金坊泰國美食

营业中

休息中

在荃灣行了一個下午，準備回家前，就去了金坊睇下有無下午茶食。入到去，咁岩有人走，咁就有個卡位。原來 5:00 下午茶就完。想食既記得留意。很快手就唸好食咩下午茶，點了兩個，泰式海南雞遊船湯河，一個跟青咖哩汁印度薄餅，另一個跟泰式咖哩角，凍飲加2元共94元。泰式海南雞遊船湯河配菜有通菜，蘿蔔，豬紅，芽菜。河粉是大大片那種，平常少見一點。海南雞用雞髀肉，無骨既好滑，好滑好滑，難得。咖哩角沒什麼特別，青咖哩汁好味，不辣重奶味，薄餅幾好食。

1.豬肉生菜包味道正常 菜葉夠大塊 數量夠包 冇爛葉 唔錯2.蠔煲蠔個頭比想像中大 份量應該冇10粒 不過先100蚊左右算係咁3.馬拉盞通菜好食 冇問題 諗唔到食乜菜不妨一試4.芝士大蝦伊面份量夠多 芝士香而不膩 蝦有6隻 仲要真係夠大冇記錯好似$168 冇得輸5.芒果比目魚呢個真係完全搞唔掂 一開始睇落好滿足有驚喜比目魚排 3大塊 但一入口 好大陣雪櫃味然後魚肉 直頭似發泡膠，然後芒果 超酸外賣8折 送甜品 椰汁糕呢個甜品 一定係所有野裡面最好食椰香好夠 咬落脆既 口感似大菜糕

這個聖誕假期，既然不能外遊，不要說英國，就是泰國也沒指望，那便吃英國菜，泰國菜，幻想疫情已經受控，自己已經可以到這些不同的國家旅遊，一嚐當地的地道正宗美食吧！先說泰國菜。在聖誕假期的某一天，兩夫妻來到荃灣，就在這間在荃灣區薄有名氣的「金坊泰國美食」，吃了一頓簡單的泰國午餐。其實「金坊泰國美食」在荃灣有兩間店，而我這次光顧的是多年前去過的老店。坐在這間環境一般，在二人限食令下坐得有點侷促的餐廳內，見餐牌中的「皇牌午餐」震撼價一律 $52，當中又有一向喜吃的海南雞飯，那便來一客「金坊海南雞飯」吧！這「金坊海南雞飯」四平八穩的，不是特別好，可也不壞，已去骨的海南雞雖則不算十分嫩滑，肉質可也及格，蘸點開胃的泰式酸辣醬，伴以都算有點油香的雞油飯，還算不錯。這兒凡惠顧任何午餐 +$8可配滋味小食一款，+$20起可配泰式特選小食一款，那便吃點菜吧。是要另加 $28的「泰式炒通菜」。這炒菜沒令自己失望，鑊氣足，夠熱度，香辣的味道，與爽口的通菜是天作之合，使人食欲大增。既然是吃泰國菜，也喝點泰式飲品吧！是一向愛喝的「青檸梳打」。這冰凍解渴的泰式特飲跟餐價也要另付 $6，不過既是特飲，補少許金錢也是在所難

一直有食開呢間泰菜，但店內的老員工態度需要反省一下，淨係得把聲，大聲夾惡幫客人落單，事緣係下午茶時間幫我落咗午餐價錢嘅單，我要求改單佢嘅態度10分惡劣10分冇禮貌，食物雖然好食，但我應該唔會再有下次幫襯！

經過路德圍諗住好多嘢食，但係原來佢晏晝先開始旺，朝早嘅路德圍死城一樣，想搵間餐廳食下都唔多選擇。咁啱見到呢間平時夜市好旺嘅泰國菜，原來佢都有早餐㗎喎，跟住就入咗去食啦。見佢有一個餐係有埋蝦餅，話跟一碗細粉，盛惠$35。首先多士、蛋同埋蝦餅嚟到，佢個多士唔係平時啲方包烘底，本身塊包都幾好食。等咗好耐，碗粉終於到，開頭我以為係細細碗嘅粉，點知個份量同平時一個公仔麵差唔多（可能仲多啲添），湯底幾好食，而且都好足料，食完飽到喊

近來疫情反覆, 不能在家工作, 午餐只好選擇外賣回公司, 以減低感染風險。今天我們幾位同事就決定在金坊訂餐。金坊泰國美食是我其中一間最喜愛的餐廳, 總店設在路德圍, 另外還有分店在兆和街。但是處理外賣的是設在柴灣角街的工場。外賣餐牌很多選擇。今天我訂了脆肉飯跟凍檸茶少甜少冰。先說說凍檸茶是正常甜度, 沒有少甜, 甜到只能喝一點。脆肉飯其實像是燒肉般, 不過肉質雖然結實, 但沒有很難咬開! 而且皮真的很脆, 很美味!飯量很多, 十分飽肚。結數每人不用$50, 很化算! 

