金利小食車仔麵

营业中

休息中

呢間家族經營嘅車仔麵舖，由落單到上菜都感受到店員超友善☺️ 人情味滿瀉！所有調味同食譜都係由老闆原創，每碗麵都載住滿滿香港情懷。今次試勻兩大招牌菜式，真心驚喜💖 金牌咖哩牛筋腩撈伊麵味道超驚豔😳 金利秘製咖喱醬辛香濃郁，掛滿每條伊麵。牛筋腩值得大讚，炆得岩岩好 ，肉質超軟腍，鬆化唔黐牙～🥰牛筋軟糯，食落滿口骨膠原既感覺，一試愛上，勁快成碗清曬🥳金利過橋八餸車仔麵如果想試勻每款餸嘅，極力推介試呢個八餸車仔麵🌟配料包括麻辣豬紅、滷水豬腸、咖哩魷魚、咖哩魚蛋、蒜蓉香辣雞翼尖、滷水雞翼、即炸紅腸、清甜白蘿蔔🤤 一次過試哂餐廳嘅招牌菜式，超級滿足！小店超級有心，每款餸獨立醃製，而唔係好似普遍坊間咁一款滷水汁煮晒全部餸，老闆亦花左好長時間去鑽研食材同各種醬汁嘅分配，令個車仔麵味道更充滿層次，工序繁複，每樣皆起用心之作💯 金利秘製滷水雞翼醬汁經過老闆不斷改良，鹹甜適中，非常入味，雞肉都相當柔嫰！懷舊屋邨魷魚鬚老闆話呢款小食係以昔日南山邨小食檔為靈感，想還原當年嘅味道！可以選擇咖喱或者醬油汁底，今次揀左醬油底，鹹香帶甜完美襯托魷魚嘅爽彈～自家製涼茶 當日係雪梨茶，清甜潤喉解膩，夏天必點

夜晚按完摩打算搵晚餐，毫無頭緒食咩之下由海防道轉入咗平時極少，甚至乎係唔會行嘅樂道呢條街兩旁都開滿餐廳，驟眼望落去就好似專門做遊客生意無意中一抬頭見到間新開張連紅紙都未拆嘅車仔麵店，正好想食易入口有湯嘅嘢就決定入去試吓入到店內先發現原來我同老公係當晚試業第一對香港人 哈哈舖內以深木色港式裝潢，牆上貼滿搶眼小食/菜式宣傳。掃QR code落單，系統都有齊哂餸/湯底/辣度嘅選擇，所以自助落單都方便食材新鮮陳皮魚蛋唔會硬過擦膠，有陳皮魚味滷水大腸炆得淋+入味，剛好牙肉痛嘅我都可以咬爛，加分豬紅無一夾就散，仲爽口湯底揀咗金利咖喱汁-小辣，但面前有一整條紅辣椒🌶️後尾fact check落單，估計係同老公叫嘅中辣調轉咗Sorry呢度小扣分位，明明啲湯好飲，因為辣到飲唔到啲湯…我老公就飲咗大碗小食蒜香雞翼尖幾開胃，蒜味十足（掛住食無影相）原來佢哋仲有自家制五花茶，完全唔甜，正重點嚟講味道：以周不時食車仔麵嚟評價，我會以「希望佢哋keep到呢個水準」嚟形容