野川拉麵の深燒食堂

营业中

休息中

今日同女朋友去左元朗大棠睇紅葉，返到元朗大街都六點幾。 係元朗人生路不熟 ，打開openrice 見到咁多like，決定一試。 因為時候尚早，入去就有位坐，侍應服務態度十分好。而且餐廳氛圍令人放鬆，食指大動。叫左一個汁燒牛肉烏冬，燒牛舌，燒扇貝，燒茄子，燒五花腩；第二輪叫左一個芝士辣煮活蜆，椒鹽雞軟骨同芝士炸年糕。烏冬係煮得好有咬口 唔係一般一咬就散個種， 配上桌上準備的炸蔥炸蒜，好夾好香👍燒物全部都係食肉同茄子的原味鮮味，外脆內軟，黑胡椒粉，鹽同肉味配合得天衣無縫👍👍煮活蜆係一絕 六十幾蚊 一個gas 爐 望住肥美的蜆煮到開口 已經令人非常興奮。蜆肉配埋湯汁食 簡直係令人回味無窮呀飲品叫左一個信洲蘋果梳打 同一個忌廉紅豆奶茶 味道 外貌都令人十分滿意最後埋單都係五百幾蚊 真係抵食夾大件 無得彈👍👍為呢一個元朗之行劃上一個完美句號👍👍👍

Payment明明係open rice顯示有visa, master等，但經向女侍應查詢話靜係得八達通同現金，我心諗都唔緊要，可能部機壞左，咁我就用八達通比啦.之後女侍應㩒錯左銀碼，扣錯左八達通錢，結果要分兩次付款，然後女侍應態度非常不屑咁「接」左聲，成件事好似係我地做錯野咁。無端端受左女侍應既氣，銀碼明明係女侍應到㩒錯，點解要作為消費者嘅我受氣？更何況我係被麻煩到老實講鋪頭嘅食物同門面衛生水平係幾好嘅, 確實係宵夜好地方.但侍應嘅態度真係一般, 如果可以改善到服務態度就更好.

行經呢間店見到好大間，又好多嘢食選擇，就入咗去試吓。拉麵有好多選擇，於是嗌咗叫自家製叉燒拉麵 （$70）另加$8 要芝士辣湯底。再加$5要罐可樂。👉芝士辣湯底，好正，辣辣哋好惹味😋😋我飲咗好多啖湯。👉拉麵，軟硬度適中。有半隻蛋4塊薄叉燒。叉燒係瘦啲，味道都ok嘅，仲有啲雲耳絲。細食嘅人就剛剛好。總結：芝士辣湯令到碗麵嘅味道昇華咗。不過叉燒薄身咗少少，如果厚返啲及肥瘦適中就更好。好味指數：7/10分抵食指數：6/10分

野川拉麵の深燒食堂🥳📍地址: 元朗又新街40-48號榮豐大廈地下B號舖==============今次揀咗呢間日式餐廳，飲吓嘢，食吓小食！依家like 佢社交平台仲可以優惠價食到好多小食，所以我地叫左勁多野🤣 三文魚刺生（8片）$88新鮮厚切，非常肥美！性價比好高呀❤️吉列蠔(4隻）（分享價 $32)蠔唔算大粒，勝在熱辣辣炸起，點埋沙律醬就是好味☺️香脆蝦角 8隻 $48正常發揮😝爆醬芝士腸(分享價 $11)入面d 芝士都幾多！燒得幾香蜜汁燒牛丸(分享價 $11)出面ge 蜜汁令到佢燒得有d 香脆，唔錯！穀飼牛仔骨（分享價$28)有3片，醃得好入味，而且無咩筋！軟殼蟹手卷 2本 $52即叫即整，軟殼蟹又脆又好味！鮑魚1隻(分享價 $21)肉質彈牙好味香蒜大茄燒 $38平時出面d 大茄燒得呢度一半份量，呢度平得黎仲要好食！仲有得揀辣同唔辣❤️最後仲叫埋壽司食，性價比勁高：鰻魚壽司2件（分享價 $16)赤蝦壽司 2件(分享價 $9)鮮帶子壽司 2件(分享價 $14)最尾想表揚下店長對客人勁有禮貌❤️服務殷勤！

