影片
以上资料只供参考，请与餐厅确认详情
趁著最后一天假期，同男友一齐去大澳行下。想不到星期一都咁多人的。因为新年关系，好多餐厅仍然未开。行行下见到金培餐厅，同男友谂左阵就入医肚了。杂扒饭内有炸猪扒、香肠，不过不失，唔期望有咩惊喜，不过都唔差的。干炒叉烧丝意粉用料尚算不俗，都有好多叉烧，不过比较多油，所以我食左少少就收埋对筷子😂
继续阅读
嚟到大澳本身想试下啲Cafe早餐🥣，不过亲戚就力推一间茶记嘅早餐，今次就听下话啦🤣。今次叫嘅早餐👧🏻就唔肯定星期日有冇得食，今次👧🏻系星期六朝早食，超抵食👍🏻🌟炸猪扒出前一丁配果占多士其实👧🏻会食嘅茶记款式唔多，今次屋企人叫咗沙嗲牛，👧🏻就试下炸猪扒！猪扒冇点落松肉粉，食落去唔会太腍，肉质都系一丝丝，带少少咖哩粉味。至于面底系免费转做出前一丁(出面茶记起码都要加$3-4啦!)。面嘅质感刚刚好唔会太软/硬。至于多士，本身仲以为系普通牛油多士🧈，估唔到系可以叫奶油占酱呢类嘅多士，仲要免费烘底，烘底系金黄色而唔系㶶底，几有惊喜❤️。至少屋企人叫嘅沙嗲牛肉出前一丁，估唔到系用上鲜牛肉+沙嗲酱。牛肉冇咩渣又冇雪味，以茶记标准嚟讲系几高质！
继续阅读
今日晨运完梗系去叹下丰富嘅早餐喇🥳首先呢间一直星期一至日都有嘅早餐～《好正》要一个沙爹牛肉通粉先（鲜牛肉）沙爹酱就少到呢😅清淡啲🤣牛肉超新鲜😋加花生酱多士热奶茶☕️完美加好味😋
继续阅读
难得天气凉凉地就同家人一齐入大澳行下，下午经开此餐厅，见到门口有晒花牌，原来今日重新开张，原本谂住入去食，点知有今客出嚟话坏咗一个炉头，出菜劲慢就无帮衬。到咗下午5:15左右经过，见到里得一两枱人就入去试下。从职员同两枱居民食客倾谈，得知餐厅今日重新开幕。餐牌同之前其他食评post 都差唔多。而食物未上枱，见到位疑似老板同居民食客言谈间充满粗口，真系免费同大家送上大澳海鲜(炒虾拆蟹)，真系谂住快快食完就走人🤦🏻♂️1. 椒盐鲜鱿($90) 碟嘢上枱我真系O晒咀。份量劲少，得个10旧，我见隔离居民食客个枱一同出菜，而份量目测起码多一半做生意真系唔系咁做，熟人就比正常份量，而外来客就少近一半，餐厅对外来客大细超得好过份。2. 大澳小炒王($90)，份量睇落正常，但整碟小炒王有7成系芽菜垫底味道方面，D 鱿鱼系一D味都无，得少少虾酱味。3. 大澳虾糕炒饭($65)，卖相正正常常，以为无乜嘢，点知食咗两啖就出事炒饭里起码有5、6旧虾糕(见上图)未炒匀，第一啖无留意就咁食咗入口真系超咸食完之后起码饮左5到6杯茶。食完饭后超口渴，厨房师傅真系落左好多味精环境方面，男厕洗手水龙头插左条肠长水喉，根本去完厕所后就洗唔到手整体来说，食物水准、同环境都唔掂，食物份量少，价钱贵，终于明白乜嘢叫做”贴钱买难受”，真系永久blacklist。
继续阅读
趁星期日同朋友去咗转快游大澳，差唔多三点入到去即刻去咗食啲嘢先，上次嚟嘅时候就听到有舖头姐姐介绍金培啲茶几好饮，所以今次特登去试吓，果然唔错👍🏻茶唔会涩，奶都啱啱好仲叫咗佢个上汤水饺（半打）同炸鸡翼（6只）落单姐姐话水饺咁岩用晒即刻包即刻煮，大概等咗10至15分钟，都好快有得食，水饺入边有虾肉猪肉同脆口嘅木耳丝，大大只好味😋食紧嘅时候见到其他枱啲炒粉面都好大碟，几吸引咁，但唯有下次再入去先啦😏
继续阅读