金寶 (已結業)

下晝四點幾在朗豪坊想吃一點東西, 打算到美食廣場吃一碗粉之類, 見到這間舖頭有下午茶供應, 就買了一份泰式海南雞湯河 本以為在美食廣場只會有唔好食的湯粉, 但這碗湯粉味道都幾好, 特別係湯底, 雖然唔肯定係用鮮雞去餚, 抑或用類似家樂牌雞粉的味道沖劑 (因為覺得廿五塊一碗湯粉又怎會肯用鮮雞做湯呢) 但可以肯定係湯底有雞肉的味道, 而且有洋蔥, 蒜片, 芽菜, 青蔥, 配料很是認真, 令我覺得很值得推薦給大家去食 (結合價錢而言) 雞肉說是泰式, 我就不知泰式是怎樣, 大抵應該係因為酸辣的醬汁啦, 味道蠻不錯的, 都算開胃! 收銀員建議用七塊增購一杯青檸七喜, 飲品沒什麼特別, 最特別之處可說是七喜是整罐給我, 沒有打斧頭啦 一間用不高的價錢可以食到一碗不錯的湯粉的食店, 推薦給大家, 交換一吓意見

專程到金寳試他們著名的海南雞飯卻換來大失所望首先附送的例湯比普通更普通味道就是沒有味道 不知所謂海南雞完全欠缺鮮味 （應該是雪藏雞的緣故）還有點雞的醬怪怪的 莫名其妙的酸雞胸肉"鞋"的要命那個飯真的很失望 我每次吃海南雞最期待的就是雞油飯誰料金寳的竟然沒有雞油味而只有薑味恐怕唯一可以接受的只有員工禮貌的服務

當我發現離開場只有三十分鐘之際, foodcourt 就係我唯一的選擇了本想食越南粉一碗, 一來上次食過好食, 二來要快, 但只到店舖做緊燒豬頸肉紅飯的介紹, 便問店員要唔要等好耐, 得返來的回應係四分鐘, 便決定買四分鐘做的飯, 一定唔會係細心作品, 不過這個飯餐, 水準都不差, 紅飯頗香口, 少少酸酸甜甜的茄汁味道, 為胃口提振一吓, 四分鐘, 個人認為無可能燒得熟一塊厚厚的豬頸肉, 不過, 預先燒好的豬頸肉仲熱辣辣, 就像剛燒好的一樣, 我想可能係預先燒至半熟, 有客人要時再燒熟吧, 不過味道很好, 有香茅的味, 另醬油醃的味道咸, 甜適中, 算唔錯了配菜有薯仔, 蕃茄跟青木瓜沙律, 店員吩咐要把青木瓜點沙律汁食, 沙律汁的味道很可口, 不可以錯過除了湯粉, 原來此店都有不錯的飯類食品供應呢!

對於鍾意食湯粉的我, 車仔麵會係我的首選, 不過, 偶爾都會食越南湯粉的今天剛巧去到朗豪坊, 特意去這間金寶越南牛肉粉食咗一碗招牌的生牛肉粉, 感覺不俗吖生牛肉用熱的湯浸熟, 大約七成左右, 牛肉因而做到唔鞋, 份量唔太多唔太少, 剛剛好配料有大量的洋蔥, 芽菜, 蔥, 另上一包香葉, 檸檬, 生芽菜, 放入湯粉增加了不少風味最好味係湯底, 牛肉的味道很濃很濃, 還有一點香茅的香味, 很好渴水準不錯的一碗越南牛肉粉, 令人有懷念的感覺

泰式海南雞飯 – 好難食 雪藏雞完全無到味 好鞋 個汁太酸 飯又唔香 湯係味精 越式生牛肉河 – 好小小 不過好普通 牛肉又勁鞋春卷 – 最好味 脆得黎煙韌 味道算唔錯嘅 未係好好味 texture羅分青檸梳打 – 7喜紅豆冰 – 椰汁味好重 幾香架 不過唔係飲到好多 好濟好失望...!

