金加利冰室 (已結業)

下午茶選擇多。豬扒包幾好。担担麵難吃。

食佐敦果間食左個巴辣咖哩羊腩飯$28, 加特飲紅豆涼粉冰$4. 忌廉湯好多料, 有南瓜火腿同粟米. 咖哩羊腩份量多, 好入味又唔蘇, 同埋夠淋.

2006年9月2日(星期六)晚上八點幾入去食, 早一步兩個人坐了一張四人圓台.男朋友介紹佢地既咖哩好出色, 咁我就試左一個中辣既咖哩魚, 味道不錯, 辣度夠, 同埋魚真係有好多, 我食晒成碟飯都仲有半兜送剩. 唯一挑剔係嫌佢的魚冇炸過, 如果唔係應該可以再美味~男朋友試既係葡汁咖哩牛肉飯, 牛肉係滑既, 個汁都幾重椰汁味, 嫌佢甜左少少同唔夠辣者.(題外話)星期六既夜晚好多人等位. 不過我唔覺得侍應既態度好差. 眼見入去時已經有一對男女坐係卡位食完野剩係食煙同飲野, 到我食完飯, 佢兩個都仲坐係度. 之後侍應埋去想幫佢地轉去細台, 之後就好不屑咁起身話走喇. (唔知係唔係人既心態唔同, 食完野起身走好正常, 但係有的人就係要霸住張台, 好似覺得睇住人地係出面排隊好開心咁...唉...)其實呢間只係一間裝修好少少既西餐廳, 而佢位置都係土瓜灣既舊區, 晚餐價錢都只係4-50蚊, 大家唔好奢求喇.

通常去到都有位坐的,因為不是太多人,而且係好多人食煙的一間餐廳.上次去到見到有2隻小曱甴在欄杆上爬行,食完拿拿林走人.叫左焗芝士銀雪魚飯餐,份量十足,芝士香濃,但銀雪魚唔新鮮,爛到唔似魚的質地,唔敢食,只食芝士和飯.但芝士味就不錯,可以食晒成碟飯呢~!!

服務態度勁差: 抹檯時張d飯粒掃在你身上,對唔住都冇句, 仲要賴上一手食客肮髒引致. 真係佩服佢咁都講得出口.多處天花滴水....

我和友人晚上十時半走進土瓜灣這間餐廳, 侍應遞上餐牌和落單時態度惡劣, 並拋下一句"我地十一點半關門!" 已經令我感覺很不良好. 其後到十一時半, 我們還未吃完, 有侍應走來說俾個盒我們, 原因居然是叫我們打包回家吃! 我們說不須要, 她就不斷重複"我俾個盒你啦". 我們跟她理論, 另一個侍應卻走過來說, "而家十一點三十幾分喇, 我地要關門!你入黎時我都同你講左十一點半關門架啦!" 同場很多的食客也被她們驅趕過, 但看到她們對我們的"暴行" 也看不過眼, 紛紛說她們不過, 並叫我們即管慢慢坐, 但我也不相再對著質素如此差的侍應, 未吃完也走了.我不敢相信今時今日還有如此態度惡劣和不合理的服務, 這間餐廳不是做生意的!

星期日晚來呢度食dinner,入去見到d卡位擺晒'訂位'紙牌,我地2個人求其在場中坐2人檯.日式叉燒拉麵:料就夠多,但d叉燒切得咁薄都可以咁韌,d荀仲係酸既,個湯淡某某得d酸味,好彩冇肚痾,唉...葡式咖哩雞飯色水好粉黃,d汁味道尚可,但雞肉唔新鮮,薯仔最入味(因浸得夠耐);凍奶茶:好味什果冰:係幾粒雜果+清水+幾粒冰+少少甜,個賣相已經唔掂,水bar條友識唔識整架,起碼加d士多啤梨糖漿,調下d色水,$17杯架!仲有,我老公問個waiter個個卡位都俾人訂哂,點訂架,我起初仲奇怪點解問d咁既問題,打電話來訂咪得lor,點知個傻waiter支支唔唔,原來根本冇人訂檯,只係卡位係4-6人坐,愛來呃你地d兩個人,後來有一家3口入來想坐卡位,個waitress好似好唔願意咁拎開卡位個訂位紙牌俾佢地坐,哇,你間餐廳好好生意咩,駛唔駛咁mean呀!

