醋頭家 (已結業)

來醋頭家不吃醋，今天想試奶茶！奶茶只有一款，就是高山紅茶底。用上十字牌鮮奶。外賣20分鐘後回到家仍然明顯看到美麗的分層效果！其實茶味一般不算太突出。珍珠比例是很好的不過口感和味道都是一般。然而，老闆全程制作都有心機，又有介紹下次試佢大力推薦的醋！

食飽飽路過呢間飲醋嘅地方，俾佢個充滿顏色🌈嘅叔叔🧔🏻Logo吸引左，飲醋令我諗起大陸嘅天地一號，我突然醋意大發，決定試一試!第一次飲醋嘅我真係無咩概念🤔，選擇真係太多，姐姐👩🏻推薦下今次揀左「青梅吃酵醋」，仲可以揀3款果肉，我就揀左蘋果🍎，奇異果🥝同火龍果🔥🐲。•醋的味道加上青梅，有一點酸酸的，正好為剛吃飽的我減一減那種很膩的感覺👍👍，甜甜的果肉🍎🥝配上酸酸的醋和酸青梅，味道剛好得到平衡，消滯的好選擇😋😋。•元朗台式奶茶舖眾多，雖然醋頭家也是來自台灣，但喝醋概念係香港🇭🇰少之又少，就是有種一枝獨秀的感覺。

夜晚去元朗掃街邊小食時經過醋頭家依間店，見有啲口渴就試一杯蘋果酵醋。果醋比我想像中好喝！入口清甜，一開始喝嘅味道似蘋果汁，但係落喉嚨先會感覺到醋本身嘅甘同酸。 好清爽嘅口感～喝完之後，果醋都清除口腔裡面嘅油膩。店長店員服務都好好，為街坊提供試飲同介紹不同新口味。原來有茶底同冇茶底有不同清新感。下次再到元朗會試杯有茶底的果醋。推薦大家入元朗掃街邊小食可以買一杯醋頭家的果醋～感覺可以幫助消化又能清除油膩的好法寶～

元朗呢間醋頭家係我最愛既飲品店之一，裝潢設計好簡潔俐落，唔同節日仲會有不一樣既裝飾～仲有個角落係可以比你影相，相機📷食先～呢度專賣醋，我大愛醋類飲品，每款都心思思想試。今次簡左蜜桃酵醋鮮茶（青茶）$28 另加黑糖珍珠$3蜜桃🍑味不大重，但醋酸味好正，加左鮮茶令到醋既味道淡左，多左清新既味道，但我都係中意醋味多的～黑糖珍珠就無乜黑糖味，可能怕搶左醋既味道！但珍珠分量夠多，又好咬，增加左成杯飲料既口感！要留意！呢度既大杯，若果要走冰，會變成中杯架！

男朋友最喜歡吃的醋🔸蘋果吃酵醋 $32我：飲咩好呢？呢個定個個？（掙扎中）男友：飲返珍珠乜乜囉～我：唔得！人地賣醋飲咩珍珠！結果千辛萬苦揀咗，蘋果醋+水果粒粒，我個杯係芒果同百香果，例牌要少甜。第一啖飲落覺得有酸，不過飲多幾啖就想chur住飲，水果粒粒又足料，芒果好甜，成個感覺好清爽！連男友都大讚！！不過佢發現咗要32蚊就話唔抵飲了，我就覺得ok啦，間唔中飲下都好，感覺好過飲咁多奶茶～～重點又來了，唔使排隊呀嘛！快快趣買完拎住一路行街一路飲啦😂

《醋頭家》 #食在元朗 #飲品系列📍元朗建業街51號地舖-🔹黑糖波霸鮮奶 $29 #黑糖珍珠系列醋就飲過幾次 今次試下間間都出嘅黑糖珍奶因為無得揀甜度 而且佢好大杯 真心好甜好甜我好小可會飲唔哂杯野 😢 我下次都係飲返醋啦已經甜到我評論唔到d珍珠同d奶🌚🍴4/10

友人這天帶我來呷醋 哈哈！個人本身挺喜愛酸酸甜甜的味道，所以就二話不說選了蜜桃味的酵醋(沒有加茶底)。 知道醋頭家選用的是天然釀造果醋加植物水果酵醋，是個非常健康的飲品呢。一喝下去蜜桃味很香甜，非常易入口，接著就是帶點微微的醋酸味，絕對不會太濃烈。加配的兩款自選水果:奇異果和蘋果切成了小顆粒，豐富了口感，而且帶來清新的感覺。飯後喝一杯酵醋真的能夠減卻飽滯油膩的感覺，清爽之餘又解渴，同時比起喝其他飲品少了一份罪惡感呢 哈哈！

做完facial，特登行過黎呷下醋，好彩今日有開！上次落雨特登黎到，竟然撞正無開，黑仔🤦🏻‍♀️呢間店主要係飲果醋，而醋既口味都有好幾款選擇。有蘋果，草莓，桃，蔓越莓。。。價錢唔算貴，都係$2x-3x，可以接受波霸愛吃醋$26我揀左桃味既醋。雖然話係醋，但仍然有好香既桃味，配搭上黎酸酸甜甜。珍珠幾有咬口，但個人覺得配珍珠好似有啲唔夾，可能配蒟蒻之類，個口感會match d如果成日飲珍奶覺得好肥既話，呢個係一個幾健康既選擇😬

喺元朗周圍行 好口渴 但又唔想飲珍珠奶茶哩啲咁滯嘅野見到附近有間飲醋嘅台式飲品 又幾得意喎 所以就去左試我叫左波霸也愛醋 (青梅) 23蚊一飲落去好重醋 而唔喺落左好多糖個啲醋咁叫左青梅令到個杯野飲酸啲 但好接受到佢酸得黎又唔令你個胃難受本來中午嘅時候食左好多野 滯住滯住飲完哩杯野 令我冇咁滯 舒服晒消滯一流但啲珍珠就有啲失準 咬到中間有啲粉粉地平時成日飲珍珠奶茶 想試下新野 哩個不妨喺一個好選擇!!

