金妹記大排檔

营业中

休息中

去金妹記大排檔回味一下之前嘅美食，但事與願違，嘆聲「往事只能回味」﹗豉汁蒸大鱔 $168屬大眾化味道，由於調味是豆豉、蔥花等簡單材料，著重食材是否新鮮及份量是否交足，調味不過不失，份量亦足，是今晚所食的菜式最可以接受嘅一款。冰鎮鮑魚 $38/隻 (2隻起)3年前初次來食時是最驚喜的一款小食，取其肉質夠Q、夠彈牙，配以醬油及Washabi，並以冰鎮住上碟，單是賣相就高分；是晚所食的味道稍有偏差，肉質仍然彈牙，但隱隱有一種說不明的味道夾雜在其中，可能是酒料或其他材料，影響鮑魚原有的鮮味。南北杏菜乾燉豬肺湯(一窩) $168由於食咗下午茶冇幾耐，所以選擇輕食，諗住叫個湯潤吓、並且可以食菜，又有湯渣作一個餸，我一家都鍾意食豬肺，所以但凡見到豬肺湯都會躍躍欲試，喝著第一口湯，天….呀！這家店係咪之前參與「盲搶鹽」，彷彿將整個超巿嘅鹽都搶咗返嚟「醒」客，好似海水咁鹹，完全無法飲，只好食渣就草草了事，心諗就算回應店家又如何？會改善嗎？唉！往事只能「回味」！

💛性價比不差的大排檔💛脆皮炸豬手$198：脆皮炸豬手皮炸得脆口，豬肉嫩滑多汁。味道香濃，同埋都幾大份。泰式炭燒豬頸肉$68：豬肉炭燒得香烤，但味道欠缺啲層次，有啲單調。希望可以提升炭燒味道嘅豐富度同鮮度。整體而言，味道還算不錯。豉椒炒大蜆$98：大蜆新鮮，但味道有啲平淡，欠缺豉椒嘅香辣味。希望可以增加豉椒嘅份量同培添咗啲鮮味。潮式蠔仔内碎粥$88：粥煮得濃稠，蠔仔鮮嫩，味道夠。希望可以增添啲鮮味同層次，係一碗令人滿足嘅潮州粥食。干炒牛河$72：呢碟干炒牛河評分6分。牛肉炒得嫩滑，河粉有啲彈牙，但味道欠缺啲鮮味同香氣。馬拉盞炒通菜：通菜炒得爽脆，但馬拉盞味道有啲淡，欠缺辣味同香氣。希望可以增加馬拉盞嘅濃度同風味。生力啤酒 $24 ：有隻戰鬥碗可以打下卡。💰💰💰人均消費 ～$100-120💰💰💰味道：💛💛💛🩶🩶+0.5服務：💛💛💛🩶🩶環境：💛💛💛🩶🩶性價比：💛💛💛💛🩶回頭指數：💛💛💛🩶🩶+0.5加一服務 ：❌📍地址：(尖沙咀)尖沙咀金巴利道45-47號金巴利廣場地庫

金妹記大排檔三個人夜晚九點左右去咗食金妹記大排檔，響尖東做完嘢約埋朋友一齊行過去地點都算就腳，就算坐地鐵行過去都唔算太遠。沿着樓梯行落去環境裝飾都有一啲以前大排檔嘅感覺，連啲枱嘅擺法都有大排檔嘅風味。服務態度都好好，不過可能夜左嘅關係，佢建議我哋食乳鴿同埋清蒸石斑仔結果兩樣轉頭都話俾我哋聽賣晒。跟住我哋就先叫咗個豉椒炒蜆，個人感覺個炒蜆應該係預早煮好出來嘅，因為完全唔似啱啱炒好好多煙同有鑊氣嘅感覺，味道方面就冇乜特別。叫咗個白菜乾豬肺湯，湯嘅味道都好濃，菜乾同豬肺都好多，煲過湯嘅瘦肉都幾好味，湯嘅整體係唔錯嘅。蒜蓉粉絲蒸蟶子就冇乜嘢特別，還算可以。其中有個朋友突然間想食咕嚕肉，不過呢條咕嚕肉出嚟嘅感覺真係強差人意，啲汁唔夠甜唔夠酸亦都好少，啲咕嚕肉好明顯一塊豬扒切粒出嚟嘅，同埋啲口感都係好乾同埋有啲韌，雖然明白呢啲地方叫咕嚕肉本身都冇乜期望，但係都冇諗過咁差。反為之後叫咗個京蔥爆牛肉有驚喜，牛肉都好嫩滑，同埋個味道都調得好好。睇吓下次會唔會再嚟試吓啲招牌菜再講。

