金太

营业中

休息中

經過見到冇人排隊就試下未食過咁難食嘅牛腸大腸全部都係肥膏肥油完全冇味 只係靠醬料味牛肋條一浸鬆肉粉味未食完就收嘢走水都唔fill一杯完全冇人會理你價錢貴 完全唔值得食想中伏可以試下

今天去了吃飯，整個吃飯過程不夠一個鐘，剛剛吃完，侍應生急不及待收起枱上所有的東西，其實當時我們已經意會到需要離開，亦有留意到確實有客人在排隊。之後我們用電話搜索離開的路線，那位侍應生直接走來跟我們說有很多人可能需要我們離開，真的很生氣。本來吃韓燒已經需要一些時間我們由坐低到離開根本連一個小時都沒有，我明白餐廳需要翻桌率，但這樣的服務真的很令人無言。希望餐廳也明白，客人只是剛剛吃完飯連5分鐘都沒有就被侍應生用言語趕走，不值得推薦。

平日行過依間餐廳排大隊，以為一定好好食，有一日同朋友行過呢間餐廳，見有位就直接walk in，點知大失所望叫咗綜合牛腸、牛肋肉同一個蒸蛋，點知全部都唔好味，講真，簡直係難食到一個點！牛腸同牛肋肉完全無鮮味，蒸蛋又淡到似食水，食落真心失望。個場煙霧瀰漫，個抽風系統好似完全唔work，食完成身都係陣燒烤味，返到屋企仲要即刻洗衫！埋單要$5xx，我知香港租金人工貴，但性價比真係低到爆！完全唔明白點解仲要排隊，見到咁多人排隊仲以為有驚喜，點知係中大伏！同朋友都話以後唔會再幫襯，食得唔開心又唔好食，想試下中伏感覺嘅朋友，呢度絕對係首選！真心建議大家三思，搵間好食啲嘅餐廳啦！$180 一pat 野….

📍 金太尖沙咀金巴利街1G號地舖綜合牛腸套餐 $280/1人份韓牛小腸 $290/1人份韓牛大腸 $250/1人份蒜味牛肋條肉 S180/1人份鐵板炒飯 $30/1份芝士 $20/1份一坐低就有小菜提供 海帶泡菜都正常發揮～同一碗酸酸地嘅泡菜青瓜湯俾我哋解除油膩之後就有專人服侍燒肉 同韓國都有7成相似🤣燒完啲洋蔥薯仔同菇都幾好食🤣四個醬汁都不過不失☺️個人覺得牛太腸好有油脂感 牛小腸就好有口感！不過最推介嘅都係蒜味牛肋條肉 醃製到好入味甜甜地幾好食😛最後加埋個鐵板炒飯🍚不過個人覺得唔使加芝士🤣

牛腸控必衝！「金太」呢間新開嘅正宗韓式烤牛腸店，由韓國直送新鮮韓牛內臟，仲有Oppa全程幫你燒肉剪腸，懶人福音＋超地道體驗！ 一坐低即上3碟小菜任添！（泡菜/醃青瓜/尖椒大蒜） 每位客人都會有一碗冰涼泡菜青瓜湯🥒酸爽透心涼，瞬間開胃！ 餐廳暫時得晚餐餐牌，食物份量係以一人做單位～🍖 綜合牛腸套餐（$280/1人份）Oppa火候控制一流，每款部位烤到極致： ✔️ 牛大腸：爆汁！油脂甘香唔膩，必食～ ✔️牛小腸：燒到外脆內煙靭，嚼勁十足✨ ✔️牛皺胃：我最愛！爽口彈牙，蘸埋韓式辣醬超惹味 ✔️牛心：個人麻麻哋，口感偏腍✔️烤盤配新鮮韭菜＋豆芽，包住牛腸食層次升級✨仲有索晒啲汁好入味嘅薯仔片🥔♡我地額外追加咗一份牛胸肉（$200/1人份）：肉質軟但略油，好食但冇太驚艷！🍳韓式蒸蛋($58)：夠蓬鬆夠熱辣辣，上枱超大鹽好震撼，不過就唔係好夠滑🙈仲有唔少得韓燒結尾必叫嘅🍚鐵板炒飯（$30）追加芝士($20): 必加芝士！熱辣辣拌烤腸香油＋紫菜，瀑布拉絲炒飯，配埋飯焦香脆，邪惡度爆錶！靈魂收尾💯 💡 小貼士▪️ 餐廳只限Walk-in冇得book位，見到7點後就有超長人龍，想食就要早啲排隊啦

位於尖沙咀超級好食嘅烤牛腸店五點半左右已經坐滿晒食客目測九成都係韓國人必食烤牛腸拼盤、炒飯同蒸蛋所有食物都以一人份計算所有職員都好親切友善，會烤熟之後再教你用咩醬汁先係最好食必食炒飯一定要加芝士同大量嘅海苔碎已經同朋友約好下次要再去食啦😋😋😋