元朗除了出名多美食外現在也愈來愈多間飲品店讓你選擇！無論芋圓、芋頭、珍珠、芝士奶蓋還是黑糖都總有一款岩你口味 任你選擇 "醋頭家"遍布台灣台北、台南、高雄、新加坡5月尾已開始引入香港了飲料有別於一般店舖有別具特色的飲料:酵醋、優酪、雪貝(沙冰)、冒泡(氣泡)等價錢亦合理！太多間台式飲品店舖讓人留下印象深刻的當然少不了服務態度這間店的店員會詳細為客人介紹飲料的每位都很用心！服務超好的！飲品味道亦不錯！黑糖波霸鮮奶$26(M)$29(L)黑糖紋超靚！絕對是影相打卡呃like之選！香濃奶香混合黑糖味道調得剛剛好 甜度剛好珍珠據稱是用黑糖熬煮的所以甜甜的 不會淡而無味而且Q彈煙靭有咬口$29大大杯絕對合理！推介！蜜桃酵醋鮮茶$20(M)飲下去第一啖是清香濃烈的果醋酸味再慢慢帶有蜜桃的清甜落到喉嚨有烏龍茶回甘的味道層次感超豐富！超特別！強烈推介！價錢亦便宜！

喺附近食完餃子，一陣蒜味，無辦法唔買飲品，就決定再訪之前都試過嘅醋兒，希望解解蒜味。假日未算好多人，不過沖泡時間有點慢，所以都等左一陣。你知啦，因為見有人排，經過嘅人又會有啲興趣。台灣醋頭家主打果醋，取代肥仔水同咖啡，選擇巨多，分酵醋、鮮茶酵醋、果醋、原茶、黑糖系列、奶茶、果茶、乳酪、奶蓋等，分中/大杯 定價$14-33，可加紫蘇、酵醋、波霸、鮮果，一律$5。上次試左酵醋鮮茶飲覺得唔錯，但又好奇想試下其他產品蘋果吃酵醋 $30/L (芒果、草莓)果醋可選蘋果/青梅/蜜桃/蔓越莓/葡萄，再喺奇異果/草莓/蘋果/芒果/百香果/葡萄柚中選兩款鮮果配搭。水果切成好細粒，其實就冇乜口感；至於醋底揀蘋果，強調挑選天然釀造果醋加水果、植物酵醋製成，相對有茶底嘅醋酸會強烈啲。個人鐘意搭配茶底，味道較易入口，價錢又平啲。黑糖波霸鮮奶 $26/M一早已知呢杯唔會有黑糖掛杯，沖泡時先加珍珠，然後將黑糖、十字奶混合，飲落唔會有一陣黑糖香甜，好平均，奶亦都係正常野，螞蟻人就梗係嫌濃度唔夠高，情況就好似迷客夏嗰杯。珍珠約1/4，比較細粒，外面煙韌，不過珍珠芯有少少硬，所以相對比較推薦醋類

一班平時飲開果醋朋友，知道元朗開左間用醋做飮品，即刻走左去試下，果然好好飲，有小小酸酸一地好開胃👍👍👍有多種不同味道可供選擇。隨左醋飲品外，仲有呢款最新黑糖波霸鮮奶，黑糖味香濃，珍珠軟綿綿，好好飲！價錢合理，抵飲

見到openrice 同友人IG ，有新開台式飲品，所以就去試下啦第一次台式醋，試左算係招牌ge醋頭小紫蘇（蘋果及蔓越莓）我果杯係蔓越莓，一開頭覺得酸，之後又幾易入口唔錯，無咁肥好似無邪惡

上次去呢一間過江龍飲咗佢哋嘅招牌醋系列，身為一個奶蓋控，今次就試埋奶蓋茶先！唔試由至可，一試已經成為入my favourite list!🤪🤘🏻小編因為想食珍珠嘅關係，呢杯奶蓋茶係走咗甜嘅！珍珠食落帶微甜味，軟Q煙韌！😋（後尾發現黑糖珍珠鮮奶都係用呢隻珍珠！😦）奶蓋分量多，芝士味濃，只食奶蓋略為偏鹹，撈埋黎飲就啱啱好！🤤 飲咗呢間台茶兩次，兩次都覺呢間CP值係高嘅！尤其呢個奶蓋茶，我會再去飲！重點係唔洗排隊就飲到喇！😍

最近元朗開左間呷醋既飲品店，第一下唸到，係天地一號d friend 嗎？除左醋仲有果茶，奶茶之類既食品，我地當然試佢既主打啦。舖面係咁既，職員仲好有心機同我地介紹，同埋見佢整飲品個陣好用心，每杯都試飲過個味ok先囉比你飲（當然唔係直接飲啦）都好大杯下左：青梅酵醋$23右：蘋果酵醋$23蘋果酵醋有D普通，好似平時樽裝倒出黎溝水個D醋咁，但係好飲既而青梅酵醋都好好飲，同個醋好match唔會好酸，但又好開胃既感覺