野川拉麵の深燒食堂

营业中

休息中

周六假期入左元朗走走，又新街嘅呢間野川價錢又幾親民就入去試試先餐廳外亦有室外座位，怕冷氣太凍可選擇戶外位置！牆上有Q版 neon light 圖案打卡牆餐廳主打各式日式料理，有拉麵、飯、烏冬、日式漢堡扒、炸物、鍋物、刺身同特飲以日式餐廳款式真係算多元化～假日亦有牛角包做制作嘅漢堡餐有埋薯條同包左一杯$38特飲 都算幾抵～特飲超大杯，勁歡欣！芝士奶蓋曲奇朱古力 （追加價$18）奶蓋味唔算好濃稠，但都順滑朱古力夠濃郁，亦有Oreo 增口感，冰溶左都唔會覺得好淡！雪糕奶茶紅豆冰 （牛角漢堡套餐+$10）雪糕仲可以選口味，最衝擊嘅係有榴連口味選擇，不過我就選擇左溫和嘅豆腐口味吉列豬扒拉麵 $57 豬扒都有五件，食落唔乾柴！算係正常發揮嘅豬骨湯拉麵！芝心牛肉牛角漢堡 $98牛肉漢堡切開已經芝心餡，漢堡扒上面仲有一塊小溶嘅車打芝士，真係邪惡嘅軸心小食拼盤 $98脆米芝士波 2粒榴連炸彈2粒芝麻雞翼 2隻吉列魚手指 4條即炸蝦片 後上嘅芝麻雞翼熱辣辣～太耐無食過即炸蝦片真係幾好味，食唔停口！由於late lunch諗住食埋晚餐果份就追加埋刺身三文魚刺身 $24/3切帶子刺身 $32帶子出奇地鮮味，呢

.上次朋友帶過我去元朗又新街搵食，今日去開果頭又去揀另一間食，今次揀日式餐廳。.芝心牛角漢堡 $98用牛角酥做漢堡包，塊漢堡扒中間有流心芝士，仲有炒香既洋蔥同椰菜絲。.自家製义燒拉麵 $68 轉芝士辣湯 湯底好正，又香辣又有芝士香，只係d麵好快林，要趁熱食.午餐追加既刺身真心讚！好新鮮又抵食！意想不到！.三文魚刺身 $24非常厚切、係魚腩位油脂豐富.甜蝦刺身 $24睇蝦頭就知道新鮮，蝦膏蝦肉好咸鮮，好正.油甘魚刺身 $32都係厚切，肉有彈性.鮮帶子刺身 $32雖然細細粒但帶子肉好鮮甜.然後餐廳有好多炸物小食，忍唔住叫左幾款芝麻雞翼 3隻 $46皮薄而炸得香脆，出色.日式芝士年糕 $18好鍾意叫呢款小食，年糕軟滑，芝士香濃，好夾.飲品種類都幾多，叫左兩杯奶蓋類，奶蓋好滑又唔太甜幾好芝士奶蓋忌廉綠茶紅豆冰 及 可可脆片阿華田芝士奶蓋.日本九州直送富士蘋果芝士蛋糕配豆腐雪糕 $78最後一定要食甜品啦！細細件日本直送既蛋糕，係芝士慕絲好香滑配清甜富士蘋果粒，加埋清淡豆腐雪糕一齊食，滿足的

午間相約了朋友去到位於元朗的野川拉麵之深宵食堂，餐廳提供了戶外及室內座位，店內設有分隔版及消毒酒精，十分安心，店內裝飾很有日本及韓式工業風，還有一大座超級英雄角色像！十分玩味！設有大屏幕播放著流行曲，又帶點酒館的氣氛。午市餐牌選擇很多，套餐更可優惠價追加小食，我們馬上點了野菜讚岐手打烏冬，可以有拉麵選擇，有多種湯底選擇，今次試濃豬骨湯底，湯底香濃很香，十分香濃但不會感到油膩，手打烏冬口感恰到好處，軟硬適中煙韌又彈牙！配菜有流心蛋、金菇、粟米粒、燒過的茄子等，十分豐富！滑蛋吉列豬扒飯，十分推介，上菜看到份量很大，豬排確是一讚，炸粉不厚，香口，豬排肉質爽口，加上日式滑蛋香滑富蛋味，伴飯一流！芝麻雞翼有三大隻，是我的最愛之一，表皮炸得香口金黃，蓋滿了白芝麻，大大隻雞翼很飽滿和多汁，咬下去時肉汁豐富，雞肉彈牙，燒過後保留到水份，不會太乾，夠香又夠酥！炸魷魚鬚，魷魚肉厚，炸得香脆彈牙，入囗有鮮味煙韌，重點是炸粉夠薄又夠脆！再搭上醬汁，更惹味！炸餃子有四隻，外皮煎得相當出色，顏色微金黃，很香脆，內裡保持到少量湯汁，配料有肉碎及粉絲碎，口感有層次，值得一試！也是香脆夠熱！椒鹽雞軟骨，份量大碟，十分抵

