金坊泰國美食

营业中

休息中

邊個話中秋節一定要食中菜？呢日係追月，同屋企人做節，大家都好鍾意食泰菜，而屋企人本身已經食過呢間餐廳，話好食又抵食所以想再來。好彩訂左位，真係好full。因為荃灣某啲路之前爆水管封左路，所以我遲左，屋企人已經揀好食物。炸蝦餅呢款係我地必點的，因為大家都中意食，蝦餅炸得好脆，熱辣辣，炸粉夠薄，蝦肉又爽口彈牙，非常好食！泰式豬手豬手好夠林，而且充滿骨膠原，調味亦都好滋味，又唔會好肥，底部有芥蘭同咸酸菜，有驚喜。半隻海南雞雖然半隻，不過份量一樣很多，海南雞嫩滑，不過略嫌皮比較肥。明爐烏頭好大條烏頭啊，肉味濃郁，魚味鮮甜，而且調味都好好味，我地5個人分，都食到好多，而且有火燒住，唔怕凍。馬沙文咖哩豬雖然唔太了解呢款係咩咖哩，不過呢個咖哩真係超香，佢又唔會好辣，屋企人唔食辣都話好好味，配白飯真心正，不過我地叫左炒飯，就冇機會撈哂佢成個汁。馬拉盞炒通菜通菜唔老，炒得好有鑊氣，馬拉盞亦非常香口。椰香海鮮炒飯呢個炒飯帶有椰香和椰子肉炒，都好香，不過三色豆份量都幾多，好彩我全家都會食，海鮮有蝦同魷魚，蝦夠哂大隻。有甜品送，係椰汁糕，都幾好味，不會過甜。（沒有拍照）有會員咭仲有9折，今日要加一，平時就寫住

今日行過荃灣，突然想食泰國嘢😆搵咗一間老字號金坊泰國餐廳，聽聞佢啲海南雞飯好好食，即刻帶大家去試吓😝去到個環境都好泰國feel，雖然啲坐位比較窄，但係都還好🤣然後就嗌咗個海南雞飯啦，上到嚟見到佢啲雞皮都好肥美🤤同埋佢個黃薑飯，顏色都好靚，即刻放咗舊雞入口，的確係好嫩滑🥰對面嗰個嗌咗個海鮮菠蘿炒飯，一黎到見到啲海鮮都好豐富，又有肉鬆又有腰果咁，試咗一啖，甜甜地，係一般出邊食到嘅菠蘿炒飯味道😋我自己就期待會同出邊有啲唔一樣嘅味道，我覺得喺average以上嘅😁然後點咗碗冬陰功湯，有啲偏酸，辣度唔算好夠，係香港人嘅口味，但我prefer比較正宗嘅泰式味道會比較好，而且佢啲香料比較多，香茅嗰啲又食唔到落肚，飲起嚟比較麻煩🙃另外追加左個馬拉盞炒通菜，同埋炸物拼盤（泰式蝦餅加蝦春卷），個通菜唔錯，好夠味；而個炸物就正常水準😃整體來講，我覺得佢已經偏向香港人口味，但想食到正宗嘅泰式風味嘅話，我諗去一啲泰國人主理嘅小店會好啲。

餐廳佈置特色， 好有泰式風情， 座位舒適寬敞， 價錢十分親民抵食 ， 仲全日免收加一服務，擁有不少街坊粉絲支持。椰青花膠雞煲 (細)$98原煲熱燙燙的花膠雞煲，用 gas 爐坐熱， 打開煲蓋時，香氣十足， 驚喜看見毫不吝嗇的花膠 、雞肉及椰青肉， 夠曬足料， 十分滋補養顏，湯底好鮮甜， 充滿濃郁的椰香，加上 香甜的椰子肉， 口感變得清爽， 每口都是色、香、味俱全， 滋味滿載。鐵板蠔仔煎蛋 $98熱燙燙的蠔仔煎蛋放在鐵板 上， 份量相當大 ，表面煎至金黃色， 口感份外滑溜， 啖啖誘人蛋香、 及蠔仔的鮮香， 再沾上泰式酸辣醬汁， 令飽滿 的蠔肉鮮味加倍提升， 墊底的牙菜好爽脆。海南雞飯 $68 肥美去骨的海南雞， 喜歡啖啖肉口感，配上黃油雞皮， 彈牙緊緻， 雞肉嫩滑， 跟配的雞油飯， 香軟可口， 帶淡淡雞油香味， 格外滋味，不消一會， 給我通通吃光了。芒果黑白羅米飯 $68綠色糯米飯是用上斑蘭葉汁製成 ， 先倒上香稠椰漿在糯米飯上， 陣陣椰香撲鼻而來， 糯米飯入口黏糯煙韌 ， 配上金黃熟透芒果肉， 入口蜜甜多汁， 不愧是泰式王牌甜品。椰皇沙冰 $36椰皇沙冰，冰爽解膩， 入口比想像中清甜，