泊左車係餐廳門口，選擇了一個方便睇車的座位，透過玻璃可以監視以免抄牌。餐廳有個大屏幕，適逢世界杯，可以邊食邊睇波呢。天氣凍凍地先叫碗極上和牛贊岐手打鳥冬醫下肚先，濃豬骨湯底帶出整碗烏冬特色，和牛經過燒灸份外香口。跟住一連串的串燒，有燒九菜、香蒜燒茄子、燒黑豚肉五花腩、燒豬頸串。味道都不錯，豬頸肉爽口有嚼勁、燒熟的九菜仍保持原汁。五花腩吾算太韌口。吃完串燒，呢個時候飲一嘆蜂蜜生薑茶，中和口腔的咸味，再飲又覺多麼甜絲絲，又飲又有少少生薑的辣味，甚是有趣。朋友跟我一樣，揀左飲熱飲，可能大家都因為天氣凍，而且室內冷氣也頗凍，手執一杯熱飲，帶來溫暖。炸物方面有芝麻雞翼，估唔到係雞全翼，炸至金黃香口，另外一份吉列蠔，有4隻，雪藏蠔不能要求太高，對得起分享價。壽司方面也叫了幾份，有油甘魚壽司、鰻魚壽司、和赤貝壽司，質素不過不失，自帶酸薑，可以消滯解渴，清洗味蕾呢。門口有座位乙張，當晚見到有兩枱客都係攜犬出席，坐出面就再好不過了。

再訪高CP值日式食堂💫 多款式 份量多 價錢超親民.🔸三文魚刺身(8片) $88🔸鮮帶子刺身(6片) $42🔸油甘魚刺身(4片) $68刺身件件厚切 新鮮 油脂足 肥嘟嘟今次冇叫刺身拼盤 但都夠擺盤精美 唔馬虎!.🔸軟殼蟹手卷2本 $52差唔多有原隻軟殼蟹 即叫即做 夠脆身 唔會油膩青瓜絲和沙律醬份量恰到好處.🔸牛肉壽喜燒 $98每次黎都要食 本人十分喜歡壽喜燒呢間更加係份量又多又好食肥牛 菜 菇類 加埋粗粉 超吸湯😋仲有生雞蛋配備. 🔸M5澳洲和牛(分享價) $84初初以為係一串串 點知佢係原塊上切到一件件 中間呈粉紅色好JUICY 🫶🏻抵食.🔸甲羅燒伴燒鱈魚干 $88蟹膏加上沙律醬再火炙 伴燒鱈魚干好特別 鱈魚干就好似細個食既零食咁 脆脆的沾上甲羅燒又另一種口感🤤.📍野川拉麵の深燒食堂 📌元朗又新街40-48號榮豐大廈地下B號舖

