金家樂茶餐廳

营业中

休息中

上朋友屋企食飯，費時兩手空空，走了來呢度加料。叫京都肉排外賣。完完全全揾笨。一打開(就系得張相0甘多)，個個都華一聲。$50得果幾塊，好似卑人食左0的0甘，非常激氣。至從果次之後，都少幫親金家樂。

一間笑面不少的茶記，好奇之下已想走去試試，適逢星期日一早起身無所事事，去大角咀搵食。茶餐廳來講算地方大，客人流量不少。除了餐牌多選擇外，還有不少套餐，午餐、常餐、特餐、家樂餐......各式俱備，非常有港式茶記風味。門口掛滿色澤鮮艷的各式燒味，心想應該不錯，先食個煎蛋叉燒飯，不是太陽蛋，但蛋白煎的不夠脆，叉燒真係好一般，肉質較實又沒有蜜味。唯一是讚他夠細心，因為每碟飯也加了幾條青菜，現在很多茶記都不會的。再來個厚多士餐，最失望是沒有留邊，又烘得不夠外脆內軟。我的少奶奶茶味道較苦澀，而老公的正常奶茶又太過多奶，只有奶味沒有茶味。

見咁多人讚, 即本使下, 叫了一個牛腩麵,$27,味道不錯, 但牛腩很韌, 腩肉不多,卻有四五塊, 白色的東西, 應該是牛腩旁邊類似牛韌帶之類的東西.都很硬, 吃了不消化解!!!有點呃錢. 加$8有紅豆冰,而紅豆冰值得一讚,甜味適中, 豆的軟硬恰到好處. 這一餐令我有點失望!!!

自從開始逢Sunday响大個咀教琴，有時都會先黎嘆個breakfast。本人最愛「早麵」(雪菜上海麵)或「早米」(雪菜米)餐，必配腸蛋加熱咖啡少奶。呢到最有性格嘅喺D餐default 哂，乜都唔比轉，方飽加錢轉多士又唔得。雪菜肉絲好惹味，D汁無擎埋架，明顯煮過再放上麵到，上海麵彈牙。Sunday早餐得方飽，平日食先有餐包。我鍾意餐包多D。熱咖啡香濃，飲完成日想叫多杯。有時會叫熱OT or 奶茶，茶底好香，無苦澀味，good。不過，自從減咗13 lbs，唔想親手毀滅成果，都少黎咗，就算黎，只叫自選配搭早餐: 自己揀2款餸，配公麵、上海麵、米、通，意，加飲品一杯，盛惠20大元。我嘅必然選擇: 時菜+雪菜/榨菜肉絲通粉or意粉(通粉or意粉都喺low GI and low calories)，熱咖啡少奶or熱OT唔加糖(加糖即加empty calories，死梗)。我只會吃一半，唔喺唔好食，而喺心思思想食茶餐廳嘢，又唔想肥，惟有節制D。(我都知自己衰)越簡單食物越見功夫，尤其是我對油膩食物勁sensitive，我對湯底十分滿意，好清唔油，但夠味，通粉意粉夠彈牙，好味，唔加糖嘅OT更能嘗清楚茶

已經好耐無幫襯琴日起身想食早餐難得地呢間早餐供應到十一點半就行遠d黎食我要左沙嗲牛肉意粉拼火腿煎蛋牛油餐包跟凍檸茶($19+2)沙嗲牛肉加左洋蔥炒好香沙嗲味意粉有咬口唔會過淋煎蛋唔會過油牛油餐包都係第一次食估唔到真係唔錯但可惜唔夠熱凍檸茶茶味夠不過朋友仔既冬菇雞絲銀針粉就太淋雖然呢間茶餐廳較一般貴但絕對係用心製作

食物好食,侍應當你透明,叫極都跖睬,重串你!!!!!食咗背脊落!!!!!!!!

自從冇做滙豐後,今次第一次返嚟食.一樣咁多人一樣咁好食,但點解唔出名呢?今次要噴火牛丸,牛展米線,紅豆冰,豬扒腸仔一丁,凍檸茶,西多士.牛丸真的噴火,原來有好多辣椒,紅豆冰好食,好過亞蘇推介嗰間,人地呢間啲豆又淋又甜又好味.呢間真係一丁啦!葵芳嗰間都唔係,凍檸茶超好飲.西多,一分錢一分貨,因為冇餡既,紅木好啲,因有芝士火腿餡!唔知下次幾時再嚟食喇!

本來細細一件不打算記，不過這款小食似乎是獨家出品，也來介紹一下吧!　對金家樂的認識，只限於在OR上知道它笑臉比例特高；在大角咀之行偶遇它，都不過是普通茶記模樣，不過餅櫃就有多款懷舊餅食，圖中的朱古力撻也是其一。　見其買相吸引，就買一件當是甜品吃：撻的口感與味道都十分「曲奇」，朱古力味不太濃，反而牛油味更霸道，所以吃一件都幾飽的!雖不是美味出眾，但便宜價錢加上懷舊風味，可吃度絕對比連鎖餅店之出品高很多。　有時間的話，買件餅加杯奶茶嘆，應該很不錯哦!

