影片
开饭介绍
于1969年创立的老字号港式扒房，以热腾腾的铁板呈上亲民价扒餐，再淋上香浓的黑椒汁或烧汁，非常惹味。
继续阅读
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
相关文章
早收工特登叫老公接我去食饭浪漫下, 咁啱附近收工去剧扒够哂近, 数数手指原来都有2-3年无食过, 好在我地平日去唔洗等位就入得我地一齐叫左罗宋汤配牛油餐包, 落完单无几耐就送到黎, 餐包系热辣辣, 搽少少牛油再点汤咁食超正, 牛油味好香! 罗宋汤味道够哂浓郁, 少许辣味会慢慢系饮𠮶时渗出黎, 同埋仲要够多汤料, 正!我叫左美国牛小排餐, 七成熟配黑椒汁, 牛小排熟度刚刚好, 食落好软熟, 牛味好突出, 重点沾满黑椒汁咁食更加惹味, 除左个汁灵魂之外, 食牛扒一定要加生蒜, 令到个牛小排味道更加惹味提升, 配菜薯格点下茄汁加黑椒汁食, 真系愈食愈停唔到口!我老公叫左美式什扒餐配黑椒汁, 佢每次一剧扒就会叫什扒, 因为佢钟意咩都有得食, 咁先开心㖞, 什扒餐入面有猪扒, 牛扒, 鸡翼, 香肠同火腿, 猪扒煎得够香口, 食落实在夹少少弹牙感, 牛扒虽然无牛小排咁厚身, 但牛味都几突出, 鸡翼被黑椒汁沾满哂好惹味, 配菜系波浪薯条, 我自己钟意沾满哂汁既软淋淋薯条, 好似食紧薯蓉咁正!原来依家餐厅有得下载app做会员储分, 储够就可以当钱用, 下次黎食又可以储下分了
继续阅读
之前我其实都试过食尖沙咀个间金凤大餐厅，今日放工有野做黎到 D2 PLACE ，就简单食个排餐。美国安格斯肉眼排安格斯肉眼既肉质鲜嫩，我地叫左5成熟，火侯控制得刚刚好，咬落去肉汁瞬间爆发，真系好好味！仲有记得唔好咁快淋汁，因为佢配左薯格劲香脆，好味!牛柳餐牛柳餐虽然价钱平D，但牛柳原来1D都唔细块，喱个餐系跟薯条，同样都系好脆身，好味。免费升级红豆冰今晚最惊喜就是原来佢有免费升级红豆冰，甜度适中，仲有好多红豆!!平日晚上大致上都唔洗排队不失为一个简单高质既晚餐。
继续阅读
在金凤大餐厅叫左他们的贵族牛扒，原因系依个配薯格。这道菜的牛肩肉选材上乘，肉质鲜嫩多汁，口感极佳。当牛扒上桌时，散发出的香气令人垂涎欲滴。烹调得恰到好处，外焦内嫩，完全保留了肉的原汁原味。搭配的薯格同样出色，外脆内软，与牛扒的丰富口感形成了完美的对比。黑椒汁则为整道菜增添了层次感，微微的辣味与肉的鲜香相得益彰，让人一口接一口，食欲大开。
继续阅读
🇭🇰港式 🍽扒房 📺怀旧 🚹1-4人——————心瘾起想食港式扒房，见呢间晚饭时间都要等位，就试吓先～😝💯美式杂扒餐$138（牛扒、猪扒、鸡翼、香肠、火腿）猪扒最好食👍🏽肥瘦适中，有调过味，食落非常嫩滑，大赞！👍🏽鸡翼都ok，煎香兼有腌过🤣腿肠都系正常水准啦～但牛扒嘅肉质食落就麻麻哋🤔美国德州顶级西冷餐$202本身见相系铁板上，点知落单店员先话呢个会用碟上，港式扒𠮶种风味即刻少咗🥲🥩西冷叫五成入面已经无咩红色，店员真系推介得啱，七成系会韧嘅🤣！其实依家都有少少韧，有啲根位已经咬唔到🤣最like系个薯格！仲要系脆嘅！👍🏽🍽️以上套餐包括汤、餐包、饮品🍴🥖普通餐包、微暖，💯罗宋汤够黑椒味、唔会太水太淡；白汤系粟米忌廉汤，系面粉䇜汁汤嚟，正正常常～饮品🥤：冻柠茶都系茶餐厅冻柠茶，普普通通；可乐要+$6，雪冻嘅罐装嚟，无额外俾杯冰又少咗啲风味🤣环境坐得几迫，仲遇到少少港式服务态度😂结论：罗宋汤同杂扒ok，西冷唔建议，呢个价呢个质素差少少㖞～其实食得港式扒，都系想怀缅吓旧时𠮶种港式情怀，🐻🐻❄️就觉得各方面都有更好嘅选择🤣始终间舖喺D2 Place开，目标客群都系年轻人多，可能🐻🐻❄️都有返咁上下年纪，唔系太明金凤大热嘅原因🤔大家知有边样特别好食可以留言讲吓～
继续阅读
睇戏前想食个快饭，发现原来D2 Place 呢度都有间金凤，见又有位，咁就试吓啦⋯⋯，旧式西餐加新式装修，虽然个look唔同咗，但味道依然，系怀旧嘅味道呀😌 酸尾尾嘅餐汤加热焫焫嘅餐包，铁板杂扒加香喷喷嘅黑椒汁，底下仲铺咗波浪薯条添😍 价钱都好怀旧，好似同以前啲嘢一样咁平！呢个满足二人餐！$258（加一）有两个餐汤、一份扒、一份焗饭/意粉、一份小食，两杯饮品，仲要冻饮唔洗另外加钱！晚餐嚟讲真系好抵呀 🤩
继续阅读