元朗又新街出名多野食，但野川拉麵咁耐都未試過，見到門口有張廣告牌，Like 社交平台6點後有半價優惠，又試下先。6點去到唔係好多客，可以即刻入座唔洗等位。平時冇得卜位，大家食就要早D去攞位，唔係有排等有特價野食都好多選擇，刺身、壽司、小食、燒物、爐端燒同野飲都可以揀，價錢平好多。我地最後揀咗廣島吉列炸蠔、油甘魚壽司、赤蝦壽司、鮮帶子壽司、三文魚子壽司、爐端燒大頭蝦、爐端燒鮮活鮑魚。再額外加咗厚燒牛舌串、三文魚腩刺身、牛肉壽喜燒、蘋果梳打同山梨縣梳打。🌟日本信州蘋果梳打 同 日本山梨縣梳打 兩杯嘢飲一上枱，就要即刻影相，因為佢地係反轉用酒杯上，最啱打卡！兩杯甜度啱啱好，D冰又唔會溶晒令到飲梳打變淡。🌟三文魚腩刺身: 厚薄度適中，新鮮甜美，食完仲有陣香味留喺口入面，正！🌟牛肉壽喜燒: 天氣凍凍地，有個GAS爐煮壽喜燒，食起上嚟都暖Ｄ🌟爐端燒大頭蝦、爐端燒鮮活鮑魚：兩種海鮮燒得火喉啱啱好，唔會過老，食材又新鮮🌟厚燒牛舌串：即場燒，熱辣辣，上面灑咗Ｄ鹽，更加惹味🌟壽司：細細件，最啱女仔細細嘅嘴，可以一試全部嘢食份量啱啱好，好夠飽都係每人2百幾蚊，食日本野嚟講都抵食！✔️✔️✔️👍

環境：有室內同室外位置🤭室內係居酒屋風格，室外可以呼吸新鮮空氣.特點：//椒鹽雞軟骨、燒鱈魚乾、流心芝士蝦丸//熱辣辣香口惹味，三樣都送酒一流.//壽司（油甘魚、赤貝壽司、鮮帶子壽司、三文魚籽壽司）//有5折,，超抵食！推薦三文魚籽壽司，享受魚籽粒粒爆開感覺.//牛肉壽喜燒//牛肉片大塊肥瘦均勻，份量幾多🤤.//海鮮雜錦拉麵//蕃茄湯底濃郁，酸酸甜甜.//爐端燒（蜜汁墨魚丸、鮑魚）//蜜汁墨魚丸甜甜的，大人小朋友都愛，而鮑魚魚彈牙

下午茶時間，餓餓地係附近搵左間餐廳醫肚，所以叫得比較多野食🤪🧡照燒雞扒烏冬🍲$69本身跟餐係拉麵，另加$5要咗烏冬，口感好滑溜，塊雞扒燒得好香😍個邊脆卜卜，醃得幾入味，豬骨湯底加咗麻油特別香🧡自家制叉燒拉麵🍜$70 自家制叉燒唔算太肥，都幾嫩，配輝同烏冬一樣有全隻溏心蛋、粟米、木耳絲，拉麵爽口彈牙，不錯🧡粗粒牛角漢堡 🥐$98呢個係見到隔籬枱叫，所以跟機🤣牛角包烘烤到金黃香脆，夾住嘅漢堡扒好厚肉，用豬肉同牛肉製成，加埋芝士係上面極邪惡😈仲跟薯條、沙律同特飲，食完好飽肚🤣🧡小食拼盤🍘$98拼盤都有幾款，我揀咗呢款有脆米流心芝士波、榴槤炸彈、芝麻雞翼、吉列魚手指同即炸蝦片，每樣都有幾件，香脆可口，流心芝士爆晒漿🧡芝士奶蓋紫薯紅豆冰🫘跟餐牛角漢堡餐包$38內嘅特飲，紫薯味濃郁奶滑，有淡淡芝士味🧡綠茶雪糕配綠茶紅豆冰🍵$28 $28嚟講有呢個質素真係好抵，抹茶味都幾重，雪糕超大球，同食甜品冇分別🤤夜晚呢度仲會供應串燒，可以嗌返杯啤酒，食下小食，有少少行居酒屋嘅路線🍻

三個都叫左芝士辣湯底，其實係血池地獄湯底再加塊芝士。湯底夠辣，夠濃，唔會辣到你食唔到。每碗都配有粟米、京蔥、木耳、糖心蛋 、紫菜、筍。仲有其他湯底:蕃茄湯底/濃豚骨湯底豬骨湯底/芝士湯底/極上牛肉拉麵 $76一見到啲牛嘅感覺係……打邊爐嘅肥牛🤔牛肉冇乜牛味！！！汁燒極上和牛拉麵 $86肉質係嫩嘅 ，但冇乜汁燒嘅感覺，以和牛嚟講，牛味唔重。自家制豬軟骨拉麵 $80應該係三碗入面最好食嘅一碗，佢冇將啲軟骨整到好似膠質咁腍，但又唔會太硬，啱啱好。