金坊 荃灣好耐無同爸爸撐枱腳，去到兆和街比佢個happy hour 價錢吸引左！藍妹大枝都只係$19！係$19！！一於就去啤啤佢！🤣兩個人叫左三個餸，食到好飽🤣明爐馬友 $178呢個一定要叫！上次已經試過明爐烏頭，今次食明爐馬友！魚好新鮮，肉質好滑！配埋酸酸嘅汁，好開胃，好好食！！😝蒜蓉包 $50蒜蓉包有六件，件件都覺得好脆！好香口！芒果黑糯米飯$68呢個十分推介！黎到係黑糯米同埋班蘭糯米，配上一碗仔嘅椰汁，再加兩大件芒果！芒果好甜，好香！兩個簡直perfect match😍藍妹啤酒（大枝）$19一個字！抵到爛！！7-11都買唔到嘅價錢！！🤩

《荃灣泰抵食》餓底今個晚上去荃灣兆和街食泰國菜沙華列卡🛺位於兆和街美食城3樓裝横勁有泰國feel直情好似置身當地咁樣😚菜單款式豐富 街坊生意 價錢實惠 大碟夾抵食 搞到餓底我倆都要投降🙆‍♀️ 食唔曬打包返屋企🤭酸辣香濃多料 令人口水分泌旺盛嘅#冬陰蝦功湯惹味軟腍足料超大碟 有筋有腩嘅 #紅咖哩牛腩少不了沾醬拍檔金黃脆口帶有甜味既#蒜蓉包條鹹香惹味勁多菜菜🥦🥬🌶嘅#馬拉盞粉絲雜菜煲同時 Like 佢 社交平台 有甜時日品送😚

刺身真係好新鮮，因為同朋友都可以食得生嘢，當然要試吓佢哋嘅招牌泰式菜啦！😍呢一間店舖嘅選擇都好多，而且夜晚多人好旺，試咗幾款食物，都覺得好好味😋生蝦刺身夠新鮮，😙而且每一隻都晶瑩剔透，食落去好爽口。泰式無骨鳳爪，🥳好鍾意佢嘅泰式辣醬，校得好香，所以好野味，雞腳都起晒骨，每一啖都係骨膠原，好正。佢哋嘅泰式明爐烏頭都唔錯，我見到好多人點，天氣凍凍地都啱食。🍲個湯底應該落咗好多香料，所以都飲到好濃郁嘅香茅味，魚肉夠新鮮，🥘所以都夠實淨，食落去好有口感。成條烏頭份量好多，好足料，連個魚湯都可以飲埋非常之鮮甜。🥰

兩個人去到荃灣都唔知食啲乜嘢好，突然之間好想食泰國嘢，見到依間好似唔錯就入去試吓。見到個Menu真係好多選擇，跟住俾我哋見到晚市有二人餐，就即刻叫黎試下。金坊柚子沙律，個份量都唔細，啲料都好多，仲有少少辣辣地酸酸哋，真係幾開胃。炸蝦餅，呢個真係即叫即炸，入邊都唔少蝦，一嚟到脆卜卜香噴噴，放入口熱辣辣，真係好正！再點埋個甜酸醬，真係一流。燒魷魚，依個又係即叫即燒，食落去真係唔錯，魷魚唔會燒到好硬，個醬又酸酸地，食落去好開胃，送酒一流。炒鮮蝦金邊粉，個色水好靚，個味道又好香，蝦都唔少，加埋青檸撈埋花生，成件事好有係泰國嘅感覺。馬拉盞炒芥蘭，馬拉盞味好夠，大大碟，勁多菜，佢都唔算太油，所以成件事食落去好舒服。最後見到啤酒有半價，兩個人叫咗兩支大嘅嚟飲吓，放工飲酒吹吓水，食住正宗泰國嘢，真係好爽。

