里的茶 (已結業)

近排開左好多間茶飲店見佢做緊第二杯半價 就去試試啦應該都係Mee... Lemongrass係門口分開做外賣唔係好顯眼款式選擇都算多 泰式飲品 價錢少少🤏貴 $28～$37杯諗住穩陣啲都係叫左杯伯爵珍珠奶茶（$25）試吓先去既時候 冇乜人落單 到拎得 幾分鐘就得處理得有啲求其 連糖水都舀左好多不過包裝唔錯 冇痴笠笠既感覺飲個陣有少少怪怪地明明凍飲 杯底都仲係熱既😅搞勻 味道還可以 茶味略淡本來試過就算點知飲完口中都仲有啲伯爵茶味或者可以再幫襯 再試下少甜會唔會好啲。

兩杯都好飲，另二杯半價，夾埋都係$50，好抵唔同材料之間嘅味都好夾芝士奶蓋都夠濃味，份量都足，飲到落底都仲有啲奶蓋可以撈吓草莓芝芝冰茶：有啲碎冰仔可以𡁻吓咁叫咗少甜，都係偏甜嘅，不過還好個士多啤梨底有少少似果jam味，但我覺得係好飲嘅只係唔知會唔會有人覺得個味有啲假而唔鍾意火炙芝士黑糖仙草鮮奶：食得出火炙芝士個味係同普通芝士有啲分別嘅個鮮奶味都唔會淡到好似奶水咁，亦都冇比其他材料嘅味道蓋過整體都有少少驚喜

今日路過見到呢間野外賣野飲買一送一，見平平地同朋友share，一杯圍番都係10拎蚊係幾抵既🤔但真心個句，兩杯都好難飲！！！我真係未試過飲一杯野可咁大反應話難飲！🤮🤮🤮叫左杯芝士四季春3分糖同埋芝士茉莉綠茶正常，綠茶個杯完全冇甜味！個芝士完全冇內涵同埋過咸，四季春係茶味同芝士味都冇，真係非常之難飲🤮🤮🤮🤮🤮個店沖完拎兩杯野飲出黎仲要唔識分邊杯打邊杯，老老實實憑自己飲過野都分到兩杯野既顏色，自己沖完都分唔到真係唔知知腦去左邊到🤷🏻‍♂️（利伸個陣冇客）

今日嚟到上水搵食 , 行過見到一間新開嘅茶品舖 ! 🧐🧐重點係新張期間全部外賣飲品買一送一 !!! 😲😲 買一杯都有減 $8 蚊嘅優惠 !茶品有好多選擇 , 包括鮮果芝芝冰茶 , 鮮果茶 , 海鹽芝士奶蓋茶品 , 黑糖鮮奶 , 十勝紅豆茶品 買一送一優惠可以揀唔同款 , 價格較低嘅一杯係免費 我哋就揀咗 "富士蘋果芝芝冰茶" 同埋 "鮮果四季春" , $37 就有兩杯茶品都幾抵 !鮮果四季春茶 (少冰少甜) ($34) 四季春茶底正常 , 略欠水果味 , 有好多水果 , 有西柚 , 橙 , 士多啤梨 , 蘋果 富士蘋果芝芝冰茶 (少冰少甜) ($37) 一飲個芝士奶蓋 , 中伏 !! 😩😩 好多一粒粒 , 口感好差 個芝芝都算係我飲過最差嘅芝士奶蓋 , 芝士味唔夠香濃 好彩個蘋果冰茶唔錯 , 好有蘋果香同甜味 , 仲有啲搞碎咗嘅蘋果皮 , 口感唔錯 !整體嚟講不過不失 , 大家快啲趁佢有新張優惠去試下啦 !