元朗美食推介👍🏻有室內外既位置🥳三文魚刺身(3片)$24甜蝦刺身(3片)$24油甘魚刺身(3片)$32鮮帶子刺身(4片)$32價錢相宜 刺身新鮮 每片刺身都相當厚身😍吉列蠔(4隻)$58蠔肉鮮肥飽滿 香脆可口 肥美多汁 好食啊🤪小食拼盤2 $98有辣辣地既即炸蝦片🍤仲有常見既芝麻雞翼🍗、吉列魚手指、脆米流心芝士波🧀、榴連炸彈😆柚士生芝士蛋糕＋雪糕 $78令人回味既芝士蛋糕🍰淡淡既柚子味配埋桃味雪糕🍦真係好美味😋富士蘋果生芝士蛋糕＋雪糕 $78朱古力Oreo $38岀奇地好飲 好香濃既朱古力味🍫日本信州蘋果梳打 $35

好耐無去過街食，今日去左一間好有韓國風味既店食午餐，抗疫期間，真係好多間餐廳都冇咩人，希望佢哋捱到落去啦依間小店都幾多唔同種類嘅嘢食，外賣仲有八八折，係我哋食緊期間見到都幾多人嗌外賣，由於好耐冇喺餐廳食今次我哋就食盡啲叫多啲唔同嘅嘢食叫左2個午餐咖喱牛肉飯，味道雖然唔係話非常之特別不過勝在大碟同抵食同多汁多料另外叫咗個牛角包，粗粒牛角漢堡，98元，勁大碟，薯條份量超多，非常之驚喜嘅係個漢堡好多汁，入面仲有好多菜同炒咗嘅洋蔥非常之嘢味雖然價錢唔係好平不過絕對物超所值因為真係好大碟😂叫左唔同既炸物，熱辣辣，好正，加上見到啤酒有半價！46元有500ml hoegaaeden加埋d炸物同朋友伴侶吹水hea下，正！

近排疫苗下夜晚唔準堂食，唯有周圍叫外賣，今日想食下日式拉麵，係openrice搵到呢間舖，首先睇過評論都見到比差評嘅人多數都係話服務態度差，但好評就係話食物質素唔錯，咁我心諗外賣都唔會接受到佢地任何服務，咁即管一試啦，一打去叫外賣，聽電話嘅男職員聲氣極差！問問外賣自取係咪有折，個男職員答得非常悔氣，只用非常悔氣嘅語氣回覆一個字8!)，當我繼續落單叫食物時，我先order一個叉燒拉麵，但個男職員完全冇反應，咁我以為佢聽唔到/聽唔清楚，咁我就重覆多次啦，個男職員即時大大聲同用極之難聽同悔氣嘅態度話聽到呀！！！你淨係叫一個拉麵啊！！？)果個態度同語氣係極惡劣，冇禮貌到係正常人唔會接受到！然後我直接回覆一句我都係唔要喇唔該！真心唔會幫襯！待人處事應有基本禮貌都冇就算幾好食都係假！

呢間餐廳好多時經過都會見大排長龍, 今日就睇佢有咩特別😁餐廳有分室外或室內座位, 因為疫情期間，所以我地揀左坐入面🌝免得坐室外人來人往😅坐底後, 店員遞上餐牌先知原來有咁多唔同既食品, 日, 中, 西式一定有岩你口味的, 不過佢地主力都會係日式而且價錢十分親民, 午市黎講$4x都已經好多選擇👍🏾而下午茶$3x亦都有唔少選擇由於疫情關係有好多項目都冇得食😢不過唔緊要之後一定有機會😄我地二人叫左兩個主食同因好耐冇食過炸物, 所以叫左好幾款黎食😁主食：温泉蛋牛肉丼飯 $64牛肉鋪得滿滿的, 原全睇唔到底層的飯😂份量好多, 肥牛配上木魚一齊食味道非常之夾, 而飯同温泉蛋+洋蔥撈埋食真係冇得輸👍🏾(不過下次我要叫佢少飯先得, 太多好飽😂)自家製豬軟骨拉麵 $70轉芝士辣湯底 +$8特登轉芝士辣湯底刺激一下味蕾, 點知真係好辣, 但又好刺激😆, 而豬軟骨整得好淋身, 呢個絕對會Encore!!👍🏾一口芝士(6件)🧀 $42外炸面炸得十分之薄, 內裡原件芝士, 芝士控必食!椒鹽雞軟骨🐥 $46一上碟嚇親我地, 份量好多, 一口一粒送啤酒一流👍🏾炸雞件🍗 $38雞件肥大, 食肉獸必點😋濃芝士薯餅(1件

