金凱小廚 (已結業)

以前有屋企人住呢邊，每次過嚟搵佢都會帶我去食金凱小廚雞煲，好耐冇嚟過今次來充滿回憶。食得多市區整整齊齊嘅集團式雞煲店，呢類型嘅屋村小店俾人更加有人情味嘅感覺，同埋地道啲。呢度除咗火鍋同埋雞煲之外仲有串燒，滿足左三個願望！我哋揀咗198嘅套餐，可以揀六串串燒，我哋揀咗扇貝、牛肉粒、牛舌、牛丸等，雖然質素未去到串燒專門店，但係都已經算唔錯，作為食雞煲同埋邊爐之前嘅開胃小吃都幾好。之後我哋就開始食雞煲，雞夠滑又唔會好鹹，所以我哋都食咗兩round，之後就到邊爐。火鍋配料選擇還可以，驚喜嘅係魚皮，唔會林左，每一舊都好脆，仲有魚同埋珊瑚蚌，都幾高質！而且我哋揀咗個花膠雞湯底，雞味都夠香同埋入面有仲有唔少嘅食材喺入面飲品可以任飲，有我最鍾意嘅涼粉爽同馬蹄爽！整體來講呢一餐都幾滿足！

餐廳喺屋村嘅冬菇亭，唔算大間，但晚市好多人我哋揀咗198$ 雞煲火鍋放題，本身都不抱太高期望，呢個價錢都唔期望食到高質野食，但又好有驚喜呢個餐包飲品任飲，雞煲同火鍋放題，仲每人送三串串燒串燒小辣雞煲：好有鍋氣，花椒香味好出，少麻少辣食完雞煲之後，可以揀湯底打邊爐，我哋揀咗蟲草花花膠雞湯，湯底清清地火鍋配料選擇都幾多種類，而且全部都幾高質，估唔到呢個價錢可以食到靚牛肉同新鮮蝦美國肩胛牛鮮蝦串：全部都好鮮甜彈牙飲品選擇類型多樣化

晚食雞煲抵食之選—呢間餐廳位於大圍，交通方便，距離地鐵站唔太遠，步行可到既距離。係選配料方面提供左4張紙可以填包括肉類、鍋物、串物同海鮮及麵食。$198既價就可以係呢四張紙上任叫食物，基本上包涵曬火鍋必食既食物，飲品方面都係無限拎，常見既可樂芬達雪碧都有齊，想飲甜既可以飲巨峰，需要消滯可以飲解茶。一上枱既雞煲已經準備左好多材料係裡面，雞肉既數量都唔少，再加上洋蔥一齊煲，令雞煲既味更清脆。另外，牛肉配料方面，上枱時已經切好薄片，方便快熟，而牛肉都呈現鮮紅色同明顯可見既雪花。辣汁牛舌比較特別可以一試，唔會太辣既程度但又可以同牛舌味相配。值得推介同一試既兩款食物一係蒜蓉燒扇貝，足料既蒜蓉蓋任扇貝，好香既蒜蓉味同令扇貝好入味。二係日本蕃薯，都好甜好味。

有得堂食晚餐好開心！我哋兩公婆放工之後就，去咗大圍金凱小廚食雞煲這一天是平日，幸好我哋六點左右就入去，慢慢越來越多人！估唔到晚市堂食反應咁好餐廳有唔同嘅餐可選擇，我哋揀咗係雞煲之外，每人也有三串串燒，以及自選湯底火鍋，大部份火鍋食品也可以任食，紙包飲品及罐裝汽水也可任飲。雞煲嘅辣分為大、中、小我哋點咗小對於唔係好食得辣嘅我哋，剛好滿足到食麻辣雞鍋嘅刺激感，也不至於辣到入唔到口。店員十分好，教我哋點樣控制過火，一分鐘已炒得恰到好處，可關火。雞煲醬汁濃郁，勁香勁入味！而雞件份量都好足夠(我食完已飽六成🤣）——-跟住我哋揀咗六串不同的串燒，也燒得很香口！其中令我哋比較驚喜嘅係日本紫薯，好甜！另外，蠔、扇貝、牛都啖啖肉好好味！粟米也好香甜，有焦香😊——-最後打邊爐我哋選擇咗花膠雞湯，邊爐材料我哋就揀咗菜、各式手打丸、響鈴等，仲有安格斯牛同埋黑毛豬！呢個價錢包呢啲質素嘅嘢食，真係好抵呀！佢哋嘅手打丸都好夠誠意，感覺真材實料，有住家制感覺！——-如果住喺沙田大圍嘅朋友，呢個真係真心推薦給大家😊 大圍站行過嚟大約都係10分鐘左右，屋村內感覺地道嘅雞煲店，正！

