影片
更多
2018-09-09
286 浏览
慕名去摷呢間舖仔,因為聽位老人家話,佢淨係會食陸羽嘅生炒排骨.居然讚到手勢有番咁上下,窮L就梗係嗱嗱聲衝落去搵嚟試吓. 事實好難至搵到間舖,就係咁就出事.因為成9點先坐低,立即點咗生炒排骨,再望吓人哋食緊乜.但係老板娘淡然回答,賣晒!有D火滾,俾人咁KO唔咁心.要再去搵第二間,又唔熟大角咀.餓到發癲,唯有問吓仲有乜招牌菜.佢話不如試吓乳香骨,唔知乜東東,總之祭咗五內臟廟先算.因為都幾夜,客唔多.突然望到廚房好猛火,原來廚師玩到火光熊熊.話咁快碟餸就到面前,賣相幾好,表面金黃乾身,碟面無話成灘油,聞到陣陣咸香.夾到去唇邊,發覺仲好興, 唯有放返低.老細過嚟,牙擦擦咁問啱唔啱口味.嗰陣先講最好等多陣先至好食,不如飲支啤酒,話餸酒好味過生炒排骨.不過聽唔入耳,敷衍就算,食咗眼前碟餸至講喇.第一個啖就肯定係鮮豬肉,唔係雪藏凍肉咁又乾又硬.因為半肥瘦,肉汁 豬油 加埋白飯,細味到日捱夜捱都係為咗呢種滿足感.食吓一嚿又一嚿,咁就一佪人清晒成碟.嗱嗱聲埋單,衝返屋企沖涼睇波.
事實好難至搵到間舖,就係咁就出事.因為成9點先坐低,立即點咗生炒排骨,再望吓人哋食緊乜.但係老板娘淡然回答,賣晒!
有D火滾,俾人咁KO唔咁心.要再去搵第二間,又唔熟大角咀.餓到發癲,唯有問吓仲有乜招牌菜.佢話不如試吓乳香骨,唔知乜東東,總之祭咗五內臟廟先算.
因為都幾夜,客唔多.突然望到廚房好猛火,原來廚師玩到火光熊熊.話咁快碟餸就到面前,賣相幾好,表面金黃乾身,碟面無話成灘油,聞到陣陣咸香.夾到去唇邊,發覺仲好興, 唯有放返低.
老細過嚟,牙擦擦咁問啱唔啱口味.嗰陣先講最好等多陣先至好食,不如飲支啤酒,話餸酒好味過生炒排骨.不過聽唔入耳,敷衍就算,食咗眼前碟餸至講喇.第一個啖就肯定係鮮豬肉,唔係雪藏凍肉咁又乾又硬.因為半肥瘦,肉汁 豬油 加埋白飯,細味到日捱夜捱都係為咗呢種滿足感.食吓一嚿又一嚿,咁就一佪人清晒成碟.嗱嗱聲埋單,衝返屋企沖涼睇波.
乳香骨
$88
10 浏览
0 赞好
0 留言
张贴
