野玩田店

营业中

休息中

食物份量太少 價錢太貴 服務員態度輕挑食物款式太少 太單調 真係俾佢玩野 餐包又冇得添 五個人一人得一舊 前菜沙律 湯都冇 嘢食又要等成半個鐘 啲嘢食又凍 又冇味 啲飯太硬 十分差的經驗 不會再嚟幫襯

野玩田店嘅tea set本身有2款鹹點係肉黎，跟住我就問店舖可唔可以轉素食，佢哋就將雞翼同炸蝦卷轉成炸椰菜花同煎雞脾菇。如果想試素食版tea set需要提前預訂。Tea set 會每人包一杯飲品，例如咖啡、檸茶、檸水。個人覺得tea set嘅賣相唔錯，有蝴蝶、花瓣等作裝飾，好有田園嘅感覺，但味道中規中矩，未去到話好好食。High Tea Set (For 2人用)炸椰菜花球、煎雞脾菇、紅菜頭酥盒、牛油果蓉多士、曲奇、抹茶卷蛋、馬卡龍、朱古力杯炸椰菜花球入面包有薯蓉，表面炸得香脆，加埋頂頭嘅黑松露醬味道唔錯。牛油果蓉多士味道好奇怪、好重口味，又鹹又酸咁，我覺得單純用牛油果整蓉已經好好食，唔需要再加額外嘅調味。紅菜頭酥盒中規中矩，味道比較天然。甜點方面，比較有特色係抹茶卷蛋，卷蛋口感鬆軟，入面嘅cream唔會好甜。朱古力杯入面裝有藍莓同朱古力花，打卡唔錯，但味道冇咩特別。曲奇係藍罐曲奇味。

待應主動講解每種食物 而且關心食客 並有求必應 非常有禮貌 態度唔錯 不過於hard sell 但又幫到手味道好食之飲不肥 最緊要係健康 啱哂老人家同素食者 真係好好環境舒適 坐得好自在推介一去再去

歷史悠久嘅post 😜 bookmark定疫情後去啦大家💕媽媽👩🏻成日係YouTube 睇人介紹野食 （全家都係foodie?) 有日拉左我去食呢間半自助餐！一入面去每人會有一份餐湯同包 熱愛包嘅我 又覺得唔錯～然後就可以揀左自己想要嘅主菜先 印象中都有5-6樣揀😜以下價錢係包自助區的🤪淨自助區$128 自助區： 沙律🥗、生果、芝麻醬豆腐、吞拿芝士撻、芝士焗蟹蓋、冷麵…仲有好多好多🤪 佢會定時更新/加 雖然自助區範圍好細 大約3-4米咁長嘅bar枱 但每一樣小食都係精緻 用獨立小碟的 比教衛生 而且因為定時更換 所以好多小點都新鮮熱辣出爐 加左唔少分素肉絲什菜蕃茄意粉 $138 肉眼扒配薯條 $178主菜方面一般我都會建議加埋主菜 畢竟最平選擇都係加多$10 意粉不過不失 冇特別牛扒黎講就唔會韌～而且有汁但相對佢放左係薯條上面 搞到薯條淋哂🥲 有啲可惜Overall 我覺得係幾抵食～平平地都不過係$148包加一 坐得舒服又衛生～ bookmark定疫情後去啦大家💕

雖然已經2022年，這篇卻是分享聖誕大餐🤣，還望大家不要太介意為了達成「男朋友想吃火雞🦃️」的願望，本來打算「佛系」過聖誕🎄的我，即時找來一間餐廳walk in吃一頓聖誕大餐聖誕半自助午餐自助沙律甜品美食吧傳統美國燒火雞配燒汁紅莓汁及蕃薯蕃條 $198香烤草飼安格斯西冷牛扒（10安士）配黑松露汁及芝士焗薯 $248這個聖誕半自助午餐主食有🖐🏻5款，選其中一款就可以到店家的自助沙律甜品美食吧揀選美食美食吧範圍不算大，由沙律🥗、小食、熱葷、凍盤、甜品🍰跟生果也有，種類也不少，大部份食物的味道不錯，最驚喜是豉油雞翼醃得夠味😂，好吃啊！說到主菜，男友當然選擇他最想吃的聖誕火雞啦～ 雖然沒有像外國一樣吃原隻火雞🍖，不過還是有幾片⋯小的來吃大家看到圖片也應會想🤔：火雞的份量未免太少吧？的而且確⋯ 我們在現場看到的這個量還比旁邊的醬汁的size更少🙄，沙律菜跟蕃薯條的份量還要比肉多，坦白說也蠻讓人失望😕 縱然味道不錯肉質也夠嫩滑，但總覺得應該改變一下份量會讓人好過一點😔 配送的醬汁有燒汁跟紅莓汁，不過看賣相，燒汁的顏色跟味道都好像跟印象中不同呀～ 至於蕃薯條⋯ 就跟嘉寶漢堡的一樣，所以味道不會差🤣而喜