一試朗豪坊的金寶, 皆因大家都覺得呢個foodcourt水準唔錯買佐碗特別粉食, 比想像中簡單, 唔算好特別, 只係有牛丸, 牛腩, 牛柏葉, 可算是三拚, 特別之處就是這樣吧味道就不算差, 河粉比較厚身, 唔係好滑, 但湯底味道濃郁, 有鮮甜牛肉湯的風味, 牛腩唔un, 牛丸就一般一碗三十二蚊, 一個合理的價錢, 但又唔算勁抵食, 好彩有杯茶跟, 唔會口亁無水飲下次會試食海南雞飯, 見同枱的客人碟雞飯好似幾好食咁呢餐就ok, 唔會失望的

八月一日的晚上, 和最好的朋友小燕去朗豪坊行街, 睇戲同食飯, 我地分別於 pepper lunch 同金寶各買一碟兩份食, 兩樣野都好食金寶的選擇係豬頸肉紅飯餐, 而 pepper lunch 就食黑椒牛肉飯餐豬頸肉紅飯餐係用一個黑色的大方碟裝, 有一碗份量的茄汁味飯, 烤的豬頸肉 (十塊), 四粒炸薯仔, 四粒蕃茄, 木瓜絲沙律, 菜干湯一碗同可樂一罐 (另加三蚊)茄汁飯好好食呢, 酸酸甜甜的開胃飯, 以燒到香噴噴的豬頸肉送飯, 真係好好味, 豬頸肉好爽口, 而佢蜜糖的風味同茄汁飯都幾襯木瓜絲沙律本來我唔食的, 因為生食青木瓜覺得怪怪的, 但係小燕叫我點放在碟中央的酸汁試一試, 原來好好味, 之前未食過青木瓜絲, 以為好難食, 原來唔係呢, 口感好清新, 加上味道很好的酸汁, 結果全都放到肚子裡了有機會的話, 我會再返來食這裡的紅飯的, 因為味道真係好好

上次食過, 覺得勁好食, 今次再嚟, 係因為想番尋味今次食生牛肉金邊粉, 細碗的, 再加一杯青檸梳打, 今次個湯淡o左, 唔夠味, 唔知係唔係好賣得滯, 煲唔切湯, 雖然唔係水咁淡, 但同上次比較, 差o左截金邊粉太多, 可能都係湯味淡了的原因, 不過都係唔可以原諒希望水準唔好瓢忽, 生意好都唔可以亂來

中午的一餐, 去到朗豪坊美食廣場目的好清晰, 就係越式生牛河, 過百個好評, 一於試試買o左一碗細牛肉粉, 賣相不錯未食之前, 把一袋香葉, 芽菜通通加入湯粉裏頭, 再把檸檬gi gi不過.... 個一粒仔檸檬實在太少, gi 完都唔係好夠檸味但係湯底夠甜, 牛肉味豐富, 仲幾熱生牛肉好滑, 品質不錯味道很滿意, 下次一定再去

我都幾鍾意食越南牛肉河ｏ架，最鍾意係老趙，牛肉河係最好食ｇｅ一間，最近見金寶都幾出名，於是上星期四晚去食第一次食生牛肉河加油菜，味道都幾好，同老趙不相伯仲，只係香茅太多，有少少酸，牛肉味就夠，生牛肉都幾正，夠紅，肉質夠軟，唔使點ｃｈｉｕ，因為都幾好食，所以星期六又去食，仲同埋同學一齊去第二次食係四點幾，原來仲有下午茶，價錢仲平，下午茶有海南雞湯河叫，２５蚊一碗咋，加杯紅豆冰７蚊，味道都ｏｋ，海南雞都叫做ｏｋ啦，有碟酸辣醬點，個汁就好惹味喇紅豆冰有好香的椰汁味，不過紅豆就爛得滯，雖然味道無問題，不過唔係一粒粒就覺得怪怪地ｌａｗ過兩日放榜，都係兇多吉少，食埋今餐都無胃口喇＞．＜