一間坐落係鬧市中嘅大排檔餐廳🤩由裝修佈置到侍應姐姐啲制服都好大排檔feel 好過癮🤪豉椒炒鵝腸河粉💰58我好挑食 通常炒河都全走 因為唔食芽菜、洋蔥、韭菜等等😜呢個鵝腸河係由豉椒炒鵝腸鋪係烚熟嘅河粉上面本身以為係乾炒牛河果種有色河（朋友仔話以前有）不過佢個豉椒汁都夠撈河粉食😚😚可惜個豉椒炒鵝腸冇鑊氣🤨鵝腸係偏瘦冇脂肪同肥膏 口感偏爽 份量幾多👏🏻唔知係咪全走嘅關係 份量比朋友仔正常果碗較多🤓

朋友喺加拿大返嚟香港指定要食大排檔仲要有冷氣，於是另一朋友推薦金妹記，咁當然有人介嘅話唔使自己諗就無所謂啦！因為星期六嘅關係無得訂位要Walk in，咁唯有唔使返工嘅人先去等位，19:00去到竟然話20:30要交枱，我問個職員，我哋9個人，如果未食哂D嘢咁點算？企門口個職員一味重覆話總之第一輪要20:30交枱，咁即係無答過我問題，當吓其實都唔想入去！然後叫咗一堆嘢食包括：炸大腸、九層塔炒牛肉、避風塘粟米、避風塘茄子、炸豆腐、椒絲腐乳炒通菜、炸豬手、炒蜆、（唔記得影相嘅有椒絲腐乳炒唐生菜、蒸蟶子皇同大肚婆炒飯）食大排檔最緊要嘅係鑊氣，呢度所有菜式都係無！無！無！炸大腸唔脆九層塔炒牛肉得5塊完整，其他係好似指甲咁，大約5-6粒避風塘粟米&茄子嘅蒜粒係硬嘅！即係唔新鮮！最重要係無避風塘嘅風味！炸豬手嘅皮硬過我條命炒蜆明顯係飛水後再炒而唔係生炒炸豆腐入面係凍成晚最正常係兩碟菜、蒸蟶子同大肚婆炒飯夜晚走嘅時候搭的士，司機話咁啱落車嘅人都係去金妹記食飯，佢復述返話係曾志偉喺小紅書推薦，難怪sell啤酒個女仔&前前後後嘅人都係講國語。不了！請都唔會再去！

朋友約食飯book咗呢到嚟試下，天氣咁熱當然要搵間有冷氣嘅😂🤣地方唔算太迫，環境ok講翻啲食物先我哋一行四個 嗌咗五個餸豉椒炒蜆啲蜆肉都算新鮮，煮得唔錯，幾入味同好夠鍋氣，份量都算大份，不過椒多過蜆，而且椒切得大小不一，影響口感。金沙蝦球好惹味，每一隻蝦球都炸得好脆口，沾上金沙後味道偏重，但超級好味，蝦球都係大大隻好滿足，送飯食都一流小炒王超大碟！而且用料好足，有好多種新鮮既海鮮一齊煮，不過味道一般，好似冇乜入味，略為普通左啲。蠔餅熱辣辣炸起既蠔餅，都幾足料，有好多蠔，不過唔夠鬆脆，略為遜色左，但係味道仲係唔錯鬼馬油炸鬼炸得好好，又香又脆，重點係裡面既墨魚丸好彈牙好入味，送酒食一流，係今晚最好味既餸菜！啤酒方面係用岀名嘅戰鬥碗飲，打卡啱晒 又可以大啖大啖飲，好爽好舒暢！

食大排檔就緊係唔小得要啤啤佢啦妹記有戰鬥碗出名就黎飲下酒啦叫左小菜食小炒皇好有鑊氣成碟都好爽脆唔會煮到好冧或者好油👍北菇扒豆苗份量多 而且豆苗新鮮 菇多汁 唔乾成晚既重頭戲黎啦 我地叫左豬手套餐就有送一支啤酒 佢一黎到碟野係黑色既 餸頭餸尾咁 勁似煮完擺左係度好耐再整番熱咁 咬落去勁硬 完全咬唔到 d肉又硬 即刻問侍應咁樣係咪正常侍應都好有禮貌有講唔好意思同埋有即刻幫我換過碟新既俾我呢碟係換完之後既樣 差勁遠囉 個樣靚勁多啦 睇得出係新整既 同埋好食好多 佢係外脆內軟👍👍雖然一開始個碟唔ok 但佢換左呢碟俾我之後即刻成餐飯加番分總括黎講成餐飯都係好食既👍而且全部都份量好多 好抵食👍

