影片
招牌菜
女朋友话想食生虾刺身，又想起成日经过这一间餐厅，所以来试一次。正如大家所讲，门口好细，我一入去已经唔舒服，我们入左去，个收银望住你唔出声，旁边有一个侍者，应该系数紧D团购纸，又系唔理我们，足足等左30秒先有另外的侍者问我们几多位，再带入座。座位同座位之间好窄，唔舒服。睇匀全间餐厅，都唔见有「生虾刺身」，唯有问人，佢话有我们先决定唔走，不过6只$88，比我平时食开的都贵，也没所谓，先ORDER一客。最后叫左4样食物。先来的是泰式炒通菜，味道的确系唔差，但唔知点解明明系冒烟，但又唔系真系好热，美中不足。之后系一个在饭类中比较贵的马拉盏炒饭，实在唔特别，料只系有2只虾，一D猪肉，洋葱、红椒，味道又唔系好味，实在唔明点解值差不多一旧水。猪颈肉，一般，偏硬偏干。最后来的，是最先叫同时又最期待的生虾刺身，侍者话因为系即㓥，之后再雪返冻，所以咁耐。一望，的确系比平时食的大只少少，但平时讲紧$68有10只，又真系几大只都唔见得平。第一口，失望，因为连最基本的「冻」都做不到，我唔知佢系咪真系即㓥，但唔够冻的话，几新鲜都被扣大分。埋单OVER三百，唔觉得值得。席间发现好多客入来，所有侍者都唔会热烈招呼，人人都要企30秒，可能这是餐厅特式吧~~
继续阅读
我已经系第五次光顾，成为某程度的熟客，老板娘及老板都好nice！我唔系一个成日影相的人，所以前几次都无影，但我其实试咗唔少菜式，好多都好好食！我钟意食嘅有今次的：炸墨鱼饼（唔油腻，好香墨鱼肉味），泰式虾刺生（好鲜味，辣辣地），泰式蛏子沙律（好爽，个汁好香，少少辣），泰式千层糕（唔太甜，暖暖地，好味），龙眼蜜（味道唔系龙眼同蜜糖水分开，系好混合一起，仲有班兰叶的清香），另外，仲有炒椰菜苗（好特别，好爽脆），金柚沙律（酸酸地，少少辣，好开胃），烤羊架都唔错，ｄ肉好嫩，好"冧"，怕"苏"味的人一定可以食到，但"苏"味多会更吸引我，因为我喜欢！依度食物水准，我讲得几好都无用，试咗就知啦！最紧要系，我依个肠胃对油腻食物好有反应的人，一油就唔舒服，会上吐下泻，但我食咗好多次都无反应，证明ｄ佢地食物唔系太油腻啦！价钱方面，视乎食咩啦，好似我今次同一个朋友食得海鲜多就多少少钱，要$260/人，如果唔系，之前都系$150-200／人，已经食到好好好饱足！算系价钱合理！
继续阅读
去HTC service centre, 行去后面街, 揾嘢食, 见有间东南亚食店, 入去试吓...里面无咩人, 环境普通啦...午餐有炒檬/有几款饭, 叫咗青咖哩鸡饭...(跟餐,要咗热华田)上菜时, 感觉好细份量但, 都OK够的...略嫌鸡肉少咗D青咖哩都还可以...下次去开附近, 都可以再试试...
继续阅读
是日和朋友去电影中心看<<非诚勿扰 2>>，看电影前当然要先医医肚，朋友叫我负责想电影中心附近有什么吃，最后就和他来到这里吃泰国菜。来到的时候还颇早，大概只是六点多，还未是晚饭时间吧，所以一个客人也没有，我们是晚市第一个客人呢~ 由于不太肚饿，和朋友叫了不算很多食物，只叫了两个小菜和一个炒金边粉就够吃了。我们叫了一个马拉盏炒通菜，份量都算颇大碟的，通菜爽口没渣，菜炒得几咸香惹味，都算几好吃。另外还叫了炭烧猪颈肉，这个算是我几喜欢的食物，常常叫来吃的。猪颈肉切得不算太薄，肉与脂肪比例适中，吃起来带少少肥又不会觉得太腻。边位烧得几香脆，吃得辣的还可点它的酱汁来吃，不过就这样我都觉得不错啦。泰式炒金边粉是我一向麻麻的食物，因为我不喜欢它酸酸味道怪怪的。这里的炒金边粉酸度属于轻微，不算很酸的那种。用上材料颇多，不过质素一般啦，虾肉吃下去都算爽口的，但则没什么鲜味。由于我一向不太喜欢所以也不知道这里的好吃与否，哈，不过朋友吃得津津有味，应该不太难吃吧。店子是晚还送上甜品，吃下去有点像大菜糕的感觉，椰汁味很重，感觉爽口味道清甜，我几喜欢的~ 店子见我们喜欢还再送多一碟给我们吃，实在是很贴心呢~在附近不算有很多特别出色的泰国菜食店，这里是一个不错的选择，食物不错价钱亦不算太贵~ 没诚意或难吃的店子通常吃了很也会很后悔，所以餐厅们请非诚勿扰。XDD
继续阅读
寻日友人替我补祝生日, 说有新惊喜.在油麻地等, 我一直走都是熟识食肆突然到了, 原来是东南亚菜馆,门口超细, 我日常路经都看不到内里装修算舒适, 我们一行10人都算坐很好我们点了很多菜咖喱蟹烧乌头串烧拼盘炒金边粉马拉盏炒牛肉海鲜汤冬荫公香草煎蛋炸木瓜沙律海南鸡半只烧鸡半只蟹原来要订的,(我过后才知道, 咁有原则) 蟹OK, 但咖喱很好味乌头很好, 想不到烧鱼会不干的串烧很多肉汁, 质素跟价钱不成比例, 街边价钱, 质素却不街边炒金边粉OK, 个人觉得可以再酸一点马拉盏牛肉值得推介, 超好味海鲜汤清清地买相OK(无试味, 因不吃辣友人专享)冬荫公味很浓够酸够辣, 大头虾咁大其他泰馆都唔会有推介香草煎蛋, 泰式香草不是到处可以吃炸木瓜沙律, 脆! 头一次咁食木瓜推介海南鸡, 绝对要试!烧鸡比海南鸡绝不逊色招待OK, 食馆招待好是应该的下次黎都唔知揾唔揾到, 门口超细, SAVE定电话先得,唔系朋友带黎点识路? 真难搞
继续阅读