金加利冰室 (已結業)

金加利這是一間平凡的茶餐廳，但室內裝修有小許特色的餐廳。我也幾喜歡來這裡，價錢不貴，質素好過一般茶餐廳。滋味牛扒腸仔旦飯，$54，快餐之選，黑椒汁不太咸帶小小胡椒味，味道不錯，汁不太濃，色水也幾好。腸仔，普通料，幾似我喜歡的廚師腸，牛扒size適中，不太大也不太細，牛扒厚度薄了小許，一分錢一分貨，接受到啦。推介指數：7.5/10餐湯，羅宋湯，碗太細，湯太少，湯質地太濃，味道太咸了，蔬菜也太少。推介指數：6/10餐飽，不熱，太硬，脆口，個人不太喜歡。推介指數：5/10

先幾日返工因為太忙嘅關係，Lunch都冇同其他同事一齊食，自己貢咗去金加利食。原本諗住食佢嗰個炸雞脾厚金磚(即花生醬厚多士)特餐，不過諗落炸雞髀好熱氣，見到餐牌有呢個法蘭克福腸番茄肉醬燴意粉配奶油豬同牛奶炒滑蛋，就叫嚟試吓。嘩！首先個燴意粉嚟先，個份量大多嚇親我，同平時散叫一個餐冇分別。食落去個意粉熱辣辣，番茄肉醬超級多，條法蘭克福腸都正常size，食完個意粉都飽左七成。之後食個奶油豬，冇諗到師傅落咗咁多煉奶，就算我食完個意粉，個奶油豬都仲非常脆，食到停唔到口。結果我飽到個滑蛋只係食咗三份一就食唔落。三樣嘢都係純正港式茶餐廳味道，如果個炒滑蛋再滑多少少冇咁實就Perfect啦！我食完之後，飲埋杯熱奶茶，簡直充滿力量繼續返工。之前嚟金加利食過兩次午餐同一次晚餐，唔同菜式好有水準，加上樓面都乾淨企理，的確係我喺土瓜灣最鍾意嘅茶記。

星期天放假，自然醒後早餐非常重要！之前曾到金加利幫襯下午茶，印象良好！今次首嚐早餐！相比附近港式茶餐廳，果然場面旺盛！多元化餐牌，大量早餐選擇及組合！羅宋湯水晶通粉 ：份量多！羅宋湯湯底較淡，水晶通粉比一般通粉較彈牙，幾特別！咸牛肉炒蛋配厚多士：炒蛋滑，而不太油！咸牛肉份量亦足夠！讚！但厚多士不太熱。。。熱檸檬茶：檸檬頭幾片，茶味較濃，一般！咸牛肉炒蛋配奶油脆豬：咸牛肉炒蛋同上！奶油脆豬堅脆，好鬆化！有料到！總結：幾高水平港式茶餐廳！

情人節前夕的一晚，機緣巧合地去咗土瓜灣附近，完全唔識有乜嘢好食，所以去咗上街一段地方搵嘢食，見到好多舊式嘅西餐廳，又唔想食咁貴，見呢間鋪頭幾有心思，就試下。見到佢餐牌上都幾多選擇，扒餐好平五十幾蚊已經有交易，見佢話咖喱羊腩number one, 咁咪試吓囉質素可以點知真係幾好食羊腩好淋，肉都夠多，小辣來講又夠辣，係羊會有蘇味，但對於我來講係接受唔到嘅程度。見到佢網上攞嘅評語唔係太好，但食完之後覺得其實呢個價錢呢個接受

天氣好冷，剛好這餐廳有羊腩食，本來想食扒餐的我，一見到有咖哩羊，就打算一試，暖下身啦～成個晚餐有湯有包又有甜品，仲要有多熱飲提供選擇（我就要左玫瑰綠茶）都不用加錢，其實50都算係咁啦⋯🤔咖哩汁岩岩好，唔會太多又唔會太少，羊肉的份量都好夠，又大塊，可惜的係唔夠「淋」，比較難咬，味道都算不錯食完主菜，餐廳仲送甜品，我今次有3樣野選擇，我就要左啫喱雖然唔多，味道就正正常常，唔會有d餐廳調到好淡味咁。整體來說都ok的，不過不失咁

