金巴脷

营业中

休息中

今次呢間係尖沙咀既火鍋店係朋友揀 話主打係食蠔同埋牛肉去到見到間店叫蠔城 以為去錯地方 再仔細睇先見到細細隻字金巴脷蠔城 好搞笑朋友係見到佢有個4人餐$498有蠔有手切牛又送埋鍋底好抵食 決定一試個餐既主食係可以揀蠔/半隻雞/水魚<3選2>我好驚食水魚 所以揀左蠔同半隻雞, 有埋一個烏冬同菜籃 湯底係五指毛桃又幾特別既中式湯底  蠔有我手掌咁大 算係好有誠意 雞亦都係用大雞 牛肉就一般般普遍水準份量黎講我地覺得都好足夠 所以冇加到其他野食菜籃有三款菜都值得一讚 $498比埋個湯底你都算係咁 所以係食個性價比店內只有罐裝/包裝飲品 不過勝在夠多款 見到佢地好多鮮石蠔放左係雪櫃另外有魚池有新鮮既海鮮 下次都可以黎試海鮮店員話日日朝早都會有蠔送黎

因為住尖沙咀關係，見新食肆，一定要去試試。今日同老公兩個人去，我又咁啱今個月生日，原來生日月可半價的。我哋選擇咗個豆漿雞鍋，食肆師傅超暖心，會2分鐘嚟一次幫我哋煮雞的，要煮3次就食得，配埋佢哋即炸的油炸鬼，真係超好味。跟著個海鮮拼盤就一般般。最後選擇咗花膠雞湯打邊爐，先飲個湯，真係超多花膠，仲要唔係普通食肆嗰啲，真係都算大隻同厚身的。牛頸脊我老公就話都算有牛味，但呢個價錢，唔好要求咁多啦！因為我生日半價，所以埋單都唔使$500，超筍，一餐飯滿足咗三樣嘢。一定會再去。

我哋一家人，5個大人，2個小朋友食，食物質素好好，呀媽大讚個花膠雞湯底十分足料(因為我媽成日自己整花膠食，所以佢識嘢) 小朋友都爭住食雞髀👍🏻👍🏻 $188 係包個雞煲，再飲埋個花膠雞湯，之後先再打邊爐任食，我哋狂叫牛同羊食，質素好汽水任飲，雪糕任食(我網上訂座平台book 仲8折呀) 金巴脷服務態度真係好好，食得好舒服，我通常差嘅餐廳先寫feedback , 廢事大家再去中伏，今次抵我寫個good comment 比佢哋。我覺得奇怪，性價比禁強嘅餐廳，應該好忙至啱，我哋果日星期六6.30pm 到，餐廳都唔太忙，老闆話因為餐廳係basement, (係尖沙咀the one 後面條街) ，啲人行過又唔知miss 左，所以我今次寫個評語，支持下佢哋👍🏻👍🏻

性價比超高，食物質素優質，簡直係超值，要多多支持！第一道菜係先食雞煲有三款選擇，今次食咗原味叫 BB辣都比較辣，下次要試吓豆乳雞煲，之後可以先食火鍋或者飲湯都得，火鍋今次試咗芫荽皮蛋，冇諗過呢個價錢會咁足料有兩隻大皮蛋，之後花膠雞湯仲癲，有半隻雞三大嚿花膠，個味同隔離另一間餐廳賣緊三百幾蚊一個湯底嘅有得fight，手切牛頸脊係平時連鎖火鍋放題三百幾蚊質素嗰隻牛，建議趁佢未加價食多幾次！👍🏻👍🏻👍🏻

有雞煲，海鮮（冇refill), 雞湯火煱， 雞煲我揀左豆漿底，非常正，因為唔油利，所以左炒多1煲，出晒事，戰力完全崩潰，但雞真係好滑，海鮮唔錯，牛肉個樣一般，估唔到食落冇渣，可惜已冇力再戰。 忘記一提，服務太好，我地有幸3個人服侍，太周到

今日行過金巴利道, 發現了一間叫“金巴脷”的任食火鍋, 有四式食法, 抱住試食心態入去試試, 估不到喜出望外！第一食有三種雞煲選擇, 分別是辣雞煲, 豆乳雞煲和黃酒雞煲, 雞肉嫩滑, 十分惹味, 還可以無限追加；第二食海鮮盛盤, 可以蒸, 可以炸, 或者用作打邊爐, 有六款時令海鮮, 海鮮新鮮美味, 還配有日式烏冬；第三食飲靚湯, 我揀了花膠雞湯, 花膠大大件, 湯味濃鬱, 飲完一碗又一碗, 另外還有紅柿薯仔豬骨湯可以選擇； 第四食任食火鍋, 有手切牛頸脊, 黑豚肉, 羊肉片, 還有30多款火鍋配料及多款小食任君選擇, 另有二三十款飲品無限供應, 最後還送了我們燕窩甜品！老婆最喜歡花膠雞湯和燕窩甜品, 超值抵食, 下次一定再幫襯！