金太郎 (已結業)

因為友人素仰呢度既三文魚刺生夠抵食, 所以就黎呢度食晚飯啦! 講到食日本野, 金太郎真係叫平到爛! $38 / 8件 三文魚刺生, 厚度都適中架! 個人覺得好過去某o的放題任食, 果o的三文魚通常都係超薄切~7點幾黎到坐迴轉, 迴轉款式都唔少! 花之戀$15/3件, 雖然得一片花瓣, 但都好抵食丫! 另外又叫左手卷船, 拉麵都OK OK架! 跟住叫左爐端燒黎試下, 十幾蚊一碟, 唔太記得食左o的乜啦! 因為爐端燒既份量都好少, 有一碟牛柳, 得幾粒肉加埋好多洋蔥, 食左好似冇食過咁... 下次都係叫多碟壽司算啦!服務同環璄都令人滿意!

同女友諗住平平地一餐~都唔好太高要求啦~~但係佢個拉麵真係幾差~~好似食緊冇味既擦膠胡仔....得人驚....所以千其唔好食拉麵除左拉麵, 所有送上的燒物(魷桶, 三文魚骨)都係涼涼地...生生地, 真係唔知點解,,,係冬天食就真係把幾火, 所以都千其唔好食同個部長講, 你地d野好難食,好有問題, 佢既回答係: 咁攪笑?(真係唔想比錢, 食剩9成野杯寫壽司拉麵目的是話俾人知呢兩樣都差, 燒物完全係可以食到你睇醫生所以係可以同金太郎講再見!!

我覺得依間野唔錯..d 野食唔算貴..又開到好夜,都幾扺食..我最鐘意食個度個d 饅魚sushi好好味...仲有燒八爪魚圈係mk黎講..扺食過元綠..d 野都係差唔多..

原來佢張"開心卡"...係可以兩個人用兩張既....佢地會識得分開計......今晚好 so....圖中日式义燒拉麵,用"開心卡"優惠...$ 10四式手卷船,用"開心卡"優惠...$28加 $2 茶,加 10%.......可以 $44 兩個落樓拉麵,中中亭亭啦,絕對抵食...手卷,紫菜係脆既.....本來好正點知俾我影倒隻烏繩.....無敵 hea 到正一正响 d 紙巾個 logo 上面

是晚約三五知己一齊聯誼.朋友話好耐冇去過.所以一行四人就去呢度開餐.仲諗住去到要等位.點知...唔係好旺,仲有Order坐添~~Good!宵夜時段:壽司,拉麵都有特價壽司都係$10~$12起,款式又多,可以同x氣&x綠比美!Order個鮮牛肉拉麵$20,雖然係特價,但份量都冇縮水, 牛肉都有6,7塊~~抵食! 三文魚刺身$15,一客3件,又大塊,又新鮮. 半磅都只係$30. 燒三文魚頭$28,每次到都會叫一份, 因為真係幾好味,而且售完即止. 但個size好你細D,但一樣咁好味.因為有位朋友唔食生野,所以叫腐皮做既壽司,但個賣相都好吸引,而且都幾好味.只覺冇乜招呼,又冇人幫我地,又唔係忙,又唔多客,一杯飲品,係隔鄰既,但2個侍應都可以連續落錯.

我跟太太是最經常光顧金太郎首先，價錢合理，分為壽司分為10、12、15我個人最喜歡是用ORDER紙點壽司，因為ORDER的都是即點即製，絕不是只求其在迴轉裹面拿給你所以，你會吃到:- 脆口的紫菜 (尤其是手卷)- 冷冷的刺身、暖暖的飯- 剛炸起的炸物 (無論是炸物壽司、天婦羅或其他炸物)- 熱哄哄的三文魚頭而且，他們在平日的3點前，還推出了大胃王套餐碟碟6蚊 (但一定起碼食夠5碟 - 壽司+前菜)雖然，選擇不多 (當日只有幾款可以揀)但勝在平而且可以一解偶爾想吃壽司的慾望(順帶一提，大胃王時間的三文魚/鰻魚壽司，只有兩件)

上個禮拜同老婆行旺角.差唔多8點去到金太郎樓下間莎莎.唔得,好肚餓,要醫左肚先.扮日本嘅裝修.座位好迫,差唔多同格離唔識果個妹妹打車輪咁滯....食食唔算得上好,但真係好柢,十蚊三件三文魚壽司同鰻魚壽司我起碼食左6-7碟.可能流量大,所以d野都算幾新鮮.不過d飯散散地.至於d面就真係麻麻.去開旺角想食平價日本野可以一試.