這間走街坊路線的金坊泰國美食裝潢簡單平實，價錢平民化，所以未夠7點已經很爆場，好彩一早已訂位，但最想食的咖哩卜卜硯煲就一早賣完了。大大碟的海南雞飯只是$68，無骨的海南雞啖啖肉都幾滑嫩而不肥膩，沾上辣醬更好味，不過黃油飯就比較淡味一點，配上冬瓜雞腳湯，這個性價比是十分高的。馬拉盞炒椰菜苗($94)，嫩綠爽口的椰菜苗，用上馬拉盞來炒，咸咸香香，十分惹味。燒扇貝$56，用牛油蒜蓉來燒，味道無得窮輸。四隻鹽燒大蝦$98，大蝦大隻多膏，肉質亦爽口彈牙，不沾醬汁都夠味。

無得去泰國🇹🇭旅行🧳就食泰國菜止止癮，由路德圍食到兆和街都開分店的「金坊泰國美食」是荃灣必食泰菜餐廳之一。兆和街分店位於荃灣美食坊三樓，佔地全層，環境空間感十足，座位闊落，裝潢吾算豪華但充滿泰國🇹🇭風情，神象擺設不少得。海南雞飯（HKD 68): 賣相好吸引❤️海南雞佈滿整個飯表面，有齊雞翼、雞胸、雞髀🍗、滑嫩的雞肉，大大啖咬落雞髀到好爽、雞翼都份量十足，蘸上酸辣醬、解一解油膩。油飯做得出色，帶點黃薑味、雞油味香，成功提起整個層次。附送雞腳例湯，腳筋有膠質，冬瓜清甜可口，飲落溫順。沙嗲串燒（HKD 98):食得出用上炭爐燒，燒烤香氣撲鼻，雞肉食落嫩滑，蘸上花生香濃的沙嗲醬，牛肉帶點油脂香，食落似牛柳粒，醃製得好好，豬比較有咬口，肉質較彈牙，沙嗲醬出色。泰式青咖喱🍛（HKD 98): 椰漿味比較出，整體偏甜，如果調得辣D 更美味，用上泰國茄子🍆食落特別多汁，配上大量九層塔，鮮嫰雞胸肉，一定要叫薄餅蘸咖喱食，薄餅香脆可口，帶點焦香煎至金黃色，蘸上咖哩，好快KO 曬。雜錦拼盤（HKD 118):黃金炸蝦卷口感爽口較紮實有嚼勁。充滿檸檬葉香和豆角增加口感的魚餅。冬粉、紅蘿蔔絲、高麗菜絲、豆芽菜同

喺荃灣Friday night收工🥰因為唔想煮😝所以就同朋友一齊嚟食個泰式dinner先，佢哋嘅嘢食都做得好正宗，而且份量夠多，真係好抵食！叫咗兩樣餸，係泰式嘅串燒同埋明爐烏頭魚，加埋泰式啤酒🍺真係好過癮☺️泰式串燒味道香濃，因為係餐廳自製，所以好有炭火嘅味道，🍢肉串都夠香，而且有豐富嘅香料，所以好香口。烏頭魚份量超大，二至三人嘅份量，真係好夠食！而且肉質夠實，加埋泰式味辣嘅醬汁，酸酸味味，連魚湯底都可以飲埋🤩佢哋嘅甜品同樣唔錯。🥥正宗嘅泰式椰汁糕，入邊仲有西米，添加口感之餘，更加椰汁好香好香滑。

今日約咗朋友喺荃灣行街順便食飯😬餐廳喺3樓要搭電梯上❣️座位都寬而且坐得都舒服😌我哋兩個女仔想食清啲所以剩喺叫咗1️⃣菜1️⃣海鮮1️⃣炒飯再加多個甜品啱啱好‼️入正題❣️🔺燒魷魚🔺$98原隻魷魚切好上👍🏻火侯啱啱好‼️肉質幾爽❣️再配埋泰國必備嘅醬料👍🏻酸辣口感令到魷魚🦑更有味😬🔺馬拉盞炒通菜🔺$88好好味‼️都幾大碟而且炒得好入味但又唔會太鹹👍🏻🔺香菜魚碎炒飯🔺$88豆角➕肉碎炒😬啲飯粒粒分明好有光澤🤤味道幾香口👍🏻🔺椰汁西米糕🔺$46西米入邊有芋頭同粟米‼️食落更加有口感而且西米軟林林好好味😋再加埋椰汁更加正😌🔺龍眼冰🔺$33每次食泰國嘢必點❣️好多龍眼肉🥰唔會好甜👍🏻