呢種天氣真係好岩雞煲打邊爐，已經開始懷念有堂食既晚上。對上一次去揀嘅係最基本嘅雞煲串燒同任食其他火煱配料，啤酒汽水任飲。呢度另外有雞煲烤魚及串燒火鍋放題，雖然都係細食，不過串燒既驚喜，係值得下次揀個任食串燒嘅套餐。.雞煲份量4人嚟講佢係足一隻雞嘅，另外好怕去左啲雞煲餐廳未開始食已經覺得周圍"痴立立"，覺得呢度係屬於乾淨，而且店員服務態度超好。平時食完雞煲係會就咁加湯打邊爐，但呢度係另外再比個新湯底，咁食落就會無咁油，今次揀左花膠雞濃湯，係足料嘅。.串燒嘅牛肉會比打邊爐嘅好食，不過最值得推介嘅係蠔，通常任食地方嘅蠔都唔會太好食，但呢度無論係芝士定蒜都整得好食，有驚喜。

好少行咁遠去大圍美林邨食飯，但就到聖誕想食雞煲火鍋但就唔想自己整自己洗，平平地搵間街坊火鍋小廚食仲抵，$198元全包，先食雞煲，後打邊爐（任飲任食），再加每人三串串燒，節日前都無加價，大感滿意。外面睇落好靜，但內裡卻坐滿曬人，睇黎幾受街坊歡迎。麻辣雞煲：友人唔食得辣，所以小小地點左個小辣口味，辣度屬BB辣，醬汁口味非常濃郁，雞件惹味之餘，食落又唔會覺得膩/口乾，味道算係中上，份量適中，二人食岩岩好。藥膳醉雞鍋：花雕酒味非常濃郁，雞件灼完後都有濃郁酒香，非常入味，但又唔會係嗆果種酒味。雞件夠滑，幾好食。安格斯牛板腱（上）& 安格斯肩胛牛肉（下）：任食火鍋配料有呢兩款牛肉揀，牛板腱脂肪比例較低，肉味較重，但質感就相對無咁嫩滑；而肩胛牛肉嘅油花較多，所以油香較重，肉質滑啲，肉味適中，整體比較Balanced，兩款各有各好，食曬就唔洗煩。海蝦：海蝦都唔算細隻，蝦肉爽滑，輕灼半分鐘就食得。辣汁燒牛舌：一客（一款）有2-3塊，大大片但就較薄，食落都幾香幾惹味。蒜蓉燒生蠔 & 蒜蓉燒扇貝：燒生蠔較為出色，蠔肉幾飽滿，燒完又唔會縮得太多，幾Juciy幾香，有機會想試埋芝士焗。

今次嚟到大圍嘅金都小廚，我朋友話有一間好抵食嘅串燒打邊爐舖頭，所以就同朋友去試下。今次揀咗198蚊嘅套餐，串燒可以每人任揀三款，我哋揀咗生蠔，扇貝，雞翼，牛脊肉，墨魚丸因為串燒需時，但係一食到就好惹味，推薦蒜蓉扇貝，好香口，全部野熱辣辣食好正，隔離枱都不斷叫串燒，性價比好高，所以我下次會轉任食串燒嘅套餐！跟住就係雞煲火鍋放題，首先有雞煲先，啲雞好多，而且好香口，好滑，熱辣辣推薦！之後我哋叫咗沙嗲湯底，佢呢度嘅沙嗲湯底係我食過最好食，好似平時食早餐好濃味嘅沙嗲牛肉公仔麵湯底咁，食牛肉同埋唔同配料都食到湯底嘅味道，非常推薦大家叫沙嗲湯底。另外牛肉亦都係可以隨意叫，安格斯肩胛牛肉推薦，有牛味，雖然好薄，但係呢個價錢真係已經好平，而且佢一盤嘅份量都唔算太少，最緊要可以任食。亦都叫咗唔同嘅丸類，上菜速度非常快，雖然舖頭都滿晒人，侍應都好快落單，最後雖然已經好飽，真係頂唔住加咗個公仔麵，好正！呢間舖頭性價比極高，下次我會叫串燒任食，同埋一定會再食多次！