呢間金坊嘅冬陰公湯係我嘅最愛💛但今次想試下其他嘢午餐叫左個肥牛河，都幾足料，有好多肥牛但煮到好熟，個豬血好好食。個湯底就偏咸，加埋個河粉煮得太耐痴到一舊舊。呢碗嘢真係冇下次😣午餐鴨肉金邊粉呢碗個湯甜甜哋幾甘口，襯埋金邊粉好夾。成碗嘢鴨肉同金邊粉、牙菜都好多☺️食晒成碗嘢一定好飽。另外杯龍眼冰都好好飲，連龍眼乾都好甜😊午餐嚟講都好抵食位置唔好坐，食完就要走果隻，同埋服務差。

本身諗住食其他嘢但係真係唔想行，咁就求其入咗依一間泰國菜食嘢！呢度嘅人手真係唔係好夠，坐低咗起碼10分鐘都捱唔到嘢食，因為得一個小哥哥去落單！但佢服務都幾好，佢見我坐嘅位置風好大，主動轉位俾我，就順便幫我落單，落完單食物都好快送到！兩個人叫咗三樣嘢食一碟豬手、炒雜菜、雞柳炒粉絲豬手味道OK，豬手都好淋炒雜菜就麻麻哋，唔係好夠味，兩個人都食淨一半雞柳炒粉絲我覺得最好食，啲粉絲差不多俾我一個人食晒埋單每人$150左右！

有日突然想食下泰國菜，再上網睇一睇，見到呢間金坊泰國美食，都有唔少人話唔錯，就一於過去試吓佢。青檸汁燒豬頸肉$98辣到十足嘅青檸汁配上新鮮燒起嘅豬頸肉，連埋底下嘅泰國芽菜一齊食，爽脆肉汁香辣都可以一次過試晒，讚👍🏻咖喱卜卜大蜆煲$108近排見天氣涼涼哋，叫返個卜卜蜆煲嚟暖吓身先，大蜆鮮甜到冇沙，雖然配上香濃咖喱汁，但依然冇搶到蜆肉鮮甜嘅味道🤤蒜蓉包條$50有個咁美味嘅咖喱煲，梗係要食盡佢啦😂叫返個蒜蓉包條嚟食盡佢啲汁，包條六面都搽咗蒜蓉牛油，並且焗到外脆內軟，真係想叫多一碟嚟食！

其實我真係好想食PADTHAI, 於是我尋日去叫左個鮮蝦炒金邊粉當EARLY LUNCH.. 我之前已經問侍應姐姐係唔係甜GA.. 佢話係... 點知.. 冇味... 除左個青檸之外...蝦唔係好新鮮.. 結果中伏.最後我食唔曬D粉..就咁走人...... 我冇想住呢個星期要去第二間食過..睇來我都要啦... 嗚.....................

今日太忙早餐都無食 做曬野 接左小朋友直接食下午茶 叫左兩個餐 小朋友例牌叫雞髀薯條 我就叫左個豬頸肉船河set兩個餐最抵係個豬頸肉船河set因為除左船河足料 仲另外送一個小食 我地揀左個雞軟骨餃子🥟開頭以為好細隻點知黎到有一隻手指甘長 有兩隻 而且仲好足料船河除左豬頸肉 仲有豬紅同蘿蔔 小朋友就好鐘意個蘿蔔兩個set 如果加港式凍飲係唔洗加$ 特飲就加$6-11 我叫左珍多凍+$6 小朋友+$11要左芒果🥭沙冰 個沙凍都真係幾好味雞髀薯條 小朋友話都好食唔乾 薯條係沾咗雞蛋先再炸 特別脆落單既姐姐仲好好禮貌 「你地睇下先 下午茶好抵食 睇好叫我落單 我係果度即」 整體船河set 比較抵食性價比都高

夜晚收工有d餓經過金坊見mean d價錢咁平就入咗去食宵夜每一樣都好好食！係好好食！燒肉 湯水 甜品都好正好正宗上菜速度又快大家一定要去試下一定要order燒肉 好香好juicy 夜晚收工有d餓經過金坊見mean d價錢咁平就入咗去食宵夜每一樣都好好食！係好好食！

三人閨密聚餐，想食泰式野，朋友揀左呢間，話因為見佢都算多正評，打算一試。餐廳分開左兩個鋪位，地方尚算大。三個人叫左一個生蝦沙律，味道不過不失，蝦的肉質都可以。另外，叫左個金坊柚子沙律，一個有點怕辣，只食柚子，一個食得辣，覺得好好味；叫左個豬手，原本睇餐牌以為是有點似醬汁的，點知係乾同炸感的，麻麻地；反而份牛肉幾好味，肉質保留到，底下的芽菜都唔錯；另外，叫左泰式金邊粉，味道尚可，口感都ok.送既甜品，椰汁糕，味道有點似大菜糕。

本來想叫冬陰公蜆湯，可惜冇曬貨，所以轉左海鮮湯。海鮮湯主要材料有魚，蝦，青口，魷魚，配料以蕃茄同菇為主。個湯幾新鮮幾入味，偏酸而不辣，好易入口。-另外叫左燒魷魚，份量都幾足，好彈牙好有口感，魷魚本身冇乜味，但佢個醬汁就整得唔錯，重酸重辣，重口味既朋友應該會幾鍾意。-單點左個黃飯，不過不失。晚市會送甜品，椰汁味幾香，不錯。

叫左三樣野1. 香葉肉碎炒烏冬好油好鹹，d烏冬濕身嘅。呢個本身叫比小朋友食，但因為太鹹佢完全食唔倒。2. 黃咖喱雞飯米飯係生嘅，雞有雪味，咖喱應該用水溝粉溝出黎，好稀🤢3. 生炸雞髀薯條呢個係最離譜，煮呢個應該係零技巧，就咁拎野去炸。但大家可以睇下相佢個薯條應該番炸左10次，完全食唔倒入口。投訴，結果再黎果碟d薯條都係一樣樣。隔離枱同時間叫侍應呀姨拎碗滾水比佢，因為d菜太鹹想過一過水，大家自己考慮去唔去食。