金興餐廳

营业中

休息中

點心十分有驚喜，蝦餃，燒賣牛肉，同流心包都特別好味，椒鹽九肚魚好香口，魚湯味道十分出色，去飲下茶食吓點心都幾好，啲點心質素比出邊啲酒樓好好多，好多出邊食唔到嘅傳統點心，估唔到喺呢度都搵到，真係要讚

去到長洲唔小得梗係去食海鮮去左咁多年，去係到一落船左手邊個一堆海鮮檔，今次想試下新去左右手邊個堆望下，行過見到間叫「金興餐廳」入面有2枱客都食緊海鮮所以我就揀左啲間試下海鮮套餐，都係按款式計算我地叫左個3款海鮮餐 再加2個餸椒鹽賴尿蝦、蒜蓉粉絲蒸元貝、薑蔥炒蟹黃金鮮魷、涼瓜炆魚送例湯 + 一人一碗白飯起菜後有驚喜，分量都唔細喎😌食落味道都唔錯，每樣都煮得好好，調味料既份量唔會cover曬海鮮既原有鮮味！ 唔錯！ 唔錯！

興高采烈入到飯店.叫了海鮮餐.和一些散餸.清蒸鮑魚吹了2次单45分鐘才到.蒸到好似皺皮咁.都算啦.飲品可乐標價8元.叫了4支.每支收費22元.只飲可樂就收了88元.小心佢價錢.費事打死狗講價

去長洲一天遊！大約6：00左右！打算吃完晚餐才回去坐船出中環！隨便去了一間！金興餐廳😒點咗個套餐海鮮做得時間過長！海鮮一般！鮑魚過熟！等的時間超耐！叫咗4瓶支裝可樂！牆壁水牌寫可樂$8！埋單收$22 一支！餐牌冇價錢！佢話套餐要正常價收費$22！但餐牌沒有寫價錢🤔各位請注意！服務態度差！去長洲玩盡量不要去這間！沒有標名價錢！後來退回9元！態度差叫我哋問可樂公司！這種店真係仲可以生存到今天！請勿入這種店等佢檢討下！是否可以這樣做生意🤔唔知有冇人試過這個情況！

星期日朋友喺九龍入長洲，想食海鮮，於是自己買了海鮮千幾蚊。有蟹、蝦、魚、聖子和鮑魚，攞去金興餐廳叫佢哋煮，收咗500多元。味道還可以，有機會大家去長洲都可以自己買海鮮叫餐廳煮嘅。加多幾個金興餐廳嘅小菜，好似金銀蛋菠菜，鹹蛋黃炒苦瓜。

今日放假，入長洲行下、食下野，預早2日book 左枱，請老闆幫手預留一d靚海鮮，由老闆發闆，黎番個海鮮大餐⋯⋯首先上左個 海鮮魚湯，個湯奶白色，好鮮甜👍🏻跟著上咗碟白灼蝦，好新鮮，點少少辣椒豉油食，好好味👍🏻再黎碟豉椒炒蜆，冇沙，都算大隻，隻隻都開哂殼，好惹味再上碟 清蒸馬友魚，蒸得啱啱好，好味之後有果皮蒸鮑魚、蒜蓉粉絲蒸扇貝、蒜蓉粉絲蒸蟶子，全部都好好味，好新鮮 👍🏻仲有碟屋企唔會整嘅 椒鹽鮮魷，好香，餸啤酒一流最後，一人一件芒果糯米糍做甜品，皮薄、芒果甜，美味完美的一餐….食左咁多野，包埋酒水，3人食，每人平均消費$400；我地覺得好抵食😋會再來

椒盐皮皮虾不新鲜，有股腥味肉也少…跟量比起来，价格却也不便宜蛏子和蒸鱼的味道还可以点了个胡椒猪肚鸡煲真太难吃了…就吃了一块为了下午能hiking勉为其难吃了点唉 说好来长洲吃便宜好吃的海鲜呢