第一次在這間order火雞，唔好諗住好似普通雞咁滑，但絕對係水準以上，stuffing 好足料，人人食完都讚，落order嗰位姐姐細心又好交帶，如果下年再開party，一定encore 。

田園風味、喺網上聽到好多人推薦呢間餐廳一直都想試，於是同朋友揾咗一個星期六去吃，下午三點鐘去到餐廳好彩walk-in都有位、整間餐廳環境舒適，等咗大約十分鐘就有位，我哋叫咗兩份下午茶包兩杯飲品，主食叫咗一個意粉同一個飯不過就改咗加15元兩杯特飲，意大利粉同飯都好好食不過份量比較細，飲品叫咗一杯咖啡同芝麻牛奶，芝麻牛奶好好飲好滑，味道唔錯，飲品同食物質素唔錯，值得推介聽聞餐廳有推出中午嘅自助餐，有機會嚟試。

呢間餐廳係未搬舖之前都已經食過，嗰時喺K11，已經好impressive，知道佢搬咗舖之後，特登book咗嚟同朋友慶祝生日😇餐廳主打田園風，用上木系家具、乾花擺設，感覺舒適溫馨🌿⭐芝士蟹蓋risotto⭐燒豬頸肉⭐️番薯薯條⭐Avo apple店員特意為我地推介芝士蟹蓋risotto，蟹肉已經拆肉，釀入蟹蓋內，正宗懶人食法。加上芝士真係邪惡到都不得了，配上risotto好夾。番薯薯條係每次都必叫，炸得超香脆，配上番茄醬同黑松露醬，好夾，重點係大大份！一定夠飽🍟燒豬頸肉好肥美，估唔到一間田園風嘅餐廳都會有泰式嘅燒豬頸肉😂嘢飲有好多唔同選擇，用料新鮮，Avo apple 係加咗牛油果、蘋果同埋蜜糖，本身以為個人好杰，但又唔會喎😇總括而言，用餐很愉快。

最近想食得健康，朋友就介紹左呢間-野玩田店，餐廳主打田園風格，提倡有機食物概念，感覺處身大自然之中。是日熱湯-芝士洋蔥湯（$78）芝士味道好香濃加上煮到差唔多溶哂嘅洋蔥，食落口好香好滑。燒南瓜藜麥無花果沙律配草莓醫（$128）南瓜唔會太林，加上藜麥後食落有口感，沙律配以無花果同埋草莓醋，酸酸甜甜，非常開胃。美國無激素豬肉配芝士意大利飯（$158）無激素豬肉好特別，食落唔會太肥，肉質厚實有口感。芝士味好香但略嫌意大利飯比一般食開嘅硬左少少。

來尖沙咀呢間餐廳食飯，自己同朋友一齊食飯，我哋一般都會叫漢堡同埋鱸魚，質素亦都唔差。餐廳嘅菜牌已經顯示出呢到嘅活力，由尖沙咀地鐵站上緊，其實好快。一開始嘅時候，由於天氣太熱，所以我叫咗一杯Iced Chocolate，朱古力味頗濃，唔太甜，面頭上面一層忌廉，再加上朱古力粉，係幾好飲。之後係一杯Mocktail Pineapple Tree，一嚟到嘅時候，個杯嘅賣相已經非常唔同，長長瘦瘦嘅菠蘿沙冰，再加上少少奶，已經非常好飲。之後嚟嘅就係Seabass鱸魚，佢呢度嘅鱸魚外皮煎得非常香脆，但係內裡嘅魚肉亦都維持住香滑，再配上特色蔬菜，味道都算多元化。再之後就係Veggi Burger，大大份西蘭花取替左傳統嘅漢堡，另外加上少少酸菜，非常開胃，同埋再加上薯條，薯條炸得香脆，幾好食。餐廳幾好。職員態度都非常好。