金坊泰國美食 (荃灣)荃灣兆和街38-40號荃灣美食城3樓呢間野真係樓下唔覺佢有咁多人幫襯上到3樓見到爆場😂生蝦算大隻！個汁幾好味係偏向多蒜頭辣椒嘅。蒜蓉包要俾啲時間佢焗，即叫即焗勁趣熱辣辣！點埋咖喱食真係一級棒。青咖喱我嫌呢個甜得滯可以再辣少少。用嚟點蒜蓉包唔係太襯唔建議但如果你飲椰汁飲品/椰汁飯呢一個咖喱又係正嘅！❤️鴨肉湯河佢係超粗嘅河粉但成碗最多嘅係鴨肉加埋個濃濃嘅湯底真係估唔到成晚最驚喜係佢！啲鴨肉又嫩口一啲都唔係仲食極都唔完😂

這店的午餐有不少的款式，有泰式的湯粉類、泰式咖哩、泰式炒粉飯、最出名的海南雞及豬手飯等等。今天一行三人，媽叫了海南雞飯，雞翼拼埋雞胸肉。成碟雞感覺縮水了，撇除雞翼，只有三舊雞胸，阿媽話胸肉鞋而靭，唔好食，最後阿媽舔汁餸飯。阿仔叫了汶萊咖哩豬扒飯，咖哩汁沒有什麼特別，屬正常。但是塊豬扒就幾掂，炸得香脆，肉質算鬆，都不細塊。我叫了豬手湯米線，大大碗，滿滿的豬手，其中有少許通菜、芽菜、白蘿蔔，很豐富。不過我嫌湯鹹了點。每個餐可加$8配小食，我哋叫了泰式鳳爪及炸雞翼兩隻。

今日行開荃灣，夜麻麻突然之間想食泰國菜，去咗一間都幾多分店嘅，起碼唔會中伏先啦🤣——————🐽 泰式生菜包又係一道非常之熱門嘅頭盤，生菜包肉碎有少少辣，而檸檬汁嘅味道非常開胃，作為頭盤非常適合🐽 青咖喱雞一上台就聞到青咖喱嘅椰漿味好濃，撈起上嚟見到好鬼多蔬菜，雞件亦都唔少，好大碗既青咖哩送飯真係一流😍🐽 馬拉盞炒通菜好香嘅馬拉盞味，食到些少辣又唔會太重味，通菜非常爽脆，食得出通菜好新鮮💪🏻

朋友成日同我講去荃灣食泰國菜一定要去金坊泰國美食餐廳，所以今日就去咗兆和街間分店試吓。餐廳係大廈3樓，𨋢門一打開，就有去咗泰國嘅感覺，真係懷念，而且餐廳裏面嘅環境都十分寬敞。香茅蠔仔煲遠處傳來香濃嘅香茅味，就知道我哋叫嘅香茅蠔仔煲到啦。生蠔嘅size都唔細，足足有一寸長，夠晒肥美，除了香茅之外，還加上很多香料和蔬果，如青椒、紅椒、洋蔥、芹菜和雜菇。味道香濃，但不會搶咗蠔仔嘅鮮味，值得一讚。鐵板比目魚因為怕多魚骨，所以揀咗比目魚。熱辣辣嘅鐵板上有兩塊手掌般大嘅比目魚，而且十分厚切。比目魚肉質很滑，魚嘅油脂味濃郁，好好味，這個必試。馬拉盞炒粉絲可以選擇配上雞肉、豬肉、牛肉或者雜菜，我哋就選擇咗牛肉。炒得好有鑊氣，粉絲不會太碎和太乾身，牛肉亦都夠淋和有牛肉味，加埋馬拉盞嘅香，真係食唔停口。