重慶酸辣粉 (已結業)

第一次新開冇幾耐..見佢冇咩人,我地兩個人就入去試下啦~入到去坐抵...枱上面見到有紙有筆...就知要自己圈野..好少餸揀.....圈完之後比佢,佢就話: 唔好意思呀...暫時冇薯粉啊,米線好唔好? 如果要薯粉要等10分左右. 咁好啦..又唔趕時間..等下la... 10分鐘後野食到....碗野好大碗...叫左芽菜,豬腸,雞翼...芽菜十條都冇仲要係生ge..未煮過咁就叫一個"食送" @.@ 唔夠辣~! d著粉煮得太耐了,太軟身~總括: 第一次ok第二次去到都幾多人...多左2-3個伙計照舊圈野...2碗薯粉+2杯椰汁,見到個染金毛的小朋友行行企企有係到按電話,就叫佢幫我落單.等左一陣好快有野食...點知佢放低左2碗米線,之後就問佢點解係米線,佢就問廚房,廚房就話冇晒薯粉呀~ 我即刻話..咁都得呀~唔駛同客講ga?! 食米線過隔離"景冧"食好過啦,駛鬼係到食呀~!都黎左咪食lor..食到一半頂唔順,食淨大半碗......之後好多人入黎食野...d人又係圈晒野,不過叫完之後又係乜都冇...得番d丸 &雞翼 &香腸果d~!我聽到d人講左我心聲:"咩都冇,一定唔會再黎"咁樣做生意真係搵鬼食

唔打唔撞咁試左呢間野 .. 不過第一次既印象就唔係幾好 .. 因為..我地要咩冇咩 .. (個陣先晚上7點only)要豬手冇豬手 ..要白肉冇白肉 ..要涼伴粉皮冇粉皮 ..搞到唔知食乜好 ..下次要問清楚有冇先入去食我地兩個人淨係叫左1碗豬腸酸辣粉中辣 ..只可以講佢既中辣只係出面既少少辣.中2食辣既應該滿足唔到你 ..希望有改善啦 ..