金坊泰國美食

营业中

休息中

今天打算到荃灣購物, 我是泰菜超級粉絲, 又想再吃泰菜；之前同事曾介紹這食店而我亦曾經嚐試過， 覺得味道不錯之餘而且價錢非常便宜， 所以今天再來回味一下。我們於12.00pm到達食店, 可能時間尚早, 座位任君選擇。食店內擺設了很多富有泰國特色的裝飾物, 椅子是滕製的, 感覺充滿了泰國特色; 由於枱與枱沒有太大空間， 所以感覺有點擠迫; 另外有一張12人的圓桌放於房間內；近吧枱放置了3個塑膠瓶可以裝啤酒, 瓶的象鼻是啤酒的出口處，非常可愛呀!餐牌的設計非常精緻, 印刷了泰式印花和屋頂圖案, 極具特色。看完餐牌後點選了下列菜餚:碎肉生菜包($72): 這是我至愛泰菜之一, 很喜歡它酸酸辣辣的味道, 我猜大部份女仕都很喜歡吃酸澀澀的食物, 原因很簡單, 因為吃了酸性的食物感覺特別開胃, 可以增進食欲; 肉碎加上乾蔥頭, 蔥粒, 辣椒仔再拌勻香醋, 將肉碎包裹在爽脆的生菜裡, 味道酸酸辣辣, 口感清新, 但不知是否想迎合港人口味, 辣味略為不足。炸蝦餅($73): 香口的食物永遠是最吸引人, 但吃過之後要小心熱氣或生口瘡; 蝦餅炸得金黃香脆, 粉漿薄薄的不會過厚, 蝦肉佔的比例比粉漿多, 啖

一場來到荃灣咁去食下荃灣最出名嘅泰國嘢呀。Lunch食飯，好鬼多人。你間泰國餐廳收費唔係貴，食個set lunch都係＄40。 我就揀咗最出名嘅馳名豬手飯，豬手蚊到好林，配上泰國香料，好入味好正啖啖肉，D汁甜甜地，唔知用咗咩香料真係好想叫佢拎多碗汁。

是日到荃灣購物，想找地方吃個下午茶，方發現附近一带餐廰要二點半才開始供應茶餐，好不容易才找到這間兩點有茶餐的泰國餐廰,以為是間小店,原來主舖在樓上,地下新開一星期,面積细小座位不算舒適，我和朋友分別叫份午市套餐海南雞飯，雞件份量不少而且嫩滑，黄薑飯煮得軟糯適中,午餐兩點後order還送餐湯,茶餐是豬頸肉配扎肉湯河,配料齊備札肉厚身,豬頸肉非常腍滑，兩杯凍飲不比茶餐廳遜色，值得再去。

夏天，為大地帶嚟雨水！錯哂計我話：為大地帶嚟…汗水就真唔想喺屋企開爐，唯有出街食金坊 屬我個人泰菜首選，餐牌由沙律、湯、咖喱、鑊氣小菜囊括港人熟悉大路菜式，味道走中庸，唔會一味死甜死酸死辣，老少皆宜泰國炎夏生果特別靚，熱帶水果木瓜、柑橘及芒果，消暑舒神。先嚟一客青木瓜絲沙律，木瓜絲外，混合咗車厘茄、花生、椰糖、魚露同青檸拌食(應該係)，木瓜絲吸盡汁料精華，味道甜夾酸，酸帶爽，呢碟最快清碟。再嚟青檸汁燒豬頸肉，火候恰到好處，豬頸肉脆嫩爽口，最正係豬頸肉逼入青檸酸味與芳香，而且青檸有助平衡肉膩，送啤酒一流。泰式咖喱蝦，咖喱濃滑，應該係椰漿/椰奶功勞，咖喱味辛辣醇厚，蝦隻沾滿濃郁咖喱汁，剝出蝦肉，滿手咖喱，真係啜埋手指先罷休。香杧腰果炒飯，炒飯擺成一個小山丘，頂頭芒果香甜，配搭脆口腰果、香口炒飯，味道非常和諧，為一道普通炒飯加添層次。泰式炒通菜餐牌話泰國入口，不得而知，但通菜爽脆無渣，份量大碟，抵食。「送」椰青糕用椰青原水做，好清甜，透心涼。結論：男人講package金坊嘅package由價錢到味道，整體平均，雖然餐廳多開分店，但水準未受影響，唯開業幫襯到現在，餐廳並無任何套餐供應，有時唔想