難得同相聚，找了這間老字號嘅大排檔—妹記，而家就改左名叫金妹記，叫了幾道出名小菜：脆皮豬手、炸大腸，仲有金蒜牛油焗桶蠔、炒蜆、椒鹽鮮魷等。脆皮豬手，的確好吃！！啲皮好脆，再加埋豬皮啲膠質，好好味，仲要送一枝啤酒，不錯的配搭👍但其他小菜就一般般，特別桶蠔，很厚皮，醬汁都很一般，整體感覺普通🥲最重要很很很多人！嘈到聽不到朋友講咩野🤧同埋很很很擠迫！以這價錢，我可以選其他地方食飯，或許味道差少少🤏但至少我可以聽到朋友說什麼😣

上次在土瓜灣區馳名新派大排檔品嘗美食後，意猶未盡。剛巧在朋友口中，得知尖沙咀區有一間在地庫的大排檔，口碑甚佳，每每排隊超過45分鐘才能入內，而且不論平日或假日，都非常忙碌。我們特意在黃昏六時到達，避開繁忙時間。門外沒有人排隊，店內大約已有六成客人。店員提醒用餐時間75分鐘。首先柯打一客原隻脆皮炸豬手，相隔10分鐘左右，一碟色香俱全的炸豬手已在送到面前，炸至金黃的皮比脆腩皮厚，咬落鬆脆，加上肉質嫩滑，味道帶少少鹹，俾個👍🏻。再來一碟豉椒味菜炒鵝腸，鵝腸少少爽，不錯，但豉汁太多太濃，有點兒濕和鹹，差咗啲😔。至於炸大腸，廚師用另一種烹調方法，令大腸口感淋淋哋，微微酸甜，個人覺得比乾且脆更好👍🏻 。麵醬蒸黃花魚的火候剛剛好，魚肉滑滑加上少許麵醬，帶出鮮味😋。對小炒王沒有偏好，朋友反而覺得值得試試，食完一啖驚覺韭菜加蝦乾，可以令味覺提升，倒覺得有驚喜🤩。金妹記位於尖沙咀，價錢大眾化，免收加一，食物質素有保證；地方雖小，令每枱距離甚少，但又不覺嘈吵，朋友相聚吹水一流，值得推介👍🏻

自從知道午餐$45包碗湯(仔)、汽水後，我間中lunch都會幫襯，食物有準，又抵食！ 但啱啱嗰餐嘅經驗就唔多好喇！ 我喺13:01落單，13:15見碟炒麵未嚟，就問個職員，咁啱問著嗰個似乎係話事人，佢應我並重覆我講嘅嘢完:叫咗好耐，啲嘢食未嚟(佢一邊行，一邊睇錶😒) 當時我已覺唔舒服，而且唔知佢有無入廚房幫我跟。13:24我碟炒麵終於到，又係呢個男人拎嚟，佢上手拎住托盤，上面有3碟一樣嘅炒麵，我見到佢行過嚟，我已即時讓開個位，諗住被佢放低，點知佢竟然成個托盤放喺我面前，示意我自己拎😠。咁我趕時間，又等咗咁耐，我惟有自己拎喇！ 快啲食完快啲走。 碟北菇豬片炒麵係有出煙嘅，但食落北菇同豬片都係凍嘅😣，得個麵底熱辣辣。 平時我食飯都快嘅，平均15分鐘就搞掂，今餐只食咗10分鐘😖，就要趕返工。綜合以上，今餐經驗幾差吓！

好友暢聚，梗要啤啤佢，我哋點左招牌脆皮炸豬手，仲有大生力送，好抵食👍皮脆肉嫩，好邪惡😂炸大腸，炸到脆卜卜，好香口。京都骨，酸甜調配得啱啱好。炒菜豉油皇銀芽炒麵，每次必點，一如既往咁好食。