朋友既優惠卡就到期~就係食下午茶太遲食晚飯太早的5點半快速地食了一餐明明知道呢間金太郎既位置~都找左一陣先去到因為佢個電梯係sasa 入面~~咁神秘~~唔該做多d 廣告牌啦平平地一餐~都唔好太高要求~~但係佢個拉麵真係幾差~~杯寫壽司拉麵目的是話俾人知呢兩樣都差??因為優惠卡~食左件壽司~賣相一般~口感不過不失啦之前都覺得ok...不過今次有少少失望~

呢間係旺角同附近地方都算多分店,見小小餓就試下黎呢到等左幾分鐘就有位.. 岩岩有人埋單走...我見到d位好迫@@食得好辛苦..坐低真係感受到迫既感覺,坐得好唔舒服=.=呢到d sushi好多都係十蚊.. 叫5碟之後就碟碟5蚊要左鰻魚,海膽,三文魚,玉子同吞拿魚...由夾起到放到口食既時間要係幾秒內"否則會好快散晒.. 質素只有$3件,十蚊四件果d咁"麻麻地仲叫左個拉麵,跟餃子... 個拉麵都算唔錯既比想像中.. 加埋個餃子都係40蚊左右食完既評價係....如果想食sushi..去明X好過喇,, 反正差不多.. 四十幾蚊仲可以任叫"仲有...另一邊有班人係咁係到狂笑..好似黐左線果D人.. 我坐佢地幾遠下都覺得煩...環境真係麻麻.. 冇咩可以吸引到我再黎...不值得再黎....

好耐冇食過金太郎, 上星期四就去食吓.因為在旺角, 所以就去咗喱一間金仔. 但係食物質素同以前真係差得遠, 雖然唔係咩貴價嘢, 唔可以咁高要求, 但都唔可以咁求其囉.佢已經比佐敦鋪旺啦, 但食物新鮮度居然不及佐敦鋪. 再係咁佢會好似樓下水道橋咁拜拜啦.

今日同fd去左呢間金太郎食lunch..原來而家佢有個叫"挑戰大胃王"既優惠!!只要食夠5碟以上就會5蚊碟..同個fd每人食左6碟野..好飽!!埋單都係每人$31($1茶錢)真係超抵食!!!!同埋d三文魚壽司都幾長,,,不過就薄左d!!另外亦有蟹籽壽司,鰻魚壽司,蟹籽沙律壽司等...亦有小食:八爪魚,嫘肉,沙律,海折等....不過地方細左d,,有d迫!!

琴日同兩個朋友去食迴轉佢星期一至五既三點前有個野挑戰大胃王其實只需要食夠5碟白色碟(即前菜同一D壽司:有三文同饅魚)果5碟野同之後既白色碟都可以5蚊一碟(原價都只係10蚊)我地3個人食左183, 但食左30碟野加兩碟剌身講左真係好飽,而且D野食都唔差!

上2 次食得好開心但今次d 野食唔係咁好食點左三文魚sushi , 甜蝦, 海膽,芥末八爪魚, 軟殼crab sushi , 都叫左好多野, 唔太記得d野食等左好耐, 可能因為多人fine 唔係好趕時間唔介意d野食黎左, 一夾d飯散晒, 跟住即刻諗起西九龍中心既明將sushi我俾咁多錢黎食明將既貨素真係火都黎埋重頭戲::: 軟殼crab sushi 一食, 凍既??? 乜你唔係炸完拎出黎俾我食既咩?問下個經理, 佢口窒窒咁答我:: (um...新鮮ga wo...um....即刻包) 我: 下,但我上2次黎食係熱辣辣ga wor佢: 真係新鮮我心諗唔係呀ma ... 新鮮? 我知你d軟殼crab係新鮮但一定唔係即炸囉冇好氣快快食完就走左去行街

和朋友行街行到累, 上黎呢到坐坐這次是我第二次上來,對上一次味道真係麻麻我是金太郎的會員,當然第一時間點會員的優惠$ 28 4隻手卷點了- 15蚊3片刺身(三文魚,吞拿魚) - $ 10三件三文魚壽司,$ 10 2件八爪sushi - $ 15 軟殼crab sushi , 炸蝦sushi,海膽sushi最抵讚係炸蝦同埋海膽sushi 佢即場開wok烤蝦,仲熱架隻蝦海膽食得出係新鮮加埋京蔥味道好match,但京蔥令到口好臭服務亦滿意, 一上到去經理即場問我地有冇會員卡叫我地享用會員優惠見到其他食物價錢都幾平會再有下次黎食既機會

我好唔同意之前既食家講既野呢間野我等左都20分鐘因為我之前食水道橋.而家無左.又聽我個fd講.呢間d野幾好.咁就try啦.講返.又要等.仲要d位勁迫!!食野.......竟然有人將佢同版前個d相比我真係覺得好好笑我地以為平野無好野食左幾碟.竟然都要166蚊??我真係食左6碟野加d串燒,.係唔係計錯.我去第2度食.食得仲多仲開心仲好啦.waste my money & my time........d侍應又差,.佢拎野拎到幾乎touch到我d食物!!點食.拎唔到轉頭黎啦.佢一手拎好多隻又拎唔哂.差d 淋落黎......唔使指意我會再黎!!