影片
食记 (6)
野食麻麻地，不过D服务态度极差，我系第一次去。我等位时见到有D可能系佢地熟客既关系，可以直接入去攞位坐。而我地就要等（短短三两分钟，眼见起码入左最少3始）之后我就去同（嗌位既女人）理论。佢竟然话「你黎食野唔系大晒，你钟意可以入去揾头先自己入去既客人闹」佢既态度极衰。呢间酒楼有D咁既员工，一日都唔知比佢赶走几多个客呀！
继续阅读
话晒做咗天水围人成十年有多，银座同新北江ｄ食肆都食到闷晒有日行开去天瑞村，盲摏摏入咗呢间酒楼饮茶，印象中ｄ点心都ｏｋ。今晚响附近打完羽毛球，一行四人又去试吓佢嘅晚饭先！见楼下有人弹ｄ服务差，我都觉得个知客真系唔多掂，唔识主动招呼客人，仲要无厘笑容，呢间酒楼请著佢做知客真系该煨 但企堂ｄ部长同侍应我又觉得ｏｋ噃，态度非常友善，仲同我地有讲有笑，好nice！迷你冬瓜盅～我觉得一ｄ都唔迷你，足足分咗十碗满满嘅！味道清新，足料够味，夏天消暑之选一品脆皮烧鸡～热辣辣，皮脆且香，鸡肉亦非常入味，食到停唔到口清蒸多宝鱼～有少少过咗火喉，ｏｋ啦！金银蛋苋菜～系我食过最好味嘅，因为落咗好多咸蛋！咸蛋黄融入上汤，成碟𩠌黄黄绿绿，望到都已经觉得好食，食落浓浓咸蛋黄香味，加埋嫩嫩嘅苋菜，正爆埋单仲有生果糖水送，西瓜同红豆沙都甜，后者有ｄ过甜，但都好足料，绝对唔会水汪汪！帮衬两次都好满意，唔知点解无人赞呢？我个人一定会再帮衬啰
继续阅读
每月和朋友聚一聚的地方九成九都是酒楼.皆因我们都钟意上酒楼饮茶,食点心.哈哈^-^之前很多个月她一直都就我到公司附近的卓尔居酒楼,今天星期六,我不用上班的日子,就就返她,到她下午上学的地方~天水围天瑞村,唯一一家酒楼作聚会地方~我12点8个字就到,虽然是星期六,但都不需等位,一入门口就经理问我几位?场内都占满九成人.一个屋村酒楼来说,算是旺场的了.坐下后另一位女经理过来问我要什么茶?,我说要’香片,唔该”,听到她说”普洱,好”,我再说”唔系普洱,系香片”,见她听完就走开去,点知冲返来的,还是普洱Orz…然后再请经过的男经理过来,同他说冲错茶,他一边好劳气说’你肯定?!’但又一边收回茶壶,很是奇怪…冲错茶不关我事㖞,一开波已给人感觉很差呢.星期六午市点心定价不太高,本来还以为独市生意会好贵架.还有点心套餐,午市套餐,更有泰式食品,如串烧,汤粉等供应.非常多元化啊.将大量点心纸,看了又看,最后和朋友决定点了一个至尊三宝餐,再配几款点心.套餐三步曲,一是灼时菜一碟.未知店方是否用油来灼菜?每条菜都令立立的,磷光闪闪,边吃边惊惊.通菜则无渣和爽脆的.边旁有一劈腐乳酱.爱吃菜的我都不敢吃太多.二是什菌鸡柳炆伊面,我知道伊面本是肥腻物,而且还要炆的方法,肥美度可想而知…在朋友点选下,我也没拒绝的理由.(况且一次半次).什菌有鸡脾菇,草菇,冬菇,又有些白菜仔,红萝卜片.菇菇吸油力强,加上伊面都是吸汁强物,两者亘相吸收了油份和酱汁,变得相当足味,所以没有不好食的理由嘛~呵呵三是任选两款点心/小食,我们选了百花酿玉环和客家酿豆腐,可惜首选的韭菜猪红沽清啦,这是我们都钟意食的.前者的’百花’竟然是猪肉球?正常不是用虾胶吗?得啖笑.折瓜底蒸得够熟,而且很清甜,这个暂时是用油最少的食物了.而后者是鲮鱼肉酿炸弄腐,一碗的连油腻腻的献汁上,酿物已分解为独立物了,估不到炸豆腐里头的肉极嫩滑,滑到用啜的都可入口.之后自选点心有煎鱼饼,这一向都是朋友至爱.哈哈.六件我小吃两件(咁岩昨天先食完自妈制煎鱼饼,就让友人吃多点XD).