喺元朗覓食，抵食夾大件嘅餐廳真係隨處可見，而呢間抵食夾大件之餘，仲CP值高！🥐芝士牛角漢堡加薯條及沙律 ($98) - 呢個強推! 個人本身已經勁鐘意食牛角包同芝士，黎到之後，牛角勁大個、芝士完整，係完！整！一塊擺喺上面，中間仲要有塊勁大塊嘅漢堡扒😃成個餐仲要夾埋薯條同個水果沙律🥗一個已經好滿足！🍜餃子拉麵 ($57) - 餃子勁大隻，拉麵湯底不錯😌🥔濃芝士薯餅($22) - 有rich rich 嘅芝士，好正🦑炸魷魚鬚($58) - 真心冇諗過餐廳可以食到呢個酒樓點心，同樣份量大🥳🥤紅豆冰特飲(奶蓋朱古力)🍹士多啤梨活乳酸奶蓋 ($58) - 杯飲品一黎到，我已經嘩嘩聲，因為佢用Hoegaarden杯裝住，超超超大杯，士多啤梨同乳酸超夾，幾大杯都飲得晒😆餐廳喺未有疫情前，餐廳開到1:30am。餐廳勁多選擇，喺重開後，會係個食宵夜嘅好選擇。希望晚市可以快啲重開。🏮野川拉麵の深燒食堂 (元朗)📍元朗又新街40-48號榮豐大廈地下B號舖

即將到新年，好多食肆都開始準備收爐，於是就去樓下呢間日式餐廳解決掉午餐。當天有提供拉麵套餐可供選擇，我點了份自家製豬軟骨拉麵，湯底正常豬骨味，反而是豬軟骨有驚喜，豬軟骨除基本的豬肉香外，更有種淡淡的甜醬油香，吸收了湯底的精華味道，而且煲得相當軟身，輕輕鬆鬆就可咬出豬肉，而且配合拉麵，很下胃。然後是加點的三文魚刺身，三文魚是相當的厚切，看得出師父很是大方，而且鮮味十足，不是便宜的來貨可以媲美。至於鮮帶子刺身，一份有四片，切得較薄身，可充分吸收醬油香，再加上本身的鮮甜香，令我之後再加點了一份。

因為疫情關係，店舖都六點收工。我與老公一起去食個下午茶，再去辦年貨。老公叫了一個脆脆奶油豬，薯條熱辣辣，惟奶油豬有點硬，老公仲話有介到口而我自己就叫了個漢堡餐，味道好正，邪惡度十足。有兩件兩，肉味好正，出哂汁，熱辣辣。而肉味十足，混合了牛肉及雞肉，仲有豬肉但我都分唔清，只知肉味濃 好味道老公另外叫刺身，新鮮美味。老公話帶子好鮮，鮮味十足。榴槤波波炸物，熱🔥，味道好濃，十分滋味如果六點鐘前可以叫埋串燒就正啦，可惜疫情未能食到，留返下次再試

元朗有間抵食拉面、串燒、刺身、小食店😝總之咩都有啦，價錢唔貴，種類豐富，整體感覺都好好，性價比高❁ 刺身三文魚勁抵食，肉身厚，近魚腩位置，十分肥美。油甘魚肉質厚實，好大片，鮮甜無味。價位超值，三文魚 $24/3片，抵食到一個點🙂帶子甜蝦中規中矩，新鮮。❁ 炸蝦拉麵炸蝦大大隻，唔會太多炸粉，配上熱辣辣拉面，正。50幾蚊仲有野飲，好抵食😊❁ 吉列魚柳沙律魚柳大隻，外脆內軟，下午茶一流😝😝😝絕對可以再黎!!!!