成日都咁多人等位，我一早已book咗枱，中午還有人打黎confirm左一次，叫我地遲15分鐘先到，結果我哋有成員早到，下面派飛嗰個職員，唔知點解仲係派飛俾我個朋友，結果我哋到齊晒，佢話因為我哋冇聽電話，俾咗張枱啊，只不過係5分鐘，但佢態度非常惡劣，個問題係我哋已經有人到咗...最後投訴完一輪終於有位，落單職員態度又係好惡劣生菜包-豬肉唔靭，濕濕地，小辣味道剛好青芒果沙律-芒果太青，好鞋口，唔係太好食，同埋勁辣，唔係太大眾化海南雞-有雞油味，肉質嫩滑，不錯酸汁豬頸肉-酸汁味道唔太酸適中，有魚露嘅味道，小小辣，豬頸肉好爽馬拉盞炒椰菜苗-味道香，但椰菜苗有啲硬咖哩炒大蝦-咖喱味好香，最適合點蒜蓉包，大蝦新鮮爽口咖喱炒蟹-咖喱味道同咖喱炒大蝦一樣，好好味，但下次可以選用唔同嘅炒法，蟹又係好新鮮，蟹殼太大，肉唔係好多，可能選擇膏蟹會好一點，成餐飯整體味道好唔錯但服務態度真係差，建議改善一下態度，如果唔係食物幾不錯都好難令人再翻轉頭

入到黎荃灣想食泰國嘢就入咗去呢間泰式餐廳，門口見到佢嘅餐牌有好多唔同嘅選擇，而且價錢仲平民價， 全日免收加一。入到去叫左兩個午餐，一個係鮮蝦炒金邊粉，另一個係菠蘿雞絲炒飯。每個套餐都會送飲品同埋泰式湯，有椰奶雞湯、冬陰公、冬瓜湯選擇，價錢都係＄42本人覺得呢個最值得讚嘅地方係每一碟野都好大碟，相當抵食！而且味道仲係好味，並唔係揸流攤！但係呢間餐廳嘅服務就真係麻麻地，侍應多數都冇禮貌， 確實有待改進！菠蘿雞絲炒飯: 味道就好似菠蘿炒飯咁，十分足了好多餸，而且炒得粒粒均勻鮮蝦炒金邊粉: 炒得相當有鑊氣，夠濕唔會好乾，而且相當夠味！仲十分之大碟，一個人都食唔晒

爸爸説父親節想吃泰國菜，就選了這間很多朋友推介的泰國餐廳！今次點了果d餸樣樣都好味！蒜蓉包條爸爸最like竟然係呢個！成條包整到金黄色，好大蒜味，點咖哩十分正！秘制咖哩牛腩咖哩少辣，牛腩很淋，正啦！冬蔭公湯（細）內裏有很多材料，十分喜歡這間的冬蔭公湯，很岩口味，不太辣，酸味適中，建議盡快飲哂，否則湯尾味道很濃！

一早約左舊同事去食飯揀左泰國菜，book左荃灣金坊食！呢間野之前都食過，味道的確唔錯！Book左，準時去到都要等！咁其實walk in 都得啦！係點菜期間，我地想叫條燒魚！但對魚類唔太熟所以一直都唔知叫鱸魚好定鰂魚好！我地又唔想阻侍應就話鱸魚！但無一分鐘朋友話想轉鰂魚！我地同侍應講！侍應係黑面話！''睇下廚房整左未先！咁你要鰂魚定鱸魚呀''？我同佢講，落左一分鐘都無喎？然後佢先唔情願幫我轉！最後條魚都要差唔到40分鐘先到！

金坊泰國去食得多，但都係食晚飯多，剛又不太肚餓，就嘗試叫左這個午市特價牛丸湯河，38元一個特價餐，河粉夠大碗兼河粉夠粗，食落口夠口感，牛丸又彈牙，加埋枱面配料，更可帶到碗粉香味。

一直都很喜歡食泰菜，今晚就和一班好友共十二人到這間餐廳吃晚飯。我地冇去訂位，等了15分左右便有位了。而家特別介紹以下幾款菜:燒豬頸肉岩岩燒好，好熱，每片用都好平均，唔乾，仲好juicy!點埋個酸辣醬仲好味！ Pad Thai (海鮮炒金邊粉）係泰國最鍾意食既食物，今次係香港，這間都煮得唔錯，濕度岩岩好，味道都不會太濃！青咖哩雞一碗份量好多，較辣，個個都叫白飯送汁！呢一餐每樣餸都好好味，冇失水準！

對於泰國菜，通常都會在晚上與朋友家人一起去吃晚飯的，但今次選擇在星期日的下午茶時段去吃食番餐泰國菜吧。金坊泰國美食位於兆和街的美食城，餐廳環境很有泰國風情。打開餐牌，全部都翠熟悉的泰國菜式，還有小食等，而且亦有午餐呢！餐湯為椰奶雞湯，首嚐這一個湯，質感是像酸辣湯上加上椰奶，酸辣中有種椰奶的味道，但是並不太明顯，而且湯底亦呈現奶白色。主食為馬拉盞雞肉炒金邊粉。馬拉盞的做法，與蝦醬相似，故與雞肉及金邊粉一起炒，其鹹香程度相當高，每吃一口都是幾惹味的，而雞肉不嚡而有咬口，金邊粉亦幾爽口吧。飛天通菜的故事，也許都知，不用介紹。通菜遇上了紅椒，豆醬等炒在一起，故食味是辛辣的，而且通菜都幾爽的，這個通菜的辛辣度可以接受的。炸魚餅無論是泰式或中式，一向都是喜歡吃的一道菜。橙紅色的炸魚餅，大大件的共有九塊，吃落甘香鬆脆，加上橙紅色的醬汁，令魚餅倍增酸辣度，令食味增添不少。餐飲為珍多冰，當中以椰奶加上三色 jelly而成，除了其椰子味道外，其實其甜味相當濃厚，而且有種甜到膩的感覺，倘若少一點甜味會更好。當中炸魚餅略為等了良久，可望有所改善，不用等得太久吧。

