金不換泰國餐廳 (已結業)

家庭聚會，又有小朋友，於是選擇咗黃埔比較就腳嘅地方，方便泊車。餐廳坐得幾舒服，裝修舒服乾淨，服務可以。 食物大路，價錢略微貴，雖無驚喜但樣樣勝在平均!黃咖哩雞，味道可以，但咖哩唔夠香!拼盤嘅炸蝦餅、煎魚餅和春卷都不過不失，相當香口!蒜蓉飽，好脆好香，上枱仲熱烘烘，好好味，我哋encore咗!雜菜炆豆腐和串燒，普普通通!蛋包海鮮炒飯，賣相好靚，炒飯炒得幾乾身，唔錯!

之前喺雜誌睇到呢間叫金不換既幾好食 今日一試 果然"好食"今日我食咗呢幾樣嘢:冬陰功湯: 料都幾多 但係唔夠辣同酸 食嗰冬陰功湯面啲湯都好味過佢菠蘿炒飯: 料都叫多 又豬肉鬆 腰果 蟹柳等等 但係淡而無味 真係去啲茶餐廳叫個楊洲炒飯都好食過佢多多聲咖喱雞: 有色而無味 淨係得香料味詁佬鴨肉: 粉厚無肉 得嗰少少酸味 求其炒個詁佬肉都好食過佢炒金邊粉: 呢個真係無得頂 金邊本身係爽口既佢可以攪到糊糊哋 最勁既係用辣椒炒既金邊係得茄汁味樣樣嘢都係得個貴字 真係好食到停曬口 有金都不能換到我回頭食多次

今晚一家人去食泰國菜, 其實黃埔只得一間大型既泰國菜館, 一早訂左位所以唔駛等位, 平日呢到食飯都要等位家, 所以如果多人去呢最好就訂位啦!今次我地被安排坐喺中間既位置, 洗手間對出既枱, 環境都算舒服, 又唔會太嘈, 不過店內人手好似唔多夠咁, 待應服務態度都尚算ok, 今次我地叫左半隻海南雞, 蒜蓉包, 柚子沙律, 細拼盤, 肉片炒河, 炒通菜, 銀雪魚, 蛋包飯, 青檸梳打, 椰青半隻海南雞 - 雞肉好滑, 唔會太肥蒜蓉包 - 好正, 蒜蓉好多, 個包好脆牛油果柚子沙律 - 柚子好新鮮, 配埋牛油果一齊食, 好開胃細拼盤 - 細拼只可揀3款, 我地要左蝦餅, 魚餅同春卷肉片炒河 - 遠睇以為係炒雜菜, 原來啲河粉喺晒底, 份量唔算多, 味道一般炒通菜 - 味道唔錯銀雪魚 - 反而一般, 仲好似要成80-100蚊一碟, 貴左啲, 一啲都唔滑蛋包飯 - 賣相唔差, 味道只係一般 青檸梳打 - 幾好飲, 梳打水重左啲, 椰青 - 好青甜, 椰青肉都好甜

約了朋友食晚飯，想食些開胃的菜式，又想grand一點，就想起黃埔的金不換，其實之前都去過，印象中整體都好高分，當天8時左右到，沒有訂枱，門外有十多人在等候，但看入店內，起碼有5-6張枱是沒人坐的，但都不安排入坐，真奇怪，我等侯10多分鐘，追問下他才放我入內，我不喜歡這樣制造有很多人輪候感覺的方式，簡直在浪費消費者的時間，非常不喜歡。坐下後就點豬肉生菜包，泰式通菜及奶油大蝦,食物逐一上枱，平均都是好味道，唯獨奶油大蝦，蝦是先用油炸過，可能炸得太久，所以很乾，加上奶油有陣花生醬味和練奶味，好像食奶醬多，唉！最貴這道菜，最不喜歡這道菜！今晚整體印象和評分都很低。

今晚冇訂位WALK-IN, 去到都要等20分鐘呀, 可能星期日關係啦超級多人, 我地6個人叫左9樣野包埋甜品酸辣鳳爪 - 幾好食, 都好辣下小拼盤 - 只可揀三款, 要左蝦餅, 魚餅同春卷, 味道一般 菠蘿炒飯 - 好多腰果喺面, 炒飯係一粒粒, 幾好食 牛油果沙律 - 呢款真係好開胃, 好好食, 牛油果配埋西柚一齊食, 好味!生菜包配豬肉碎 - 豬肉碎撈埋啲辣椒, 雖然加埋生菜一齊食, 如果唔食得辣既人, 唔好叫炒雜菜 - 一般啦, 乜菜都撈埋一碟椰汁西米糕 - 一碟六件, 上層係椰汁, 下層係西米糕撈埋啲芋頭粒, 好味千層糕 - 超重椰香味, 熱食既, 咬落好煙UN, 必吃之選香芒糯米飯 - 呢款已係一個人份量, 其實一個人食都好漏, 因為之前已食飽左好多, 所以叫呢款都係SHARE食會好啲埋單$620

