影片
食家推介
系大角咀富多来既金宝小厨。店面没有特别装潢，但见地下系干干净净行路地面唔会油淋淋。简单几张圆枱做既系街坊小炒。生炒骨好掂，肉系新鲜货，带点肥不过唔会食到成口肥油。炸粉够薄炸得香酥。个汁唔会过酸。轻易清碟。隔离枱5个人叫左2碟生炒骨，一碟辣，一碟大辣。我𠮶份系唔辣，唔知有得点带辣既生炒骨。几特别，下次再试。煎咸鱼肉饼煎得干身，可惜肉饼口感有点过实。今晚冇莲藕煎肉饼，相信有莲藕粒口感会更佳。鱼松炒四季豆中规中矩。小店标榜坚持不加味精。食完的确唔觉有味精。食得过既。
继续阅读
慕名去摷呢间舖仔,因为听位老人家话,佢净系会食陆羽嘅生炒排骨.居然赞到手势有番咁上下,穷L就梗系嗱嗱声冲落去揾嚟试吓. 事实好难至揾到间舖,就系咁就出事.因为成9点先坐低,立即点咗生炒排骨,再望吓人哋食紧乜.但系老板娘淡然回答,卖晒!有D火滚,俾人咁KO唔咁心.要再去揾第二间,又唔熟大角咀.饿到发癫,唯有问吓仲有乜招牌菜.佢话不如试吓乳香骨,唔知乜东东,总之祭咗五内脏庙先算.因为都几夜,客唔多.突然望到厨房好猛火,原来厨师玩到火光熊熊.话咁快碟𩠌就到面前,卖相几好,表面金黄干身,碟面无话成滩油,闻到阵阵咸香.夹到去唇边,发觉仲好兴, 唯有放返低.老细过嚟,牙擦擦咁问啱唔啱口味.𠮶阵先讲最好等多阵先至好食,不如饮支啤酒,话𩠌酒好味过生炒排骨.不过听唔入耳,敷衍就算,食咗眼前碟𩠌至讲喇.第一个啖就肯定系鲜猪肉,唔系雪藏冻肉咁又干又硬.因为半肥瘦,肉汁 猪油 加埋白饭,细味到日挨夜挨都系为咗呢种满足感.食吓一嚿又一嚿,咁就一佪人清晒成碟.嗱嗱声埋单,冲返屋企冲凉睇波.
继续阅读
夏日炎炎无乜野想食，不如揾返间有水准嘅小炒试吓，朋友话大角咀有隐世厨神出现，咪出发去会一会佢先。铺面无甚特别茶记一间，见佢哋出名招牌"生炒骨"试一试佢先，点知因为夏天嘅关系特别推出加辣牌，哗辣㖞正!啱我!然后，点咗个"金宝小炒皇"及豉汁蒸仓鱼。生炒骨好冶味，个汁嘅甜酸道刚刚好，排骨够脆、唔会太干身,加埋辣简直醒胃~正!原来个汁系老板自己调较，唔怪得知啦!跟住个小炒皇一出场已经香喷喷，香味来源自韭菜及鱿鱼，因为老板话小炒皇要按照时令以及配合当日新鲜食材，所以配搭并非次次一样，今日我就有:芹菜、韭菜、腰果、虾球及鱿鱼，正👍，真系好冶味。最后个豉汁蒸仓鱼，唔洗讲啦~你睇吓我机乎清晒碟就知有几鲜啦!今次寻找隐世厨神之旅无白行，真系知味行，食材又新鲜，老板又nice, 抵你咁多熟客，下次一定再嚟!
继续阅读
会踏入尼间小店，全因我位对味精敏感兼对食物有要求嘅街坊好友，第一次尝到朋友成日提起嘅无味精例汤，虽然佢只系随餐附送，但系老板一D都唔嘛呼，好有屋企 feel, 依家唔落味精嘅茶记真系少之又少。佢哋嘅熟客首选招牌生炒骨，更是一流，除咗甜酸度适中之外，绝唔会好似坊间果啲咁;比醋味呛到喉，据老板所讲啲汁系佢自己调配，唔怪得知同出面嘅味唔同啦~正~开胃!上次食过佢哋嘅煎咸鱼肉饼已经觉得甘香之余又多肉汁，今次因为阿仔唔食咸鱼，改为煎莲藕饼，依然都系香脆多肉汁，不过仲多咗一重口感，就系莲藉粒嗱!由于今次系朋友们帮我庆祝生日，于是特别预订咗两个新鲜菜式: 梅菜蒸鲩鱼腩、花胶云吞鸡，靓嘅梅菜+上新鲜鲩鱼腩，除咗老公喜欢之外，连怕腥嘅我都食咗唔少;然后主菜花胶云吞鸡，啖汤一流，云吞同鸡系老板娘当日系街市新鲜买，唔怪得知云吞咁爽同弹牙啦~至于鸡嘅嫩滑程道，真系无得顶呀!大家都食到停唔到口!嚟过几次之后，你都爱上佢哋嘅小菜，净系次次都见到佢哋啲街坊熟客，你就会感受到。如果唔系遇到老板忙到一头烟, 佢仲会同你呗吓水添!P.S. 因为佢哋每一碟都系即叫即炒，所以老板都几忙架!上上次有幸遇到嘅猪手，哗~正呀!
继续阅读
一次妈妈嘅同事聚会也是金宝这儿吃的，她想跟我说非常好吃非常好吃😋所以第二次聚会我就请她预埋我！果然令我感到惊喜！这些厨功我大多数都是在酒店酒家才吃到⋯⋯想不到民间也有高手！豉油鸡和白切鸡，肉质嫩滑！筋骨非常鲜甜！绝对是活鸡！两碟也一扫而空！生炒骨有辣和非辣两种，两种都外脆内嫩，酱汁既不酸，我个人喜欢微辣，绝不功高盖主，反而画龙点睛平时不吃生炒骨的我也吃了三四件至于蛏子，我的大爱！又大件又清甜又爽口，边咬边出汁，好像吃带子裙边，吃不停口其实我自己可以食晒一大碟最后两条清蒸青斑，相信大家都知道青斑并不是贵价鱼！就是这一碟𩠌一显师傅的功力，蒸鱼刚刚到喉，微微地痴骨，没有一个位置是HAI SAP SAP 真是让我大大敬佩！期待下次来再试新野！一大班朋友有倾有讲真系好开心店舖虽然非常细，但系十分讲究卫生，希望可以继续keep住！
继续阅读