金不換泰國餐廳 (已結業)

很多時去泰國餐廳都覺得地方唔夠舒適，今次選了金不換，地方環境舒服得多，又寬敞，裝修又優雅，是個共享晚膳的好地方。我和友人6:30入坐，由於時間尚早，我們可以坐到，落地玻璃的窗口位。由於知道金不換的食物份量不少，我倆二人點了三個餸都有剩。金網海鮮金邊粉 - 賣相十分漂亮，和menu上的圖片一樣相似和吸引，用料也很新鮮和上盛。青口和蝦都很大隻，又有墨魚和魷魚，另外仲有魚柳及蟹柳等。金邊粉炒得岩岩好~味道不太咸，也不太淡，不錯啊!蟹肉炒魚肚 – 個名夠晒綽頭，兩樣都係好味的，因為份量大，所以$98/碟都幾抵。不過如果有少少辣味，一定仲正。泰式拼盤 – 有蝦餅，春卷，雞翼及魚餅，呢個就差點，因為幾款都太相似，春卷同雞翼好似，因為釀既料係一樣，粉絲及蘿蔔絲等，而蝦餅同魚餅都好似，一樣味既~不過，真係食得好飽呀~ 每碟都起碼剩4分1以上，所以下次去一定要等多人先得~ 服務也不錯，又時常加水，貴就貴左少少，不過都係滿意既!

扎肉金邊粉無特別,蠔油東菇炒椰芯唔得,燒豬頸肉唔夠香!荔枝鴨胸惹味新鮮又唔肥, 正!生蝦 仲爽仲甜唔霉, 好!3個人, 若非一早已飽定叫埋佢個冬陰公湯.好在去到唔洗排隊.但refill水次次要叫Toilet很陰深..

同事生日, 我o地一行6 人o黎o左壽星仔點名o既地方同佢食晏慶祝, 是次點o左細o既冬蔭公, 黃咖喱雞(呢個最讚, 送飯同飽都一流), 拚盆, 柚子沙律, 咸魚炒芥蘭, 蛋包飯, 蒜容飽, 白飯, 芒果黑糯米, 全部都好好味...

我最中意食既始終係炭燒豬頸肉同埋炒雜菜..我覺得炭燒豬頸肉真係紅磡食過幾間泰國餐廳最好味, 的確係物有所值既=)$ 68 唔會太油, 厚薄岩岩好, 有少少脆, 口感好好, 點d酸辣汁食味道一流而炒雜菜夠曬鑊氣, 味道好好, 不過無飯送的話會有d略咸, 同埋比較似港式茶餐廳炒菜XD撈金邊粉本身係我係呢間餐廳入面最欣賞既野食,退步左啵... 不過都仲係OK既好中意佢果種整法, 有青檸汁加D花生係D金邊粉度,D花生碎會令到D粉有咬口D無咁單調,酸酸地又會開胃, 仲有D肉絲(好似係雞絲係入面)菠蘿炒飯我就覺得麻麻啦仲有叫左小食拼盤, 有D蝦餅春卷咁, 中上啦仲有個辣椒炒魷魚, 我無試過, 不過听其他人講話超辣, 仲酸酸地,夠曬刺激喎=.=最後係甜品, 十分失敗之作叫左千層糕, 同好食完全無關係-.- 食完多餐泰國野我最愛仍然係黃埔新村的X豐...又平又好味...不過, 計環境既話, 金不換係好好多既..

我同家人去左呢間野度食打算慶祝我婆婆的生日….點知呢間都唔知係咩野餐廳來的~~間野就鬼死咁大….但係d staff 就少之又少law….方原幾十里都係無人係度嫁…咁我地叫完野食之後啦..叫左3支超貴的beer…但係無人理我地….就又一個應該係老闆的人來理我地~~但係叫左佢3次先記得law~~仲要d人的服務水準真係唔係professional law~~落野食來時又打翻d野係我地個身度~~總之就極之差的服務態度呀~~物非所值…..加一係超級唔想俾呀~~總之就去之前真係要三思幾十日先好決定呀…去到無地方想去….迫不得已先去~~

我不嬲都唔係好係呢間食Thai Food，因為貴!但自從Whampoa Estate 某間Thai Restaurant 不斷退步，我就無再去食... 就去左呢間食啦... 又ok 喎。d 野食幾好味，不過就要等得耐囉。d 人service 又唔錯，所以個次同bf 屋企人食飯都揀左呢度。我唔係好食蟹的。但佢個d 咖哩蟹真係好好味，唔使揀膏蟹都好滋味。我bf 屋企人同我屋企人差唔多次次去到都會叫的。但手快有手慢無，有幾次都賣晒呀!如果肚餓就唔好去啦，因為真係要等幾耐的。(未計等位喎)上個weekend arm arm 去完，仲要推介個冬陰功!! 好正呀~ 唔係太spicy，仲要好多料~~ 好有味道!! 5 stars!!!!!!! 甜品都好正呀~~~~~~~ Yes!

