野玩田店

营业中

休息中

<<🌾田園風 Semi-Buffet🤠>>Book 咗同肥 Pat 先生去打針放個假，平日好想食 lunch buffet 今日終於有機會😍平時呢間餐廳 lunch 都好 full 所以今次一早book 定😎.只要每人叫 set lunch +$58 就可以享受自助沙律吧(淨叫$158) ☺ 係我最期待的環節！！自從 Mr. Steak/Ruby Tuesday 後，N年冇食過類似的 semi lunch buffet 了。出面長枱放滿前菜/湯/沙律 及甜品， 1.前菜： 有classic 的 smoked salmon/火腿等，估唔到有日式小食如螺肉/秋葵 2.沙律： 不同種類的沙律菜及醬汁，特別連藜麥& 羽衣甘藍都有 3.湯就只有一款西湯，不過其實 set lunch都包湯所以冇特別試 4.甜品：除咗小 cake, 仲有蕨餅及涼粉看似好濫咩都有，但質素絕不是韓式自助 BBQ雜不 lung小食，有質素保証的😆.餐廳裝修都偏向田園風，放滿植物，坐窗邊陽光滲進，非常 chill😎 每個 set kunch 都有餐湯及包， 麵包非

朋友推介的野玩田店，坐得舒服之餘，價錢亦相當親民💓💓假日的午市套餐，有14款咁多😱😱😱除咗可以淨選自助沙律吧，主菜加$58就可以享用埋自助沙律吧，有冷、熱盤、生果及甜品等，都幾豐富！點餐不久火速奉上餐湯及麵包，麵包帶微温兼鬆軟，是日餐湯係甘荀湯👍🏾👍🏾隨套餐亦有基本飲品，又可以升級其他特飲，我就加$15轉Cappacinno，同桌則點了一杯House Coffee奶泡好綿密🤩🤩🤩蒜片車厘茄蟹肉意大利麵✨每條意粉都充滿蒜香，蟹肉絲多到每一啖都食到，惹味香口之餘又不會過鹹，車厘茄酸甜清爽。。慢煮和牛面肉配淮山蓉✨淮山蓉幼滑細膩，完全冇黏口感覺！慢煮的和牛面肉，一隻牛只得兩塊面珠肉，肉質非常軟腍，膠質豐富，牛味濃郁但唔會有牛騷味，加上醬汁頗為出色。

今日同朋友聚舊，朋友推介野玩田店食晚餐，餐廳位於尖沙咀國際廣場3樓，由尖沙咀地鐵站步行5分鐘左右地達，非常方便。餐廳裝潢設計主打木系健康田園風格，餐牌以健康天然菜式為主，餐牌有多款健康食材，有無激素肉類、有機蔬菜、素食菜式、小食等等，另外飲品亦有多款選擇，除左有奶茶咖啡本地啤酒之外，仲有養生系列、曦活茶、慢磨鮮果汁，用新鮮的蔬菜和生果製成的沙冰、Homemade Drinks 等等，餐牌好吸引，非常多元化。炭燒加拿大AAA+級安格斯無激素西冷配黑松露燒汁（10安士）（$378）Medium 火喉剛剛好，西冷扒呈炭燒格仔紋，還散發出陣陣既炭燒味道，牛味濃郁，西冷扒鎖住了肉汁，口感軟嫩多汁，點少許鹽和黑椒，肉味更提升。香煎日本頂級帶子伴青瓜莎莎（$148）賣相色彩繽紛，帶子煎得剛剛好，外脆內嫩，配上青瓜莎莎，味道好清新炭燒海蝦串配自家製泰式汁（$138）海蝦大大隻，爽口彈牙，散發出陣陣既炭燒味道，配上自家製泰式汁，鮮味更突出。凍蜜桃檸檬茶（$58）大大杯，甜度剛好，蜜桃味突出。