大圍一向係比較少去既地方, 唔係轉車就係踩單車, 但係今次有朋友帶路食雞煲火鍋, 依間小店位於大圍冬菇亭, 我係第一次去, 一間燈火通明既小店, 一眼就知道係邊佢地分開幾個唔同套餐, 今次就平平地食個$198,  包每人3串串燒, 另外2個套餐分別有唔同價位既豬牛肉類放題, 每個套餐+$20仲可以轉烤魚添, 不過飲品同配料都係任攞, 係爽既我同朋友分別叫左特上牛肉, 五花肉, 燒雞軟骨, 辣汁牛舌, 安格斯牛粒串, 佢地既串燒都係燒得好好食, 加埋孜然粉, 同埋有燒菠蘿食又甜又多汁然後係主打既雞煲啦, 雞件大隻而且好入味, 小辣黎講都算偏辣, 所以唔食既朋友要留意下啦食完雞唔少得當然係打邊爐啦, 雖然198套餐肉類比較少, 但係勝在其他食材種類選擇多, 但係2個人食量有限所以好快就飽

大圍一向係比較少去既地方, 唔係轉車就係踩單車, 但係今次有朋友帶路食雞煲火鍋, 依間小店位於大圍冬菇亭, 我係第一次去, 一間燈火通明既小店, 一眼就知道係邊佢地分開幾個唔同套餐, 今次就平平地食個$198,  包每人3串串燒, 另外2個套餐分別有唔同價位既豬牛肉類放題, 每個套餐+$20仲可以轉烤魚添, 不過飲品同配料都係任攞, 係爽既我同朋友分別叫左特上牛肉, 五花肉, 燒雞軟骨, 辣汁牛舌, 安格斯牛粒串, 佢地既串燒都係燒得好好食, 加埋孜然粉, 同埋有燒菠蘿食又甜又多汁

然後係主打既雞煲啦, 雞件大隻而且好入味, 小辣黎講都算偏辣, 所以唔食既朋友要留意下啦食完雞唔少得當然係打邊爐啦, 雖然198套餐肉類比較少, 但係勝在其他食材種類選擇多, 但係2個人食量有限所以好快就飽

開始凍返，最適宜打邊爐，順便當做冬，$198任飲任食，仲要有雞煲、串燒及啤酒，性價比高。先食雞煲，麻辣香十足，小辣惹味之餘又唔會辣到食唔到，雞件啖啖肉，醃得很入味。之後每位可以揀三款串燒，每樣都揀少少試下，焗蠔都算大隻又唔腥，燒牛舌、牛肋肉就略有咬口。最抵讚係會換湯底打邊爐，揀了花膠雞湯，不會太咸，還有幾件花膠。牛肉有兩款，兩隻都唔錯，唔會太肥，牛肉有肉味又唔鞋。牛丸、蝦丸及豬肉丸都是手打，十分彈牙有肉味，非常高質。鯇魚片鮮甜嫩滑，海蝦新鮮爽口。蔬菜每次叫就送一碟，有生菜、油麥菜及粟米。

這間位於大圍熟食內的餐廳，主打雞煲火鍋及串燒，還有啤酒汽水任飲，都是約二百元，食物款式甚多，絕對是抵食之選。雞煲份量十足，麻辣味道既香且麻，辣度可以接受，但越炒越辣，雞件嫩滑有陣陣芫茜及洋葱香。火鍋湯底有幾款，我們選擇了女士至愛的花膠雞濃湯，膠質豐富。而打邊爐必食牛肉都有幾款，安格斯肩胛、牛板腱，兩款牛肉都不算太肥，入口肉質鬆化。海鮮就有鯇魚、蝦，蚌等，魚肉鮮甜嫩滑，蝦肉新鮮彈牙。還有多款手打，牛丸及豬肉丸是必食之選，十分彈牙。另外還有蔬菜。串燒方面竟然有生蠔及多款肉食，即叫即燒，新鮮熱辣，有很香的孜然粉味。整體十分豐富，平靚正之選。

晨早6:30係沙田收工，就拉埋老公試下呢度特色小店。「 $198 雞煲+火鍋任食任飲」! 7點幾已經滿晒座。有6串串燒可選，牛脊肉同牛柳粒最出色，其他都好好食，芝士生蠔還可以。雞煲有分大、中、小辣，芫茜友的梗係叫重芫茜。老公就我程度叫小辣，好惹味🤗 上菜巳經8成熟，再輕輕開火焗下炒下多幾分鐘就有得食。雞肉夠入味同好嫩滑！打邊爐湯底有花膠雞、沙爹、蕃茄薯仔。我哋要蕃茄薯仔，蕃茄足料，湯底好濃。最推介係牛肩胛，有牛味又有夠淋，人流夠上菜快，其他食物好似蚌片、牛栢葉都好新鮮。舖頭入面Waitress 姐姐個個都好有禮貌，抵食價錢有服務，有驚喜！座位、環境都乾淨闊落，超大滿足!