食過一次，D 野好普通，D伙記又寸。D檯又幾迫，最慘係好多人食煙，吸二手煙都吸死。反而係淘太個間好好多，以後唔會再黎。

又到LUNCH TIME, 今次去"哥登堡"斜對面既"金加利冰室", 呢間環境裝修都唔錯, 較為高級既茶餐廳.又叫兩個SET LUNCH SHARE:餐湯: 南瓜火腿湯(冇南瓜味既!)洋蔥汁雞奕腸仔飯- 成碟得兩條腸仔, 一隻雞全奕, 個汁好唔掂, 真係賺死佢!蕃茄焗魚飯- 賣相唔錯, 芝士焗到好香, 茄汁就多左D, D魚有D腥添!特登行到咁遠, 真係有D後悔, 下次唔會再黎!

其實佐敦都有一間金加利，望編輯可在openrice.com內add番。(編按：請提供地址及電話)打開餐牌，中、西、日、韓、港式應有盡有，一貫港式茶餐廳多元化風格。裝修頗高級，但係都係走西化路線，侍應都係著住條圍裙扮高級個隻。點左韓式雞肉泡菜石頭飯($46)份量好夠，兩個人食都得! d泡菜真係好辣，但係都算有韓式風味，唔似得而家d餐廳係唔係都叫石頭飯。仲有叫左個蘇格蘭牛扒配黑椒汁，一般水準啦。坐到成10點幾都仲有一班開完OT既人黎食，係佐敦呢條比較靜既街黎講，佢都算好彩。食完牛扒同石頭飯，真係好鬼飽! 價錢方面，就好似貴左少少啦!

裝修唔錯，似cafe。叫冰室只係”賴”特別，咪又係茶餐廳。由提供食物到服務態度都係茶餐廳野。冇學生餐，係同區中lunch算貴０既，at least $30。睇黎睇去最後叫左粟米雞絲火腿飯。有餐湯－－－要左南瓜忌廉湯。一ｄ南瓜味都冇囉=.="。個飯黎到。嘩．．．好白呀。一大pat白色醬汁見到有d唔開胃coz'好實,但個味係淡火腿同雞絲都唔少,但極油。我見到雞絲下0既白飯都唔再雪白而係好油。水準比隔離家景+輝香園(同街茶餐廳)差另外，服務reli好唔得。由於有人等緊,我隔離台有人剛食完坐左陣。我听到個女待應同收銀講：”食完就走喇，仲坐！”嘩．．．成個cafe格局但唔俾人坐耐茶餐廳d service好好多喇幸好人地听唔到ｊｅｉ，如果唔係....

此餐廳及佐敦(德興街恒豐後面)都去過,兩間座位都舒服,但佐敦那間比較大d,舒服d.其實食物都有好多款式,有日式..日式拉麵大大碗(咁當然唔可以比日式料理的拉麵啦)但都o.k.,日式雞扒烏冬都唔錯...有韓式石頭鍋飯,很少普通餐廳有得食架...有焗飯...又有港式茶餐....扒餐有忌廉南瓜湯,但略嫌稀咗少少..有大大塊的蒜茸飽...整體上食物都o.k.,不過不失.食這個價錢都算抵.至於態度亦不是好差,土瓜灣那間全都是女性呢,雖然她們好多時傾偈,但我又不覺得他們不理食客,又沒有騷擾食客,都o.k. wor.

新曆新年的第一天, 起床時已是午餐時份, 肚子半空著沒有半點主意. 只好草草的來一個茶餐, 點了兩個套餐, 先來的羅送湯味道偏清淡, 焗葡國雞飯, 焗葡國雞跟白飯分上. 葡汁奶味香濃質感滑溜, 雞肉件份量不小但肉質偏韌; 咖哩焗羊腩飯, 是一整個上的焗飯, 咖哩汁和羊腩放在炒飯面上, 咖哩汁和葡汁十分相近, 只是略多一點辣味, 羊腩羶香味十足, 肉質適中不過韌; 最後兩杯餐飲, 亦不過不失.服務方面人手充足, 店子不大但已有六個侍應, 而且穿著整齊的制服, 可惜侍應大部份站著閒談, 或是在看客人打開的報紙, 而且態度亦不太友善.