The Food at Sweet Basil Thai Cuisine is very good. The service is great. They have a very large variety to choose from. We had guest come over on Christmas Eve and we brought them there for dinner. After that they had tried several other Thai Resturants but found Sweet Basil to be the best of them all.So I would recommend this place to everyone!!!

昨天同家人去黃埔行街, 打算食泰國菜, 記得e間都幾出名...就甘就入左間黑店...我地點左以下菜式,柚子沙律 - 味道一般, 好多柚子, 但繫就剩系柚子無其它野, $70, 有點偏貴.海鮮冬隂功 - 沒有冬陰功味, 太多椰漿, 一點都不辣, 好鹹, 第一次飲d甘怪的冬陰功..　$148"金不換"南瓜排骨 - 超級鹹!!! 又油又鹹...鹹到有d反胃...搞到我地個個都叫救命... $68青咖喱牛肉 - 又系得個鹹字, 都幾難食 $78 (唔太肯定價錢)紅咖喱鴨 - 沒有青咖喱個個甘鹹..d鴨好鞋...難食...　$78蒜蓉包 - 普通 $24長法包 - 都系普通 $24菠蘿炒飯 - 算系最好..不過不失.. 最緊要系唔鹹!!! $88 (唔太肯定價錢)我地成家都可以食得好重味, 但繫e道我地真系頂唔順...鹹到嚇死人...一定無下次!!!

原本唸住去食意粉屋既, 點知訂晒位, 我就試下訂呢間, 佢呢到分兩段時間, 6-8pm, 8pm後, 我地訂左8點鐘, 5位, 我地叫左8樣野(包括有豬頸肉, 蒜容包, 香葉包雞, 春卷, 炒雜菜, 牛丸湯金邊粉, 菠蘿炒飯, 椰汁千層糕)豬頸肉 - 啲肉好林好味道, 個汁就酸酸辣辣 蒜容包 - 未食過咁多蒜容粒既蒜容包呀, 呢到整得好好味香葉包雞 - 呢到既香葉包住既雞係好大件家, 唔同出面其他泰國餐廳整既咁細舊, 同埋可能大件呀, 佢地會剪開左一半, 方便大家食春卷 - 呢到既春卷裡面包住啲蘿蔔絲同粉絲炒雜菜 - 一般, 不過不失牛丸湯金邊粉 - 啲湯好淡, 牛丸好普通, 金邊粉唔好食菠蘿炒飯 - 好多料, 個賣相都好靚, 唔錯椰汁千層糕 - 好好味既呢!!! 熱家啲千層糕埋單$472

同朋友食飯, 叫左以下呢幾味, 但真係好...柚子沙律一碟 $70, 但唔知食左乜, 只係一堆冇乜味既柚子疊在一起咖哩牛一碗 $7x, 得十塊牛肉多點豬頸肉$7x, 初初出來, 並不夠熱, 我朋友叫侍應再翻熱, 怎知好似比人食多幾塊先出來另外叫左菠蘿炒飯同炒菜, 質素一般食完主菜, 未夠飽, 我朋友仍想叫泰式焗薯, 點知食完呢個先突然感到飽左好多!! $35的甜品竟然令人飽肚, 反而 $7x-8x 既, 食極都唔會點飽, 真諷刺呢間野真係唔好再來, 一次都嫌多!

情人節我吾想食西餐, 所以男朋友一早訂左位黎食泰菜. 好彩訂左位, 七點已經好多人等位.坐下後想點支紅酒, 店員送上酒餐牌, 估吾到有好多選擇呢. 價錢算合理. 點了支澳洲的, 很不錯.跟住點菜, 海蝦刺身係必食的, 個汁超好味, 好夠辣, 所以食完一碟再叫多一碟食. 另外點了辣椒膏炒帶子珊瑚蚌, 估吾到都幾多粒帶子, 珊瑚蚌很爽, 咸魚炒椰菜苗一貫好味, 咸魚粒很香口, 椰菜苗炒得入味. 甜品千層糕, 不會很甜, 熱熱地很煙韌.坐位頗舒適, 枱與枱之間不會太近.

