食！啲蛋糕厚過iPhone 架！一陣要再買多幾件返去俾2個怪獸食因為唔係住呢頭，見佢冇八達通機就問係咪cash only? 佢反而唔好意思😅其實收現金都好，唔洗煩太多租機事☺️☺️☺️

曾被評選為 港島區 名列前五名 最好味蛋撻 住在東區多年（當年都會去 那間桌球室 偷看成年人打 士碌架）常常經過 金樺餅店 却沒有買過 😅😅今天到 西灣河 體育館 打疫苗 順道買番半打 返到屋企 還微微暖 嗰牛油皮超鬆化 牛油香 有三個裂開 但真心美味 蛋漿香滑 甜度適中 令人回味無窮 放涼了亦不會難吃 😋😋還有多款 傳統西餅 兒時最喜歡的 雲石蛋糕 花沾餅 菠蘿果沾蛋糕 卷蛋 網評說的 荷蘭餅 雖然現時 較少機會買來吃 因為奶油較膩 但這些傳統西餅 讓人百般滋味 湧上心頭 🍰🍰 🧁🧁 🍩🍩

金樺餅店 @西灣河📍西灣河筲箕灣道57-87號太安樓16號A地下蛋撻真係由細到大都咁中意食💛💛 無論酥皮曲奇我都中意😆 睇蛋撻關注組先發現原來太安樓入面有間餅店係全港島五大最好味既蛋撻 咁梗係要試試去🤪 🥧牛油皮曲奇蛋撻 $54點幾去到好彩仲有得買！！雖然我諗蛋撻已經出爐左一段時間 但仲係熱辣辣架🔥曲奇好鬆化 牛油味香 🤤 唔會好易就散👍🏼而且蛋漿好滑😋 蛋香味係有不過可以再濃d～ 5蚊就買到滿足感 抵啊😆👅好味：4.5/5💲價錢：4.8/5🌟性價比：4.6/5👥服務：4/5

今日去西灣河，終於買到金樺餅店蛋撻❤️仲有見到巨大化傳統西餅， 女店員教識我叫黃梅醬蛋糕🎂蛋撻真係好似人地講有蛋香味，曲奇皮放左兩個鐘先食都仲好鬆化👍🏻好少再見到呢啲西餅，而且真係好好食😋個蛋糕好鬆軟好香，cream好滑！我真係覺得好食過時興嘅戚風蛋糕🤭🤭加埋醬食，一啲都唔漏，想食多啖😋見到佢啱啱出咗泡芙，有天鵝造型好靚！店員話好好食架，個cream係自己打！不過今日已經買咗蛋糕同埋蛋撻，下次再去試吓先！

經過太安樓，見到間舊式餅鋪痴住張全港島五大好食蛋撻，又咁啱蛋撻新鮮出爐，唔試唔得啦！🍴蛋撻 $4.5$4.5一個蛋撻真係幾平，新鮮熱辣辣！係曲奇皮蛋撻，曲奇皮好鬆化，唔會太厚，蛋漿甜甜哋，幾香唔會太甜，但唔濃蛋味，唔錯嘅！推薦指數: 6/10$4.5食到一個蛋撻冇得咁高要求，傳統地道蛋撻味，屬於中上的，經過新鮮出爐可以試下！

聖誕節正常系食大餐, 我就黎太安樓掃街. 之前有報道介紹呢間26年歷史金樺餅店有懷舊煙囪蛋糕賣, 亦叫做荷蘭撻, 每件$8, 在其他餅店唔容易搵到, 呢隻蛋糕仲有其他別名帽子、煙囪、荷蘭撻、飛天炮等 . 呢隻餅咁吸引我系因為佢本是一件普通的牛油蛋糕, 由師傅再精心後期製作, 用圓柱體模具, 將中心既蛋糕切走，再加入奶油，最後將切走的圓柱蛋糕放回中央就完成。蛋糕唔太甜奶油亦香, 原來奶油共用了三款牛油，奶油口感順滑香濃. 一個平凡既牛油蛋糕變成外形特別既蛋糕. 再睇介紹呢間餅店仲有蛋撻,紙包蛋糕或其他港式麵包都出色值得一試, 又有藉口再一次黎太安樓🧁

太安樓實在太多好野食了，之前已經試過 娥姐粉果、鴻記雞蛋仔、啊婆糖水等，今次食完正餐一於試埋呢度嘅蛋撻😋金樺嘅蛋撻可以話係東區好食蛋撻之一，緊次於新鳳凰餅店👍🏻就算係放左一段時間都好，蛋撻都唔會出水同離皮，真係有水準嘅師傅先做到，而且咬落去牛油皮好鬆化，蛋味都重，經過太安樓嘅不妨一試👇🏻👆🏻蛋撻出爐無耐，熱辣辣😋鋪頭仲有好多各式各樣嘅西餅、蛋糕、麵包，有好多都係兒時嘅回憶，例如煙囪餅、朱古力三角餅，全都係好食之選💕

今日又經西灣河, 下午又有少少餓;乾手淨腳食小點, 不離壽司和飽點.眼見金樺四蚊件, 睇落吸引好少見;入口咸中隱帶甜, 新鮮又暖微脆面.麵粉層層似饅頭, 聞上又似豬仔飽.上網谷哥又雅虎, 兩處搜尋皆不見,究竟此飽出何處, 但求大大給指點!

今早經過買了幾個蛋撻结果放到晚上才食，個蛋竟然冇凹唔出水唔離皮，蛋味香但唔太甜。個皮更有驚喜，酥得嚟唔會一咬就碎哂，唔厚之餘仲好有牛油。好有誠意的小店👍🏻👍🏻

🥜花生糯米糍($4)▪️親親大自然🍀幾年前食過一次依到嘅花生糯米糍，個時都覺得依到嘅外皮同傳統嘅不同，食落唔難食，但幾趣怪😵久久無泥，行過㕑窗見到排到整整齊齊脹卜卜一粒粒😍又忍唔住再試多次😬塊皮真係好厚，質感同味道好似🍌香蕉糕🙈所以食落都唔會話接受唔到個厚度🤣因為香蕉糕都係咁厚一條。但就無乜彈性，比較厚實。內餡是炒香嘅花生粉，花生碎，砂糖，芝麻，食落都有花生香，不會太甜，但整體一般般😗💛椰撻($6)▪️見到依個特別有兩粒糖漬櫻桃🍒即刻夾上盤🤣椰撻重點之一~~-表面比較平嘅，唔似得有d爆得好高好靚，但著色方面，都幾金黃色，甜甜地少少焦香，內裡蓬鬆，像蛋糕口感🤔食到點點椰絲，但有點略乾，撻底顏色比較偏白嘅淡黃，牛油香不足，不脆腍身，整體一般~