之前在K11呢間野玩田店原來搬左去Isquare！首先見到店面都乾淨企理，店內環境亦不會太擠逼，感覺幾舒服！仲有些長長的枱都幾適合一大班人gathering 食下野傾下計！食物飲品選擇都不少！沙律小食意粉飯都有！樣子都幾吸引！而且還有素食的選擇！飲品有酒有唔酒！都好多選擇！餐前有小小的黑糖包，都算幾鬆軟因為朋友要食肉，最後揀左🐷燒焗加拿大無激素豬鞍架及燒扒菠蘿配黑醋燒汁看上去好大碟，就一大塊扒跟一大條菠蘿，肉質煮得很鮮嫩，很容易就可以任我宰割🍴吃下去亦非常嫩口同juicy，加上濃濃燒烤風味，非洲香口! 感覺煮得剛剛好！菠蘿就十分香甜！🐟燒鱸魚配泰式醬汁菜單上既煎鱸魚化身了燒鱸魚，原條燒鱸魚上碟，視覺亦變得震憾🤣 魚肉肉質鮮嫩，表皮烤得非常香口，點埋佢個泰式醬汁少少辣就更有風味！而配菜亦感覺很新鮮！飲品方面，我點了紅火龍果乳酪沙冰，火龍果加乳酪，不會太甜，味道較為清新而朋友就點咗薄荷薑檸梳打，味覺較為沖激🤣喝下去薄荷加薑直達鼻腔整體來說食物品質很不錯！服務亦很滿意！是價錢方面是略為有點高～但在尖沙咀區應該都差不多吧😹

今日係尖沙咀做完身體檢查，同朋友係附近嘅ISQAURE搵嘢食，食呢間叫「野田玩店」嘅西餐廳 😋餐廳採光度充足，環境舒適清新，坐得我同朋友都好舒服 👍🏻我同朋友都叫咗lunch set，附送湯、餐包同嘢飲：先嚟嘅係芝士焗吞拿魚長通粉，上面嘅伴菜係餐廳自己種㗎，好有心：之後嚟嘅係香烤草飼安格斯西冷牛扒，塊扒都幾大塊，朋友都讚有牛味：想食多少少澱粉質，我哋仲叫咗個素菜墨西哥餡餅，餡餅入面係蕃茄sauce，感覺好fresh：嘢飲方面，我同朋友都加咗錢叫啲特別啲嘅嘢飲，我叫咗右邊嗰杯黑芝麻鮮奶，朋友就叫咗左邊嗰杯薏米三色藜麥米水：

放假去尖沙咀行街用下消費券，行到咁上下又係食晏嘅時候，响iSquare見呢間餐廳望落去幾舒服，一於就揀佢啦。我哋都揀咗午市套餐，有餐湯、餐包、餐茶，餐湯係鮮菌湯，味道清新又健康餐包係黑糖麵包，暖笠笠又夠鬆軟，好香黑糖味。我嘅香煎盲鰽魚配甜椒汁$218擺盤靚靚上面放有四粒串茄伴有沙律菜，而主角盲鰽煎到表皮脆卜卜，肉質嫩滑，點埋甜椒汁好味又開胃。朋友食嘅係慢煮澳洲和牛面配淮山蓉$258和牛面肉經過慢煮，肉質腍滑，入口鬆軟。淮山蓉口感綿滑，中和咗牛肉嘅濃郁，感覺健康。餐茶有咖啡或茶，我就揀咗咖啡，夠晒提神，朋友就揀咗檸檬水。如果餐茶唔啱飲，仲可以加$15升級轉：泡沫咖啡/鮮奶咖啡/朱古力咖啡/朱古力/紫薯鮮奶/黑芝麻鮮奶/奇亞籽檸檬蜂蜜/薑汁蘆薈蜂蜜/檸檬蜜糖/熱黑糖桂圓蕎麥/熱桃膠雪燕紅種棗/熱薏米三色藜麥米水/凍蜜桃茶。如果想食多啲嘢，仲可以加$58/位任食自助美食甜品吧嘅食物。