这里鱼肉饼和其他酒楼出品差不多,最特别是鱼肉入面混入莲藕粒,’咯咯’声,淋淋鱼肉夹下爽口莲藕,口感一流丫~而我选的鲜虾云胜饺只因我未试过用云耳胜瓜来整的馅料.饺的外型和粉果一样既,最多有一堆蟹子在面,饺皮厚度适中,都算烟韧.虾粒只有一丁粒=.=,切碎的云耳胜瓜当然相当多,不过味道很清新,实在不错.我觉得比用豆苗作馅更好味道㖞.最后甜品只有一项,是擂沙汤丸.本来想点多碗莲子蛋茶,又是沽清.这个汤丸都等了好耐.三大粒圆碌碌又大粒的汤丸,扑满黄豆粉.面头不断飘起白烟,用咀唇一试,咦~都几热下.不过咬到入面又只是微暖.怪矣~汤丸皮十分QQ啊,而芝麻馅都有半流沙状,且很重芝麻香,最紧要微微甜.吃两粒都无问题~!除了刚到步的服务令人不安外,之后的情况就正正常常,无乜野,一赞的是他们加茶水是十分快手反而多位点心阿姐几好礼貌㖞,送上点心会讲多谢.亦趁机同我地吹一句半句水添.哈哈下午茶时段开始人流渐少,见到有什么一蚊点心,不知是什么呢?朋友说有机会来试下下午茶,大家都觉得食物质素OK啦,搅到我都有兴趣㖞 XD今餐由朋友请客,多谢哂>3<
继续阅读
今日母亲节食饭很嬲呀!!! 事由: 阿妈早一星期已经去"天水围天瑞商场一间叫”金星酒楼”订左今晚730pm一围(已set 好菜单)的酒席＄888, 希望一家人食晚饭庆祝母亲节, 点知! 今日7:30 pm去到，佢地酒楼竟然话冇我阿妈订个只菜, 话厨房唔肯煮, 要食另外一d set 菜单, 由 888元 加到 1388 元先肯比位我地食啰!!!! 我觉得很离谱啰 !! 点解订既时候唔讲话冇 888元个只酒席呀? 我地觉得系咪突然见到好多人订位所以酒楼唔想做我地生意 , 又或者跟本间酒楼好唔老实, 临时加价想局我地食贵d !!!! 很不知所谓 !!! 如果一早讲话要 $1388, 我地觉得价钱不是很大问题, 但呢间酒楼做生意手法很有问......题啰!!! 佢地佢地知唔知今日系母亲节正日呀！就系知道好难揾位先早一星期book 位, 我地全家 7:30pm去到先话唔比位我地食饭想点呀!!!!大家记住呢间酒楼叫"金星酒楼" 在天水围天瑞商场二楼！
继续阅读
难得星期日假期，与爸爸妈妈～姐姐一同去午饭！爸妈喜爱酒楼饮茶叹下于是乎去了金星，下午茶刚好２时开始至４︰３０不用等位，侍应安排我们到房里坐。由于坐房叫食物不方便，爸妈不想坐房但侍应又说没位子，于是爸爸亲力自己找．．其实是有位，但侍应唔想麻烦帮我们转，这个麻～有待改善萝卜酥阿姐拎住四围走，话优点。爸爸喜欢吃萝卜，便点了试试看～其实我对于萝卜一般一碟３件，依～～咬一啖，内里全部萝卜馅，又几好食㖞！虾米煎肠粉完全唔掂，把鬼火想换过，又细又扁又干又硬，怀疑系咪翻煎架？咁都可以拎出黎买？食落去真系硬到唔知点！？椰菜饺没有吃到粉果没有吃到，但姐姐说劲咁厚皮，看样子便知喇～油鸡米本身叫濑粉，一开始下午茶就话卖晒，有无搞错？成个下午茶客人唔洗食喇！又系把鬼火，鸡脂肪多过肉，总之有２／３鸡都系肥脂，没有吃到烧鸭米这个还好，鸭背肉，起码不是脂肪，夹了一件＋２啖米粉，唔好食啰～虾子烧卖我的至爱，每次饮茶必叫，哈～一吃便是２粒．．肥猪肉比例较多鸡托不明白妈妈为何点这个？明知是猪皮都叫，所以没有人吃啰，我只吃了块腐竹凤爪一般而言其实自己对食物要求本身不高，但是食物真的一般，更没有代表作虽然属于屋邨里的独市酒楼，唔怕没有捧场客。听姐姐说了Ｎ次：Ｄ野咁难食，下次去第２间喇！
继续阅读