厚燒牛舌串好有嚼勁脆脆鰻魚串帶少少骨但肉質彈牙，而且鰻魚肉好肥美芝士燒扇貝芝士非常香濃，比較「結」身，將成粒扇貝肉包滿香蒜牛油錫紙金菇夠晒香辣，用芝士扇貝剩低嘅芝士醬沾黎食，簡直係perfect match！大頭蝦肉厚，蝦味香溢四射鮮活鮑魚面頭用鹽醃過 ，咬落會有層薄脆咁，都幾特別泰式鳳爪麻油味好香，而且鳳爪好爽口牛油蒜蓉焗蜆辣味幾突出，蜆肉本身好鮮甜香蒜大茄燒茄子本身望落去薄薄地咁，點知一夾起係厚厚嘅茄子肉，好好味Hoegaarden草莓味店家即場壓碎草莓果肉舖喺杯底先再加啤酒，食到果莓粒粒，好新鮮嘅飲法牛肉壽喜燒雞蛋味好濃郁，豆腐非常滑溜，牛肉味濃，菜同埋菇都入味，粉絲彈牙得黎又唔會死甜P.S. 老闆份人勁nice，仲會準備糖果比店內小朋友氹佢地開心，另外喺社交平台留言仲有某啲食品半價🤩

元朗擁有大量餐廳，今次放假到了那邊找餐廳。野川拉麵の深燒食堂環境唔錯，仲有室外位置 。日本居酒屋設計，充滿和諧氣氛。食物種類都好多，壽司，串燒，炸物同拉麵等。點咗幾款壽司，赤蝦色澤艷麗口感鮮嫩，鰻魚啖啖肉又香甜，玉子濕潤鬆軟。汁燒極上和牛拉麵，和牛質感富彈性，口感較滑，更有洋蔥絲、白芝麻、木耳和粟米作配料，湯底帶微咸味，拉麵吸收湯底味道爽口彈牙。燒鱈魚乾烤一烤之後脆脆地，沾沙律醬更好味。榖飼牛仔骨，肉質與脂肪比例均勻，口感豐富，牛味十足。大頭蝦爆膏，即叫即燒，肉質緊緻，新鮮美味。香蒜牛油錫紙娃娃菜，不油不膩，，放上香蒜，味道很鮮美。日式芝士年糕，流心芝士濃郁，口感煙韌，外層鬆脆。芝士奶蓋忌廉綠茶紅豆冰，綠茶味香濃帶忌廉香甜，加上滿滿紅豆，口感滑漏。3.6牛乳雪糕紫薯紅豆冰，賣相吸引，雪糕軟滑，紫薯味道突出，奶味不會蓋過紫薯味。

🔹️野川拉麵の深燒食堂🔹️ 同朋友睇完電影［過時過節］，覺得要撞杯🍻放鬆下，係網上搜尋見到附近有間居酒屋有室內外位置，主打串燒，海鮮類既選擇都多，仲有大大杯啤酒及打卡飲品，好吸引 到店，發現社交平台分享專頁加留言就有低至半價優惠，無論係啤酒飲品，刺身壽司，還是燒物炸物指定款式都有優惠，真係選擇多又底食呀，喜歡食刺身既你地必定要試刺身盛合👍😊  🥢香蒜大茄燒 ($38) 🥢香辣牛油錫紙金菇 ($38)本身牛油煮已係係最受歡迎既選項，但我同朋友把金菇放入芝士扇貝內食，更好食 🥢厚燒牛舌 ($34)🥢泰式鳳爪 ($48) 🥢牛肉壽喜燒 ($98)壽喜爐既湯底真係要食之前嚐一啖湯真係估唔到有咁大份，蔬果都好鮮甜，牛肉鮮嫩 🐡海鮮類🥢燒芝士扇貝 ($28)*2 ❗️❗️推薦❗️❗️滿滿濃郁既芝士醬料誰可抵擋 🥢脆脆鰻魚串 ($42)燒到皮脆焦香 🥢大頭蝦 ($14)*2大頭蝦好多蝦膏，真係唔可以放過 🥢鮮活鮑魚 ($21)*2鮑魚有界花，令燒煮時更易入味，肉質新鮮彈牙 🥢牛油蒜蓉焗蜆 ($38) ❗️❗️推薦❗️❗️以為會hea我既焗蜆，估唔到蜆肉大大粒，無沙又彈牙 🍺Asahi (330ml) ($28)🍺Hoe