金不换是香港的连锁泰菜馆，好象有三四家分店。在黄埔花园的这一家开个好多年，服务员象是泰国妹，会说泰语。食品的味道也算到位。炸鸡软骨把鸡骨炸得非常酥脆，很可口。干烧虾球味道做得很透，青咖喱鸡不算辣，适合南方人口味。菠萝炒饭就比较一般，饭做得没精神。甜品中的芒果糯米香甜爽口，绝对不可错过。

$37 支泰啤$2xx 支紅酒超貴冷氣應該得16度，好唔環保!裝修就好得，而且地方好大食物：1. 蒜蓉包 - 好難食，咬都咬唔開2. 咖哩蟹 - OK3. 冬蔭公 - 蝦唔新鮮4. 炭燒豬頸肉 - 最好呢個5. 牛肉沙律 - 勁唔得，熟牛肉加堆生既生菜6. 唔知乜雞翼 - 得個大隻字，雞翼入面全部係菜，都唔知食緊乜!5個人 埋單$9xx

薑餅人和我十分喜愛泰菜, 剛巧我的好朋友及其父母也口味相近(但他們嗜辣程度高出我幾班), 於是這晚便一起去吃泰菜.酸辣鳳爪 – 不太辣, 但清涼開胃, 吃到嗦嗦聲.柚子沙律 - 柚子不苦澀, 但味道好像欠缺了些什麼似的, 比較單調.冬蔭公 – 酸多過辣, 似蕃茄湯多些, 香茅味薄弱, 但蝦新鮮草菇也多.蒜蓉炒椰菜苗 – 不油, 椰菜苗鮮嫩爽脆.燒鱔 – 厚厚的一塊鱔扒, 肉爽皮煙韌, 沒有泥苦味, 好吃!蛋包飯 – 不過不失, 味道偏淡, 配料少.多謝Auntie and Uncle請客, 你們真好人啊~~

:在尖沙咀逛完街後還不到五點，決定沿梳士巴利道直走至黃埔，只為這裡食肆有一定的選擇。無目標的遊盪至六時許，便決定到金不煥吃泰菜作晚餐。因身體抱恙，不能點辛辣的菜式。只好挑簡單的東西：炭燒豬頸肉、清炒椰菜苗及蟹肉炒飯。豬頸肉炭燒後，肉香盈溢；整齊切成薄片，賣相相當可觀；配以香辣醫汁，非常美味。份量不少，可供2-3人吃。椰菜苗清嫩爽口、味道獨特、別有泰式風味。故每逢吃泰菜，多以此為素菜。金不煥弄這些基本泰菜式是錯不了的。至於蟹肉炒飯則無特別可取之處，色澤毫不吸引，味道也非常一般。蛋炒飯至乾身，蟹肉也算真材實料，不過收費要HK$72，小汀並不欣賞。話說回來，不少食評覺得此店收費較昂貴，小汀認同。不過，有時吃飯消費，都會選環境較舒適，食物水準有信心的食肆。金不煥就是這類餐館。如果真的要吃得非常划算超值的話，就不應到這裡來。今天沒有點必吃的甜品 ── 木薯 ── 太飽了。

今天是農曆「夏至」, 天氣非常炎熱, 連天文台一早就發出本年度首個 天氣酷熱警告…最長的白畫......夏至，指夏天來臨。這一天，太陽直射北半球北緯23度半（北回歸綫），使北半球受光最多，所以這是一年裏白天最長、晚上最短的一天。至於一年中黑夜最長、白畫最短的一天則是冬至，而立春、立秋的晝夜時間則是相同。不過，夏至不是最炎熱，因為等到稍後的大暑，才是北半球最熱的時候。根據傳統，農作物在夏至時生長旺盛。同時春天下梅雨的情況已經結束，颱風季節即將來臨，沿海地區的農民必須做好防風工作，減少颱風來襲時農作物的損失。有HEART的泰菜館......可能熱便想起熱帶地方, 一家人中午便走去食下泰國菜應下節! 我們揀左紅磡黃埔的「金不換」。第一次幫襯金不換已是十多年前的事, 當時她衹不過是在九龍城啟德道上其中一間細小的泰國館子, 但做的菜已十分有HEART, 絕不馬虎, 當時在九龍城除了黃珍珍, 金不換亦是十分著名的泰國菜館... 今天我們叫了炸蝦餅、燒豬頸肉、泰式酸辣鳳爪及蝦膏炒飯。都是超水準, 而且份量十足, 但價錢又算物有所值...不妨一試!