金華冰廳

营业中

休息中

之前就常聽人說， 金華冰廳 的菠蘿油、蛋撻都是必吃的，剛好來到太子就決定吃吃看。一走進店内，發現客人幾乎都是遊客，連店員一開始已經是說普通話。能感受到這間冰廳完全是觀光客的熱門選擇。因為當下有點餓的關係，我就點了 精選麵餐 (HKD 46)選了最經典的沙嗲牛肉公仔麵。沙嗲味差不算很濃，少了我期待的花生香。牛肉片都算厚身，但吃落嚡口。整體來說覺得一般。而且這個麵餐只配一杯飲品，不過奶茶夠香夠滑，替這一餐稍微加點分數。鮮油菠蘿包 (HKD 13) 幸好這一個才是主角，而且確實也不錯。外層金黃且糖皮烤得剛剛好，咬下去又酥又甜，再加上中間的牛油，每一口都超滿足。

放學後想搵個地方俾女女食啲嘢，又唔想太嘈，最後揀咗太子金華冰廳。間舖好易搵，離地鐵站行幾分鐘就到。入到去見到幾多家庭客，枱與枱之間唔算太迫，BB車都放得落，幾方便。我哋點咗招牌菠蘿油加熱奶茶。菠蘿包一上枱仲熱辣辣，啲牛油喺入面溶到出晒油香，外脆內軟，女女食到停唔到口。奶茶唔會太濃，甜度啱啱好，我都飲得安心。女女平時唔鍾意飲茶，今次竟然話「好香呀～」餐廳整體環境乾淨，地板冇油跡，餐具亦都乾淨企理。職員都幾有耐性，見到我拎住BB袋仲主動幫我安排位。落單之後唔使等好耐，十零分鐘已經上齊晒，對小朋友嚟講時間啱啱好唔會攰。👍🍞🍼

大熱天唔捨得開冷氣，冷氣不足。檯凳之間太逼，坐的又唔舒服。啱啱坐低點單期間，小朋友鬧話肚餓想食麵包先。媽媽就拎美心麵包出來比小朋友咬幾彈，即刻比店員指住個指示牌，惡言相向話外帶食物不准食。我們第一次去食，不知貴店規矩，但都不至於如此態度。我們放棄點單，起身準備離開，店員仲寸寸貢話，88不送！行多幾步去了另一間茶餐廳，冷氣足，做得舒服，好好態度，小朋友食完整個麵包都無問題。真係天差地別！做遊客生意，讓遊客體驗下香港傳統茶餐廳的惡劣態度，可能對遊客來講是一種樂趣，但不是長久之計。食物無點，比三分，環境同態度負分。

聽講好出名就嚟試試個菠蘿油，得個包大個，入面塊牛油勁細，咬個包有一半時間都冇牛油，個包仲要唔鬆軟。個西多士花生醬又勁少，食物好伏，啲職員成張單拋過嚟，勁冇禮貌。想試菠蘿油嘅人士慎入。

今日同朋友去到太子 特登過嚟呢間金華冰廳 試吓佢最出名嘅菠蘿油同西多士 一入嚟見到門口痴咗好多同唔同明星嘅合照 3點幾去到都唔洗排隊 一坐低就叫咗個菠蘿油 西多士 同埋榨菜肉絲米餐跟凍檸茶 原來每人最低消費要叫一杯嘢飲 所以再叫多一杯熱奶茶同熱咖啡 菠蘿油一上到 發覺夾住個塊牛油細得可憐 要掀開塊菠蘿包先見到入面嘅牛油仔 完全冇冰火菠蘿油嘅感覺 個菠蘿包外皮係脆嘅 但係個菠蘿包係冇麵包個種香味 又有啲凍 一啲都唔好食西多士上到嚟 外表係正常 但食落有陣檸檬味 糖漿唔夠香 雪菜肉絲味同嘢飲就正常發揮 但唔會再嚟食

約咗人喺太子食晚飯，但係又未夠鐘，於是就同其中一個friend去呢間非常之出名嘅茶餐廳飲杯嘢坐一陣等夠鐘，咁一場嚟到呢間嘢菠蘿包菠蘿油蛋撻文明嘅茶餐廳又點會只係飲杯嘢喎，但係因為就嚟食飯所以又唔可以食好多嘢，於是我哋就兩個人share一個菠蘿包啦，唔知係我哋唔好彩定係呢間舖頭嘅出品真係差，個菠蘿包雖然有微溫，但係明顯係韌嘅，食落嘅感覺就似用微波爐叮過一下，雖然係八蚊一個菠蘿包，不過我真心失望，又或者可能係希望越大失望越大。