野玩田店 (尖沙咀)第二次食呢間田園風Cafe,餐單上面都係咁多健康食品,啱晒素食人士,唔止素食仲有牛扒烤雞食既，當然咩人嚟都啱！叫咗無花果牛油果羽衣甘藍沙律$148（呢個好健康好食唔使特別介紹啦）芝士磨菇釀雞翼$108（呢樣幾特別，多人叫不過就唔係好啱我食）烤椰菜花扒漢堡$168 （呢個就有啲驚喜，咁樣嘅配搭非常好食個菇好Juicy,去上層酸酸味味嘅沙律，同椰菜花估唔到咁夾，特別要讚佢嘅薯條，炸得超好食😋）蟹肉蘆筍闊條麵$179（味道唔會好濃烈，好鍾意個闊條麵嘅質感 我中意）紫薯熱鮮奶$58（好飲啦）🌾用餐心情: 總括來講食物都好多選擇，好多唔同種類嘅蔬菜素食肉類都有得揀！裝修仲好田園風）想健康食，可以試試既

店如其名，【野玩田店】Something Wild - The Farm 走的是健康田園風，店家嚴選健康食材入饌，包括自家種植的「微菜苗」、多款超級食物及來自美國、加拿大等地的無激素肉類，打造多款美味而健康的菜式。尖沙咀iSQUARE新店以白色為主調，配上淺色木材傢俱，加上各款植物裝飾，予人舒適悠閒感覺。餐牌選擇豐富，除了各款肉扒，素菜款式比一般餐廳多，很適合食肉獸與喜歡素食的朋友聚餐。小食拼盤配他他醬 ($258)有咸蛋淮山條、炸薯絲蝦、炸流心海膽餅、香烤秋葵、芝士蘑菇釀雞翼。當中淮山條鹹香爽脆，海膽餅忌廉餡料絲滑流心，釀雞翼外皮煎得香脆，漲卜卜的塞滿半溶芝士及蘑菇，加上啖啖嫰滑雞肉，叫人吃得滿足。燒雜錦蔬菜串配黑蒜汁 2串 ($78)有意大利青瓜與黃色青瓜、茄子及車厘茄，顏色配搭繽紛。蔬菜烤得邊緣略焦，吃下爽口JUICY，調味不多吃得出原來的清甜。蘸些自家製黑蒜汁，別具風味。蟹肉蘆筍闊意大利麵配忌廉汁 ($178)放上紅黃花瓣，擺盤精緻。闊意大利麵吃下彈牙富嚼勁，做到「Al dente」效果。麵條掛汁力強，忌廉汁帶蒜香。蟹肉份量下得慷慨，加上鮮嫰無渣的蘆筍，鮮香味美。店內有多款本地

除左有打卡位次外，座位亦都夠寬闊，唔會好迫，而且食物仲唔錯添👍牛油果無花果南瓜沙律 🥗羽衣甘藍🥬作為主菜，配搭上牛油果🥑同埋無花果，非常有益健康，加入調味醬汁酸酸甜甜，應該是黑醋，份量都幾多。燒魷魚🦑相片出自媽媽手筆，角度非常有趣，味道比外表出眾的魷魚，口感軟腍，有燒烤香味，配上醬汁，香口帶有微微辣味👍牛仔肉配野菌闊條麵 🍝麵條雖然比較闊，但沾上醬汁後都幾夠味，牛肉嫩滑，配上惹菌很香，值得一試😉飲品方面新推出左幾款，當中烏龍玫瑰花茶好香，但係可以加少少糖水會比較sweet，另外榛子咖啡比較甜，女生可以建議少甜😊

無意發現呢度，感覺好小清新，有野餐感覺，又有好多自然光入餐廳，被小白窗吸引。🍛雜菌蜆肉意大利飯意大利飯夠creamy 蜆肉好鮮味，意大利飯燉既時間剛好，唔會太淋或太硬身。🍔牛油果藜麥流心蛋漢堡個包好有心整 烘好晒先再塗牛油 小細節令成個包同牛油溶為一體牛油果用檸檬撈過，更加入味同開胃🧇窩夫香蕉係用焦糖燒過，又香又甜又脆，加埋熱辣辣既窩夫同movenpick既雪糕，為下午茶畫上完美既句號。 呢度既佈置好文青 好有feel 令人會舒緩過來。

自選食材，可以睇岩邊樣要邊樣，邊款新鮮就要邊款！不錯呀！仲有自己栽種的小盆栽micro green，就是用於裝飾食物!亦有自選海鮮環節，有阿根廷紅蝦，日本空運魷魚（時令）…自選自己磅，就有大廚為我們服務！阿根廷紅蝦蛤蜊抄意粉，意粉炒得剛剛好，有少少紅蝦汁嘅味！可惜紅蝦不太爽口，蛤蜊有沙…素食拼盤我自己最喜歡的是鹹蛋黃山藥，鹹蛋黃不會完全蓋過山藥的味道，不錯！可惜烤菇有焦了的味，紅菜頭puff 皮多過餡…番薯條就不錯，很甜！