我食呢間野已係09年6,7月ge事....果日上完堂....一心想食越式牛肉粉做午餐....於是來呢間試試...見到佢果menu有大細碗之分la...怕太大食唔晒...於是就諗住叫細來試la...但我又想將河粉改做金邊粉wow...點知買時先知細ge無得轉lo!!!一定要食大ge先可以轉wow...咁迫於無耐...唯有改做大la...好la..買完攞埋位la...點知佢將我碗金邊粉變左做河粉咁梗係要佢換番la...明明張單都寫明係金邊la...= =換完...終於有得食la~~點知!!碗野個面勁多油!!!我ar足足隔左成個滿ge佢d調味料碗我先至敢食ar!!!食好....根本唔太覺飽(注意!!本人是女的....仲要碗野係大碗!!)可想而知....碗粉根本分量太少!!講真...碗野成三十幾....湯底無乜牛味....d牛肉又不突出...粉又唔多....完全唔明呢間野有咩好lo....連牛肉粉都做唔好.....見到咁多人比俾good佢真係令我不吐不快....所以小妹首次入來寫食評!!!!如有得罪...請多包函!!

had lunch with my friend here and the noodles were appalling the soup was very bland, it tasted nothing like good vietnamese stock, infact it was only slightly better than plain water. the noodles were way too soft so the texture wasnt very appealing and the noodles werent hot enough. overall, a horrible take on vietnamese cuisine but what do we expect? it is a food court afterall and not a proper restaurant.

去過澳洲墨爾本食過一次 pho 之後, 在香港都找不到一間可以相提並論的越南粉, 就算係大坑的火車頭, 有幾多食家包括阿蘇介紹過, 食完都覺得仲差少少網上發現叫金寶的在旺角賣 pho, 今日同先生去食, 味道同我最好的標準都有少少距離, 但係都算不錯, 我食生牛肉粉, 先生食特別粉, 首先合格的, 係此店食湯粉有一包香葉同檸檬提供, 去過多間越南餐廳, 都沒有主動提供的, 但去到澳洲, 我食過三間越南人開的都有, 所以我覺得香港人開的越南餐都好求其的其次, 係湯的味道很濃郁, 每一啖都有牛肉的精華, 除此之外, 洋蔥, 甚或番鬼佬芫茜的獨特味道都在這碗湯粉之中找到, 唯獨是不見了白蘿蔔的踪影, 有點兒美中不足牛肉由鮮牛肉變成肥牛, 味道是影響不了很多, 但可能用肥牛, 湯粉變得肥膩了, 我認為在澳洲食到的牛肉, 用來做pho 比較合適雖然有一些缺點, 但係今次食到的生牛粉, 已經係在香港食到的比較好的一碗了, 更何況係在一個美食廣場找到, 有點意料之外

生牛肉河粉$28春卷$12粉卷$18加油菜$6九龍城食過，覺得不過不失，再試都係一般個湯唔算甜，生牛肉嘅肉味唔濃，河粉都滑春卷唔夠脆，個饀有啲怪粉卷唔錯，有啲香蔥，幾香口

放晏晝飯想到了隔離柜台的女仔建議去朗豪坊的金寶，一點正上到去都好多人，成個美食廣場已經坐滿，最多人食的只有ｐｅｐｐｅｒ　ｌｕｎｃｈ同佢地，原來金寶都幾多人幫襯我買佐一碟海南雞飯食，雞肉唔算好滑，比位仲有少少生，味道一般，以為個鄰居”老點”左我，不過原來油飯至係好味的地方，除了香噴噴的雞油味，仲有香茅味同豉油味，不過同我於芭提雅食到的味道就好唔同，雖然係好味，但唔知係唔係１００％正宗泰式了四十蚊一碟飯，包湯同茶一杯，唔算平，不過間唔中都會行過嚟食ｇｅ，因為仲想試吓其他東東～