我以前住喺太子，所以會經常嚟呢間店鋪食菠蘿包，呢間店鋪菠蘿包，非常出名，所以多經常推介朋友過嚟食。自從搬走去其他區住，我之後就好少嚟了。最近有朋友嚟太子，就順道嚟試下。環境比以前靚咗，裝修過。菠蘿包繼續都係個味道，唔錯。我係自己比咗一百幾蚊出來請朋友食，收據一早已經丟了，點會無啦啦影收據😡。

下午茶時間經過這家餐廳，有點餓了所以進去點了一份滑蛋蝦仁飯，因為平時都經常在不同的餐廳點這道菜。估唔到這家的飯上來後簡直讓人不敢相信這也可以叫做滑蛋蝦仁飯，飯粒浸泡在濃稠的澱粉水中，液體裡漂了些雞蛋碎，估計總共不到三分一個雞蛋，不如改個名叫做蛋花湯飯好過啦。

可能一心諗住淨係做旅客生意，對本地家庭態度惡劣，今日一家三口帶女去食午餐（第一次），其實諗住趕時間先食茶餐廳，爸爸帶女想入去坐住order 先、餐廳職員以為我哋呃佢位咁，我在太子站衝緊來，但餐廳堅持齊人先入（只係需要遲5分鐘） ，明明裡面仲有幾張空枱，不過我都好快到，一齊入到去，被揀選同兩個內地旅客迫埋坐一張細圓枱，但內地大人又有卡位坐，我哋3人野食到齊，其實都迫到內地兩位旅客差唔多食完既旅客知難而退，食物質素普通，但服務差，下次食澳牛光速餐好過。

好耐冇食，諗住路過入去食個lunch，雖然都見好多食評講態度問題，但係見咁耐冇食，即管入去食下啦，點知換來一肚氣入到去，繁忙時間明嘅，撘抬無所謂，但一個叫我去1 號抬，一個叫我去2號抬，唔知聽得邊個，都算啦😮‍💨之後入到去，見有人放左嘢喺張凳度，諗住等佢拎咗再坐，點知都俾人鬧，又話「坐啦，搭枱呀，食完就走㗎啦！」認真趕客😡啲嘢又越嚟越唔好食，啲菠蘿油又唔好食，啲飯就越整越頹！知你出名啦，我真係冇本事再幫襯😮‍💨智商稅交埋今次就算😡有得揀真係想比零分😡

早幾日老公帶我去食有間老字號開左好多年既茶餐廳，係金魚街附近叫做金華冰廳。佢既菠蘿油🩷🩷🩷🩷🩷我叫左2個菠蘿油做下午茶，每人一個唔洗爭。唔知幾時開始，我鐘意左食菠蘿油。佢呢間我覺得做得好好味🤤價錢仲實惠。因為之前成日去西貢食覆20蚊一個，同埋都好遠有啲唔就腳。佢呢間係太子又方便，而且先13蚊一個，平得黎質素又唔差。同埋最緊要係佢新鮮出爐熱辣辣食落去，皮脆外軟同埋個牛油用咗我最鍾意既安佳牛油，最好味🤤有經過開必定要買個黎試下。

咁啱經過呢間，就腳入去坐低叫佐個早餐，坐對面係個遊客，佢問我嘢講多兩句就已經叫個遊客要走！之後第二個遊客坐埋黎問我食乜好，咁咪介紹一下，個呀姐就好大聲叫我專心食嘢😡！知道茶記要食快，唔好阻佢做生意，但係佢又冇人理d食客，咁問我，唔通唔理人咩！又比呀姐話，唔知點唱好香港！本地人唔會再幫襯！一肚氣！😤

今朝早咗出到太子原本想買果間麵包舖未開諗起金華個菠蘿包見好耐無食就走去買菠蘿包$8好喜歡老冰室嘅麵包因為會焗得大大個好包滿佢個菠蘿皮好甜脆包唔會係空氣咁得陣風好結實好飽肚難怪深得民心飽到午餐都未食😀#金華冰廳 #菠蘿包 #香港 #香港美食 #香港冰室 #香港茶餐廳 #太子 #懷舊 #情懷 #hk #hkfoodblogger #hkfoodies #princeedward #hkstyle #hkoldstyle #hkrestaurant #pineapplebun #hongkongfood #eateateat #chuzzztastyjourney #gracechuma #fattygirl #iloveeating

上午 11:30喺旺角睇完醫生醒起有呢間茶餐廳相信平日去會比較少人於是乎自己一個也走去食怎麼那個雞扒麵雞扒，炸到勁乾⋯個面底超鹹眼見大部份都是遊客相信是做現在只有做遊客生意了但相信門口的麵包蛋撻等仍然都有一定水準。另外，給我的鐵匙羹及碗已經嚴重崩了⋯🙈

兩位坐低，堂食叫左個菠蘿油，點知原來唔算係堂食！😂要另外叫一杯嘢飲先係每位最低消費。呀姐仲話自己都係打份工叫我唔好難為佢！Ok啦咁叫多杯凍檸茶拎走！😂😂🙃