自問吃過不少泰國菜, 但始終最好食都係這間, 它的冬陰功,秘製咖哩蝦球, 肉碎生菜包, 軟殼蟹真是好好味, 我差不多每月都吃3-4次, 它的水準, 味道很合香港人的.

我本人覺得黃埔店水準比較好, 黎到必試選擇:1) 柚子沙律2) 炸蝦餅3) 冬蔭公4) 波羅抄飯5) 咸魚炒介蘭6) 泰式生菜包

We order a minced chicken served with lecttueits just taste very salty and not sour and spicy at all and the chicken is soo rough.The wet fry beef noodle texture like Glue.Very disspointed .

星期六晚唔算多人，兩個人叫左三個菜一個湯：冬陰公，幾好，不過一人份量得一隻蝦。炸魚崧塘虱$85，跟一碗好酸的青芒絲沙律，實在太酸，又同個炸魚唔夾，唔知佢想點。只能食到一半。鐵板蠔仔，一般，無乜蠔味，兩個人食都幾"漏"又係食左一半。$85泰皇雞，即係急凍炸子雞加甜酸汁，雞就唔洗講都知難食，個汁直頭差過快餐店D甜酸汁，賣相又唔得，我只係食左一舊。$45(半隻)芒果特飲，即係芒果沙冰，$30，都知笨，寧願去許留山。埋單$306，全部食得一半，浪費食物，好折墮！真係笨。食三百幾，成二百幾係食裝修！裝修幾好，但食物就完全唔配，唔知係唔係我地特登叫D冷門菜，所以不達水準。sorry，無下次。

同兩個女士來呢頭搵食，見呢度幾闊咯又有位，而記憶中金不換水準一向穩定，所以就來幫襯。星期四晚七點幾，人都不算多，連一半都坐不滿。叫了幾樣大路的菜色，包括炸蝦餅、青咖哩牛、蝦膏通菜、炒金邊粉同串燒。串燒竟然沒有牛又沒有豬，唯有叫餘下的雞肉。菜色雖然碟仔細細，但份量幾足夠。炸蝦餅一客四件，似一個水泡的形狀，炸得厚厚的，食兩件都差不多夠飽。整得幾彈牙亦有淡淡的蝦肉味，點上桔油味道不錯；青咖哩牛是水準之中，不過牛肉就柴皮左D，而餐牌上標明有一隻辣椒的，但食落唔覺得辣；串燒幾大串同多肉，不少一口咬定不是燒的，但食落是不夠香口，起碼沒有串燒的口感。呢味野禮頓道印尼餐廳拿手好多；蝦膏通菜炒得火候剛好，通菜梗仍爽脆。但同行的友人卻喜歡較腍的炒菜，所以佢就覺得呢味要再炒耐D；炒金邊粉有生芽菜同碎花生伴碟，炒粉唔太熱，屬大忌，同埋陣茄膏味幾重，雖然伴入生芽菜幾清甜，但整体計一般，早知叫個炒飯好過。飲左涷飲同啤酒，埋單三百幾，坐左一晚，都唔算好貴。當食完飯起程去食甜品時，兩位女士覺得好口渴，明顯是味精作怪，好彩我溝左啤酒，是百毒不侵。

泰國菜黎講都算貴左少少,不過勝在多菜式揀,有超過70樣野揀,裝修都幾靚叫左蝦膏炒飯,入面有d甜o既豬肉,女朋友幾鍾意食鹹肉炒椰菜苗,幾惹味燒牛肉,不過不失椰汁黑糯米,d芋頭好大塊,唔鍾意食芋頭就唔好叫la西米糕,最普通不過以上總共$274

今次係第一次去呢間舖頭食飯<br />點左幾多野食<br />試過之後覺得泰式拼盤、咖喱牛尾、炒金邊粉同埋南瓜布甸唔錯，可以推介！<br />泰式拼盤入面有蝦餅、魚餅、春卷、雞<br />味道唔錯，不過要趁熱食！<br />咖喱牛尾d牛尾都入味，咖喱汁唔太辣，配埋蒜蓉包，一流！<br />南瓜布甸幾特別，南瓜布甸同南瓜一齊食，正<br />會再去食既！！

Dined with bf yesterday night (Sat). Arrived at about 7:15, full-house but managed to get a table in 15 minutes.The decoration is v. good, though the seating is a bit packed. Wide selection of dishes. It took me at least 15 minutes to read through the menu and decided on what to eat:1. Pomelo salad: heard that this is one of the signature dishes of the restaurant. Really very tasty!! Sweet pomelo (no bitter taste at all!) with finely chopped nuts and fried garlic pieces. Simple but amazingly go

鋪頭裝修好靚，而且好大！我同四個朋友去食飯，閒日不是太多人，但以我所知假日想去食飯一定要BOOK位！食物方面都好有水準，大家不防一試！