呢間分店新開店時，有少少係用嚟分流路德圍總店嘅客，當時路德圍嘅接待哥哥會叫我哋呢啲荃灣友識路嘅去新店，唔使等又有折。當時真係無咩客。我哋仲喺半年前左右收到新店郵寄嚟嘅送芒果糯米飯嘅優惠券，於是直覺覺得新店生意應該唔會太旺，於是無訂位walk in, 點知星期日晚超多人，等咗成個鐘先有位，啲等唔慣位嘅長輩級家庭成員黑哂面。不過留意返繁忙日子訂位都要預早，即晚都無得訂。其實身為荃灣友之前已經食過好多次，早前入院又剛好與金坊嘅開山泰籍女大廚住同一間房，大廚嘅友善同見到佢兩位年青老闆當佢家人一般嘅尊重同關心，出錢出力，令我對金坊大大加分。芝心蝦丸，雖然個價錢$88可以點到碟咖喱，但仍然係我每次必點之選。有次去路德圍唔想等試咗另一間泰菜但無呢味餸，朋友仔極度失望。我要求原粒上，想要爆醬效果，但最後都係開咗邊，可能驚啲食客辣親嘴。蝦膠彈牙，外層一層薄薄脆皮，大量芝士。今次啲芝士凍咗少少，而且上菜次序好隨意，今次係上哂所有主菜主食先上。建議唔洗點雞醬，會搶咗啲芝士味。柚子沙律，好幾辣，記得以前係無咁辣。大量脆花生同蝦米，啖啖咸香。柚子嘅甜中和咗少少辣味。燒大鱔，金坊燒物一向出名，路德圍店仲有個大燒烤

金坊已經開到第三間分店喇, 由此証明佢都幾有實力~好多年前去過荃灣路德圍食過, 記憶中係唔錯嘅泰菜。而事隔多年, 今次都揀左去荃灣, 但今次唔係路德圍而係第二分店嘅兆和街荃灣美食城店。位於三樓全層嘅金坊環境唔錯, 地方幾寬敞!生蝦~ 必食之選蝦身肥美, 肉質彈牙, 蝦肉食起上嚟有漿口感, 好味! 生蝦辣醬唔會太辣, 可以沾多啲都唔怕。芝士蝦球蝦球炸得唔錯, 蝦膠亦打得好結實, 芝士軟棉棉。泰式通菜 & 馬拉盞椰菜苗火喉調教得好, 菜炒出嚟仍保持水份, 菜嫩新鮮。燒排骨燒得好野味, 唔會燒過火致乾身, 仍保持肉汁。係食起上嚟比較狼狽, 骨與骨之間要食到肉, 用手係必然。酸辣鱸魚酸酸甜甜開胃之選, 略嫌肉質較散唔夠實。燒魷魚肉質唔夠爽彈, 有少許燶感, 魷魚味不重, 要配醬汁食先有味道。帶子沙律帶子唔多, 味道普通，有啲乾身。沙律配搭唔夠豐富, 美感欠奉, 但又係愈食就愈辣。海鮮炒粉又係美感欠奉, 但個粉炒出嚟算唔錯, 起碼唔會一餅餅, 味道上都OK嘅。芒果沙冰色濃但味淡, 芒果香味亦唔太吸引, 普普通通。椰皇清甜味美。贈送甜品冇美感, 味道同樣貌成正比, 平平無奇, 冇乜味可言。總括,

過完中秋的第一餐，選擇左試呢間樓上分店，時間剛好過左1400，仲有雞湯或冬瓜湯送添👍🏻今日事日Set lunch大部分$42，少數加$2-$4。無需加一，包埋凍飲，特飲加$6。都好抵食青咖哩豬扒飯，青咖哩汁好味，唔會太稀，帶點辣，好香口，不會重椰汁味，但塊豬扒就有點(鞋)口，失望一點。燒雞脾飯隻脾真係好大隻，而且肉質很嫩，而且入味，適合啖啖肉的你。無骨海南雞飯-一般般，可能撞正比左雞胸啦，雖然唔太(鞋)，份量都唔少，但總有點失望。

樓上呢間食過3次，貪佢星期五或假期前夕唔會限時限刻，可以盡興，而且平日唔收加一，尤其喜歡佢嘅椰皇沙冰，本人極討厭椰油、椰漿，但此沙冰每次必點，因有椰青水嘅清甜，一啲都無濃烈椰子味道，泰式豬手第一次食，煮得好「淋」，味道剛好唔太濃，亦係第一次食青檸汁燒牛排，食泰菜從來冇食過豬手同牛排，好有新鮮感，這裡是非常泰菜👍