入到嚟元朗，秋涼這天氣，店外很多人坐街，又是一種氣氛⋯⋯和嘉嘉決定都係涼冷氣，入到來酒吧格局，相信晚上會熱鬧非常。到達時間已過230，決定點一個下午茶餐和一個拉麵餐些牙一下⋯⋯照燒雞扒拉麵$64~話明推介，首次到來咪試吓囉⋯⋯由於招牌拉麵係芝士地獄湯底，嘉嘉又想試吓，但筆者又是怕辣之人，店員很好，主動建議替我們辣味分開上，這點一讚。雞扒脆皮帶點點甜，和湯底又幾夾。脆脆豬扒包配沙律$46.~豬扒未見鬆軟，但又不是乾身嗰隻，質感有點老身，較為遜色。忌廉紅豆奶茶~餐另加$18 可配，冲茶店員將那朱古力醬弄得富有藝術感，嘉嘉話幾好味喎！奶蓋紅豆綠茶~筆者覺得，紅豆抹茶配芝士奶蓋原來係唔夾的，提升咗那草青味，還帶點腥味，筆者一向是綠茶控，但這個配搭，令綠茶味道下降。套餐選擇夠靈活，還可以追加多種美食，難怪吸引外來附近的街坊。

入到元朗除咗要食香蕉仔泰國煎餅，都要揾間餐廳醫醫肚😋呢一間居酒屋食物好多元化，價錢又唔貴，同娘娘個晚就入去試下。💂🏻‍♀️《吉列炸蝦讚岐手打烏冬 》$76嗌咗濃豚骨湯底，配讚岐手打烏冬！食烏冬一定要食讚岐，夠彈牙同湯底又夾👍🏻配埋吉列炸蝦🍤好正！炸得好香脆，唔會有油益味，仲好新鮮。評分: 80/100💂🏻‍♀️《壽喜燒》$98壽喜燒最吸引嘅喺個湯底，甜甜地配搭牛肉🥩同蔬菜🥬都咁好味🤤 成個鍋鋪滿晒牛肉，仲有娃娃菜、金菇、冬菇等，仲有隻日本蛋。最驚喜嘅係有啲粉絲係底。食落易入口又好暖胃。評分: 80/100💂🏻‍♀️《香蒜大茄燒》$29燒得好軟身，啲蒜蓉多到好似唔洗錢咁舖哂係茄子的上面，辣辣地，調味料都足夠👍🏻評分: 85/100💂🏻‍♀️《燒扇貝》$22一隻分別嗌咗一個蒜蓉辣味同芝士味燒扇貝，一上碟就聞到好香濃郁的蒜香味，扇貝焗完都唔會話好韌。食咗一啖蒜蓉，配合埋扇貝汁嘅精華，真係好惹味，食唔停口。芝士味就比較濃郁，如果係芝士迷嘅話應該會好鍾意。評分: 85/100💂🏻‍♀️《自家製芝麻雞翼》$38兵仔好鍾意食啲炸野小食，芝麻雞翼都唔使我講就係炸到好juicy，唔會好似平時放題咁炸定！一咬啖雞翼