Something Wild-The Farm野玩田店 位於尖沙咀iSQUARE國際廣場3樓307號舖。餐廳主打天然健康及新鮮食材，餐廳環境寬敞，座位坐得舒適，餐廳裝潢有好多值物擺設，走田園風格，給人非常舒服的感覺。一進入餐廳門口已經見到自家種植的菜苗。黑糖餐包黑糖味香濃，口感好鬆軟是日餐湯：雜菜湯雜菜湯用上不同的蔬菜，入面有西芹、甘荀、洋蔥等等蔬菜，味道清新，健康又美味芝士蘑菇釀雞翼雞翼入面已去骨，外皮煎得香脆，入面釀了芝士蘑菇，雞翼啖啖肉，而且仲有芝士蘑菇香，口感好豐富炸水牛芝士外層炸到非常香脆，包著香濃軟滑的芝士，芝味十足。凍香茅蘋果汁超愛以杯香茅蘋果汁，香茅味和蘋果味道平衡得好好，兩者味道都突出，而且入面仲有粒粒新鮮蘋果粒，味道清香

今日去尖沙咀isquare 食野玩田店，呢間餐廳聽講係主打用本地食材，餐廳環境非常文青高雅，幾時都話，simple is the best. -芝士磨菇釀雞翼👍🏻，雞翼非常多肉汁，加上蘑菇芝士一齊食， 正上加正。-蟹肉牛油果塔👍🏻，蟹肉係一定要配牛油果，份量非常多，加上檸檬汁，非常開胃，店員亦有提到，所有都係食用花，睇得又食得。-牛仔肉配野菌闊條意大利麵👍🏻，闊條意大利麵煮得啱啱好，配上creamy嘅醬汁，加上最經典嘅野菌配搭，冇得輸。-海鱸魚👍🏻，今日店員解釋冇menu嗰隻海鱸魚扒，今日有一整條煎焗，梗係要試下啦。海鱸魚焗得啱啱熟，油脂非常香，高水準。******************************👍🏻好食 | 👌🏻可以 | 😔 難食評分 : 8/10簡評 : 小食，沙律，主食都令人滿意，尤其係原條海鱸魚

本來同朋友慶祝生日，揀咗呢間餐廳晚飯，去到先發現連甜品、蛋糕都無😩😩 同埋以為夜晚都有半自助式，點知原來只有午餐時段先有，所以大家都要留意返 💁🏻‍♀️餐廳佈置簡樸，走自然風，座位都算多，安排坐半梳化位，都算可以。芝士磨菇釀雞翼 $108份量有4 隻；都算幾好食，裡面芝士唔多，但味道幾好；不過以小食嚟講，咁嘅價錢就貴咗啲😨燒焗加拿大無激素豬鞍架及燒扒菠蘿 $368豬鞍肉都厚身，切開大概有6 件，而且入味，配埋燒汁幾香，唔錯👍🏻 燒菠蘿就唔太juicy 同埋邊邊位好硬，咬唔到😂 旁邊配有沙律菜。牛仔肉配野菌闊條麵 $188呢個嘅闊條麵真係好闊😅 好大片，配上野菌汁好香，但份量都係好少；牛仔肉肉質鬆軟，容易入口。

今日有一位非常注重健康嘅朋友 帶咗我去位於尖沙咀iSquare嘅野玩田店環境方面 舖頭裏面有好多綠色植物 令人感覺好清新 好似係溫室裏面咁💚💚嘢食方面有唔少健康嘅飲品同埋菜式非常之適合注重健康嘅朋友一入去坐低 店員就已經擺低咗熱辣辣嘅黑糖麵包 非常之貼心之後我哋嗌咗個南瓜牛油果羽衣甘藍沙律 加咗烤雞一睇個賣相就知非常吸引 有好多唔同顏色嘅蔬果 而且所有蔬果都非常之新鮮 勁好味！之後仲嗌左個蘑菇釀雞翼 雞翼裏面有粒粒蘑菇 非常之有口感雞翼嘅油分比蘑菇充分吸收 非常之美味！主菜方面 叫咗炭燒加拿大AAA+冇激素安格斯牛扒 medium啱啱好 唔會過熟 亦都唔會流血汁而且仲有陣陣炭香 非常惹味配上黑松露醬汁 更增添風味 突出牛肉嘅肉香最後飲返兩杯冷壓果汁 正☺️