諗起沙田大圍當時我就記性好好食既燒鵝,但係大圍呢邊突然整左個傳聞幾抵食又高質高CP既雞煲2小時放題任食火鍋,就立即二話不說走去食啦；交通都算便利：有小巴,巴士,到到美林村熟食店：火車大圍d出口行15分鐘左右都到入到去裝修都係港式小館感覺,出名既湯底有；馳名嘅沙爹湯底,陣陣沙嗲味香香噗鼻,入面更有花生粒,湯底質感綿滑不油膩濃味恰到好處,其他湯底仲有, 四川麻辣味湯底：酸酸麻麻夠曬刺激,仲有雕醉雞酒釀湯底；清淡又養身；當然有莞茜皮蛋湯底；牛件塊係可以任食好多都有牛肉滑嘟嘟入口溶既感覺,有安格斯牛押肉；安格斯牛板腱； 仲有廚師發板嘅靚牛肉；西班牙豬梅肉片；酒釀雞件；串燒件每人可以任選4件：我當然選擇海鮮貝殼類啦抵食同食幾件已經回本；蒜蓉燒生蠔, 帆立貝,陣陣牛油味香而入口爽滑,另外雞泡魚乾好入味,質感食完再想食,一口蕃薯入口即溶甜味適中,口感十分吸引,麻辣雞中翼有甜味絕對係突然既口味；安格斯牛柳粒好軟嫩；最緊要我覺得最好係雞煲既雞件真係好滑；好新鮮又多肉：汁味道入哂落雞件,仲有最好食既鯇魚腩同廣島蠔,仲有海蝦好鮮甜好多火鍋配料都係任食😏地址係；大圍美田路30號美林村熟食亭1至4號舖

冬天同朋友出街每次都食想熱辣辣雞煲同打邊爐，每次食都好盡興，不過埋單都幾貴下，比我搵到間$198任食雞煲、火鍋放題，最勁係連串燒都有，味道仲要係好味！真係極力推介！唔使講雞煲我一定要辣，最後揀咗四川麻辣雞煲(中辣)，上枱d雞已經8成熟，炒2炒就即刻食得，麻辣味好夠！雞肉質地都好嫩滑！$198餐自選6串串燒，推介蒜蓉燒生蠔同私心選燒菠蘿有3張點單紙，列哂所有食物，海鮮類一定要叫海蝦，新鮮兼有膏，加咗幾次單，食蝦都食到回本，另外蚌片都好鮮甜，又一回本選擇肉食方面西班牙黑毛豬都叫咗幾轉，肉味濃，加埋四川麻辣火鍋湯底真係無得彈！丸類我會推介手打紫菜丸，彈牙好味，金凱小廚手幾款手打丸都值得一試！套餐包咗啤酒汽水都係任飲，鐘意飲酒朋友就啱哂la！金凱小廚地址: 大圍美田路30號美林邨熟食亭1-4號舖

冬天話黎就黎。呢個時候梗係要約埋朋友一齊打邊爐啦，前兩日就去左呢間餐廳，由地鐵站行過去都係十分鐘左右 環境：有方檯同卡位，位置闊落同埋餐廳都幾光猛。我地坐卡位都幾舒服。食物：$198雞煲同火鍋放題加串燒呢個價位可以食到三樣野食係抵！每人有4串串燒可以揀，而餐牌上面嘅串燒種類都好豐富，大致上可以分為海鮮、肉類、蔬菜類三種，仲會有啲燒菠蘿、一口甜薯等等嘅甜食。串燒方面我地就嗌燒蠔、燒扇貝、安格斯牛脊肉同娃娃菜等等。貝殼類燒完唔會乾晒，控制得非常好。咬落去係滿滿蒜香味同蠔/ 扇貝嘅海水味，係令人會想再encore。娃娃菜咬落鮮嫩多汁又爽口。安格斯牛好香牛味之餘，又唔會覺得太油膩。雞煲跟人頭分配份量，兩個人大概有半隻雞，夠兩個人食。雞煲香辣帶少少麻，就算係唔食得辣嘅人都好容易handle到，而熱辣辣嘅雞煲簡直係補身暖胃嘅不二之選。除左雞煲整體嘅味道鮮香麻辣，雞件嘅嫩滑，肉質有咬口嘅同時都好鮮嫩多汁，但留意嘅係唔好掛住傾計，雞煲需要間唔中翻炒，以免痴底。打邊爐當然就係成晚嘅重中之重啦，嗌左個花膠雞湯底，花膠份量勁足，而個湯底亦都非常濃配料叫咗安格