叫了兩款海鮮-蟶子和鮑魚,全部不新鮮,蟶子好似蟶子乾一樣,超細隻,入口勁韌,一睇就知不是新鮮鮑魚更差,送來時已經有一點點腥味,近一點聞仲有點臭味,完全冇興趣食,大家千祈唔好幫襯呢間食海鮮。不要幫襯長洲金興餐廳。。。食物超超超差食後一定中伏

碼頭出來右轉，隨便走走看到這家客人不少，以為應該是還好，怎麼知道還是踩了地雷😂點了三餸海鮮套餐400元，送白飯和一盤菜。選了白灼蝦、瀨尿蝦、蟶子。白灼蝦的蝦肉軟軟的，沒有彈性，沾的醤油也沒有味道。瀬尿蝦的肉質也是軟而無味。蟶子算是比較新鮮的，可惜蒜蓉和醬油的味道完全是分開的🤣🤣🤣看到隔壁桌點大熱狗和普通米、飯。也許點那些比較安全吧！反而我是失望了...兩個小時後逛到碼頭左邊的潮發，138有兩個海鮮和送一個菜，等等再寫食評比較一下，哈哈😄

上餐速度極快 餸上到枱就已經係凍嘅！兩個人點咗白灼海蝦、豉椒炒蜆、瑤柱蛋白炒飯、陳皮蒸鮑魚！白灼海蝦成碟都梅嘅 忍唔住叫人換第二碟 都仲要話係新鮮 最終都換到碟新鮮嘅。。。個豉椒炒蜆仲癲 唔知經過幾多枱人嘅洗禮 先唔講啲蜆幾多沙 啲沙仲要係長洲沙灘啲粗沙 牙都咬崩幾隻重點係上到枱又凍又臭 點食啊大哥其餘兩個餸都差唔多 又係凍又係唔新鮮。。。。咁樣埋單都400幾蚊 有時價錢都唔係問題 你啲野食唔好咁過份先得架。。堂食都做到咁差

抵食有驚喜。份量很大，味道不俗。個別菜式尚有改善空間，但性價比非常高。家人出行，共5人埋單才980，共有8款菜，4支啤酒，非常超值。服務也很好，阿姐主動提醒不要點過多菜，下次會再來幫襯。

入到嚟長洲，行下食下當然唔少得，環境對住海邊，係市區一定搵唔到👍，我地叫左西多士，味道一般，無乜特別出色，而吉列豬扒沙律，豬扒都脆口，沙律唔夠凍，例湯就是合掌瓜排骨湯，清清地，唔算太鹹，不過鍋中無排骨，只有合掌瓜，肉碎🤨，另外叫左清蒸班塊，一上抬我會諗住好滑,好好食，但一試’非常鞋口’因呢個午餐只有碟魚，所以一定share 其他食物先可以食得晒碟魚，如果一個人食，一定唔會食得晒😖而班腩煲就好小小！唔算太油膩！

叫套餐唔係問題 唔好叫賴尿蝦 太細隻 扇貝細得太過份 大部分海鮮都唔好食 而且好貴 同昆錢無咩分別 好在支裝嘢飲差不多價錢 而且海鮮湯都還可以雖然肉只有三至四舊 地方光缐一般 環境污染 雖然無加一不過收茶水費

又係平靚正,第ㄧ次長㖄食海鮮感覺良好,夠大殜,有菜送,蚧好鲜甜,鱔新鲜好滑,首次長洲叫套餐無中伏嘅感覺。 員工亦nice.。可以推介比去長洲玩嘅朋友。唉!又唔夠80字,寫得好鬼死辛苦只係想話比人知幾好食。夠字未呀大佬

唔好食！套餐價重貴過散叫！叫咗碟椒盐鲜尤，一條倉魚，一碟薑葱蟹，一碟豉椒抄聖子。四碗白飯。居然要收四佰三十元！份量又少！散叫平均每碟七十五元。四碟都係三佰元。白飯當十五元一碗。都係三佰六十元！絕對可以唔駛幫襯！