午餐，在土瓜灣某冰室，點左招牌葡國咖哩羊腩飯，配餐湯：忌廉南瓜湯，熱齋啡。三分鐘上左餐湯同咖啡，湯唔熱，稀過水，飲得出係罐頭湯；咖啡係速溶咖啡，各飲一啖，放埋一邊。再等20分鐘，飯到，份量OK，不過D飯太淋，咖喱得個辣字，如果要加多個字，係咸！扒左兩啖，唉！算數，去M記再食個包。

聽聞北帝街食店林立是日做野前順道吃個午餐行完整條街見主打港式的金加利有招牌多士被吸引入去好有家庭式的感覺坐位是舒服的梳化位置唔算迫檯面同裝修其實都見有花心思由於當日第一餐已2點多見有邪惡西多士真心好想食但又强忍慾望點了非常後悔的意式肉醬飯另外點了羅宋湯水晶通粉+西煎雙蛋+餐包水晶通粉是很長很稔的粉個人不喜歡 其實湯意粉我都覺得好噁心但湯底是濃郁的煎蛋正常 餐包應該是長蒸 或者微波過超級熱 熱到要縮手飯肉醬沒有茄汁甜味 只能說不是想像中的味道如果只想吃醬汁撈飯的話肉醬份量不多 不是最佳比例飯有點乾 雖則全部吃完但並不好吃凍奶茶凍檸茶 都幾大杯但唔好飲 凍奶茶比例不均 飲了2啖就算了但沒有試過其他多士 可能那才是精髓有機會可試試

金加利冰室在土瓜灣屹立多年，有一定的老食客，今日，我要試個究竟！今日係去食晚餐，隨行友人一個。看過餐牌之後，我便試試其條平民鐵板----西冷薄牛扒、德國香腸配薯菜！凍檸茶！不例外，首先送來飯前開胃湯，我選了紅湯，湯中真材實料，係足料既一碟！。但伴湯的烘多士不夠脆，咬落去一口咬唔斷，可以做好小小！我既鐵板黎到，店員都好有心咁為我遞上紙巾比我作遮掩！加分德國腸如圖一大長條，牛扒夠薄有兩塊，均真，不會太韌，韌度適中！黑椒汁亦剛剛好足夠，薯條均在牛扒下，建議先食，以免變林，隨大家口味！小編另外加了飯（$5），飯亦夠大碗，岩哂我呢啲飯桶！食野最緊要有心思有驚喜！驚喜竟然係杯凍檸茶度？無錯！真係好大杯（如圖），小編真係好驚訝，真係好抵飲呀！！！（建議一定要試試，絕無僅有）而友人點了黑松露白汁素炸魚長通粉，熱華田，友人都覺得無論係其外形設計及味道都很出色，名牌老店果然有功架，抵！最後，仲有埋甜品，小小心意已經將成餐飯昇華！（有涼粉及啫哩供選擇）性價比很高的一間餐廳，必定再回頭！

超級平食嘅鐵板餐,$54,有湯,又有一片Baguette, 有杯咖啡或奶茶, 凍飲當然要加$3, 如果要花茶要加$6, 又有甜品,真係低食嗰D大家快餐店呀！服務又好, 通常價錢平,服務都會discount啱！羅宋湯可以呀！牛扒, 一條腸, 曲曲薯條,雜豆同少少椰菜配黑椒汁, 另一個喺雞扒,同雞翼配薯條, 個驚喜係大菜糕到呀！唔會死實實,少少甜💯, jelly 嘅質感同味道又好💯！杯凍奶茶又大杯,又回到👻💯！羅宋湯配一片baguette牛扒鐡板餐雞扒雞翼鐵板餐凍奶茶甜品 大菜糕同jelly

朋友話好食先嚟食，亦叫咗朋友試過嘅雞髀飯。皮就夠哂脆，係新鮮炸，但肉就比較乾硬，似翻熱食物，估計係事先烚熟或煎熟，臨上碟再炸。白飯癡埋一舊舊，冇粒粒，但勝在隻蛋煎得啱啱好，啲葱油好足料。（圖中嘅多士係朋友叫嘅，不在套餐內）