又到左同朋友定期聚會嘅日子，上月去了灣仔日本餐廳，本月生日之星喜歡吃鹽焗奄仔蟹，所以我們一行六人就選定尖沙咀嘅「金妹記」大排檔。😁香港大排檔真係買少見少，記得以前住長沙灣的時候，很喜歡前往麗閣村的大排檔吃小炒，家人最喜歡冬天的枝竹羊腩煲。搬到荃灣西後，則喜歡當時屋苑街市內的一檔大排檔，大排檔內的所有小炒都很好吃，每逢週日晚飯或有親戚/朋友到訪，我們都首選前往這個街市內的大排檔享用鑊氣小炒，而捨棄在商場內的酒樓。我們更成為大排檔熟客，而煎蠔餅更是我們必點的一味大排檔撚手菜式👍。 可惜自領匯入主之後，屋苑大排檔原貌完全被改變了，取而代之的就只有每樣一檔(豬/牛/雞/菜)的街市檔和大集團超市，因為求過於供以致要被迫捱貴價餸菜是必然的，最可惜的就是再也享受不到大排檔的小炒風味，我們後來還發現以前大排檔的老闆已轉行到了楊屋道街市開菜檔呢，真係感覺唏噓😔！「金妹記」在尖沙咀區已開業多年仍然屹立不倒，可見人們喜歡大排檔的程度😍！今天我們只有六個人也能夠享用「金妹記」內用板間開的唯一的一個私人空間。 這一個板間房非常闊落，大圓枱足夠12人座位， 而這個板間房內四周貼滿各式餸菜，圖文並茂， 就像把放大了

某日大小M去Happy Cara 佐敦課室學整bath bomb 上完堂喺附近搵嘢食MM爸建議去金妹記大排檔蕉媽好多年前去過金妹記記得呢度好啱一大班人聚舊今次我哋一家四口到嚟到湊下熱鬧點咗好多熱氣食物😂我哋點咗🔸脆皮炸大腸 （$68）- 蕉媽好鍾意食大腸如果餐廳有大腸食，我一定會點大腸試吓😆妹記大排檔呢碟大腸好大份，炸得好香口惹味，配有酸薑中和油膩感。🔹瑤柱蛋白炒飯（$78）呢碟點俾小朋友食，平日食白飯嘅小朋友，有瑤柱蛋白炒飯梗係追住食。🔸金沙鮮魷（$88）- 鮮魷+鹹蛋黃漿炸至金黃，好啱送飯🔹蒜蓉西蘭花（$58）- 簡單炒碟西蘭花都可以睇得出廚師功夫有水準🔸椒鹽豆腐（$56）- 椒鹽味道香濃的豆腐炸至金黃，最啱配啤酒整體來講係好味，不過就要飲好多水😆小朋友間中食一餐都可以嘅金妹記大排檔 (尖沙咀)尖沙咀金巴利道45-47號金巴利廣場地庫

做完野，有D餓周圍行下睇下有咩好食😁點會諗到尖沙咀都會有咁平價嘅下午茶呢🤩🤩🤩20幾蚊就可以食到下午茶😌仲可以加配食物😝😝舖頭位於地牢，要行樓梯落去，去到場地都算大😌冇乜人🤷🏽‍♀️環境唔算光鮮但都坐得舒服嘅🤭諗住叫吉烈豬扒餐但係佢個沙律係雜果沙律🥗因為我唔食什果，所以最後叫咗西多士餐加一件吉列豬扒😝😝西多士🍞西多士比較淋身，一D脆都冇，但勝在裏面多花生醬，唔算好食但唔難食，20幾蚊連飲品都冇乜要求啦😐吉列豬扒🐖吉列豬扒外貌唔算吸引，仲好似有點燶，炸得比較乾，冇乜汁🙈又係唔算好食但唔難食既😝都係果句$16冇咩好要求啦😅凍奶茶叫左少甜，茶味唔算濃，奶比較多，如果鐘意多奶既應該會鐘意😌總括嚟講嘢食就唔係好食㗎啦🙈不過唔難食既🤪勝在夠平🤩尖沙咀可以搵到一個地方坐低食嘢又咁平嘅都真係冇乜幾多間😜😜

好耐之前試過呢間餐廳 今日難得一大班人約出嚟食飯又咁啱間餐廳有位所以就再食 呢間餐廳係扮舊式大排檔 食物小炒都有返咁上下鑊氣都算好食份量亦都足夠唯一美中不足嘅就係環境太嘈大家傾偈要好似嗌交咁先聽到大家講啲咩