每次落元朗買野，都見呢間食店好多人排隊，今日同屋企人買完賀年禮盒，就入去食番個tea先得😝餐牌有好多種類，又好抵食，係咁二點左幾樣一齊食😋👇🏻油甘魚刺身:整到成朵玫瑰花一樣，好睇又好味，大大件炸魷魚鬚: 送啤酒就一流😋好酥脆😋不單點左小食，仲點埋拉麵👇🏻芝士地獄海鮮拉麵: 轉左豬骨湯底，香濃又好足料，拉麵好煙韌自家制叉燒拉麵: 叉燒肥瘦適中，鮮甜又軟嫩忌亷碎朱古力咖啡沙冰: 好香濃咖啡味，唔太甜，無咁膩👍🏻朱古力棉花糖芝士奶蓋: 我特別鍾意呢杯飲品，甜度岩岩好，芝士奶蓋好滑🤤🤤

為於元朗又新街嘅呢間日本食店。喺好遠就見到佢好大嘅招牌。見下午繁忙時間後唔洗等位，就決定去試吓先！食物選擇都有好多款！首先叫咗三文魚刺身(三切)同埋鮮帶子刺身(四切)，兩款刺身食落都係非常新鮮，無任何腥味，而且非常鮮甜。餐廳仲俾咗塊檸檬嚟俾我地加檸檬汁，清新嘅味道令刺身味道更上一層樓。自家制豬軟骨拉面，份量頗大，亦都非常足料。非常喜歡佢加咗麻油提香。入面有半隻溏心蛋，好味！豬軟骨非常入味，炆得非常軟腍，有入口即融嘅口感。小食拼盤3，三種不同嘅炸物，即刻炸起，款款都非常香脆。甜薯香芋丸。外脆內軟，包裹住濃郁香味嘅香芋泥。香脆蝦角，每隻都塞滿鮮蝦！會爆漿嘅北海道濃芝士薯餅，芝士味非常濃郁！不得不說一定係呢杯忌廉紅豆奶茶，大大杯，上面擠咗滿滿嘅忌廉，下面有好多紅豆增加口感。茶味頗突出，而且唔算太甜，好飲！整體而言，份量大，價錢實惠，味道又好，CP值燒登啊！

元朗近年新開了各種特色食肆，今天和朋友來到又新街的「野川拉麵」嚐嚐日式拉麵。餐廳很富特色，除了懷舊霓虹燈之外，還有真人大小的IRONMAN 模型。店名叫做「野川拉麵」，當然要嚐招牌菜啦！拉麵還附送沙律和熱飲，相當實惠。“自家製叉燒拉麵”，叉燒有咬口，肉質彈牙，調味相當好，配上濃味豬骨湯底，更加錦上添花。沙律也不錯，生菜爽口，芝麻醬汁好味。“吉列豬扒拉麵”，吉列豬扒新鮮炸好，特別香脆，真是必食之選。“脆脆沙爹牛肉包”，牛肉很多，味道不錯，配上薯仔沙律，有多重口感，令人非常滿足。“小食拼盤”，五種炸物，包括：脆米流心芝士波、榴槤炸彈、芝麻雞翼、吉列魚手指和即炸蝦片。其中我最欣賞“魚手指”，魚肉新鮮，入口甘香酥脆，非常可口。“自選雪糕”，兩球，有多種味道選擇，我選了綠茶味和朱古力味，奶味濃郁，口感不錯。加配“紅豆奶茶”，香滑奶茶配紅豆和忌廉，三重口感。“熱蜂蜜生薑茶”，夠薑，暖胃。這裏的食物有水準，價錢又實惠，款式又多，期待下次來嚐晚市的串燒和刺身。

野川拉麵是經常光顧的餐廳，只因它很切合小妹這種夜鬼半夜找東西吃的需要。加上價錢公道，份量充足，味道也很好，沒有不光顧的理由。點了客三文魚腩刺身$72 (5片)，魚腩新鮮肥美，白色的脂肪層，目測也相當美味。另外點了幾款壽司，全部有折扣優惠，油甘魚壽司 2件 $16，赤貝壽司 2件 $14，鮮帶子壽司2件 $14，三文魚籽壽司2件 $24，超值抵食！👍👍👍炸物選了吉列蠔4隻分享價 $32， 是即炸生蠔，外層熱烘烘，裏面蠔香四溢，加上除掉蠔身的貝柱，份外貼心！💞💞串燒豬頸 $26，豬頸肉肥瘦均勻，加上外層惹味黑胡椒，好好味。甲羅燒伴燒鱈魚王 $88，鱈魚代替一貫慣用的餅乾或麵包，屬有心思有創意！牛肉壽喜燒 $98，這個是小妹至愛，幾乎每次都會點的，有啖熱湯暖一暖胃，超暖心！牛肉肥瘦分明，加上豐富的菜蔬，均衡飲食 👍👍👍👍。香辣牛油錫紙金菇 $29,平日的金菇都是乾身的，今天湯上的，透著淡淡的牛油味，味道亦算得上很不錯。藍莓活乳酸奶蓋 $58，珍寶級的份量，二人一起也喝不完。藍妹味道濃郁清新，配合酸奶獨特質感，合拍配搭！不得不提，讚社交平台專頁有優惠，小妹當然不會錯過，特價品的都相當抵食，又省