金園茶餐廳

营业中

休息中

平日星期四第一次食金園，之前就聽聞佢啲蛋撻就好出色，去到晚上6:30左右就聽到已經冇得買。我今次就冇食蛋撻，食左全日早餐同午餐。👥啲姐姐態度幾好，一開始冇大位坐，坐左張細枱，之後有大枱，姐姐仲問我地洗唔洗轉張大枱，當然大枱係舒服啲👅食物質素不過不失，奶茶都幾好飲，份量都唔算細份。奄列幾好食，雖然油左少少，但都足料。環境都算幾好，起碼我地食果時有大枱，上菜速度都算快，唔洗等好耐👀二個人食左$92。晚餐來講口算貴😄

叫了特餐沙爹牛冇沙爹汁，麵太淋，牛肉得幾片，麵包又凍黑椒豬扒意粉，豬扒一早炸好，太厚粉，炒完啲意粉就咁放豬扒上去，冇誠意唯獨是蛋撻同熱奶茶ok下次去都係食蛋撻同飲奶茶算

第一次食咁難食嘅沙爹牛麵，個湯冇沙爹味，啲麵淋晒，衰過自己煮個出前一丁如果隻牛泉後有知，知道自己比人整到咁難食，一定喊出黎大家黎食都好，記得唔好嗌沙爹牛，會浪費咗人生嘅一餐，我已經浪費咗，希望可以幫助到你地節省時間同埋金錢

金園既酥皮蛋撻係我食過最好食既🥹酥皮層次分明 聽聞有128層?!🤯 總之就超！鬆！化！ 最正係牛油香同焦燶味同時湧出～🤤蛋漿唔算好甜 熱辣辣好滑溜 新鮮出爐即刻食既話隨時辣親嘴🤣雖然$9一個有啲貴 但真心好出色 難怪每次一出爐就好快掃晒～

撞啱今次喺長沙灣蛋撻出爐時間，所以就去金園試吓，蛋撻真係名不虛傳，酥皮蛋撻好有層次，食落好香，蛋香加埋酥皮真係一流，果然係香港最佳蛋撻。同啲連鎖店真係差好遠，價錢雖然相對貴少少但物超所值。

第二次來，水準變得奇差無比。通粉的湯像水一樣淡，幾乎沒有味道。隨後上的麵包凍冰冰的。唯一優點就是蛋煎得香。跟住叫夥記換通粉，換了仍然是很淡，大概是因為週末的原因湯不夠要加水？

今日中午途經附近，見金園入面好多人幫襯就入去試試。我見大部分人都叫炒粉麵，就叫一個干炒雞絲意粉配熱啡，味道中規中矩。之後聽到外面排隊叫酥皮蛋撻，要等20分鐘，心諗不如試埋，結果比想像中更好，酥皮一層層，沒有一嚿的感覺，蛋黃味ok唔太甜，大家有興趣可以一試。

假日中午時來到長沙灣就想試呢度出名的蛋撻可能假期關係嚟到已經排緊隊等咗陣就可以入去-老闆安排咗我哋坐咗係中間的小桌可惜沒有卡位，因為已經爆場舖頭唔係好大，是近期有裝修過的新淨茶餐廳睇睇餐牌先，有呢種傳統港式特餐同快餐仲有炒或會意粉男友話嚟到梗係要返特餐，咁我就揀個午餐當然不能少得今日重點—酥皮蛋撻餐前先食甜點🤤蛋撻新鮮熱辣，濃厚嘅蛋比一般西餅舖厚好多酥皮食落好鬆化，雖然我係曲奇皮派但仍覺得非常好味呢度差不多每隔十分鐘就出爐新一底蛋撻真係勁哂新鮮～午餐的叉燒比較瘦但食落唔會柴，味道不錯火腿奄列底面都煎過但中間都仲有流心半熟蛋汁餐包應該都係茶記自家制食落好軟熟而且好實在，唔係坊間的空氣包至於特餐，男友食完覺得沙嗲牛用鮮牛很不錯雖然沙嗲汁不算濃，味道是不錯-整體食物味道不錯，價錢平民，酥皮蛋撻好得

今日早收工同朋友夜晚又去打波啦慣性都係去球場附近嘅餐廳到覓食身邊有長沙灣地膽朋友帶路雖然餐廳位置都算係主街的青山道但係如果冇朋友介紹我都未必入去朋友推介的係 炒粉麵系列的因為餐廳的炒功不錯黑椒乾炒牛肉意粉呢一個炒意粉 不過不失意粉軟硬度適中冇過淋過硬味道不過不失 係正常想像到的味道牛肉份量介稍稍少左D沙嗲牛肉炒米粉朋友推介的炒米粉確實係唔錯！米粉炒得乾身 冇多餘的油米粉上面有少少沙嗲味加少少辣椒油都幾惹味沙嗲牛肉炒河相比起炒米粉呢一個粉河相對失色河粉炒不鬆 夾上手一舊舊咁食落多油 碟底都好打多油沙嗲味唔出