適逢同朋友去奧海城購物,回途時已八點有半,見到金家樂;幸運的我們居然在星期六晚不用排隊.安排在卡位的我們,氣還沒有喘夠便點了兩份褒仔菜:黑椒牛仔骨和姜蔥魚雲是也.黑辣牛仔骨: 非常IMPRESSIVE,很久沒有在香港吃過如此正點的牛仔骨了,黑椒汁跟七成熟的牛仔骨在熱辣辣的褒中上演精采的槍戰,"嗤嗤"作響,開蓋夠香味飄揚,牛骨牛肉剛好分離,如此色香味俱全,真的白飯也吃多幾碗.姜蔥魚雲: 失敗之作,令人有點失望,不知是否廚師下錯調味料還是怎樣,味不對喉,咸得要命.餐廳本身:讚: 款式多,白飯說實在的很好吃,例湯真材實料,老火出 精品,晚飯時間奉送是日甜品(很不錯)彈:服務生態度不太好,上菜速度相對較慢.環境較雜吵.

星期一仍然係我既休息日朋友仔話食金家樂又好但今次我唔想又係食平時o個d早餐試左是日精選即係柱候牛仔腩枝竹魚餃生菜上海麵牛仔腩出奇地唔韌,好入味好淋枝竹較油同較硬魚餃普通來貨,ok生菜新鮮上海麵較淋服務本身無乜野架但奇怪明明我地先叫人地後叫既反而早過朋友仔o個份

2/7(一) 2:30pm昨晚的回歸煙花大匯演搞得疲憊不堪,雅興盡敗,火尾也攝不進去,真失敗!煎熬了一整晚後,翌日身驅不太聽話;不宜遠行,走進大同新邨覓食,首選本為"金船長",但此時段還得等位;於是跑到斜對面,另一好評如潮的店子-金家樂.此家茶記挺具規模,其面積佔三個舖位之大,清潔阿姐亦用上兩位;有效率的前後走位拖地法實在罕見!我倆座於矜貴的硬卡座,點了家樂餐$26:,例湯,炸雞翼拼牛油多士,叉燒通粉;另點了凍檸茶$11.霸王花眉豆煲排骨--火侯夠,味道清甜,真材實料之作!炸雞翼拼牛油多士--薄脆多士塗上牛油香不足的牛油,水準凡庸!反之,其貌不揚的雞翼倒炸得脆身入味!叉燒通粉--大大碗的通粉質地彈口,而叉燒份量也不失禮;浸淫於湯中亦嚐到蜜味;具蜜香之餘,肉質也軟腍,鹹度恰好.凍檸茶--檸茶不算極巨型,浮游於茶中的檸檬竟有四大片之多,出手闊綽!味道方面,茶味可濃,但甜度偏高.侍應們均頗健談,比坊間的來得親和;對於此等看得出誠懇的好店,理當悉力支持!

朝早朋友仔番工前齊齊食早餐見好耐無黎就選左呢度估唔到爸爸節都多人到要等位兩個人夾都無咁o岩一樣叫左雪菜肉絲上海麵跟腸仔蛋同凍檸茶唯一分別係我既凍檸茶係少甜少冰牛油方包無以前咁軟熟腸仔炸過但無過龍又唔係好鹹o個隻,幾好蛋熟左d都怪自己忘記左叫生d既太陽蛋等左成5分鐘先到既雪菜肉絲上海麵好彩無令我失望雪菜鮮嫩唔過鹹加埋肉絲真係幾惹味記憶中以前既上海麵係扁身但而家係圓圓地好在味道都唔錯人太多叫左幾次先有人應服務要扣一分

以前住係tkt,成日都係食呢間茶餐廳睇住佢擴充,裝修d waiterｓ都見慣見熟~而家搬左屋,重去金家樂，溫馨感覺仍在3個人叫左2 set dinner ($38@)+ 一碟菜($7)夠食囉~ 一人一set又太飽另外仲有免費甜品,不錯不錯~糖醋骨不過不失，而肉片涼瓜亦不錯，涼瓜唔苦例湯就係普通茶餐廳個ｄ湯咁d waiter都好好人，街坊街里既服務方式令人舒服，我心目中既金家樂

哈，都幾橋。星期六睇踢波，誤打誤撞才來了這裡，都係寫食評時先知原來都幾多好評。晚飯選擇都幾多，一般圍起係三十蚊樓上啦，平唔係話平，但同食物質素加環境計，都選中規中矩。朋友叫了個全餐\，好full的一個晚餐\，得一個指定的，無得揀。有羅宋湯，餐\包，頭盤(上湯魚皮餃)，主菜(豬扒)，同飲品，都係四十左右，哇，兩個人食都仲得。我遲食lunch，所以唔太餓，同暖暖share o左個牛扒餐\咋，仲要係薯菜咋。但都覺得夠喇。好夜都唔覺肚餓。

坦白說, 我好鐘意佢地的檸檬茶‧(好多荼餐廳到不及佢,但現在有點失準,淡)　奶茶都不錯‧以往大角咀附近實無好食‧金家樂確實是荼餐廳的不錯選擇‧