喺土瓜灣搵嘢食，嗰一帶都係平民餐廳，隨便搵一間都可以以午餐價食個豐富晚餐，今次搵咗金加利。大部分嘅餐都可以六十蚊以內連凍飲，牛扒配腸鐵板餐，黑椒汁，加凍檸水都係$57，另外叫咗個豬扒配雞翼/槌，芝士汁。咁當然都要將貨就價，份量係好大，仲有餐飽加餐湯，不過味道都只算合格，真係唔差，唔會太咸，扒都唔會多骨多脂肪。以快餐式西餐嚟講，好抵食。

老友約食飯，由於他在馬頭角工作收工時間比較晏，所以我就到老友公司附近接他放工。我們都很肚餓，老友提議到金加利冰室晚餐，因為份量多實會飽飽。門面很簡單用可愛字體寫上冰室名，卡位桌面有馬賽克裝飾有點懷舊。我們叫了一份飯餐及一份烏冬餐餐廳很貼心，餐飲可選花茶，我選了洋甘菊茶，菊花茶清清淡淡解熱氣很岩愛吃煎炸食物的我。老友選凍檸茶，加$3餐包烘得很脆，餐湯份量比較少味道一般。燒豬脾骨沙嗲牛肉煎蛋飯沙嗲汁很多可惜花生醬味不濃，而香味也欠缺，牛肉和豬脾一般，反而太陽蛋煎得很好，流心的蛋汁配飯一流。朱古力布甸可能魚膠粉比例多了使布甸變得比較結實 質感似啫喱。吞拿魚牛角包配田園沙律菜牛角包好脆，夾吞拿魚生菜蕃茄吃很清新，沙律份量不少但醬汁夠，多點醬汁就更好。生滾薑汁酒豬膶烏冬這個湯很有彊味，豬膶一點腥味也沒有，可惜湯比較咸不能多喝幾口，烏冬是普通的烏冬，這個價錢也不能要求太多呢。

咁岩附近舉辦左寵物領養暨市集，去完之後就係土瓜灣搵食喇後尾發現無咩特別野食（可能唔識搵）所以就入左呢間冰室喇冰室黎講，真係唔好期望太多，d侍應呀e態度當然麻麻地啦但唔通呢d就係所謂既地道特色？我比較想感受下人情味多d wor我地叫左個蛋牛麵餐無錯，外表確實係差左小小同埋我地加左$10要佢餐牌特別推薦既邪惡多士，原來就會無左個餐既多士既是但啦，都係個包者呢件就係邪惡多士wa！真係好邪惡好多椰絲呀！我個人黎講就麻麻地椰絲既所以覺得好普通

今日過開土瓜灣做野，大熱天時30幾度周圍走真係又熱又辛苦。經開金加利，走入去食返個tea 嘆返杯冰凍奶茶避一避暑先。叫左個下午茶餐，我最愛沙嗲牛肉通，配炒蛋，本身跟個牛油多士，點知見到個好邪惡嘅阿邦多士，即刻加10蚊轉食挑戰一下。阿邦多士正到不得了，熱脆的多士表面舖滿花生，煉奶，椰絲，黃糖，食落鹹鹹甜甜，超級邪惡但真係好好好好食，有馬來西亞多士風味。少甜凍奶茶奶味茶味香濃幼滑，甜度適中好岩我口味。來返一張大合照，埋單先$44，好抵食。

金加利在我中學時的確好味，但今晚同女友一食，完全失去水準。我點一個大辣的巴辣咖喱羊腩飯，女友點一個葡國咖喱牛腩飯。先上餐湯，我要忌廉湯，第一次見忌廉湯同水冇分別，稀到毫無忌廉味，唯一安慰是蒜蓉餐包好脆。羊腩飯望落唔錯，但一食就出事。咖喱雖然另上，但咖喱汁是暖的，飯是涼的，羊腩毫無羊味，咖喱只得個辣字。女友就話牛腩太韌，咬都唔爛。。。幾個員工大部分時間企埋一邊大大聲講是非。第一次寫食評，皆因太令我失望