沙嗲牛肉炒麵 落單嗰時以為自己睇錯，見到個份量真係嚇親，食落去真係可以食得飽。呢個沙嗲牛肉炒麵嘅沙嗲汁，同沙嗲牛肉麵係完全唔同，食落去沙嗲味道當然冇湯麵咁濃郁，無咁稠，不過都比起一般茶餐廳嘅沙嗲汁濃郁小小，入口有少少辣，可能對大家嚟講先係啱啱好。牛肉都同沙嗲牛肉麵唔同，比較似平時茶餐廳嘅滑牛肉，比較厚身，咬落去都唔韌，算腍，食落去牛肉味就唔算突出。炒麵其實係干燒麵底，咬落口脆卜卜，比起河粉更加夾沙嗲汁，好似食緊潮州嗰啲脆麵咁，整體醬汁同個面份量啱啱好，呢個價錢嘅牛肉冇得講究。-🌟 有唔少人覺得食碗沙嗲牛肉麵唔值得，我覺得考慮到佢打邊爐湯底都，咁呢個沙嗲牛肉麵，加上佢嘅火鍋牛肉，價錢都有理據，不過如果你驚太鹹太濃，咁好好運應該係香港最好食嘅沙嗲牛肉麵。至於佢嘅炒麵性價比就好高，因為有唔難食嘅牛肉，沙嗲汁都算濃，雖然冇沙嗲牛肉湯麵咁濃，不過份量仲好慷慨，難怪受到沙嗲牛肉關注組嘅青睞。今次淨係介紹佢嘅沙嗲牛肉麵同埋炒麵，下次介紹呢度嘅火鍋，佢哋嘅火鍋湯底仲可以外賣拎走返屋企。

係ins見到好多人推薦這家蛋撻，作為蛋撻愛好者，肯定要走去試試。週日14點半左右去到，依然堂食要等位，外賣也有人排隊，都為了新鮮出爐的蛋撻。堂食每人最低消費20蚊，一個蛋撻9蚊，記得加杯飲品呀！蛋撻，蛋液部分比較結實，似燉蛋，我好中意😘❗️但希望可以稍微再甜多dd，甜度稍嫌不足加點一個「黑椒牛肉炒意粉」，果然係茶餐廳嘅出品，夠曬鑊氣。不過凍咗就覺得好膩，所以都係要盡快食。之後去開深水埗附近，都會選擇去買蛋撻嘅👍

與友人相約參與一個談討茶記文化 x 人情味的分享會, 分享會前特意拜訪金園, 再次細味茶記箇中樂趣.時間比晚餐尚早, 店內人數不多, 都是附近街坊來裹腹,非常日常.點了豬扒包, 蛋撻, 炸魚薯條, 凍奶茶鴛鴦各一,未幾, 先奉上 馳名酥皮蛋撻 .蛋漿色澤金黃, 咬下皮脆酥香, 惜已放置一段時間, 酥皮略帶油膩, 即呷上一口凍鴛鴦,口腔充滿咖啡的香及苦,為之一震~惜奶茶味被咖啡淹蓋得8899,只剩下奶茶一絲絲的奶甜味.#大合照炸魚薯條,也忘了魚是那種了~薯條茶記常見曲身類型,正常發揮, 沒有特別,反之豬扒包讓小妹非常驚喜~經典港底甜餐包,包面輕微烘熱帶出香氣和鬆軟感.內夾豬扒蕃茄, 簡簡單單.卻使人把味蕃更集中到主角身上,豬扒口感帶脆, 咬下鬆軟且帶有肉感,不會像過多鬆肉粉只淋而失去肉原來的質感,配上鮮甜酸蕃茄,整體口感香氣都讓人非常滿足🤤🤤一點都不輸給澳門的手藝.高CP 的質素也讓小妹再次體驗到,其實有時所謂舊。港式情懷,指的除了食物外, 更是上一代的單純, 直接,不是因收入了多少,只為了做好對得住自己的良心食物,不必過多花巧, 平平實實也能夠讓人感到用心~也許我們真正懷念的, 就是在

超級愛酥皮蛋撻，喜歡酥松外皮的口感，內餡兒也軟軟的。不過這家其他都好普通，叉燒有點乾，豬排意面也普普通通，飲料也都沒什麼特別！但是蛋撻真的一絕，我專門嘗試了一條街兩家，還是金園好吃，因為皮更多，另一家相對蛋液多一點！

今日咁岩經過聞名已久嘅金園，覺得唔試好似嘥左啲，就買左個蛋撻食下，因為我平時係曲奇皮派，所以冇抱好大期望，但試完覺得，佢個酥皮同出面啲餐廳同麵包舖嗰啲差好遠下🤩真係食到一層層口感，唔會過分鬆，又唔會淋啤啤，真心幾好，不過蛋香味就比較弱🥲如果可以重返啲就好了😆

寫啲小食篇先🙊 有時口痕又想食啲野嘅時候就會諗起蛋撻葡撻，講到蛋撻關注組第一名喎，點可以唔去試啊😎🥚酥皮蛋撻記得lunchtime去到餐廳外邊已經排晒長龍，好多人等緊買蛋撻走。好彩餐廳見勢都焗得好密，所以我坐低入去叫咗個啱啱出爐熱辣辣嘅蛋撻。雖然數唔到係咪真係128層，但係就咁望蛋撻嘅酥皮都非常之厚，雞蛋漿甜而不膩，啱啱出爐食嘅時候真係要小心，分分鐘會俾佢啲蛋漿焫親性感嘅嘴唇👄-🍹飲品方面，今次我叫咗杯熱奶茶，配上熱辣辣嘅蛋撻，何樂而不為😎❗️P.S 最尾我都買咗半打返屋企，雖然冇即食咁好食。但係如果大家屋企有焗爐嘅話，可以試吓用160至170度，焗8至10分鐘，一樣有啱啱出爐嘅效果🤤-