今日去i square 行，見到間好有田園風格嘅餐廳，決定係到食Dinner。入到面餐廳裏面已經見到佢有種香草，完全感受到餐廳對食材嘅重視。我地先叫左個海膽忌廉餅，一碟有四件，咬落去海膽忌廉即刻流出尼，忌廉好creamy。海膽味比想像中更加出。跟住我哋叫咗個蟹肉牛油果他他，呢個係我嘅至愛，佢嘅牛油果撈得啱啱好，夾埋蟹肉係絕配。再嚟我哋叫咗兩杯嘢飲，一杯係紅菜頭Smoothie，令一杯就係紅肉火龍果smoothie。兩杯都好Fresh，好襯呢度嘅style。尼到主菜我哋就就咁叫咗一個牛仔肉意粉，呢個做法有啲似中西合璧嘅感覺，發現原來creamy嘅汁加牛肉都好夾。佢個意粉硬度亦都啱啱好，手工出名果然係唔同啲。最後我哋叫咗一個甜品作為結尾，就係水果窩夫。窩夫外層趣波波，內裏鬆軟有蛋味。窩夫夾埋雪糕唔爭個感覺好滿足，甜品嘅裝飾亦都好有心思，配合返整體嘅田園風格。總結：整體嚟講佢每一樣菜式我都好滿意，特別在佢加咗好多香草作裝飾，令成件事更有藝術氣息。

上個星期日走到尖沙咀逛街，我們打算吃一頓豐富的午餐，然後晚餐吃少一點。走到iSquare，看到這餐廳的套餐頗豐富，進去吧！座位旁種滿香草🌿吸引！先來麵包及十分香濃的磨菇湯👍🏻磨菇湯真材實料，很香的菇味！😋我點了香煎盲鰽魚配甜椒汁做主菜😋好好味！另一半點了慢煮澳洲和牛麵配淮山蓉做主菜！😋嘩！超好味！或許感覺像食牛筋😍我十分喜愛！另外，我們選擇加$58沙律吧！感覺食物也絕不馬虎😉我到現在也想再吃沙律吧中的紫薯泥。整體而言，我們十分欣賞這一餐食物的質素，亦覺得店員很有禮貌！

你有冇食過屋企蠔油煮湯渣肉，第二日再煮個意粉撈埋食，哩個就係佢地既牛仔肉野菌汁意粉。其他份糧少，燒魷魚好好似白洽咁就不提了。服務都奇差，8點一入座就話last order. 不停趕住收碟

話說最近小弟聽我朋友講開外國話題，原來我依家先知外國周邊係一直有一種幾流行既食法 叫做 Farm to Table ~，其實佢嘅意思係即摘同即煮俾客人食到一D類似比較新鮮健康的菜式~聽講間餐廳之前喺k11個邊既，最近呢排就搬咗去isquare，我亦都有幸知到黎食下~講下餐廳嘅環境先~佢既佈置非常簡單開揚而且有啲田園氣息~坐落去就算周圍多人坐係隔離附近都完全唔會覺得有壓迫嘅感~食物方便都值得一讚，佢地既蔬菜伴碟會係等佢熟先會去採摘及處理來入饌 ，同埋佢地同時除了種植菜苗等等， 亦都會採用黎自美國或加拿大等外國的無激素肉類，食得健康完全唔洗擔心~最欣賞嘅係佢個集錦拼盤，又健康又清新~.

餐廳環境極之寬敞，以田園風為裝潢的主調；餐牌的設計亦色彩豐富，令人有種愉悅感。芝士蘑菇釀雞翼 (4隻 | $108)• 充滿芝士味的雞翼，外皮煎得緊緻香脆，被薄薄的一層油包裹著，咬開後油香和芝士味更為突出。• 內裡肉質香嫩、啖啖肉，然而蘑菇的味道相對較少。日本頂級帶子蕃茄汁意大利飯 ($208)• 比一般意大利飯來得輕盈和清新，撇除了既定的累贅感。蕃茄汁均勻地融入每顆飯粒裡，整體乾濕程度適中。• 帶子口感嫩滑，表面炙燒過的關係使肉質稍為有點咬口；配合蕃茄汁，味道清新之餘又帶點海鮮的滋味。Hazelnut Berry ($68)• 以藍莓、雪梨、榛子及蜜糖混合的smoothies。味道豐富、自然，雪梨味較為突出。• 沙冰顆粒綿密，夾雜著碎碎的果肉。